كل وحده تدش وتسولفلنا عن تجربتها مع الولاده

[أم بدير]

رد: باركولي ... ولدت ولله الحمد بالسلامه

الحمدالله عالسلامه ومبروك ماياج
صح والله زحمة دار الشفا لاتطاق
تخلي الواحد يشيل من مخه المستشفى نهائيا

بس شلون الوحده تحجز قبل الولاده؟؟ ماتدري متى بيحوشها الطلق!!

 

[bambena]

رد: باركولي ... ولدت ولله الحمد بالسلامه

الحمدلله على السلامه ويتربى بعزكم ان شالله

 

[lolo77]

رد: باركولي ... ولدت ولله الحمد بالسلامه

الف الحمدلله على السلالالامه
ومبروك ما ياج


انتم السابقون ونحن اللاحقون

 

[جارة القمر]

رد: باركولي ... ولدت ولله الحمد بالسلامه

ألف الحمدلله عالسلامه .. ويتربى بعزكم يارب ويجعله من الذريه الصالحه

 

[عسولة الكويت]

رد: باركولي ... ولدت ولله الحمد بالسلامه

الف الحمدلله عالسلامه
ومبروك عليكم المولود ربي يخليه ويكون من الصالحين​

 

[om el7elwen]

رد: باركولي ... ولدت ولله الحمد بالسلامه

الف مبروك ويتربى ابعزكم صج دار الشفا خدمتهم اتهبل وانا جربت القيصريه بالحملة الاولى ابايطالية بس الثانية طبيعي ابدار الشفا صج خدمتهم اتهبل
ام فروحة للحين ماولدت بس الباجي والله مادري

 

[supermarket]

رد: باركولي ... ولدت ولله الحمد بالسلامه

مبروك اللافي

يتربى بعزكم

 

[ام طلال]

رد: باركولي ... ولدت ولله الحمد بالسلامه

الف الف مبروووك سارة حبيبتي وآنا لهذه اللحظه صامده باجي لي اسبوع واخلص التاسع وناطره الله كريم

 

[البندري22]

قصة ولادتي ممنوع دخول الحوامل ومن لم يسبق لها الحمل.....

بسم الله الرحمن الرحيم



السلام عليكم ورحمة الله وبركاته


بنات انا ما احب اطولها وهي قصيره او اكثر بالحجي احب اكون دغررررررري



انا قبل ولادتي بيومين كان ينزل معاي دم مثل دم الدوره واعتقد علمتكم بالشي هذا قبل لا اولد


المهم استمر يومين قبل الولاده متواصل مثل دم الدوره وكنت ابدل باليوم اربع كتكسات او اكثر وانتوا بكرامه


وكنت خايفه واحس بطلق بس كل ما اروح لدكتورتي تقول ردي توج!!!!


شلون توني ؟!!


مو يقولون الدم علامة الولادة

قالت اي اتي ببداية الولاده بالعربي اتي تولدين الحين بس توج يبيلج وقت انتي بجر



امبييييه انا قاعده اولد ومخليني


قالت روحي صدقيني ماراح تولدين الحين لازاد الطلق تعالي


طبعا تعرفوني ماذيه الدكاتره


ييتها 3 مرات باليوم

عقب كل وجبه:eh_s(3):



ونفس الكلام 1 ساتي الى 1 ونص



وانا تعبت بس مابيدي حيله



اختي اذتني روحي روحي والدكتوره تقول روحي روحي


مادري وين اولي


قمت ادعي الله يارب يارب


واستغفر واقرى الزلزله


شربت خروع ودارسين وكف مريم


ماصار شي



مشيت مشي يهد الحيل ماصار شي



بجيييييييييييييييييييييت ماصار شي


وارتفعت حرارتي صارت 39


سبحان الله يابنات حرارتي ارتفعت يوم واحد وفي اليوم اللي قبل لاولد نزلت صارت36,8


سبحان الله شوفوا رحمة الله الواسعه عشان مايكون علي حرارة وانا اولد


الحمد لله الحمد لله


المهم


لما نزلت حرارتي دقيت على امي قلت ابي وحده من خداماتج تيي تغسل غسالتي
(انا مقدمة على فلبينيه ولي الحين مايت

