كل وحده تدش وتسولفلنا عن تجربتها مع الولاده

[سمو]

الحمدلله عل السلامه

 

[makeup story]

الله يسلمج سموو ميرسي اوي

 

[Cute Kitty]

^_^ قصت ولادتي بنور عيني ^_^

السلام عليكم

كاني مثل ما وعدتكم اقص عليكم قصت ولادتي الغير متوقعه

طبعا انا كان موعد ولادتي اليوم 2-8-2007 بس الحمد الله ولدت يوم الجمعه الصبح الساعه 9:30 بتاريخ 27-7-2007 <==== حدها مستانسه على التاريخ

طبعا انا ولادتي الحمد الله ما كان فيها مشاكل غير اني انا ما اعرف شي عن الولاده ههههههه
يوم الخميس قعدت خميت الدوانيه والعصر رحت السوق الافنيوس مشيته كله مليووون مره اعتقد هذا اكثر شي ساعدني على الولاده لاني هلكت حتى عند المصافط ظيعنا وين السياره ولفينا شكثر تى ابوي يقولي خلج انتي وامج انا اروح ادورها واييبها بس انا لا مصره امشي معاه هههههههه ابي اولد

المهم رديت البيت وانا يحوشنس عوار كل فترات بعيده تقريبا نفس كل يوم لانه لو تذكرون صارلي فتره اقولكم العوار ذابحني بس من الساعه 2 بالليل والعوار زاد صار لا يحتمل وعلى فترات قريبه كل 10 دقايق
وكل ما اييني العوار زوجي يقعد ويطالع الساع يبي يشوف كل جم وجم وصار منتظم ولا لا وانا بموووووت من الالم واهو يسألني طلق؟ وانا اقوله مادري بتولدين اليوم ؟؟ هم مادري

بعدين اتصلت على امي الساعه 3 ونص الفجر واشرحلها الي فيني قالتلي هذا طلق بس هم اهي مو مقتنعه لانه توني صارلي اسبوع بالتاسع

لما قلت لزوجي ودني المستشفى اهني تنح وقالي انتي شكلج مو ولاده نطري للصبح وانا صار العوار كل 5 دقيق تقريبا اييني بموت جان اعصب عليه وشوي واطقه من العوار ههههههه لما قام وداني
ولما دشيت عند الدكتور وفحصني ولا الرحم مفتوح 7 سانتي الدكتور قاله مرتك ولاده على طول

حتى انا خفت ما تلحق دكتورتي تيي بس الحمد الله يت ووقفت فوق راسي وقامت تقرا علي وخلتني اقول معاها دعاء بس ما اذكره عدل لاني كنت تحت تأثير الكمام وحدي دايخه حتى ما اذكر شنو كنت اقول بس اذكر اني كنت اسأل عن كل شي وكل شوي اقول للسستر روحي قولي لزوجي جذي تقولي زين وانا اقولها عفيه مو تكشتين ترا مهم

لما بدت تقولي سوي خروج وقالوا طلع الراس ما حسيت بالدنيا الا وانا قاعده والسستر تقولي ولدتي وانا مو مصدقه واهي تقولي حطي ايدج على بطنج ماكو شي


وطلعت داري ويابولي نور دنيتي كلها نوارت حياتي نور الي بروح اوكلها الحين تأخرت عليها هههههه

بس الحين حايشتني انفلونزا وبلاعيمي وكحه وحدي تعباااانه

ادري طولت عليكم بالتفاصيل بس و دي اشاركم فرحتي

يلا عقبال كل البنات ان شاء الله يولدون بالسلامه ويفرحون بعيالهم

 

[q8 83]

حبيبتي ألف ألف مبروك

الله يجعلها و يه الخير عليج و تفرحين فيها و تشوفين خوانها


و الحمد لله على سلامتج

 

[ملاك هدية]

الحمدلله على السلامه
ومبروك ما جاكم

 

[honey moon]

حبيبتي ألف ألف مبروك



و الحمد لله على سلامتج

 

[lailalaila]

حمدلله على سلامتج و مبرك ما ياج يا عمري

 

[samra_aaa]

باركولي ولدت

الحمدلله ولدت وسهالة ان شاء الله ولادتي ولدت قيصرية امس الصبح وكله سهاله وانا لي الحين بالمستشفى وزوجي كلم الدكتور قاله باجر تقدر تطلع الحمدلله ويبت احمد واهو بصحة زينة ولله الحمد والله يقوم الحوامل الباجي بالسلامة ويرزقهم اللي يبونه:eh_s(9):

 

[احساس طفلهـ]

الحمدلله على السلامه
ومبروك ما جاكم

 

[احلى كويتيه]

الف مبروك والحمد الله عالسلامه وربي يخلي احمد من الذريه الصالحه

 

[دنياك دنياي]

الف مبروك ويتربى بعزج انشالله والله يخليه لج والفال لنا انشالله

 

[هوى الدار]

الف مبروووك وحمدلله على السلامه

 

[هوى الدار]

حمدلله على السلامه والف مبروووك المولوووود

 

[هوفه]

الحمد الله على السلامة

ويتربى بعزكم انشالله

 

[ضوى العيون]

الف حمدلله على السلامه

 

[ضوى العيون]

الف حمدلله على السلامه

 

[قلب امي]

الف مبروك والله يخليه لك ويتربى بعزكم امين

 

[رقي]

مبروك
الحمدلله عالسلامه
الفال لنا

 

[غــلاوي]

الف مبرووووووك
والحمدلله على السلامه

 

[nonia]

حبيبتي أم نور الحمدالله على سلامتج مبروك عليج نواره الحلوه