رد: ...قصة ولادتي برويال حياة ...
مساااااااااء العسل كله وكلللللكم فرحتو قلبي بردودكم
اعذروني على التأخير بس والله ياني للأسف أكتئاب وعصبية غريبة
المهم مابي اضيق خلقكم بس ادعولي الله يوسع صدري ويخليلي هالنونو اللي يه بع د أربع سنين ...:eh_s(9):
عاد أقووولكم:eh_s(20):
أنا أصلا بديت أراجع عندها متأخر حبتين بس عجبتني مراجعاتي ها اهي صج غالية بس تحللها واهي قالتلي ان وزن البيبي كيلوين و900 وانتي توج داشه شهرج ترا بيكبر وانتي بجرية وقصيرونة :eh_s(22): ( والله مو قصيرة الا اهيا اللي ماشاء الله عليها طول) انتصف التاسع وانا حيل بالمشي وتقليل الاكل من الخرعه وكان اخر موعد وعدتني انها بتشوف عنق الرحم واذا كان مفتوح بتساعد بتوسيعه عشان اولد المهم فعلا كان 3 واهي زادت بالتوسيع صار 4 قالتلي روحي البيت وشربي خروع وتعالي باجر الصبح ...وسوتلي من بالليل دخول عشان يعرفون باي وقت عني
ماكو طلوق خفيفة وزادت مع المشي والخروع والساعه 3 الفجر انا عندهم
اقولكم شي انا من قبل منزله بالسادس ومنصرعه:eh_s(14): بس هالمرة رايحة اسولف ومستانسه
بس وصلت على الويل جير وصعدوني على جناح الولادة من غير مايعرفون اشي بس فيني ولادة..
وصلت الدور الخامس وفحصو كل شي طبعا اغلبهم من جنوب افريقيا (الاوربيين)يهبلون وكنديات ورومانيات وفلبن غيييييييييير
يت الدكتورة المناوبة د.دعاء وطلبت تفحصني وقلت اوكي طلعت 5 سم الى 6 وبعدين طلبت ابرة الظهر على ما يشوفون ملفي وطلعت الدكتورة كاتبه توصياتها كلها بس اوصل حطولي ابرة الظهر اللي مافادت وياي وزهبوني وريلي قاعد عندي ماتحرك ومعانا بعد سستر ما تتحرك بس حقي برررروحي ووصلت الدكتورة الساعة 7 وفحصت الا للحيني 6 سم وبطت ماي الهادي واهي قاعدة تتحجى وياي وتسولف وانا اسألها عن توقعاتها بولادتي ونضحك ونسولف واهي قاعدة مو مارة مرور لا يعني مجابلتني جان اصرخ من الطلوق القوية اللي يتني من عقب بط الماي وقمت اهاوش ليش قاعدة احس مو انا ماخذة ابر ة الظهر جان ينادون دكتور التخدير وحطتلي كمام وبالدرب ماكو فايدة ليييييش؟ لان التفكير مال انا شاد من الخرعه
وفجاة صرت 8 وراها 10 ودز لا تدز دز لا تدز جان اوقف واقول ماني دازه واهي واعلي تقولي دزي خلاص مابقى شي وانا اقول لا طبعا الدزة تيي من كيفها بس انا مو قاعدة اساعد واهي تكركر ومليت اهدومها والمشكلة ريلي واقف ورا الستارة وتقول يالله هاوشيني عصبي علي جان اقترح عليها تشفط غصب وتقول حرام دزي مابقى شي والله يابنات يتلي الضحكة ريلي اشوفه ورا الستارة يأشر ويقولي دزي دزي وانا ادري موفاهم شي جان فجأة ادز وطلع الللللللللللللللللللللللللللللللللللله
خلصنا وانا باسي قوي سامته ظهري والمس فيه وليش ما يبجي وشقاعد تسون وليش ماخلصنا وين المشيمة ( أعوذ بالله شهالمريضة البلشة) واهي تردعلى كل شي اقوله وتسولف معاي وبس..
وطبعا عندهم بحزة وصول الطبيبة كانت الطبيبة المناوبة موجودة ووحدة ثالثة بعد والسستر مالتي وحدة ولادة اوربية وطبيب الاطفال حاطيلة بارتشن قاعد وراه ينطر الياهل يفحصه وينظفه وبعدين رحت على الغرفة وبالغرفة من لحظة دخولج لها ينحسبلج الخروج نفس طريقة الفندق يعني يوم كنت بالولادة هذا غير مومحسوبة المدة فري دام ماكملتي فيها 24 ساعة
وبصراحة بالغرفة من لحظة دخولي لي طلعتي أبد جني قاعدة بفندق بالضبط حتي الاكل ييلج بالساعة اللي تختارينها والمنيو اللي تختارينه والمني بار محطوط وشي شي وخدمة الهاوس كيبينج والحمدالله على السلااامة واخيرا شفنااااااااه
ايه نسيت اقولكم عندهم تلفزيون بلازما فيه قناة من القنوات عليها كاميرا على ولدت 24 ساعة وناااااسه اذا بغيت اطمن عليه احطها
ولله الحمد والمنة
اي سؤال انا جاهزة واعذروووووني على القرقر
