كل وحده تدش وتسولفلنا عن تجربتها مع الولاده

[لازوردي]

السلام عليكم

مشكوره حبيبتي على هالموضوع الحلو .... والحين راح اجاوب على الأستجواب :eh_s(1):


شلون ياج الطلق ووين كنتي ؟؟

والله ما ياني طلق نزل على ماي البيبي فجأه ورحت المستشفى وانا مافيني طلق وحطولي طلق صناعي



وشكثر طولتي على ماولدتي ؟؟


والله 14 ساعه وبعدين ولدت والصراحه وايد تعبت وكانت ولادتي متعسره



وكل شي بالتفصيل الممل

وبس ولدت وحطوا البيبي على صدري والحمد الله بس طلع البيبي العوار والطلق راح على طول بس لما حطوا البيبي على صدري تفاجأت بس حسيت براحه وبعدين ماحسيت بشي ابد نمت على طول

 

[مزعلة النسا]

انا بقولكم شي بس لا تضحكون علي انا مجربه الولاده ومو اي ولاده متعسره وكله اقعد 24 ساعه عشان اولد وانا الحين حامل بس صايبني حالة خوف موطبيعي كل ما تذكرت اني بولد مرة ثانيه اخاف واقعد ابجي انا الحين بسابع بس موعارفه شسوي ذبحني الخوف لدرجه ان دقات قلبي تصير سريعه واحس بقامت واقعد اهوجس ادعولي بنات ان الله يهون علي وتكون ولادتي سهله والي يزيد الطين بله زوجي مو عندي مسافر وانا بروحي يمكن هذا الي معيشني بهالجو

 

[ذكريات]

faith الله يسهل عليج

 

[سارة_kw]

شوفوا حبيباتي تجربتي قديمة اشوي قبل سنتين

شقوووول ششحجيي

طبعاً كملت الشهر التاسع وخذيت من العاشر اسبوعين

وما في اعراض ولادة على قولة الدكتورة

بس بالفحص الاخير قالت لي المشيمة شاخت قلت لها ولديني بس مليت

فعلا ما صدقت خبر بنقس اليوم سوت لي دخووول مستشفى وحجزت غرفة

وقالت لي بنوديج غرفة العمليات عشاااان الخطيط

وبعدها قالوا لي ولادة ما تطلعين وحطوا لي جميع انواع الطلق الصناعي التحاميل والابرر

من الساعة 12 الظهر الى الساعة 1.25 فجراً شرفت بنتي اسم الله عليها
بعدين ما ادري شصااار 4.30 الفير قعدووني ولا ريلي وامي جدامي واقولهم وينها قالوا خذوها يلبسونها وتوته توته خلصت الحتوتة

 

[محتارة]

والله خوش موضوع .....................

