كل وحده تدش وتسولفلنا عن تجربتها مع الولاده

[بطاطا]

رد: الحمد الله باركولى اخيرا ولدت عند الدكتوره عاليه الفضلى

الف الحمدلله على السلامة

و الف مبروك و يتربى بعزكم​

 

[pharmacist]

رد: الحمد الله باركولى اخيرا ولدت عند الدكتوره عاليه الفضلى

الحمدلله عالسلامة و مبروك ماياج

 

[pharmacist]

رد: الحمد الله باركولى اخيرا ولدت عند الدكتوره عاليه الفضلى

الحمدلله عالسلامة و مبروك ماياج و الله يخليلج اياه

 

[pharmacist]

رد: الحمد الله باركولى اخيرا ولدت عند الدكتوره عاليه الفضلى

الحمدلله عالسلامة و مبروك ماياج و الله يخليلج اياه

 

[منورة الكويتية]

UP:eh_s(9): :eh_s(9):

 

[نطوووعه]

الله يشافي بنيتج حبيبتي لا يضيق خلقج كلش هالشي عادي و صار لوايد بيبات و بتطيب باذن الله و انتي بعد ماتشوفين شر و ان شاء الله يطيب خياطج و تردين مثل قبل و احسن و تصير هالامور سوااالف

 

[Miss_Tiger79]

سمسمية ما اتشوف شر بنتج انشالله
ويهون على كل الحوامل ويسهل عليهم
والحمدلله على سلامة كل من ولدت

 

[فوز الكويت]

السلام عليكم
شلونكم خواتي
اليوم ييت أكتب لكم قصتي مع الولادة اللي اتمنى انها ولا وحدة تجربها
في يوم السبت 30-9 رحت عيادة الدكتورة هدى الزكري لانه طاف على موعدي اسبوع وسوت لي الدكتورة تخطيط وفحص ولقت الرحم مسكر ومو فاتح ولا سانتي ووسعت شوي لي وحولتني على دار الشفا وقالت علشان يعطوني تحميلة كل 6 ساعات وبعدين يركبون لي طلق صناعي ويولدوني ورحت دار الشفا وانا في الطريق الم بطني وريولي وظهري بدا الظاهر من الخوف وحجزت لي غرفة حوالي الساعة 1 الظهر وفي الساعة 1 ونص يت الدكتورة وفحصتني ولقت الرحم مفتوح 1 سم من الخوف وعطتني اول تحميلة وركبوا لي جهاز التخطيط وبعد حوالي نص ساعة بدا الطلق يحمي ويبين في جهاز التخطيط مع الم الظهر والفخوذ وانا مستاسنة لانها بتكون الساعات الاخيرة واشوف حبيبة قلبي بعد انتظار ست سنوات وزوجي يقرا على الرقية الشرعية وانا اقول على هالالم انشالله الساعة 8 ونص بيكون الرحم فاتح على الاقل 3 سم ولما صارت الساعة 8 ونص فحصتني الدكتورة وقالت لي المفاجاة الرحم للحين 1 سم مع اني صج تضايقت بس زوجي صبرني وقال لي ما يخالف علشان بعدها بنشوف احلى قمر في الكويت وصبرت وحوالي الساعة 9 الليل عطتني التحميلة الثانية والالم يزيد ويقطع في ظهري وبطني وقالت الساعة خمس الفجر بتفحصني يعني حوالي بعد 8 ساعات وجهاز التخطيط بينفجر من قوة الطلق ( مبالغة ) ها ها ها بس الله لا يواريكم الالم والدكتورة هدى دقت علي وسالتني عن حالتي وقلت لها وقالت للاطبة يعطوني مسكنات مع المغذي ويعطوني أكل يقولون علشان يصير لي قوة قي الولادة بس ولا لقمة كلت من الالم وما نمت ولما صارت الساعة 5 الفجر فحصتني الدكتورة ولقت الرحم للحييييييييييييييييييييييييييي يييييين 111111111111111111111111111111 1 سم كابوس مرعب والله اني صرخت على الدكتورة وقلت ما تفهمون انتوا مجرمين تعذبوني وزوجي ساكت مندهش من ردة فعلي يقول انتي الهادية يطلع منج جذي بس شسوي والله شفت الويل وعطتني تحميلة ثالثة 5 الفجر وقالت انشالله بينفتح بعدها وكل هذا والالم لا يحتمل مع المسكنات ولاول مرة اشوف زوجي يرجف مع كل رجفة طلق مني والله اني كنت أتالم عليه اكثر من نفسي وبديت اقول له انا بصبر عادي كلها ساعات ونشوف فرحة زواجنا وكانت التحميلة الثالثة الساعة 5 الفجر والساعة 11 جت الدكتورة وفحصتني وبدون ما تحطي جل في ايدينها والله لا يراويكم قمت أصارخ من قمة راسي وابجي واقول خلاص ما أبي طلعي ايدج وخري بس خلاص وابجي وشلت المستشفى صراخ وكان زوجي مو موجود رايح الرسبشن والدكتورة تلف بايدها داخل تحاول توسع ولما طلعت ايدها لقت الرحم للحين1111111111111111111111111 111111111111111111111111111111 111111111111111111111111111111 111111111111111111111111111111 11111111111111111111111سم وعاد هني قمت ابجي وارجف من الالم والخوف وبعد شوية زوجي دخل متصروع من صراخي وكان مع نفس الدكتورة وهية تتأسف وتقول ما يخالف بعرف اني عورتج بس حاولت اوسعج شوية وقالت بعد ساعتين افحصج مرة ثانية وزوجي يهديني ويمسح على راسي وانا ارجف وابجي وبعد ساعتين فحصتني ولقت الرحم فاتح 2 سم و وبعد حوالي ساعة يت الدكتورة هدى الزكري وقالت الحين بنزلج تحت الولادة ونشغل عليج الطلق الصناعي ونعطيج الكمام واذا تعبتي بعطيج ابرة الظهر ونزلت الولادة وعطوني كمام اللي اعتبره مثل الخيال وهلوسة وصراخ وفحص كل وحدة تدخل ايدها وانا ابجي واادعي عليهم واسمع كلام مثل 3 سم 5سم 6سم لين اخر شي سمعت 8 سم تتكرر وايد بعدها سمعت الدكتورة هدى الزكري تقول لي فوز بنسوي لج قيصرية قلت لها لا بصبر كلها باقي بس 2 سم قالت لا بس انتي والبيبي تعبانين والنبض يقل والحبل السري يلف على بنتج هني بجيت وقلت لها يلا ما يخالف وطلعت وانا اهلوس واتخدر من الكمام واسمع الدكتورة تتناقش مع زوجي واسمع زوجي يتهاوش مع الدكتورة ويبجي ورافض يوقع الورقة ويقول لها ليش مو من اول سويتوا لها عملية ليش عذبتوها بس بالاخر وقع وما حسيت الا والدكتورة هدى تقومني من البنج وتقولي ترى يبتي بنية حلوة وريلج شافها بس وايد تعبنا علشان يوقع والحين بنوديج غرفتج ولما طلعت من الملاحظة شفت زوجي بويهي واول كلمة قلت له سامحني حياتي ما قدرت اولد طبيعي لانه كان قايل لي شدي حيلج لما بدخل الولادة وقال ضغطي وشدي حيل ما نبي عملية وشفت الدموع بعيونه هنيه خفت قلت له في بنتي شي قال لا بس كسرتي خاطري يوم ونص تطلقين وتوصلين 8 سم واخرتها عملية بس قلت له الحمدلله على كل شي وتميت احن عليهم لين يابوا دانتي الحلوة وشفتها وشفت فرحتي ودنيتي وامل حياتي وقمت ابجي وزوجي ما تحمل طلع من الغرفة بعدها طحت في نومة طويلة ولما فتحت عيني كان زوجي شاري لي أكبر باقة ورد شفتها بحياتي

