كل وحده تدش وتكتب شنو الهدايا الي يابها زوجها من اول زواجها :)

[اميره1980]

انا توني مالجة من 5 ايام و امس زعلني على سالفة و طنقرت
اليوم يابلي سلسلة ذهب فديته لا و ناسي الفاتورة بالكيس حقه لووووووووووول ما ادري متعمد علشان اشوف سعرها ضحكني

 

[المميزه84]

اميره سالفة الفواتير الي ينساها عندنا وعندج خير بس حرام انا متاكده انها بحسن نيه وترى الرياييل مو مثل الحريم اهو زين منه ياب هديه بس هم اكيد في بعضهم يتعمدون ان شالله ريلج مايكون منهم

 

[اكره الجذب]

رد : كل وحده تدش وتكتب شنو الهدايا الي يابها زوجها من اول زواجها

يابلي الي انشالله ماتشوفينه
ياب لي خيانات وغثى
الله يهديه

 

[قمر^خالد]

شوفي ... أول ماتزوجته يابلي هدايا .. مثل عطور وملافع

وأول هديه من بعد عرسنا ساعه puma قالي حق الجامعه .. ماعندج

وعيدملادي أول سنه من تزوجنا يابلي جنطتين guss مع عطر guss

ويابلي sitعطر مانغو من فافافوم مع الكريم ... ويوم يابلياه استغربت أنه في عطر أسمه مانغو نفس شعار المحل
وعيدميلادي الثاني يابلي ساعه ellite حبيتها وكانت بخاطري ............................................

أما الهدايا اللي يبتها له ..

اممم
يبتله بعيدميلاده الأول بلاك بيري .. وكان توه نازل
وبعدها يبتله نظارة ريبان .. خفت على عيوونه من الشمس

وبعيد ميلاده ا يبتله ساعه كانت بخاطرة FOssel لونها زيتي .. من on time
وبس

الموضوع واايد نااايس
ثانكس

 

[cherry67]

خاتم الماس وجنطة ال في الأصلية طبعا مع البوك وجنطة جيفنشي وغيره طبعا من العطورات وساعة وايد يابلي لاني من15 سنة متزوجة
ماأذكر بصراحة

 

[ورده الكرستال]

رد : كل وحده تدش وتكتب شنو الهدايا الي يابها زوجها من اول زواجها

جابلي
عطور بيبي دول من إف سلوران+شوبارد+ذاون من دولجي اند جبانا+اجنر
ساعه: كنافي المطار وعجبتني ساعه من جيس شراها لي وان ماكنت ادري لما ركبنا الطياره رحت للحمام وجيت لقيت العلبه بمكاني<<فديته طلع يعرف لها الحركات
جبتله
عطر من دنهل وطقم كبك مع قلم ناسيه اسم الماركه ولوشن مع بودره من قزاز طقم بجامه

 

[همس الجــليــد]

رد : كل وحده تدش وتكتب شنو الهدايا الي يابها زوجها من اول زواجها

اول هديه ما انساها تتخيلون شنو
مجموعه من بدي شوب الفراوله خخخخخخخخخخخخ ولاكن للاسف ذوقه خااايس في مره يابلي جنطه الله لايوريكم ووووع يقولي كشخي فيها بدوام جان اروح عن خاطره ويوم شافوها بنات الدوام( زميلاتي ميانه)اضحكو وانا بعد ويااااهم خخخخخخخخخخخخخخخخخخخخخ

 

[الاسطورة]

والله ريلي
ما خلى شي ما يبه لي
الله يخليه لي

بس نا اقدر اقولهم
لانهم ووووايد مو شوي

وهم اخاف من العين
وكلهم ماركات

 

[اشتياق]

خاتم
عطور
ورد وكيك على عدد الزعلات عدي وخربطي
جناط
بدل
سلة عيد الحب
وامممممممممم والله من زمان ماهداني اتصدقون لوووووووول مفلس..!


انا هديته ساعه
مبالغ ماديه اكثر شي لاني ادري بحاجته لها..
عطور..
وماذكر اهم شي قدمت روحي له هديه لوووووول

 

[fishq8]

انا هدايا ريلي لا تعد ولا تحصى

اول هديه ايام الملجة ساعه غوشي
وبولادتي اسوارة ذهب
هذول الي بالمناسبات الي اول مرة تصير معااه
اما بأيام عيد ميلادي ىوفالنتاين و راس السنه
ياب لي تلفونات و عطورات و ساعات ماركه مو اي احد يشتري منه لانها غالية مثل شوبارد وخاتم ايقنر وقلوب دولتشي غابانا و ديور
وملابس بربري و ايسبرغ و موسكينو و كينزو
والله يخليه لي ويبعد الحساد عنا

 

[الشهد كله]

حرام عليج ما أتذكر حصيلة 14 سنة :eh_s(10)::eh_s(10)::eh_s(10)::eh_s(10):

أتذكر أول هدية كانت طقم ذهب برابع يوم الملجة ، كان حزتها بطني يعورني ، وهو وداني المستشفى

ويوم ثاني ياب لي الطقم وقالي عشان جبرت الدكتور يعطيج إبرة :jbdwjbd::jbdwjbd:

وآخر هدية راح تييني بعد 8 أيام بالضبط عشان عيد ميلادي :hearting::hearting::hearting:

عسى الله يخليه لي ولعيالي ويبعد عنه الشر يارب ​

 

[احلى روح]

رد : كل وحده تدش وتكتب شنو الهدايا الي يابها زوجها من اول زواجها

اغلب هداياه عطور او شنط بس مرة جاب لي طقم ذهب حلو ناعم

 

[آم آحمدو]

ماشاالله وايد بس بذكر منهم
آخر هدية توه يوم السبت الي طاف آي فون فور جي الي توه نازل

 

[iron women]

الله وايد صارنا سنين وبنين متزوجين وين اذكر صراحه ماخلى ساعات اطقم سيايير كلشي الله ايحفظه ويخليه لي

بس هدية الزواج يابلي سيارة sl 500 وساعة روليكس طبعا السيارة انباعت من زمان راح موديلها ايام التسعينات

لاكن الساعة للحين محتفظه فيها

 

[Cute mama]

ماقدر اتذكر الهدايا اللي يابلي ياها بس اقدر اقولج الهدايا اللي يبتله ياها
ساعه وبواكه ومسابيح وملابس وعطره المفضل واذا كنت مفلسه اكتبله رسايل لول
ومره بعيد زواجنا رسمت رسمه تهبل بالكومبيوتر
رسمت صورة ولدي بالنص وانا وزوجي ماسكين ايده هذا كان اول عيد زواج لنا وعندنا ياهل الله يحفظه ان شالله
وحطيت الرسمه على سي دي ووديته الخباز حطلي ياها على كيكه
كاااانت واايد حلوه

 

[كفايهـ جروحـ]

انا بالنسبه لي عده على عرسي شهرين وريلي لحد الان ما هداني شي

بس انا ما تهمني الهدايا الحمد الله انه هو هديتي معيشني حياة محد يعيشها مثلي

دعواتكم لي محتاجه الدعاء حيل