وقتها كنت احس بطلق ييني تقريبا كل عشر دقايق او اقل

المهم يت خدامة امي وغسلت غسالتي

وريلي من راح الدوام ما نام فقال بنام الحين كان العصر

دقيت على امي قلت ودي اروح السوق منها امشي ومنها اشوف اذا شي عجبني باخذه

رحت مع امي ولا علمتها باي شي ما احب اخلي امي تحاتي شي ما احب اشغل بالها


المهم


زاد الطلق معاي وانا بالسوق واقاوم وزاد زاد واقاوم اقول احسن خل يفتح الرحم اكثر


امس كان 1 ونص الحين اكيد 5 او 6


وامشي ولازاد استانت حسيت قريبه ولادتي


اشتريت نعل بنتي شحلاته من انار ورخليت امي توصلني بيتي


ودقيت على مطعم وانا معاي طلق ومتحمله


ويا المطعم وانا بديت اتعب حيل


واخذه بسرعه واحطه بصحون واخذ الصينيه واركض واحطها على سريري عشان ياكل ريلي بسرعه لان لو اقوله تعال اكل بيقعد سنه لكن اذا جافه جدامه بيقوم يغسل وياكل


وتعشينا انا وريلي انا اكلت شوي بس جاملته


وقال بتسبح



ولييييييييييييييييييه انا تعبانه بس سكت ما علمته قلت بسرعه تسبح

ورحت اتمشى بالصاله



انا كل هذا عشان يزيد الرحم


المهم اخر شي طقيت الباب قلت يا الله خلص انا بموت


وركضه على الطبيب


فحصني الدكتور المناوب


تدرون شقال





























































































































2 سانتي






:eh_s(11): :eh_s(11): :eh_s(11): :eh_s(11): :eh_s(11):





كل هالمشي الطلق الحامي اللي كل من دقايق والخرع والدارسين وكف مريم كل هذول ما سوو شي!!!!!



الحمد لله على كل حال


اللهم لا اعتراض


بس والله يالي احبااااااااااااااااااااااااااااااااااااااااااااااااااااااااط


بس بعد قال شي



قال طلقج حامي ما راح نطلعج لو شنو


اهنيه صار فيه بصيص امل


قال اخاف اذا طلعتي يتبطل مره وحده وتولدين بالبيت



الحمد لله دكتور متى بولد:eh_s(3):


العلم عند الله بس شكلك حتولدي الصبح بدري



وناسه وناسه



حجزتي جناح vib


واستاسنت فيه اول ساعه


انا وريلي


بعدين زاد العوار


انا لما ييتهم كانت الساعه تقريبا 12


الساعه 3 دخلوني غرفة الولادة
استانست ولبسوني لبس الولادة قلت ساعه الصفر قر بت



وتخطيط وفحص قالوا


ردي غرفتج لي الحين 2 سانتي

ورحت زادت حالتي النفسيه سوء

افكر شلون افتح الرحم شلون شلون


تذكرت قالوا ان الماي الحار يفتح الرحم


واتسبح واقعد بالماي الحار


بعدين يتلي وحده وسحبت دم وقالت حقنه شرجيه
وانتوا بكرامه


واي واي تهد الحيل



وعقبها دخل ريلي ونام يمي وانا طرت الحمام وساعه وريلي مايدري شسالفه

ويطق الباب شفيج شفيج؟؟

قلت خلني خلني مافيني شي


قال بفهم شسوولج شفيج؟



ولييييه هذا شقوله الحين بالله صج احراج


قلت ولاده شرايك بعد


قالت تولدين بالحمام:eh_s(3):


هاهاهااهاهاهاهاااااي


مت ضحك وانا مالي خلق


المهم طلعت ونمت وماقدرت انام ونمت وما قدرت


قلت ابي مسكن

عطوني ابره


والطلق مثل ماقالوا ما ياثر فيه شي



المهم يوولي الساعه سبع وقعدوني قالوا يالله


ورحت ولبست ودخلت الولاده


3 ساتي


الحمد لله



4 سانتي


انبط الماي



4 سانتي



4سانتي


4سانتي



يت رشمي قالت لسستر وانا فهمتها قالت لاتعطونها بنج عشان تساعدكم بالطلق عشان يتبطل الرحم


