كل وحده تدش وتسولفلنا عن تجربتها مع الولاده

[Brounzi_girlly]

رد: قصه ولادتي

ألف الحمدالله على سلامتج وتتربا بعزكم البنوتة
مع التحية.............

 

[-Bello-]

رد: قصه ولادتي

ماشاءالله الله يتمم عليكم يارب ..ومبروووك مااياكم وتتربى بعزج وبعز ابوها انشاءالله ..

 

[donat]

رد: قصه ولادتي

الحمدلله على السلامة و تتربى بعزك
كم كلفتج الولادة؟

 

[frfr]

رد: قصه ولادتي

حمدلله على سلامتج وما شاء الله حلو اسم بنتج عجبني

والله يسهل علينا ان شاء الله

 

[أم روعة]

رد: ...قصة ولادتي برويال حياة ...

الحمدلله على سلامتج ام بدوري يتربى بعزكم انشالله والف الف مبروك

 

[لؤلؤية]

رد: ...قصة ولادتي برويال حياة ...

الف مبروووك اللافي...ويتربي في عزكم

عسى ربي يصلحه ويبلغكم فيه...

كان ودي اقرا قصتج..بس

تعبت وانا ادووور للصفحة الرابعه و...ماكووو شي

والتصفح من الاساس بطيء...راح وقتي وانا انطر وماكووو شي

اعذريني...​

 

[وين^العهود]

رد: قصه ولادتي

حمدلله على سلامتج ومبروك ماياكم...

عندي سؤال صج الياهل اهم يلبسونه تبان ولفه يعني مايرضون يلبسونه من الملابس اللي انتي يايبتهم عشان مو معقمين؟؟؟

لان مرت اخوي جذي سوو فيها...

 

[bnt q8 in usa]

رد: قصه ولادتي

الف مبروووووووووووووووك تتربي بعزكم يارب

 

[ام عبدالمحسن]

رد: قصه ولادتي

حمد الله عليه السلامه ومبروك البنوته وتربى بعزكم

 

[gloob927]

رد: ...قصة ولادتي برويال حياة ...

الف الف مبروووووووك ويتربى بعزج وعقيال الثاني
ومالومج لم تمدحين المستشفى لانها صح عوار قلب والا الجناح الي مع الحديقه ما ودج تطلعين منه بس سعره يعور القلب 3600

 

[سارونةالمزيونة]

رد: ...قصة ولادتي برويال حياة ...

لحمدالله على السلامه ويتربى بعزكم ان شاءالله

 

[ryoma]

رد: ...قصة ولادتي برويال حياة ...

الحمدالله على سلامتج و مبروك ماياج

 

[TooToo]

رد: ...قصة ولادتي برويال حياة ...

الحمدالله على سلامتج --ضحكتيني والله .

انا رفيجتي توها والده فيه تقول ما كو اهتمام ورعاية يوم طلعت من غرفة الولاده تبي احد يمها ما لقت .

بس سالفة الكاميرا اللي عالياهل وايد اعجبتني .


وإنشاءالله اتشوفينة معرس بالكوشة

 

[نبض قلبه]

رد: ...قصة ولادتي برويال حياة ...

الحمدلله على السلامة ...والله يجعله من الذرية الصالحة ..بس والله البنات حيرونا ناس تمدح وناس تذم على شنو نستقر الحين انا بخاطري اولد فيها واذا ما عليج امر ابي رقم الدكتورة خالدة(على الخاص اسهل لي ) ... سؤال اختي اهي بالمستشفى عندهم ولا انتي طلبتيها ؟؟..واشلون خياطهم اختي اوكي ولا اي شي >>اهم شي الخياط لاني انا بولد بالثالث ان شاء الله فلازم يكون مضبوط عشان ارجع سمبتيك...

 

[أم فرووحة]

قصة ولااااااادتي بفروووووحه

من قبل لا أحمل كنت وايد أقرا قصص الولادات و كنت أدعي ان ايي اليوم اللي أكتبلكم فيه عن قصة ولادتي 

والحمدلله حملت و ولدت والحين متشوقه اكتبلكم عن قصصصصصة ولادتى ..^_^

يمكن بعضكم يعرف ان صارلي سنين انتظر الحمل و الحمدلله بفضل الدعاء المستمر صار الحمل و بعدها وايد كنت متحمسه اشوف هالبيبي اللي نطرناه هالسنين..

طبعا حددددي ولهانه عليكم..أدري بعضكم قاعد يكح من الغبار هههه بس شسوي مو بيدي كله من فرووحه..ماشاء الله عليها مو امخليتني اتحرك..

أيام النفاس ما أصدق تنام عشان أنا أنام فبالمره ماكان عندي وقت ادخل النت..

