كل وحده دش تقول لنا شنو شرت حق امها بعيد الام

[..، شهوده ..،]

السلام عليكم ورحمة الله وبركاته



بنات بصراحه انا محتاره شنو أشتري هديه حق أمي وأحس كل شيء جبته لهاا

كل وحده تدخل وتقول شنو شرت حق امهااا وبستفيد منكم



يعطيكم العافيه​

 

[اللمسة المخملية]

شوفي هالموضوع.. ان شاءالله يفيدج...

http://www.q8yat.net/showthread.php?t=329552

 

[math2020]

انا للحين ما شريت بس انشالله اشتري اقولكم

 

[نانا28]

بصرااحه ياشهوده انا كل شي تقريبا سويته حق امي الله يحفظهاانشالله (( فلوس عطوور ملابس حتى طقم حق الصاله يبتلها ومليت قلت ماكو غير( سبا تايم) اللي بمجمع بالمهلب فوق اعتقد 38 دينار مساج كامل وجاكوزي وحمام معطر وتدليك بالبابونج واشياء ماذكرها لاني سويتها من 5 اشهر تقريبا وبروحلهم انشالله عشان اخذ دعوه باسمها واهيا اتحدد الوقت اللي يناسبها


واتمنى اني اكون فدتج

 

[nona moda]

انا ماما مسافره فبسويلها مفاجأه بصبغ غرفتها واحطلها كفر يديد وستاره مع اشوية حركااات وفناتق لان امي اتحب الحركااات نفسي

وانشالله ببلش باجر بالشغل

 

[redfrawlah]

انا شريتلها دبة ذهب وانشا الله اكون افدتج

 

[redfrawlah]

سوري على الخطأ المطبعي دبلة ذهب ابيض

 

[اخت الغالي الغائب]

حنا مافي عندنا بالاسلام الا عيدين عيد الاضحى وعيد الفطر
وممكن تهدين امج باي وقت مو شرط بالاعياد

 

[ام الفهد712]

والله كل شي يبناااا وحترنا انا وخواتي شنييب

ففكرنا داام توه مسويه الصااااله وللحين ماشرت التي في فقررنا بناااخذلهااا تي في بلازماااااا لان اهي ناويه تشتريه فسبقناها

والحمدالله احنا بين فتره وفتره ناخذ حق امهاتنااااا بس هم تعودنا على هاليوم اللي اهو عيد الام

الله يخليلنااا امهاتنا يارب وطول بعمرهم ياااااااااااااااااااااااااااااااااااااااااااارب

 

[q8hadaya]

كل سنه اقول ايب لها شى يديد والمشكله مو لاقيه شى يديد فى بالى

 

[Athwaq]

انا شريت لها خاتم الماس من الاربش و بسوي صدقة جارية حق يدتي (ام امي) الله يرحمها وبعطيه لها افرحها فيه بعد عمري

 

[Q8 New Style]

شوفي موضوعي مسويه عروض على الجناط الي عندي بمناسبه عيد الأم يمكن يعجبج شي منهم

http://www.q8yat.net/showthread.php?t=329260

 

[غروري اني كويتيه]

والله انا حدي محتاره وبشوف انتو شنو تشترون وراح اقلدكم

 

[Saroon]

انا بما ان امهاتي وايد شريت حق كل وحدة شي

شريت حق امي نظارة شمسية رايبن تينن ولونها غريب

وشريت حق خالتي اخت امي جناط اللي يدتهم طوييلة اهيا تحب جذي خذيتلها 2 من دبنهامز

ويدتي ام امي بما انها توها متوفية الله يرحمها بطبع كتب باسمها ووزعهم

ويدتي ام ابوي خذيت لها دراعة وقطعة خام

وخالتي ام ريلي قطع خام من البلوكات تسويهم دراريع

وعشان ما نكسر بخاطر ابوووي حراام ويشوفنا نعطي امي وما نعطي خذيتله قطع خام دشداشة اهوا وعمي ابو زوجي نفس الهدية

وسلامتكم طبعا انا وزوجي تحاططنا ويبنا هالهدايا وشكرا

ويدتي ام ابوي شريتلها

 

[sweet life]

الهدايا الهدايا
بصراحة في بالي تناغرا شوارفسكي عندهم ميداليات حلوة متروسة فصوص واكو عندهم تراجي ايننون
شكلي باخذ حق خالتي ام ريلي الحبوبة وامي الغالية

 

[كلي امل بغد افضل]

قوه شهوده اشلونج انا والله توني امس شريت لها تلفون نقال الصراحه اهيا صارلها فتره ودها تغير تلفونها وكنت رايحه وياها ولا تشوف واحد وعجبها وكانت بتشتريه بس انا باللف والدوران خليتها تهون علشان ماتشتريه ورحت امس من ورها وشريته حقها

 

[المخلصه لزوجها]

امممممممم

 

[تتولي]

السلام انا شريت لها tv بلازما

 

[بدوره 22]

انا باخذ حق امي قسيمة شراء من محلات الاسطوره والحلو فيهم ان يوصلون هالقسيمه لي بيتج

عندهم قسايم ب 50 و100 و150 و250

هذا رقمهم

67007779

 

[فطــــــــامي]

انا انشالله باجر راح اروح اخذلها طقم اهي تبيه من هوم سلكشن