كل وحده تقول طريقتها في الطبخ لرمضان

[ريناس العسيري]

شخباركم بنات بما انه رمضان على الابواب حبيت انا نستفيد من بعض وكل وحده تقول
وشلون طر يقتها في عمل الشوربه والمكرونه بانوعها
وشكرا

 

[فوز السعودية]

تسلمي والله انا ما اعرف

بس ان شاء الله الاخوات يفيدونك انا بعد ابغى استفيد

 

[ريناس العسيري]

بنات صح النوم

 

[الفراااااشة]

موضوعج يجنن
انابسعوديه وما ادل وين المفرزنات
المهم
طريقتي الاساسيات:
شوربة فطر من ماجي تجنن وسهله
ومرقوق او تشريب او مكرونه او جريش او هريس
ومقبلات :
كبة بطاط او برغل
ورق عنب
سلطات منوعه مثل فتوش وتبوله سلطة جرجير
سمبوسه
وسبرنج رول
حلويات:
كريم كراميل
او جلي طبقات
او سلطة فواكه
او مهلبيه
او طبقات بسكوت
وبث
ونبي تجاربكم ومنكم نستفيد

 

[ريناس العسيري]

الله يعطيج العافيه

 

[جارة القمر]

مشكووووووووووووووووووره

أنا الطبق الرئيسي عند خالتي


انا أسوي السلطة والشوربة والمقاليات والصواني

 

[جمال الجمال]

هلاوالله
انا اسوي سلطات و انواع الحلا و اكلات الرئسي الوالده الله يخله الن ان شاء الله
انا مشتركه جديدة من السعوديه

 

[جمال الجمال]

مافي احد يرد على الترحيب من المملكة العريية السعودية

 

[q8moood]

ياهلاااااا ويامرحباااااااا .....
اسفرت وانورت واستهلت وامطرت ....
اصلا منتدانا نصه سعوديات منتم غريبات .... منا وفينا :friends:

 

[جمال الجمال]

تسلمين ياحياتي انا عندي ناس في الكويت

 

[تيرماسو]

فطوري حبوبه شوفي
-القيمات او صب القفشه او خنفروش

سمبوسه او فطاير او كبب

شوربة

بعد صلاة العشاء

الطبق الاساسي - لازم يكون عيش

ويكون بجانبه صواني دجاج بالفرن او معكرونه بالبشمل - جريش او هريس -

اوسندويشات فاهيتا - صينية قوارب الكوسا -
بطاط محشى خضار واجبان
طبعا لازم كريم كرمل - محلبيه - كستر - جلي - رز باللبن
اللبن - فيمتو - عصير قمر الدين
وهذا الي ايي على بالي حاليا حبوبه :bbbiu:​

 

[randomy]

احنا طريقتنا

طبعا الرياجيل سفرتهم بالدوانية وانا سفرتي بالصاله

لازم شوربة كويكر او عدس او ماجي شعرية
تشريبة
مجبوس دياي او لحم
سمبوسة وكبب
معكرونه او جريش او هريس
محلبية او كريم كراميل او جلي
لقيمات
مرات اسوي سلطة ومرات لا

 

[جمال الجمال]

مشكوره علي طرح انا شعرية و مكرونية

 

[بنت الاصيله]

حيا الله بناتنا السعوديات هذا منتداكم ومرحبا فيكم وانا شخصيا اعرف السعوديات فنانات بالطبخ

 

[شاربة بيبسي ومدلعة نفسي]

انا احب اسوي مرقوقه دياي بس احط معكرونه بوصدف بدال الخبز

 

[جمال الجمال]

انا اسوي مرقوقة عل خبز او عجين

 

[احساسي غريب]

اكيد شي اساسي الشوربه واللقيمات طبعا الشوربه تكون نوعين لأن الاهل في منهم يحبون شوربة العدس والنص الثاني يفضلون انواع ثانيه مرات شوربة خضار ومرات شوربة بروكلي ومرات شوربة شوفان

كبب طبعا يوميا بالذات لازم يكون على السفره كبب ومرات سبرنج رولز

اطباق رئيشيه اللي هي الشتريبه والعيش مجبوس لحم او مجبوس دجاج ومرات برياني

واكيد سلطات كل يوم نوع سلطة وطبعا المهلبيه والكريم كراميل والحلى بالليل

خواتي بس حبيت اذكركم قد ما تقدرون لا تسرفون بالاكل برمضان وتذكرو دايما ان فيه ناس محتاجه ومو حصله اللقمه واللي يزيد تصدقو فيه وده للمسجد او لحارس المدرسه اذا قريبه منكم مدرسه او عمال الفرع والخياط المهم اللي يزيد لا تكبونه بالزباله بهالشهر الفضيل ندور الأجر ونطلب المغفره من رب العالمين ما نبي نغضبه

 

[! بــدويه وآآيــد !]

،


انا عمري مادشيت المطبخ وهذا اول رمضان لي اعتمد فيه على نفسي لان صرت ربة منزل

بشتري من مره كبب وسمبوسه وسبرنغ رول

وقاعده اتعلم طبخات وان شاءالله خير وابيضها هههه

 

[ريناس العسيري]

انشاالله نستفيد من طريقتكم وشكرا لردودكم

 

[نورانيا]

هلا حبوبات
عندنا بالسعودية أهم شيء الشوربه هو الطبق الرئيسي
امي تسويها ..

أنا اجهز السلطات مثل اللتبولة ,فتوش , سلطة كزبرة , سلطة بطاطس وباذنجان وهذه اساسية
وكمان اجهز الصواني مثل اللازنيا . صينية الباشميل , صينية خضار مشكلة , صينية باذنجان بالباشميل

والسمبوسة دجاج وجبن
فطااااير مشكلة

واحيان مع الشوربة امي تسوي جريش , مرقوق , فته مع خبز

اهلي مايحبوا الحلو برمضان ولو اسوية مايبونه دايم
احيان اسوي سبنبون . دونات . قشطية
اي شيء مع الفطور الأول والقهوة ..

هذااا فطورنا برمضان من يوم 1 الى 30

فتكم بعااافية