كل وحده تدش وتسولفلنا عن تجربتها مع الولاده

[الاسطورية]

رد: ام فــــــــــــروحه ولدت تعالو باركولها

واي وانا اقول وين رحتي فقدنا

مبرووووووووووووووك نبي نشوف فروحه

 

[كويتيه وافتخر]

رد: ام فــــــــــــروحه ولدت تعالو باركولها

حمدالله على سلامتج
والف الف مبروك فروحه الحلوه

يارب يجعلها ذريه صالحه

وانا بازورج اذا حبيتي ام فروحه

 

[منورة الكويتية]

رد: ام فــــــــــــروحه ولدت تعالو باركولها

ياهلا والله وغلا
توه توه مانوور المنتدى
صج لج فقده
الحمدلله على سلامتج ومبروك ماياج ان شاء الله
ونبي قصة ولادة فروحة كااااملة متى مافضيتي

 

[الكويتـ80ـية]

رد: ام فــــــــــــروحه ولدت تعالو باركولها

حمدالله على سلامتها

 

[Simple^Lady]

رد: ام فــــــــــــروحه ولدت تعالو باركولها

هلاااا والله ام فرووووحة ويييينج طولتى علينا يالله خبرينا بقصة ولادتج من طأطأ لسلامو عليكم سبشلى عن رويال حياااة ولو انا بمكانج والله لاسمى بنتى حياة وتطلع ولادتها فري بس اهم شي السلامة وربى يخليلج فروحة وتفرحين فيها ياارب

:***** لفروحة

 

[منورة الكويتية]

تعالوا اقولكم قصة ولادتي الفلم الهندي خخ قبل ماتقوم نونو هانم

السلام علكيممممممممممممم

اول شيئ حدي حدي مدري مشتاقة لكم ولسوالفكم ولديوان حوامل كويتيات وكل العضوات فيه واحب اشكر كل من سأل عني وافتقدني وباركلي