بس ادري والله انكم ما قصرتوا .. :eh_s(17): حق كل من سأل عني و راسلني عالخاص و دعالي في ظهر الغيب..


ما أطول عليكم و بقصلكم قصة ولاااااادتي ........



اليوم اللي كان متوقع اني اولد فيه اهو 1\1\2007

و على آخر شهر 12 حدي ثقلت و كان ودي ندخل السنه اليديده بعدين أولد..

و كل صديقاتي يطفروني كل يوم وحده حلمانه فيني حلم..

وحده حلمانه اني ولدت يوم 31-12-2006 الساعه 11:45 !!!

و الثانيه حلمانه اني ولدت يوم 31-12-2006 الساعه 11:55 دقيقه !!!

لووووول كلهم نفس الحلم بس المهم قبل الساعه 12 عشان مايحسبونها من السنه اليديده..

و أنا امصدقه يوم صار تاريخ 31-12 انطر انطر الحين اولد لا بعد شوي خخخخ ماكو ..:eh_s(3):

المهم صار 1\1 انطر مني مناك ابد مافي طلق..

قلت يله مالي الا المشي لأن راس البيبي لم الحين مانزل الحوض على قولة الدكتوره..

و صار 2\1

و 3\1

و 4\1 راجعت الدكتوره عشان اتسويلي فحص هالفحص اللي خايفه منه قبل لا اجربه من كثر ماسمعت انه يذبح..

لم رحتلها و يت افحصتني ولا مو فاتحه ولا سانتي بس قالتلي انها وسعت..

أووووف صج كان حده يعور.. قالت خلاص ان شاء الله راح يبتدي معاج الطلق..

و رحت البيت انطر الحين ايي الطلق لكن أبد مافي أي بوادر كلش الهانم مستانسه في بطني..


مابقى شي ما شربت الخلطات اللي تسهل الولاده و تسرعها..

و خصوصا زيت السمسم و الحليب .. انا كنت ناقلتلكم مره قصة وحده اشربت الخلطه و بنفس اليوم ماشاء الله ولدت و ماطولت ولادتها الا ساعتين ما ادري ثلاث..

و انا صارلي اسبوع اشرب ابهالخلطه ابد جني قاعده اشرب ماي لاني ماحسيت بشي



و كلشي بصوب و الاتصالات و المسجات بصوب كل شوي ها ولدتي ولا بعد.. لي درجت تمنيت حتى لو يوم 31\12 الساعه 11:55 دقيقه لأن حددددددي مليت من النطرة و الحنه :eh_s(1):

و صار يوم 5\1

و 6\1

قلت لا شكلها امطوله كنت امشي باليوم ساعه هالحجي قبل على آخر شهري التاسع بعدين لم شفت الاخت مصختها ودخلت بالشهر العاشر قمت أمشي 3 ساعات الى 4 مت و انا امشي علشان ابي راسها ينزل الحوض و ماكو فايده فيها راسها يابس على ابوها لول موراضيه تنزل هالفروحه..

و أنا بس خلاص ملييييييت مافيني صبر ابي اولد..

المهم لم يا يوم 7\1 يعني مر اسبوع على موعد ولادتي..

قمت راجعت الدكتوره جان اتسويلي فحص ثاني ولا انا فاتحه 1 سانتي كلولولولوووووش ههههه

تخيلوا كل هذا و 1 سانتي يعني باقيلي 9 عشان تشرف فروحه هانم..

طبعا هالمره الفحص كان يذبببببببح اكثر من اللي قبل بوااااااايد و اهي تفحصني ودي اصارخ من قمت راسي بس مسكت نفسي غصب ..و مهما كان ما اقدر اوصفلكم الألم لأن طولت و اهي توسع كان الالم مو طبيييييييعي 

عاد و اهي تفحص قاعده تقولي احسن ميخالف عشان يطلع البيبي اليوم باجربالكثير إن شاء الله..

و انا اسوي نفس الافلام ماسكه الشرشف و اعفسه لوووول وايد متأثره..

المهم لم طلعت ايدها ولا دم امبييييييه حدي اخترعت عبالي بولد الحين هههههه

قتلها امبيه دكتوره دم دم

قالت اي ميخالف انا الحين وسعتج وراح ايلج طلق اليوم ان شاء الله..و اذا ماياج الطلق اخذي خروع الساعه 9 بالليل عشان تولدين الصبح ان شاء الله

رحت البيت..و انا حدي مستانسه خلاص بشوف فروحه قريب ان شاء الله..

انطر انطر ابد مافي طلق ..

بس الدم قاعد ينزل علي وايد لكن بدون ألم..