انا ياني خذيت اسبوع فوق موعدي وضايق خلقي جان احط راسي وانام ومالي خلق احد ومعصبة لاني ماولدت .. كنت ابيت اهلي يت الوالدة قعدتني وقالت تغطي شفيج جذي مكشفه ايدشج الهوا .. جان اقوم وحسيت اني حصرانه تكرمون جان اروح الدبليو سي وحصيت اشيا تقززني جان ارد انام وبعدين نمت شوي ورديت قمت رحت الدبليو سي مرة ثاني جان اشوف دم جان اقعد ابجي .......... واروح حق الوالده اقولها واهي نايمه جان تقولي روحي يله الصبح نروح الطبيب !!!!
جان اروح اشبك واحاجي البنات واسولف وياهم بمنتدى من المنتديات ملوت الحمل والولاده وهالسوالف ... المهم بعدين رحت شربت يانسوووووووووون شربت وايد دردعت ... واقعد اتمشى بلبيت ... والعوار ايي ويروح ايي ويروح بس يعني اقدر اتحمله ... بعدين صار الصبح وكل هذا انا سهرانه من الخوف ! رحت المواساة حق دكتورة هندية بالطوارئ خايسه دفشه ... سوتلي الفحص طبعا ايعور واهي دفشه يعني ماقصرت وانا فاقصه ايد السستر بايد والايد الثانية اعض ايدي وقالتلي مفتوحة 1 سم .... جان ارد البيت وخف الطلق جان انام شوي في بالي اني بولد بليل قلت خل ارتاح خخخخخخخخخخخ ... بس العوار حده راااااااااح وصار خفيف جان اروح حق دكتورة ناهده بليل ... جان تفحصني الله يغربل هالفحص ياني اكره كره .. المهم بس سوتلي توسعه وانا ادز ايدها واهي تدخلها وانا ادزها وارجع وراي واهي تدخلها خخخخخخخخخخخخ ... المهم قالتلي 1 ونص !!!!!!!!!!!!!!! انواع الاحباط انا قلت الحين 4 :eh_s(22): .. المهم جان اسألها اسئلة عبيطه بس وقتها كنت جاده بلي اقوله ... قلتلها جم مرة بتسولي هالفحص ؟؟؟ كل مرة راح يعورني يعني ؟ وليش يعور ؟ وقت الولادة بتسونه ؟؟؟ اذا بتسونه ابي كمام ؟؟؟ خخخخخخخخخخخخخخخخخخخخخخ ... المهم قالتلي الساعة 12 او 1 بليل روحي المستشفى اييلج وراح يزيد الطلق عشان سويتلج توسعه ... رحت البيت ونمت والطلق برد وقمت من النوم وشبكت :eh_s(9): ولا رحت الطبيب وقعدت ادردع بهاليانسون والدارسين وشوية تمر ... صار الصبح شوي زاااااد العوار مرة ثانية جان تييني لوعة وارجع كل اللي شربته وكليته ... رحت الطبيب ولا هالهندية مره ثانية الدفشه اففففففففف وردت سوتلي هالفحص الأرعن وطلعتلي قروووووون وعليهم فصين خخخخخخخخخخخخخخ ... قلتلها انتي شسويتي عورتيني ؟ قالت هذا توسعه :eh_s(2): واقول حق الوالده هذي ا ليش تسوي ليش تتليقف الدكتورة ناهدة مسويتلي شنو حلاااااااااااااااااااااااااااو ... جان ايحطوني بغرفة ويحطون جهاز مال البيبي وبعدين وبدون سابق انذار فحطت من البجي والخشم احمر والعيون متفخة ...والسسترات يدشون يشوفوني ويبجون وياي لووووووول فلم هندي ... بعدين يا خالي وانا مادري شياني اقوله لاتروح اقعد لاتطلع اقعد وين بتروح اقولك اقعد خخخخخخخخخخخخخخخخخ جني ياهل .... قزوني الابره الشرجيه بعدين يت سستر ثانية ركبت بايدي ابره حق الطلق الصناعي .. ودخلوني غرفة الولادة ويت دكتورة تبي تفج الكيس عشان يطلع الماي ... جان اقولها يعور ؟ قالت لا .. قلتلها ابي كمام خخخخخخخخخخخخخخخخخخخخخخخخخخخخخخخخخ جان اشمه وفصلت عليهم ايعور ايعور ايعاااااااااااااووووووووووور ايعااااااااااااور ايعور اقولكم ايعور ايعور بعدين حسيت اني بمكان بني خخخخخخخخخخخخخخخخخخ وقعدت اسولف ويا نفسي واقول ايه ايه فلانه قالت الولادة مثل الحلم هذا حلم شويه واقوم .. بعدين شالو الكمام عني واحس اني ماشوف شي كل شي اسود بس اسمع اصوات واقول حق امي انا حيه ولا ميته ...؟ تقولي حيه .. اقولها قولي الصج ... تقول صج .ز اقولها متأكده لاني ماشوفج بس اسمع صوتج ...واسمعها تضحك !!! بعدين فصلت ضحك ضحك مادري ليش ... بعدين قام الطلق يزيد ويزيد ويزيد اح اح ماقدرت اتحمل ومسكت لكم الكمام مابي اشيله وسويت لهم سالفة حتى لما تخلص الطلقه مارضى احد يشيله ,,, واقولهم وخرو عنيييييييييييي مالكم شغللللللللللللللللل يعور انتوا ماتحسوووووووووووووووووووون مالكم شغل فيني يضر مايضر انا كيفيييييييييييييييي كيفي وخرو عنييييييييييييييييييييييييي مابي حد لاتشيلون شي واي لقافه لقافه دقوووووووو على ريلي دقوووووووووووووووووو واكلمه واقوله قولهم يولدوني قولهم لايشيلون الكماااااااااااااام لوعو جبدي:eh_s(2): عقبها مادري شصااااااااااار ... بس اذكر اني ابجي بس ماذكر اني صارخت ..
المهم من كثر العوار الف راسي يمين يسار وبسرعه واهمه يمسكوني ويقولون بس تعبتي البيبي والكمام يطيح ويبون يركبونه لي وانا ازفهم واحطه غلط وخشمي صار في خط ازرق من كثر ماكفت الكمام بويهي من كثر العوار ماني قادرة احطه صح او امسه كنت افرفر ... وبعدين قعدت اصارخ عليهم وين ناهدااااااااااااااااااااا وينهاااااااااااااااااا وينهااااااااااااااااااااااااااا وتقولي انا هني ماما اقولها وينج مسكي ايدي ماشوفج خخخخخخخخخخخخخخخخخ اقولها انا احبج ولديني يله انا ليش يايبتج وعاد اخذوا خرابيطي اللي قلتها خخخخخخخخخخخخ ..
وكل شوي اقولهم انتوا ليش تلعبون فينييييييييييييييييييييييي ولدوني قيصرية ولدوني واحن عليهم لووووووووووووووووووول والدكتورة تقولي يا ماما ادعي الدعاء مستجاب وتحن فوق راسي .. وانا بقمة البجي والآهات وكنت ماعبر اتكلم جان اقول اللهم ارزقني الجنه ... جان امي تطيح وتبجي والسسترات يقعدونها على الكرسي يشربونها ماي .. ... المهم بعدين خلاص نضيت نضيت احس قوتي كلها راحت وحسيت اني بغشي وفقدت الامل وسكت بس اطالعهم وهديت الكمام :eh_s(2): تبون الصراحة حسيت اني بفنقش !!! واشوفالطبيبة تقولي دزي اقولها مابي مابي تقول يله دزي اقولها كيفي مابي ... جان تقولي فجي ريولج وجان اسكرهاااااااااا اقولها وخري لاتسوين شي بسسسسسسسسسسسسسسسسسسسسسسسسسس بسسسسسسسسسسسس ..
جان تقولي في ماي اخضر خل اشوف .... قلتلها صج ؟ قالت اي ... قلتلها يله زين بعدين جان اسمعها تقول بسرعه وقعي على قيصرية يله ... وانا اسمعهم جان اشيل الكمام واقولها الحين صارلي ساعه اقولج ولديني قيصرية وانتوا تلعبون فيني ... جان تقول ايه احنا غلطانين الحين نولدج الحين خخخخخخخخخخ والحمدالله على سلامتي