واليوم ياية اقولكم قصة ولادتي بعد انتظار اسبوع تقريبا من موعدي

مثل ماتعرفون الدكتورة كانت معطتني موعد للطلق الصناعي يوم الاربعاء 31-1

الي صار يوم الثلاثاء وانا نايمة كنت احس بعوار يروح ويرد ببطني وظهري عبالي العوار اليومي وعاادي ماكو شيئ لاا السالفه فيها ان العوار يروح ويرد بشكل منتظم وماني قادره انام كلش وبدأ معاي من الفجر تقريبا يوم الثلاثاء واحاول انام اتقلب اتقلب ليمن صارت الساعه 12 قمت وصليت ورتبت شقتي وظفيت باجي الاغراض الي باحتاجها لاني الريدي حاطه جنطه المستشفى والكفر بسيارة ريلي المهم ان بهاليوم انا متواعده مع ريلي اننا نطلع لووول شوفوا قوة العين ادري ان فيني طلق ولي حيل اطلع المهم دق علي وقالي يالله نزلي وانزل وانا ساكته قلت له خل نمر المصبغه عشان ناخذ قميصي ولاا شك ولاا شيئ رحنا وطول الطريج الالم يروح ويرد وانا اقول احسن خل اصبر عشان اذا رحتلهم اكون مووصله رحنا تغدينا بفريج صويلح وانا اتحقرص وقمة القهر اني ماني قادره اعبر عن الالم لاني مابي اخرع ريلي وامسك نفسي عقب ماتغدينا رحنا المارينا كرسنت لان من زمااان خاطري ب شوكليت بار لوووووووووووول صج قوية باس شسوي رحنا قبل اذان العصر بشوي ويمشيني ريلي على الشاطئ رايح رااااد وانا بمووووووووووووت من الالم المهم صلينا وكلينا عقبها قلتله عندي لك مفاجعه :eh_s(13): ياني الطلق الريال اخترع قال وين المستشفى؟ قلت شرايك يالله بسررررعه كنت خلاص ميته عاد السلام قريب من البحر دخلنا الطوارئ وانا حاطه ايدي على قلبي من الفحص الي شكثر سمعت انه يعووور اكثر من الولادة المهم انسدحت ونطرت الطبيبيه اتيي تفحص كانت فلسطينيه حاولت تفحص بس انا كنت حدي متصرقعه وخايفه وشاده واهيا تقول مايصير جذي وغصبب فحصت الي شلت المستشفى بصراخي وفشلتااه والله ماهقيتني جذي المهم قالت لالا انتي شلون راح تولدين شلون طفل كامل بيطلع منج اذا بتتصرفين جذي اخذي ابرة الظهر احسن لج منتي حاسه لاا بطلق ولاا بفحص ولاا ولادة ولاا خياطه واقعد ابجي بجي من الخرعه والتصرقع وشوي وابوس ايد ريلي الله يخليك ابي ابرة الظهرر وانا اول ماكنت حاطتها ببالي بس العوار خلاني انسى كل شيئ واهوا خايف حييل منها وقايلي من زماااان ابرة ظهر انسي بس لمن شاف حالتي جذي رضى بالاخير اييه نسيت اقولكم لمن فحصت قالت مفتوحه 4 سانتي وردينا البيت صلينا ومرينا بيت اهلي عشان مايشكون وانا اتحقرص لان امي كانت شاكه ان في شيئ وكل ددقيقه تدق المهم وطلعنا من بيت اهلي بال9 ونص ونروح ونمشي ونمشي حوالين المستشفى ليمن ال10 ووندش المستشفى ونحوس نحوس ليمن نضيت بال11 دخلت الطوارئ ودخلوني الولادة هناك بدأ الاكشن خذيت كماام وقعدت اهدد محد يلمسني قبل لاا تعطوني ابرة الظهر ويت اختي وكانت حدها معصبه شنو ابرة ظهر وليش وما ليش وخطر وماخطر انا بهاللحظه ماكو اي كلام بالدنيا يقنعني المهم وايي دكتور التخدير ويخربط على راسي وانا بقلبي اقول خلصني وعطني الابرة وعطاني الابرة ولازم ماتحرك وتخيلوا الالم اييلي وانا ماني قادره اتحرك عشان مايغلط بمكان الابره والله ويعطيني الابره وعقبها ب 10 دقايق يبدأ تأثيرها وعطوني كمام بعد ف بدت الهستره والخبال صارو كل الممرضات رفيجاتي تيي الممرضه تمسك ايدي اقولها انتي احلى وحده انتي صديقتي عطيني رقمج امبيه ليش ان شاء الله تمر ممرضه ثانيه وبجيب بلوزتها اقلام اخمطهم وممرضه الله يلوع جبدها سمعتها تتفل جان اقول شنوووو هذا قالت اختي تتفل قلت صج وصخه لووووول واسلم على ريلي واقوله شلوونك شخباررك اعزمهم منو هذيل ماادري واختي اقولها خل نطب من وييين نطب تسألني اختي اقولها من السطح يعني اخر شيئ ريلي واختي تصرقعوا خافوا اني ينييت قالوا حق الطبيبه ودكتور التخدير الكمام شنو فيه الي مخليها جذي قالوا عااادي وطبيعي وانا وصلت لدرجه فعلا حسيت اني ينيييت عيل اقووول مابيهااا قطووهاا !!! عن نوير بعد قلبي !! امبيه صج صج كرهت عمري وريلي كل دقيقه يذكرني بكلمتي المهم قاموا يفصحوون وانا ماحس بشيئ واسمع 5 شوي 7 شوي 8 شوي 9 واخيرا 10 واااي يمة هني بدا الاكشن ويبوني ادز وانا ماني حاسه بشيئ تحت ويقولون لي كل مايت طلقه يالله دزي قاعدين نشوف راس البيبي دزي وانا احاول بس ماكووو باللحظه الاخيره كانوا بيشفطونها بس الحمدلله طلعت بعد عمري وماسمعت صووتها تصرخ بس كنت مستااانسه اني ولدت والملم امي واختي بعدين استوعبت سألت الممرضه وين بنتي بشوفها قالت شوي يفصحونها ونوريج اياها قلت زين ليش ماتصرخ قالت عادي عادي عاد خيطوني وعقبها خلوني ساعه ونص على مايخلص المغذي وصعدوني الجناح كنت ماخذه جناح السلام واايد حلوو والممرضات حبوبين اي ونسيت اقولكم الطبيبه الي ولدتني مو نجمه لان نجمه كانت مسافره الي ولدتني اتييننن اتزوق بحرينيه والله ناسيه اسمها بس عندها حبه خال تحت حلجها بس تقعد وتسمي عليج وتحطه على قناة العفاسي وتطمنج صج صج عجيبه ويالله طوووولت لاا تقوم نويرررر تفصحنا بصراخها​

