كل وحده تسوق...تتفضل عندي...محتاجة خبرتها

[ثلوج الليل]

ياحبايبي...انا توني مبتديه اسوق
وخايفه واحس انها مسؤوليه
ودي استعين بخبرتكم...
خلال كم راحت الرهبه...واجدتي السواقه
ياتري بقعد بخوف علي طول
يعني قلولولي الله يجزاكم خير..كل شي كل شي
طمنوني
والله يرضي عليكم

 

[كريستال ليدي]

الخوف من الشار ع شي طبيعي لو بتسوقين 100 سنة لازم تكونين حريصة و عندج خوف من بعض المواقف اللي تصير بالشارع

بس مو معنى هذا تخلين الخوف يسيطر عليج و يربكج و انتي تسوقين

نصيحتي لج بالعدال و الدنيا ما راح تطير و خلى عنج التلفون و المسجات بالشارع و حاولي تدلين الشوارع على الاقل اللي تستخدمينها لانج اذا ما تدلين راح تتدودهين و ما تعرفين تسوقين

والله يحفظج و ما عليج الا العافية انشالله

 

[* بنت المطر *]

كل ماشفتي حادث الله يكافينا الشر يتجدد الخوف وتكونين حذره اكثر

انا من الناس اللي ماتخيلت اني اسوق بيوم من الايام عقب حادث صار قدام عيني لكن الحمدلله تجاوزت هالمرحله اول فتره

امشي ع اليمين وشوي شوي نفس الهنود لوووووووووووووووول

الحين اسوق سياره استراليه اللي سكانها ع اليمين اكيد شايفينها بالافلام والحمدلله

 

[باربية الكوووويت]

انا نفسج توني قاعده اتدرب على السياقه امبيي رهبه وخوف مو طبيعي وبعد وقت الزحمه لووعه

 

[DALAL.21]

شوي شوي ويصير الوضع عادي

والله يوفقح ولا تنسن القراية والذكر

 

[جـــواهر]

حبيبتي السواقه مايبيلها تعليم السواقه يبيلها قلب قوي لازم تنتبيهين ع طول

 

[• قلبه نصيبي •]

شي طبيعي الخووف بس ماعليييج بيعيها مره واثنين وثلا وبتتعودييين ان شاءالله

 

[ثلوج الليل]

ياحبايب قلبي
الله يجزاكم خير ويرضي عليكم
ويحفظكم...
ما قصرتو

 

[C'est La Vie]

اوووووه عاد انا حدي كننت خوافة
كانت امي تخليني اسوق بين البيوت
واذا شفت سيارة دشت بأول الشارع
وقفت بمكاني مابي اتحرك الا ليما تطلع لوووول
المهم حبيبتي اهي الرهبة اول الايام بس
ولازم تظلين مدة تتدربين مع احد من اهلج
ليما تحسين نفسج انج تمكنتي من السياقة
وبعدين تقدرين تسوقين بروحج
لا تحاتين حبيبتي كلنا كنا مثلج بيوم من الايام

 

[حصووونه]

اي والله لي باجر اما كم لي سنه وللحين اخاف واسوي حوادث شي طبيعي والله يحفظنا يارب

 

[عاشقه القيصر]

لرفع ومنكم نستفيد

 

[~Luxury]

تدربي في البدايه على الفرجان والاماكن القريبه

إذا انتي خايفه خلي حد يعرف يسوق يركب معاج على الاقل كم يوم

وشوي شوي بتتعودين مسألة وقت بس


لكن السواقه فيها شد اعصااااب مو طبيعي


الله يحفظج ويحفظنا

 

[ابلة رسم كتكوته]

اكيد اول ما تسوقين بتخافين
واول ما سقت لما احد يركب معاي كنت ارتبك
واذا بروحي سوق عدل
موفقه
والله يكافيج الشر

 

[مي الحلوة]

انا بعد نفس مشكلتج توني اسوق وحدي اخاف..وما ادري الموضوع بيطول معاي ..ولا بس فترة وبتعدي..
لما اركب السيارة قلبي يرقع بالحين..وتشوفينى ما سكة السكان جنه بينحاش..اللى يشوفنى يدري اني توني عليمية..
بس احاول اني ما اطلع بوقت الزحمه الا للضرورة..وعلى طول استغفر..وان شاء الله مرحلة وتعدي..

 

[Reem_q8]

انتي اول تدربي علي المناطق القريبه منج ولاااا تروحين وقت الزحمه وشوي شوي ان شاء الله برووح الخوف

 

[ثلوج الليل]

الله يجزاكم خير ياحبايبي
ويحفظكم ان شاءالله

 

[ايماني بالله]

انصح بدعاء الركوب سبحان الله كم مره بغيت اروح فيها بس الله ستر وطري على بالي اني قريت دعاء الركوب وبكلمات الله التامه الله حفظني والله يحفظكم

 

[ba6boo6ah]

الخووف شي طبيعي بس لاتخلينة يسيطر عليج وأبدئي بالمنآآطق الي حووولج وبعدين أنشااءالله بتقدرين

ولا تنسين الأذكااار والأدعية والله يحفظج أنشاااءالله

 

[ثلوج الليل]

ايماني بالله
حمدلله علي سلامتك والله يحفظك


جزاكم الله خير حبايبي
والله يحفظكم

 

[تمنيتك]

انا اول ماتدربت كنت اسوق 100 ومدربه بغت تموت خخ

بس بعد التدريب قمت اخاف صج واقول شلون اسوق

بعد التعود مشاءالله مشاءالله كله دايسه فوق 140 اذا كنت متاخره

السواقه حلوه ولاتحطين بالج ان بتدعمين او شي

وكل ماتطلعين حاولي تتصدقين