 

[منورة الكويتية]

الله يهووون عليج يا فيث ولادتج فوضي امرج لله والله يكون بعوونج وعوون كل الحوامل

 

[دانـــه]

الله يهون عليج ولادتج اختي faith ويسهل علينا حملنا وولادتنا اجمعين

 

[سمسميه]

قصة ولادتي الاسبوع الي فات
كنت رايحه موعدي للعياده عا دي ولما قاست ضغط الدم لقته مرتفع 150على 90 قالت لي ولاده على طول لانك بالاسبوع 38 ولي تاريخ مع الضغط في الحمل
قلت لها خليني اجيي بالليل ارتب اموري واييب جنطتي قالت ابد الحين لازم تدخلين وحتى ما خلوني امشي قالت لازم بالويل تشير وعملولي دخول على طول
عطوني تحميله الساعه 12 الظهر وبعد فتره ما اذكر اشكثر بدا الم الطلق معاي بس على خفيف مثل الم الدوره وبعدين اعطوني تكرمون الحقنه الشرجيه تقريبا على الساعه 1 ونص وكل شوي تكرمون ادخل الحمام
وجت بعد فتره الدكتوره فحصتني لقت الرحم مفتوح 3 سم قامت شقت كيس ماي البيبي وكان الم الفحص مو طبيعي والله ان الطلق يهون عنه
وحطولي الطلق الصناعي وتالي بدا الطلق الصجي معاي بس كنت متحملته وادعي ربي وابكي واتحمل واقول يالله هانت انشاالله.... وعطوني كمام وكان ممتاز يخليج تدخلين في حاة هلوسه وتخدر وعطوني ابرة المسكن بعد ورفضت ابرة الظهر قلت ابي اتحمل واخذ الاجر انشالله
والرحم كان قاعد يفتح معاي زين ما شاءالله بحكم انها الولاده الثالثه
وعلى هالحال لي جريب الساعه 6 المغرب
بعدين بديت احس بالدفع وفحصتني الدكتوره لقت الرحم مبطل 8 سم وجهزوني للولاده
وهني بدا العذاب الحقيقي بغت تطلع روحي لان البيبي كانت جايه بوضع مايل بالراس فانحشرت البيبي
وقمت ادفع وماكو فايده روحي بغت تطلع وصوتي راح من الصراخ حسيت اني بموت وقمت اتشهد وقول لهم خلاص ما اقدر ادفع وهم يقولون يالله راس البيبي واصل بس محتاجين شوية دفع
اخر شي لما تعبت حيل حيل ونبض البيبي قل والبيبي تعب
اضطرت الدكتوره تشفط البيبي بس لللاسف انحشر كتف البيبي وانضغط وتعرضت ايد بنتي للخلع(لاحول ولاقوة الا بالله)
وتمت الولاده الساعه 6 وثلث المغرب تقريبا
طبعا بنتي الى الان ما تحرك ايدها ابد كانها خرجه (حيسبي الله ونعم الوكيل) فيهم لان كان لازم عمليه قيصريه لان البيبي ووضعها جاي مايل بالراس
وانا تعذبت حيل والخياطه صارت عند عميقه حيل ومؤلمه والله يستر انها ما تاثر علي حق بعدين
بنات ادعوا لبنتي ان الله يشفيها وتتعافى ايدها وانا تشفى خياطتي
انا ما ابي اخرعكم والله يسهل عليكم انشالله وتكون ولادتكم اسهل مني انشالله لان انا ولادتي كاتنت متعسره حيل
والدكتوره قاالت لي وادتج كانت وايد صعبه والله ستر وجت على اليد البنت كان ممكن تختنق لا سمح الله
والحمدلله على كل حاال
والله يهون على كل الحوامل يا رب

 

[أم فرووحة]

سمسية الله يشفي بنتج ان شاء الله و يشفي خياطتج..

منو كانت دكتورتج و وين ولدتي؟؟

صج احس مثل ماقلتي المفروض دام انهم شافوا الوضع جذي يسوون قيصري...
بس الحمدلله على كل حال..

و ربج ستر و ماصار شي اكثر..

طمنينا على البنوته .. و الله يجعلها من الذرية الصالحه يا رب

 

[ذكريات]

سمسمية الحمدلله على السلامة

و الله يشفي بنتج يارب و يهون عليج

 

[سمسميه]

ام فروحه
انا ولدت بالمواساة عند شاديه
ذكريات
الله يسلمج مشكوره

 

[محتارة]

الحمدالله على سلامتج وسلامة بنتج والله يشفيها ان شاءالله ...

 

[سمسميه]

الله يسلمج مشكوره يا قلبي

 

[@حور@]

باركولي ولدت بطيبه كلينك

شلونكم
اشتقتلكم والله

واااااااااااي طافكم قصه والله يوم العيد :eh_s(1):

