كل وحده تقولنا شلون ترتب اغراضها وادواتها الفنيه

[سلاسل ذهبيه]

بنات خلونا نستفيد من خبرات بعض
في ترتيب الادوات والاغراض اللي نشتغل فيها
باعمال الفن والخياطه
انا ارتب اغراضي وبسرعه تنحاس
انا مااقصد الارفف والدواليب اللي نشيل فيها الادوات اللي مانحتاجها
قصدي لما تجين تشتغلين اكيد بطلعين الاغراض اللي تحتاجينها
وشلون طريقة ترتيبكم لها وهل تحطين كل نوع على حده
انامثلا اصنف كل نوع واحطه بروحه بس لما اشتغل تنخلط كل الانواع مع بعض
الكرستال واللولو هذا بعلب ماخذ منها الا اللي احتاجها المشكله بالشرائط تختلط ويصعب ترتيبهاوالورود واغراض ثانيه تضيع مع بعض
وهل فيه علب او صناديق خاصه تستخدمونها
انا استخدم صناديق الالعاب البلاستك بس تصير حوسه داخلها
ابي طريقه تسهل علي رؤيت كل الاصناف
وقبل لاانسى اذكركم اني بشرح طريقة عمل وردات الجوخ بالصور
اللي وعدت البنات فيها بس لما افضي حدي مشغوله هاليومين​

 

[noody a&a]

عن نفسي

ماعندي وايد حوسه

كله اشياء كبار

رايط وورود وعلب ومجسمات التزيين وكرستالاتي وهالسوالف كلها كبيره وازرار


الخرز وهذول شريت من دايسو علبة مقسمة من داخل وحاطه كل نوع بروح

الشرايط حاطتهم كلهم بعلبة كرتون كبير

والورود هم بعلب كبيره

والجياش والعلب الصغار حاطتهم بكرتون

كل أغراضي حاطتهم بعلب كان خوالي 2 وامي مشتركين بمركز دايت اييب الوجبات يمعت الكراتين وحلوين الكراتين لهم قضبة

فحاطه كل شغله بكرتون وصافتهم بالدار

هذا مبدأيا وبسويلي طاوله للشغل

 

[عانديهم]

كل اغراااضي ع طاوله ومقسمين واصلاا بدار بروح حق خرابيطي وبث

 

[سلاسل ذهبيه]

عن نفسي

ماعندي وايد حوسه

كله اشياء كبار

رايط وورود وعلب ومجسمات التزيين وكرستالاتي وهالسوالف كلها كبيره وازرار


الخرز وهذول شريت من دايسو علبة مقسمة من داخل وحاطه كل نوع بروح

الشرايط حاطتهم كلهم بعلبة كرتون كبير

والورود هم بعلب كبيره

والجياش والعلب الصغار حاطتهم بكرتون

كل أغراضي حاطتهم بعلب كان خوالي 2 وامي مشتركين بمركز دايت اييب الوجبات يمعت الكراتين وحلوين الكراتين لهم قضبة

فحاطه كل شغله بكرتون وصافتهم بالدار

هذا مبدأيا وبسويلي طاوله للشغل

ماشاءالله عليج مرتبه وحلوه فكرت الكراتين استفدتي منهم
يبيلي علب اصف فيهم الاغراض
ومشكوره على المشاركه

 

[سلاسل ذهبيه]

كل اغراااضي ع طاوله ومقسمين واصلاا بدار بروح حق خرابيطي وبث

مشكوره يالغلا
وباين عليج ان اغراضج شوي
مو نفس الارشيف اللي عندي..

 

[اترجة]

ههههههههههه يا ريت يفيدونج ويفيدوني انا شغلي وايد شرايط وكرستال وكلف وجوخ من زمان ودي افكار للترتيب بس ما ني قادرة من كثر اللوية والحوسة بالدار .

 

[اترجة]

وانا جايبة كم شغله إن شاء الله يفيدونج ويفيدوني واسوي نفسهم .
]













وهذا حامل بنفس الفكرة السابقة




ارفف للجوخ




صور لتخزين ونتظيم الادوات الفنية وغرف الاشغال اليدويه

 

[أغلى حبيبه]

خووووش افكااار

 

[سلاسل ذهبيه]

اترجه ماقصرتي على الصور بس وين نلقى مثل جذيه
اما فكرة الكرتون نقدر نسويها بكراتين الاحذيه

 

[اترجة]

اترجه ماقصرتي على الصور بس وين نلقى مثل جذيه
اما فكرة الكرتون نقدر نسويها بكراتين الاحذيه

والله اختي سلاسل مالنا حل غير نجار يفصلنا هذا هو الحل الوحيد تورينا الصور يسويلج نفسهم:ggdw: .