 

[منورة الكويتية]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

نسيت اقولكم اني ولدت بتاريخ 31-1
الساعه3 ونص الفير


اي و تذكرت الدكتوورة اسمها ايمااان

 

[QUMAR]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

الحمدالله علي سلامتج حبيبتي
ومبروك ما ياج
الله يخليها ويحفظها
تتربي بعزكم
بس شلون لج خلق تتمشين وتروحين بيت اهلج وكل شئ عادي وانتي تطلقين ماشاء الله عليج صج أنج صبوره
الله يطلعج من باجي شروره

 

[كيت كات]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

مبرووووووووووووووووووووووووووووك
ألف ألف ألف مبروووووووووووووووووك
والله ستانست لج وايد وعقباااالي يارب

 

[الشقردية]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

الف الف الحمدالله على سلامتج منوووره

فرحت لج الفال لي يارب

لووووووووووووووووووووول

اهم شي خل انطب

لووول

موتيني من الضحك

انا جذيييي اخووووووره و انجبه بالكمام

بس شنو حسيتي عقب ابرة الظهر مافيها مظار ؟؟

اخذها يعني ؟؟

بعدين بسالج جم طلعت عليج الولاده بالسلام ؟؟


مع جناح السلام انا شايفته يهبل

 

[xxx]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

حمدالله على سلامتج

ومبروك المولود الجديد

 

[ورق عنب]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

مبرووووووووووووووووووووووك والحمدالله على سلامتج


محتارة سابقا ...

 

[supermarket]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

حلااااتها منووورة

الحمدلله على سلامتها اهي وامها

تتربى بعزكم

 

[choclatecho]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

حمدالله على السلامة وتتربى بعزكم موتيييييييييينيمن الضحك انا بنت خالي خفت من الكمام بعد و طول ما اهيا تولد تصرخ ابي سانكسسسسسسسست هههههههههه الله يستر انا شبقول

 

[جكورة]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

حمـدلله على سلامتـج..:eh_s(7):

ومبــروك المولوده عساها تتربى بعزكــم..
جم كلفج الجناح مع الولاده مع الإبرة ؟

 

[سبحان الله^الحمدلله]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

ما شاء الله الحمدلله ان الله كتبلج الخير في الابرة والدكتورة وكل شي عدا بشكل حلو تشجعينا عالسلام يعني ؟؟

 

[جاكليت]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

ألف مبروك وتتربى بعزكم ان شاء الله ..

 

[lolo77]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

الحمدلله على سلامتج
وتتربى بعزكم يارب

 

[OmZizo]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

وااااااااااااااااااااااااااااي ذكرتينا بالولادة الله يستر صج الوحدة تنسى الألم..

 

[الشايعية]

رد: تعالوا اقولكم قصة ولادتي الفلم الهندي خخ قبل ماتقوم نونو هانم

حمد الله على السلااااااااااااااااااااااااااااااااامة حياتي واااااااااااي الولاده بروحها تخرععععع ............. كلنا لهاااااااااااااااا لووووووووووووووول


وألف ألف ألف ألف ألف مبرووووووووووووووووووووووووك مايااااج ويتربى بعزج.....ززاهم شي صحة البنووووتة شلوووونها طمنيناااااااااا

وانتي ديري بالج على نفسج يالغلااااااااااااااااااااااا............ ودايما ولادة البجريه منسيه على قولة امي........... وانا اقولج لاااااااااااااااااااااااااااااااا ماراح تنسينها ابدا لوووووووووووووووووووووووووول


يالله تطلعين من الشـــر ياقلبي وحمد الله على السلامة مره ثانيه



سلملم