عاد حدي كنت متردده آخذ خروع ولا لا .. لأن ادري يلوع الجبد و ودي ايني الطلق طبيعي..لا و سألت الدكتوره يعني اذا باخذ خروع قفشه صغيره ولا كبيره؟

جان تقولي لا منو قالج قفشه شربي البطل كله..


ييييييييع ما اتخيل نفسي بس يله شسوي مضطره اشربه لاني مليت من الانتظار

و صارت الساعه 9 و مازال الوضع على ماهو عليه مافي طلق ولا شي..

و خلاص استسلمت للامر الواقع و قمت خذيت ربع الخروع مع سلطة فواكه من عالم المنجا قفشه وحده بغيت ارجع و انتوا بكرامه..

و كنت شاريه بعد عصير برتقال لأن خفت ما اقدر آكل السلطه مع الخروع و فعلا هذا اللي صار..

فقمت خلطه مع عصير و البرتقال و زززززززززط و انا مسكره خشمي..شربته كله ..

و بعد 4 ساعات يعني 4 الفير جذي حسيت بألم قلت بس و أخيرا هذا اهو الطلق ياني خل انام عشان ما احس بالالم ..

نمت شوي و قعدت على الم قوي الساعه 7 الصبح و كنت نايمه في بيت اهلي لان ريلي دوامه شفتات و خفت تصير ولاده و اهو مو موجود المهم على طول دقيت عليه و ياني و قعدنا نحسب بين الطلقه و الثانيه من نص ساعه بدت تتقلص لم ربع ساعه الى 10 دقايق بعدين ردت كل ربع ساعه بعدين كل ثلث ساعه لوووووول

انا اللي اعرفه انها تبدي تقل شالسالفه!!!؟؟
المهم رد مره ثانيه الطلق يصير كل 5 دقايق و انا امشي و امشي من الصبح افتر بالبيت لم صارت الساعه 3 العصر جان يوقف الطلق مره وحده ننطره يرد الحين يرد ماكو :eh_s(12):

جان اقوم ادق على العياده الساعه 9 بالليل و قالت الدكتوره لا دام جذي الوضع خلاص ماننطر اكثر من جذي لانج عديتي موعدج 8 ايام روحي المستشفى و خل يعطونج طلق صناعي ..

و انا امجهزه جنطتي طبعا من نص التاسع ..و قمت دقيت على المستشفى و قتلهم يله ترى انا يايه جهزولي الغرفة..

طبعا هالمستشفى رويال حياة يننتهم بالاتصالات كل شوي اسألهم عن شي كلهم احفظوني ههههه

رحنا انا و ريلي و اول ما دخلت عارفيني بالاسم..دخلوني غرفة الولاده و يت وحده تستأذن ان الدكتور يفحص علي و رفض ريلي يبي دكتوره اللي تفحص مو دكتور و اهم ابهالوقت مافي الا دكتور..فقامت السستر اهي اللي افحصت ولا فاتح الرحم 3 سانتي عاد حطولي الطلق الصناعي على الساعه 10 بالليل و احنا قاعدين ننطر يحمى الطلق و حاطين سبيس تون عشان انشجعها تطلع بسرعه لووووول بعدين حولنا على قناة العفاسي..

و على ال 12 يت الدكتوره اتجيك و افحصتني و بطت ماي الهادي و قرت علي يحليلها المهم قالت انتي بعدج لانج بجر حدج امطوله يالله ابتولدين الصبح و قالت حق ريلي روح و تعال الصبح لان قعدتك مامنها فايده و انا بعطيها ابره اتخدرها شوي..

و فعلا عطوني ابره على اساس انام والله ولا ياني نووم بالمره الطلق حددددددده شغال و الم مو طبيعي بس يحتمل لني ابد مو حاطه في بالي ابرة الظهر ..

المهم على الساعه 4 الفير جذي حده زاد الطلق و كمامهم حدددده خفيف كلشي حسسيييييت فيه..لكن بعد فتره امبيييييييييه الالم قوي و احس الكمام مامنه فايده ..!!!!

احاول اشفط اشفط طولت و انا اشفط ماكو فايده و انادي السستر اقولها الم الم الكمام مو قاعد يشتغل ( طبعا كله بالانجليزي ) قمت اغرد يومها

المهم جيكت السستر ولا........................





الهوز مو اموصل !!!!!!!!!!


ما ادري اضحك ولا ابجي!!!!


وقتها الموقف يبجي بس بعدين لم اتذكر اقعد اضحك خخخخخ


و يا ريلي الساعه 5 تقريبا و خلاص احس ان انهد حييييلي تعبببببت

و صارت الساعه 6:30 الصبح اهني خلاص احس اني بولد الراس بيطلع..