هذي قصتي واتمنى ما تجربون العذاب اللي فيها بس الفرحة تجربونها يارب

 

[فوز الكويت]

خواتي حبيت أقولكم
هالايام حايشتني ضيقة صدر الله لا يراويكم ووسواس على بنتي وعلطول افكر اني بأضر بنتي والعياذ بالله ما اري ليش علطول بجي وصراخ وضيقة وما اقدر اتنفس طمنوني خواتي شسوي مع اني هالايام صايمة ديني وعلطول استغفر الله واتعوذ من الشيطان بس الضيقة مو راضية تروح

 

[مزعلة النسا]

الف الحمدلله على سلامتج وسلامت بنت وعسى الله يبلغج فيها عروس ويرزقج الذريه الصالحه حبيبتي عليج بالرقيه وقراءة المعوذات هذا شي طبيعي بعد الحمل والولاده سبحان الله كل هرمونات تتغير ما تشوفين شر انشاءالله

 

[فوز الكويت]

للرفع

 

[الشقردية]

وااااااااااااااااااااااااي عورتوا قلي و صروعتوووووووووووني

انا الحين بالثالث و ارججججججججف اذا تذكرت الولاده
مو مجربه بس من اللي اسمعه
الله يسهل يارب على الحمل و يولدون بغمضه عين يارب


بنات انا قمة مأساتي مو بالولاده
لان لي الحين ماعندي عيال
confused:
الله يحفظكم

انا اول حمالي كان خارج الرحم و كنت اراجع عند الراشد الزفت الي مايفهمون شي عزكم الله و طبعا قالولي الياهل مو مبين و عطوني مثبتات و تميت انزف ثلاث شهور لين قالولي طاااح و سولي تنظيفات حلو ؟؟؟

رديت البيت عوار و صخونه شي مو طبيعي

بعدين اغمى علي بعد ثلاث ايام من التنظيفات

رحت لهم و لا يكتشفون البقر حشاكم اني كنت حامل خارج الرحم و اهمه مايدرون و انفجرت القناة و تسممت و حرارتي مو راضيه تنزل
و قالولي ماتطلعين لازم عمليه انزين عملية شنوووو مو راضين يتكلمون
الله ياخذهم وينتقم منهم

