كل وحده تدش ترشح أحسن فندق أو أحسن صاله للعرس مع تكلفته

[مطفوقه^ملقوفه]

قوووووووووووووه بنات اشلونكم


كل المقبلات عالزواج يحلمون بالعرس وليلة العمر
وفي وايد بنات يبون يستفيدون من ناحية المعلومات شنو أحسن فندق أو صاله ممكن نسوي فيها العرس؟؟؟ واشكثر تكلفته
واللي راحت صاله أو فندق مو زينين تتكلم ليش مو زين واشحقه واللي سوت بصاله او فندق زينين تقول شنو الزين فيهم


صالة الزبن بالروضه تهبل مكان العشا راهي بس عيبه مافيه مكان حق كريسي والصاله شرحه بس مونفس فندق حيل عوده لأ بس زينه وتكفي حوالي 600نفر بس ماعندي فكره عن تكلفتها

فندق الريجينسي بيت خالتي وخالي سووا عروسهم فيه حلو ومرتب وأظن 5أو 6 للنفر
وفندق الميريديان جنه ب6ونص للنفر وزينه صالته سوت فيه بنت عمي وبنت خالتي وبنت رفيجة امي

الشيراتون القاعه الماسيه وايد حلوه أعتقد ب12 للفنر مادري مو متأكده بس الشيراتون معروف غالي
الفندق الدولي يلوع الجبد وععععععععع رحتله عرس مره وحده ولاعت جبدي ومكانه خااااااايس

وطبعا يعتمد عالتجهيزات يعني اللي تجهز يليت تفيدنا من وين الورد والديكور والكاكاو وهالسوالف مع التكلفه والسبب وايد يبون يحطون وما يدرون جم يكلف ويبون يقارنون أذا تبون أسالكم من وين اختي سوت الورد بس خربو مسكتها مسكينه لكن الورد بالديكور حلو

يالله ناطرتكم

 

[زيـنـه]

مشاركة: كل وحده تدش ترشح أحسن فندق أو أحسن صاله للعرس مع تكلفته

صالات الفنادق ببلاش و يحاسبون على الاكل .
افضل الفنادق عن صالات الافراح .. لان الفندق يتكفلون بكل شي الاعشا و التقديم شاي و قهوه و عصير .. و يكون ارقى .. و السعر يشمل ليله في السويت من غرفتين .اما الصاله صج ارخص بس العشا و التقديم عليج و انتي و حظج بالسيرفس .
احلى الفنادق عندج صالة الرايه .. حلوه و راهيه .. و صالات الميريديان اللي اسمه الحين جي دبليو ماريوت صالة الجهرا تحت مدوره و فيها وايد اعمده بس اللي فوق اسمها الثريا روعه في الطابق ال16 .. و الشيراتون صالاتهم حلوين ..
مثل ما قلت يحاسبونج على الاكل يعني على الشخص .. و يبتدون غالبا من 12 او 15 او 16 دينار الى 30 دينار للشخص على حسب المنيو و على حسب العرس في ويك اند او ايام عاديه.. و في امكانيه تغيير في المنيو للاكل ..و في امكانيه اختيار كورنرات مثل الصاج و الايطالي و انواع ثانيه بس كل شي بسعره .
الشيراتون و الماريوت من اروع ما تذوقين من اكل .. لا يعلى عليه .. و ممكن تتفقين وياهم على بعض الاصناف تيبونها من البيت اذا تبون اكل بيت بالبوفيه .. يوفرون لكم المواعين و انتوا تيبونهم او اهما ساعات يمرون ياخذونهم ..
و المنيو يتضمن المقبلات و الاكل الرئيسي و الحلو و الشاي و الحليب (كونر كويتي)
حلو التقديم و معجنات التقديم و الهدايا عليكم ..و انتي تشرحين لهم شنو يتقدم قبل شنو و الطريقه و اهم يمشون عليها و تكلمين مسؤولة الحفلات بيوم الحفله للتنسيق و تخلين بينكم حلقة وصل وحده من خواتج تتابعهم لانج العروس و تكونين لاهيه بعمرج .
الريجنسي صالاتهم روعه و تهبل للحفلات بس الاكل ولا شي مكرمه النعمه مو زين و لا يواجه .
ساس صالاتهم صغيره . . و الهاشمي يقمت من داخل و الارضيه خشب تزلق .
هيلتون المنقف صالتهم حلوه و معزوله عن الفندق (مبنى بروحه) و اكلهم حلو بس عيبه البعد اذا انتي من اهل الديره و معازيمكم من الديره .
اتمنى اكون افدتج و اي استفسار لا يردج الا ايدياتج و كيبرودج و دقمة اعتمد الرد السريع