و كنت حدي ماسكه نفسي مو قاعده اصارخ لاني كنت قاريه بموضوع ان اللي تصارخ طاقتها اللي المفروض تتخزن عشان الدفع تطلع مع الصراخ فكنت خاشه هالطاقه ابي ادفع فيها البيبي..

اي نسيت اقولكم طبعا كان المكان حده هادي لأن مافي غيري اللي قاعده اولد..و كانوا السسترات فالبدايه كلهم متيمعين علي لكن بعدين بقت معاي وحده..المهم على الساعه 6:30 حسيت خلاص راس البيبي بيطلع مني و الدكتوره لم الحين ما يت قمت اصارخ قاعده ادفع..و اقولهم ان البيبي قاعده تطلع..

جان تيني وحده تقولي لا لا لا اطلعين البيبي الحين لان الدكتوره لم الحين ما يت..

يا اما اهي تأخرت بالييه ولا اهم تأخروا و مادقو عليها امبجر..

تخيلوا حاولت امسك نفسي و ما ادفع و ريلي كان حده متوتر ..

اول ماسمعت حس الدكتوره يت جان اطرده ما ابيه يطالع و قمت ادفع على طول بكل قوتي هذي الصرخه الاخيره يمكن الدكتوره ماطولت الا ربع ساعه معاي بس اول مايت طلعت البيبي و خيطت على طول...و بعدها ماحسيت بروحي اشصار...


اطلعت فرووحه الساعه 7 الصبح يوم 9\1\2007..^_^


أذكر أول سؤال سألته عن صحة البيبي و قالولي الحمدلله زينه بعدين رحت بنوووووومه بو ساعه او نص ساعه ماوعيت الا اقعد على صياح فروحه يايبينها عشان ارضعها..

الحمدلله رب العالمين صج طولت بالولاده بس الحمدلله ان كانت ولاده طبيعية ..و كثر ماقريت من قصص عن الولاده و اللي تقول الولاده تخرع و اللي تقول تعور و اللي تقول ماتحسين بشي...انا اقول كل وحده تجربتها غيييييير عن الثانيه ..و الالم كله بأجره..




لم حطوها بين ايدي ماكنت امصدقه منو هذي؟!! مو امصدقين لا انا ولا ريلي هذي اللي نطرناها سنين.. الحمدلله رب العالمين..

طبعا و انا اطلق مانسيت احد و خصوصا اللي تتمنى بأن الله يرزقها ياهل تربيه تربيه صالحه...


و أبيكم تدعولي أن تطلع فرح من الذرية الصالحه و إن تكون باره بوالدينها..

و إن شاء الله المره اليايه بسولفلكم عن الاستقبال مع الصور 

وسويت الاستقبال اهناك..طبعا وايد كانت معاملتهم روووعه و خدمه حدها راقيه عوضوا عن الاخطاء اللي صارت في غرفة الولاده جم خطأ ماتكلمت عنه.. و هداياهم حدها اتينن .. ماتحسين انج قاعده بمستشفى ماشاء الله..

و الحلو فيهم ان وايد يحرصون اترضعين البيبي طبيعي كل ماصيحت يابولي اياها ارضعها..حتى لو الفير..

أحس حدي طولت عليكم..



لا تنسون تدعولي إن ربي يقدرني و أربيها التربية الصالحه و انها تطلع باره بوالدينها

 

[-Bello-]

رد: قصة ولااااااادتي بفروووووحه

مبرووووك ماياكم حبيبتي وتتربى بعزكم انشاءالله وعساها تكوون من البارين والله يقدركم على تربيتها اللهم امين ..

 

[وين^العهود]

رد: قصة ولااااااادتي بفروووووحه

الحمدلله على سلامتج ومبروك ماياج وتتربى بعزكم ان شاءالله...

وان شاءالله تكون من الذريه الصالحه وتفرحين فيها يارب...

 

[دانـــه]

رد: قصة ولااااااادتي بفروووووحه

واخيرا ام فرووحه سمعنا قصه ولادتج كنا متابعين مواضيعج واسألج وخصوصا سؤالج عن الخروع

الف الحمدالله على السلامه
والله يخلي لج فروووحه والله يجعلها من الذريه الصالحه وان تكون باره بوالديها الله يقدرج على تربيتها تربيه صالحه

..
.​

 

[DooNy]

رد: قصة ولااااااادتي بفروووووحه

الحمدلله على سلامتج ومبروك ماياج تتربى بعزكم إن شاءالله

 

[دانـــه]

رد: قصة ولااااااادتي بفروووووحه

ام فروحه لو سمحتي ممكن نسألج

انتي الي ولدتج ناهده صح .. اشلونها بالولاده واشلون الخياط زين ولا لا
ياليت تفيديني لاني اراجع عندها وولادتي مو باقي عليها شي


..
.​