وانا اقول ابي كمام


قال شمي حبيبتي شمي فيه بنج بس شمي ويي



اشم
اشم


شفطته




ماافيه هوا




قلت ادري ادري انتا تقصون علي ماتبون تعطوني انا ادري سمعتكم



حقروني



قعدت 5 ساعات 4 سانتي مو راضي يزيد والطلق حامي



اصارخ وادعي وابجي



5سانتي



6سانتي



7ساتي



8سانتي



9ساتي


10 ساتتي



الراس بيطلق هذا كله وانا احس


يت رشمي قالت بطلوا الكمام

ورحت في خبر كان



قعدت لقيت وحده




قلت وينكم كنتوا شكثركم قالت اتي ولدتي


قلت حلفي قالت والله


بجيت

مادري فرحه والا من كثر ماتعبت




الحمد لله ياربي




بعدين سالت السستر قلت ليش ماعطيتوني بنج اول شي


قلت عشان نبيج تساعينا تحسين بالطلق وينفتح الرحم


اما ان كان بنج بتنامين وماتدرين عنا وممكن نسويلج عمليه بهالحاله


بس الحمد لله ولدت طبيعي




تعبت بعدين اقولكم شصار بعد ولادتي انتكست نكسه بعدين بكتبها

 

[rainbow_brite]

رد: باركولي ... ولدت ولله الحمد بالسلامه

حمد الله على سلامتج ومبروك ما ياج ​

 

[(بنت النور)]

رد: قصة ولادتي ممنوع دخول الحوامل ومن لم يسبق لها الحمل.....

اول شي الحمدلله على سلامتج حبيبتي وتتربى بعزج البنوته العسل
وثاني شي قصتج تصرقع خلااااااص مابي اتزوج ولا احمل
هذي اول ولاده لج؟؟ يعني بنتج البجر؟؟

وناطرين قصتج الثانيه
الله يعطيج العافيه ويخليج لبنتج ​

 

[rainbow_brite]

رد: قصة ولادتي ممنوع دخول الحوامل ومن لم يسبق لها الحمل.....

شوفي انا حامل بس دشيت لقافه لاني مجربه الولاده فولادتج كلها مو شي يديد علي على كل حال حمد الله على سلامتج ومبروك ما ياج ​

 

[مجرد شعور]

رد: قصة ولادتي ممنوع دخول الحوامل ومن لم يسبق لها الحمل.....

حمدللـــه على سلامتج

وكل تأخيرة فيها خيرة

وأسأل الله العلي أن يجعل ابنتك من الصالحات

 

[supermarket]

رد: قصة ولادتي ممنوع دخول الحوامل ومن لم يسبق لها الحمل.....

الحمدللـــه على سلامتج

 

[البندري22]

رد: قصة ولادتي ممنوع دخول الحوامل ومن لم يسبق لها الحمل.....

لا يبا لاحد يضرب عن الزواج بسبتي

وجزاكم الله كل خير

 

[بدور 1]

رد: قصة ولادتي ممنوع دخول الحوامل ومن لم يسبق لها الحمل.....

خخخخخ

والله تونس ولادتــك <<متحمــسة تبي تجرب الولادة

الحمد لله على سلامتـــك وما تشوفين شر

وبإنتظار التكملة..

ودمــــتيـ بـــــخيــــــــر..​

 

[الريادة]

رد: قصة ولادتي ممنوع دخول الحوامل ومن لم يسبق لها الحمل.....

الحمدلله على سلامتك ... تتربى بعزج البنوتة

 

[malak_alroo7]

رد: قصة ولادتي ممنوع دخول الحوامل ومن لم يسبق لها الحمل.....

السلام عليكم ورحمة الله وبركاته

حبيبتي الف الحمدلله على سلامتج و ربي يحفظ لج اوراد
انا ما قريت الموضوع عدل خفت الصراحه لانى باذن الله خلال هاليومين شكلى بولد

بس اي مستشفى رحتى؟

 

[nono78]

رد: قصة ولادتي ممنوع دخول الحوامل ومن لم يسبق لها الحمل.....

الحمدالله عالسلامه وتتربى اوراد بعزكم يارب

وشوفي كل الحمل الملاقيف داشين يقرون قصتج مع الولاده وانا وحده منهم

 

[ذكريات]

رد: قصة ولادتي ممنوع دخول الحوامل ومن لم يسبق لها الحمل.....

هههههههههههه

صاجة نونو انا بعد منهم

انا ماجربت الولادة .. الله يسهل علينا كلنا ان شا الله


و الحمدلله على سلامتج و سلامة البنوتة

بس و انا اقرا توقعت ولدتي بالبيت :eh_s(6):

​