 

[مطفوقه^ملقوفه]

مشاركة: كل وحده تدش ترشح أحسن فندق أو أحسن صاله للعرس مع تكلفته

بعد عمري كفيتي ووفيتي يا قلبي

 

[نفيشه]

مشاركة: كل وحده تدش ترشح أحسن فندق أو أحسن صاله للعرس مع تكلفته

والله خوش معلومات

احنا جربنا ريجنسي بس كنت على راسهم والعرس طلع راااااااقي فوق ما تتخيلون مشالله وينحجى فيه لليوم يعني انا ضبطت القاعه لي اخر لحظه وطلع كل شي فخم الحمدلله ويوايه
وجربنا قاعة الجهرا اللي بجي دبيليو ماريوت وهذي ميزتها ملمومه ومدوره وحق عدد صغير بس هم راقية ورومنسية مادري ليش

 

[مطفوقه^ملقوفه]

مشاركة: كل وحده تدش ترشح أحسن فندق أو أحسن صاله للعرس مع تكلفته

ثانكيو نفشفش بس جم كلفكم الريجينسي؟؟

 

[xxx]

مشاركة: كل وحده تدش ترشح أحسن فندق أو أحسن صاله للعرس مع تكلفته

انا احب صالة قبازرد برميثية

لان الاكل فوووق وشي مرتب

وصالة الزبن بالسالمية هم حلوووووووووووة


وريجنسي هم تمام بس صار كل من يسوي فيه

الي صج اينننننننننن الشيراتون الصاله الكبيره الي فيه

روووووووووووووعه اذا عندج معازيم واااااااايد


وانا منزله موضوع عن الصالات واراقامهم وهذا الرابط ان شاءالله يفيدكم
http://www.q8yat.net/showthread.php?t=6056

 

[bnt_kwt]

مشاركة: كل وحده تدش ترشح أحسن فندق أو أحسن صاله للعرس مع تكلفته

قاعه فندق الراية فضيعه اتينن
والشيراتون ما عليه كلام
وقبازرد من الصالات اللي يشرحون القلب
وعندكم بعد صالات سفير الرقعي اهو في اكثر من قاعه
بس اللي انا دشيت لها القاعه كانت وايد كبيره

 

[توتة]

مشاركة: كل وحده تدش ترشح أحسن فندق أو أحسن صاله للعرس مع تكلفته

مرحبا اشلونكم حبيباتي انا الي يعجبونى صالات الافراح :صالة السالمية&صالة قبازرد فضيعين هلصالات وصالات الفنادق:قاعة الراية ابمجمع الراية
وفندق رجنسي
وفندق سفير الرقعي وبس ومشكورين على الموضوع الحلو

 

[مطفوقه^ملقوفه]

مشاركة: كل وحده تدش ترشح أحسن فندق أو أحسن صاله للعرس مع تكلفته

تصدقون رفيجتي تقولي أن صالة ريجينسي ب7 آلاف حق 300 نفر ما أعتقد
اللي سووا فيه فيدوننا

 

[كويتاوية]

مشاركة: كل وحده تدش ترشح أحسن فندق أو أحسن صاله للعرس مع تكلفته

فندق اكراون ابلازا قاعه الاندلس وايد حلوة

 

[tofy]

مشاركة: كل وحده تدش ترشح أحسن فندق أو أحسن صاله للعرس مع تكلفته

انا اخذت فرة على كل الصالات والقاعات لاني قبل فترة كان عرسي وماعجبني غير جي دبليو ماريوت قاعة الثريا الصراحة حيييييييييل راقية صج كلفتنا بس اهل ريلي ماقصرو وكان العرس مرتب العصير والشاي والقهوه على الفندق بس الحلو علينا صج الي تبي قاعة راقية تختار الثريا