 

[noody a&a]

بنات ترا مايحتاج نجار ولا شي

أرفف من إيكيا

وصناديق

والعلب اللي حق البهارات والبرطمانات على قولتهم

وبالنسبة للشرايط في صورة اللي ملفوفين هذي تقدرين تحطينهم مكان العلاليق

أقصد الارفف تحطين عصاية ولا بايب مال العلاليق وتحطين فيه الشرايط

سهلة الفكره بس حوستنا وايد مالنا خلق يبيله مزاج كل يوم ترتيبن شوي

انا بسويلي غرفة وللحين قاعده افتره واطالع شنو الاغراض اللي محتاجتها

وابي مكتب عود علشان اشتغل عليه

 

[اترجة]

لا والله اختي ههه انا عن نفسي يبيلي نجار يسويلي كبت ويقسمة نفس إلي بصورة انا من كثر الكراتين إلي عندي إلي حاطة فيها الكلف ليما افتحا اتفاجأ ان عندي هالشغله احسن شي كبت مقسم يسويلي نجار وتشوفين كل شي جدام عيونج نفس الصور مع طاولتة .

 

[{نور الليالي}]

روووووووووووعة


انا اغراضي للرسم مبعثرة في كل مكام وكل درج وحتى تحت السرير
اتمنى اني الاقي لي مكان لاغراضي
وفكرة حلووة اقدر اشتغل عليها بنفسي

 

[سلاسل ذهبيه]

يعطيكم الف عافيه
قبل البارح لما نامو العالم
طلعت جميع الاغراض اللي عندي
وكتيتهم بالصاله وجبت علب واكياس
وحطيت كل نوع بروحه والشي اللي عندي منه واجد اطلع منه قد حاجتي والباقي احطه بالاكياس
مثلا شرايط لون احمر اطلح رول وباقي الرولات احطهم بكيس
والكيس الشيله بكبت تخزين المهم حطيت اغراض بعلب شي بهارات وشي علب مالات الاكل الشفافه
البلاستك
وطرت على بالي فكره فادتني وايد
تعرفون صحن بلاستيك مقسم حق المكسرات مقارب للصوره ذي بس الغطاء بطباقات على الجوانب لما ينقلب ماينفتح

وحطيت في كل قسم شغله مثلا الزرار الكباروقسم حق وردات صغيره وهكذا
والحمد لله صار شغلي مرتب وصرت اعرف مكان كل غرض وكل مااطلع شغله اردها بمكانها عشان ماتختلط الاغراض..
اليوم ايكيا دازيلي ان عندهم تنزيلات
وقبل شهر اختي اخذه منهم ارفف بس مو بالطوفه لا نفس الكبتت مال باب واحد بدون باب ومقسم ارفف فهمتو وب 35 بس
شوفو بعد التنزيلات بجم حيل يصلح لشغلنا تنط الاغراض بعلب او سلال وتحطينهم بالارفف ومنظره حلوووو

 

[اترجة]

يعطيج العافية حتي انا كنت شايفة كبت مقسم بأكيا وكان عاجبني بس ما خذيتة إن شاء الله بروح ايكيا اشوف .

 

[سلاسل ذهبيه]

بعد نبي افكار خاصه لترتيب الشغلات الصغيره

 

[ايطاليه]

اب

اب

اب

انا اغراضي حوسة وماعندي غرفة فاضية جان سويتها نفس الصور

 

[ASQ Group]

أنا صممت ورشة في بيتي رسمتها وخليت النجار يسويها لي وعقب كملت شغلي من إيكيا عندهم أفكار وحلول وايد واللي يضحك ان كل ما اييب شغله عبالهم يايبتها حق المطبخ وانا استخدمها حق ترتيب شغلي وريبوناتي والخرز وتوابعه

 

[حوراء الرضا]

^^

^^^^^^



يليت تصورين لنا غرفتج

 

[سلاسل ذهبيه]

^^

^^^^^^



يليت تصورين لنا غرفتج

باذن الله تعالى اصور