اول يوم العيد احس بعوار من الظهر مادري شالسالفه عوار خفيف
وكلماله ويزيد
:eh_s(13):
المهم لي باليل الساعه 8 قلت لا وايد يعورني قالو لي شربي دارسين عشان تروحين المستشفى شربت ورحت والعوار صار كل 10 دقايق
المهم زوجي وداني الولاده ملزم ان هدا احسن مستشفى
لما رحت فحصتتني قالت ماكو شي بس 1 صبع دريت البيت
عوار خفيف الساعه 9يعت طلبنا انا زوجي من البطريق تعشينا واحس بعوار غصب اكل بس يوعانه وكل شوي اروح الحمام تكرمون بس جدي من الخرعه
الساعه 11 قالت خالتي خل ابخرج بقشور بصل ادا طلق يزيد وادا هوا بيروح تبخرت بعد نص ساعه شب العوار حيل الساعه 1 زوجي قال ها انا رحت لبست وقلتله يلا تعال ودني مو قادره لا اقعد ولا اوقف
رحنا قالت 2 صانتي احنا ماندخل الا4صانتي ردي البيت طلعنا منهم والا العوار صار شي موطبيعي وصلنا قريب من بيتنا مرينا عند طيبه كلينك جان زوجي يقول حق امه خل ندش نشوف شيقولون خالتي قالت اي حرام مو قادره تقعد وانا ببجي
دخلنا بسرعه رحنا فوق ماكو الا انا الساعه 3 بالليل شافتني السستر مو قادره اقعد بسرعه نادت الكتوره سوت لي سونار وفحصتني والا 5 سانتي قالت يلا الولاده بسرعه ودتني الغرفه بدلت ونزلوني بالسرير وزوجي قام يسب مستشفى الولاده
سالتني الدكتوره اي دكتوره تبين قلت انا اراجع عند منال بس مره وحده مو مهم اي احد بس بولد
نزلوني الغرفه والا دكتوره منال داقين عليها ويايه تضحك وييها يريح والله ويهدي خلتني الطلق يزيد وهي تفحص مع الطلق تقول يلا 6 سانتي 7 - 8 يلا ولاده
عطوني ابره مخدر والكمام معاي والله وجابلتني يلا دزي دزي يلا مابقى شي يلا ياحبيبتي يلا والحمدالله لما تمت وطلع الراس بس كان عوااااااااار واي وانا اصرخ من قمه راسي بس ماب ياخرع الحوامل جان انام ما دري شصار فيني تخدرت ونمت بعدها قمت ودوني فو ق الغرفه والله معاملتهم واااايد حلوه الممرضات مهتمين واكلهم نظيف مال الخطوط الكويتيه وكنت بالغرفه العاديه الصغيره لكن جديده وزينه حلوه حق شنو غرفه كبيره فيها تلفزيون لاطوفه بلازما والله ضيع وقتي عاد قعدت يومين المفروض اطلع 3 الفجر قالو عاادي نخليج لي 11 الصبح والله زين ياخدون البيبي كل شوي الدكتور يشوفها ووقت اللي ابيه يجيبونه المهم ان كله كان مع الادويه وفتح ملف للبيبي ومراجعه للبيبي بعد اسبوع مجانا كله طلع 370 دينار
بس السكرتير قال احتمال بعد 5شهور يزيدون الاسعار
الحين لان مكان جديد يبون يثبتون نفسهم ويهتمون واختي ولدت بالمواساه ضايق خلقها تقول ماكو اهتمام والدكتوره تاخرت وكل يحاسبون عليه ابره ظهر ب60دينار ودخلت خالتها بالولاده 50 دينار وادويه 50 دينار واكل مرافق ب20 لا ودقت من تلفون المستشفى عالبيت قالو بفلوس يعني طلع كله 590 دينار قالت بعد توبه
المهم وايد قرقت عليكم شسوي اونس نفسي بالنفاس بالهمنتدى العسل
عاد انا توني صار لي 15 يوم يلا الله كريم نوس روحنا ليش نقول كابه ونضيق خلقنا نونس روحنا احسن قعدت البيت هم فيها راحه في ناس يدورونها صح والا لا؟
:eh_s(6):

 

[خذاني الشوق]

رد: باركولي ولدت بطيبه كلينك

الف الف مبروك


حمدلله علي سلامتج الفال لي ولغيري

 

[mrs_sugar]

رد: باركولي ولدت بطيبه كلينك

الحمدلله على سلامتج و مبروك ما جاك الله يجعلها من الذرية الصالحة

 

[Miss_Tiger79]

رد: باركولي ولدت بطيبه كلينك

الحمدلله على سلامتج انشالله
ومبروك ما ياكم ويتربى بعزكم انشالله
والفال لنا انشالله

 

[nono78]

رد: باركولي ولدت بطيبه كلينك

الحمدالله على سلامتج ومبروك ما ياكم

بس ليش المواساه 500 اختج ولاده طبيعيه ولا قيصريه

انا قبل سنتين والده اهناك تقريبا 350 نمت 3 ايام

يمكن اختج دكتورتها بعياده خاصه صح مو دكتوره المواساه ؟؟؟

 

[الملكيييية]

رد: باركولي ولدت بطيبه كلينك

حمدالله على سلامتج

ومشكورين على التجربة الحلوة

 

[جرح الليالي]

رد: باركولي ولدت بطيبه كلينك

اندمجت بالقصة ههههههههه

الحمد لله على سلامتج خيتوو ومبروك ما ياج