كل وحده تسأل عن أحسن ( داتا شو + سماعات ) تتفضل

[كويتية عيمية]

شنو احسن حق الباور بوينت
البروجكتر ولا الداتا شو ؟

 

[غالية غاليها]

يعطيج العافيه حبيبتي ماقصرتي
بس بغيت اسأل يشغل كل البرامج ؟
بيربونت وفيديو وصور والورد ؟

 

[اخت اخوانها]

يسلموووووووو وعسى ربي يسخرلج خلقه
ويوفقج وين ماتروحين والله انج عسسسسل وحبوووبه

شرحج جدااااا وافي

بس بچم شريتيه ؟؟؟ عادي يمكن ذاكرة السعر بس انا دااايخه وماقريته لوووووول

 

[fri2010]

مدرسه المستقبل انا بصراحه ودي يكون صغير

بس يشتغل عن طريق الفلاش او الميموري

لان قاعده افكر فيها لو كان القسم تحت

والصف فوق لازم اقعد اشيل اللاب والجهاز ودفتر التحضير

يعني لويه فالصغير احسن اقدر اشيله بايد وحده

فلقيت ايسر فيه هالمواصفات بس انا مجربه هالماركه بجهاز الكمبيوتر وعللني لوول

فخفت يكون حتى جهاز الداتا نفس الشي !

فبمر محلات الاجهزه واشوف شنو المناسب

 

[Miss dreams]

أنا اللى اعرفه انه اجهزة الداتا شو بروجكتر اللى فيها فتحه يو اس بي

عشان الفلاش ميموري ما تقدرين تعرضين عليها فيديو او بوربونت بس صور

عشان جذى لازم جهاز لابتوب


وبالنسبه لى انا ماخذه جهاز LG

حجمه صغير و واضح وسهل الحمل

وهذه صورته




وهذا انا مستخدمته بالصف

 

[مدرسة المستقبل]

يا هلا فيكم بنات


كويتية عيمية
أتوقع البروجكتر بس يعرض شفيفات وصور
أما الداتا شو كل شي ( بوربوينت / فيديو / صور ... )


غالية غاليها
الله يعافيج
اي حبيبتي الداتا شو يعرض كل شي تشغلينه عاللابتوب
( بوربوينت / فيديو / صور ... )


اخت اخوانها
حياج الله حبيبتي
ذكرت ببداية الموضوع إني شريته بـ 215
من الكتروزان


fri2010
معاج حق إذا كنتي بتاخذينه معاج الصف
أنا ليش علوم
فأكون حاجزه المختبر وأركب الداتا شو قبل الحصه بـ5 دقايق
فما أحاتي شيلته من مكان لي مكان

الله يوفقج بجهاز حلو وبالموصفات الي تبينها


miss dreams
يا هلا فيج حبيبتي
مشكورة عالإضافة الحلوة


نورتوا الموضوع ​

 

[fri2010]

رحت قبل شوي جيان وسألته يشتغل بالفلاش واقدر اوصل عليه اللاب وواير السماعه والاضاءه زينه
بس هم بشوف الاحسن

 

[ام فهد1]

من كلامكم فهمت انه مايصير داتا شو بدون لاب توب
مالي خلق اشتري لاب توب لان لاب توبي في البيت ويستخدمه زوجي واساسا حجمه كبير

 

[أميرة-]

والله يخسون اشتري لهم داتا شو ههههههههههههههههههههه

احنا عندنا موفرين داتا شو للمدرسات وصراحة محد يعرف له الا انا وجم وحده .. فماخذه راحتي كل دروسي استخدم داتا شو فيها وصج انهم مالهم بوطقه مايبين عدل بس كيفهم هذا الموجود

السماعات شريت اصغر نوع حصلته وخليته بالمدرسة عشان ماثقل على عمري كافي اللاب توب شيلته يوميا تغث .. والحلو انه مرات اذا ابي بس اشغل صوت او أغنية اشبك الاي باد على السماعات مايحتاج اجيب لاب توبي

بنات لا تقططون فلوسكم على المدرسة ترا محد نافعكم جنه راح يبين بعيونهم .. يولون والله ادفع داتا شو ب 200 ومدري جم مااااكو شغل والله

اطلبوا من اداراتكم توفر لكم داتا شو .. الميزانية وين تروح

 

[الكرملين]

انا اخذت داتاشو صغير من يوريكا ماركة ال جي

 

[fri2010]

شاطره يشتغل على الفلاش؟

 

[مدرسة المستقبل]

أختي أميرة

الداتا شو مو حق المدرسة لنا احنا
وطبعاً ما نحطه بالمدرسة ولا نخليه سبيل حق مدرسات القسم

واهوه يفيدني ويسهل علي تقديم الدرس وتنحسب لي إيجابية ويتفاعلون الطلاب أكثر
حتى بالبيت يفيدني حق اليهال أو بالجمعات نبي نعرض شي مثل صور العايله أو أي شي


أحترم وجهة نظرج
وحياج الله​

 

[ترف بابا]

احنا ما سمحوا لنا بالتحضير بوريوينت

بس اذا بنعرض شي على مستوى عندنا داتا شو المدرسه .

 

[الرقة]

متابعة
لحد ما اشتري
و اقنع امي فديتها

 

[غـــ q8i ـــلا]

,’
يعطيج العآفيه

 

[fri2010]

يقولون البروجكتر ما يشتغل على الفلاش!!!

بس يتوصل باللاب توب

بس الصغير امبلا يوصل

لقيت ماركه acer على 94 بس متردده لاني مجربه هالماركه مو شي بأجهزة اللاب توب

 

[نوف الغلا]

امممممممم زين انتي قلتي اجي قبل الحصه بخمس دقايق

بس لو تفكرين فيها هالخمس دقايق ماتفيدج لان اغلب المدرسات يطلعون بوقت طق الجرس وبعضهم بعد

وغير الحوسه اطلع فوق لصفوف وانزل تحت لصفوف

مدري احس راح اتبهذل مع ان الفكره حلوه وببالي من زمان

 

[البـتول]

أنا اللى اعرفه انه اجهزة الداتا شو بروجكتر اللى فيها فتحه يو اس بي

عشان الفلاش ميموري ما تقدرين تعرضين عليها فيديو او بوربونت بس صور

عشان جذى لازم جهاز لابتوب


وبالنسبه لى انا ماخذه جهاز lg

حجمه صغير و واضح وسهل الحمل

وهذه صورته




وهذا انا مستخدمته بالصف

هذا انا شفته أمس بالكتروزان .. وعاجبني لانه صغير .. بس متخوفة انه ما يبين عدل
في الكبير نفس مال مدرسة المستقبل .. برأيكم منو أحسن .؟ وهل الصوت الي يطلع من الداتا شو وااضح ويوصل للصف كله .؟

 

[الامينة]

أبلة إذا تبين داتا شو صغير و صورته واضحة حيل في النور ممكن اطالعين الموقع التالي

http://www.wiki-light.com/offers/default.html

و هذه صورته

بقوة إضائة 2700 لومينز ، ماركة انفوكس امريكي . بالنسبة للصوت ممكن توصلين سماعات خارجية مع اللابتوب مباشرة أسهل و أرخص .


وموفجة يا رب .

 

[مدرسة المستقبل]

رفــــــــــــــــــــع لــلــــفــــــــــائـــــــــــــــــــدة