اخر شي رحت الولاده على مسؤوليتي

و الصباااااااااااااااااااااح قطييييييييييييييييعه قطيعه

اصلا الراشد ماقالولي اشفيج

على ما افهموا الصباح شنو فيني و دكتور يدش و يطلع و سونار داخلي بموووووووت و الدكتوره نفسيييه:eh_s(2):
:eh_s(2): اتقولي انتي ليش تتدلعين اقولها شي يعورني و تظغط و اصاارخ اخر شي افهمت ان القناة منفجره و على مافهمت الا انا في عداد الاموات
و سولي عمليه شالوا فيها القناة المنفجره يعني الحين عندي قناة وحده الحمدالله على كل كال و اشوه الحمدالله تحسنت حالتي
الدكتور ياني الصبح قالي دانتي كنتي ميته
و تخيلوا المستشفى المتخلف سجن سجن بروحي لا امي لا ريلي لا احد
اقول حق السستر انا بموت اتقول يمكن العمليه صعبه @@

وااااااااااااااي قطيعه شنو هالعذااااااااااااااااااااب ؟؟؟
:eh_s(2):

كانت مأسااااااااااه

استغفر الله





حملت مره ثانيه و هم قالولي خارج الرحم كل حمالي يقولون لي خارج الرحم الخاص و لا مره قالولي داخل الرحم :eh_s(12):

امي عصبت و قالت خيولون ردي البيت قلت لها اشلون قالت مو شغلج يلعبون فيج يبون فلووس تحاليل رايحه و تحاليل راده

و لا صج امي صاجه راجعت دكتوره امل عبدالعزيز و قالت الياهل موجود
بس كنت وايد اتعب من البدايه و يصير فيني طلق
بس مالله تمم طرحت بالخامس طاح بالحمام اسمالله عليكم
:eh_s(11)::eh_s(11):
واااااااااي مابي اتذكر و هم سولي تنظيفات ...:eh_s(1):



و الحين حامل ادعوووووووولي يارب اكمل لي الاخير و اشوف زبوط النقعه اللي طلع رووحي يارب


اسفه على الاطاله صج مو ولاده بس معاناة


و انا جد جد و انا اقرا مره اضحك و مره اتصروع

بس محتاره مووووتييييني من الضحك واي غشيت عليج بدعتي الصراحه

ترا انا مثلج اذا عطوني كمام اخووره و انجبه لوووووووول

بس يوم قلتي احاجي امي و اقولها انا ميته من صجج ؟؟ لوووول
انزين ليش ماتشوفين يعني ؟؟ الكمام يسوي ظلمه ؟؟ !!
​

 

[محتارة]

فوز مادري بس انا صار فيني جذي كله ضيقة وانقمت وصعوبة التنفس مادري عين او حاله نفسيه .. بس انتي اقري وسيلي الوسواس من بالج .. انا ياني جذي يوم حسيت بالمسؤولية واخاف اني ماعتني عدل ببنتي .. بس ماجلي حطي في بالج انج قدعه وقدها وقدود ان شاءالله ..

الشقردية الله يتمم حملج على خير وتشوفين الامور او الاموره وتفرحين ..
بالنسبة لسؤالج ايه مرات ماشوف شي ومرات اشوف عاد حسب المزاج والخيال ههههههههههههههههههههه واي هالكمام شي غريب

 

[sunshine]

بنااااااااااااات حلللللللللللللللوة السوااالف:eh_s(22): <<<وححححدة متخرعة

انا داشة عرض بس بغيت اسال لي ثلاث ايام وينزل علي بلل شفاف هذا ماي الراس؟؟؟ في خطورة؟؟؟
لاني الخميس رحت الطبيب وقاللي الماي قليل شوي!!!!!!!!!!!!!!!!!
شلون اعرف اذا ماي وشسوي والله خايفة وزوجي مسافر

 

[نطوووعه]

الشقرديه ... الله يتمم حملج حبيبتي و اتييبيينه في تمام و ربي يجعله قرة عياااربن لج ولابوه ي

 

[نطوووعه]

واي بدلياتي فظيعه

تمام=تمامه .... قرة عياااربن لج ولابوه ي= قرة عين لج و لابوه

 

[محتارة]

ماعتقد انه ماي الراس ... لانه ماي الراس ينزل واااااايد وااااايد سباحه

 

[الشقردية]

مشكورين بنات
مشكوره محتاره شفتي عشان جذيع باخذ ابرة الظهر عشان ما اهلوس

مشكوره نطوعه على الدعاء حبيبتي

الله يهون على كل حامل يارب و البدليات عندنا و عندج خير لوول

يارب سهل علي ولادتي و لا تخليني احس بشيء يا ارحم الراحمين​

 

[نطوووعه]

ااااااااااميييييييييييييييييين و اجمعييييييييييييييييييييييييييييييييييييين

 

[nono78]

سن شاين انا مثلج 3 ايام كان ينزل علي ماي شويه لي رابع يوم

الا انا بالولاده

الله يسهل عليج يارب