 

[طوق البنفسج]

مشاركة: كل وحده تدش ترشح أحسن فندق أو أحسن صاله للعرس مع تكلفته

ma6fooga ashloonech shofy ana re7t 3ars 3 men rfejaty wa7da bl2ndlos mo 7lwa al3awamed m5rbatha ow alrjency ma 3ajabny bas ga3at athraya aly bmarout ow lekrestal aly bshratoon rageen ow 7alween mstawa rage

 

[امون حبيبة زوجها]

مشاركة: كل وحده تدش ترشح أحسن فندق أو أحسن صاله للعرس مع تكلفته

انا تعجبني صراحه رجينسي احس صج صج رااقي
الشيراتون القاعه الكبيره موشي حيا كراسيهم بعيده ماتشوفين العروس واللي يرقصون كلش
سفير الرقعي العيفان خو كل عروسنا الحين فيه انا احب قاعة الاستقلال الزرقا احلى شي الحمرا حيل كبيره تشيل اللي معازيمهم واجد بس الزرقا احلى وارقي
الصالات احب صالة الخرينج حلوه ومرتبه وتشوفين الناس والعروس والرقص قرييب
وصاله الزمرده وعووووووووووووووووو جنها جليب تفشل
صالة هيا الزبن بلسالميه تجيبلي اكتئاب مادري ليش خخخخخخخخخخخ

 

[رفرف]

مشاركة: كل وحده تدش ترشح أحسن فندق أو أحسن صاله للعرس مع تكلفته

انا عرسي كان بريجنسي وايد حلوة ..
وقاعة الراية رحت عرس فيها اتهبل وايد حلوة وكبيرة...
بس انا ماحب العرس يكون على شكل مدرجات وكراسي احس الطاولات ارقى واحلى ...

 

[looloo]

مشاركة: كل وحده تدش ترشح أحسن فندق أو أحسن صاله للعرس مع تكلفته

عااااد بنات عرس اخوي بصاله هيا الزبن وانا ولا مره شفته لا ضيقون خلقي

 

[نفيشه]

مشاركة: كل وحده تدش ترشح أحسن فندق أو أحسن صاله للعرس مع تكلفته

مطفوقوه
امبلا يوصل السعر لي سبعه واكثر واقل على حسب المنيو اللي تطلبينه
بريجنسي عندج اظن من 8 دنانير وصاعد عاد انتي تختارين
بس صج العرس كان راقي جدا جدا
وطبعا حلو القهوة لا تعتمدين عليهم مهما كان الشي اللي تييبينه بيكون ارقى
بس العصير والجاي والقهوة منهم
واحنا طلبنا شغلات اضافية وستيج وجذي فعلى حسب اللي تطلبينه انتي

 

[نفيشه]

مشاركة: كل وحده تدش ترشح أحسن فندق أو أحسن صاله للعرس مع تكلفته

اي ونسيت اقول لج معازيمنا كانوا اعتقد 400 او 450 ماني متاكده
واحنا طلبنا مال الفي اي بي يعني البوفيه كان ماخذ الريسيبشن مال الفندق كله ومسكر ومغطى تمام

 

[strawberry_q8]

مشاركة: كل وحده تدش ترشح أحسن فندق أو أحسن صاله للعرس مع تكلفته

قوه بنات إحنا حجزنا حق عرس أخوي بالزمرده وبصراحه ماحضرت عرس فيها من قبل ابي رايكم فيها وبالاكل والخدمه بلييييز ردوا علي بسررعه مابقى الا شهرين عالعرس

 

[حورية الكويت]

مشاركة: كل وحده تدش ترشح أحسن فندق أو أحسن صاله للعرس مع تكلفته

انا سمعت ان الزمردة دون المستوى

بس انا ما شفتها ..

اتمنى البنات يفيدونج

 

[strawberry_q8]

قوه بنات إحنا حجزنا حق عرس أخوي بالزمرده وبصراحه ماحضرت عرس فيها من قبل ابي رايكم فيها وبالاكل والخدمه بلييييز ردوا علي بسررعه مابقى الا شهرين عالعرس