كل وحدة جربت الولادة بأمريكا تدخل

[Alaly]

وعقب ما خلصنا من لوية الولاده طبعا يسالون اذا تبين اترضعين البيبي طبيعي والا صناعي ... عشان يعلمونج ويابولي عصير رمان عشان اعوض هالدم الي انفقد والبيبي جدامي يسبحونه ونظفونه ولبسونه ... وبعدين قتلهم بروح الحمام مكرم السامع طبعا مايصير اروحي ابروحي والله يت وساعدتني وتسالي وتكلمني بتشوف اذا انا معاها والا لا ... طبعا اول ما وقفت اريولي كانت امنمله بس اشوي اشوي قدرت امشي عليها... لمن وصلت وقعدتني قاعده اتسولف معاي بس فجاه حسيت الدنيا تفتر فيني وطبعا اغمى علي واشوي اشوي صحيت ماطولت غيرولي ولبسوني وردوني الفراش.....
وعقب يابولي الريوق علي الساعه تقريبا 9 او 10 والله مادري مو ذاكره بالضبط.....
وعطوني البيبي عشان ارضعه......... طبعا البيبي طووووووووووووول الوقت عندج انتي الي تغيريييين له وانتي الي ترضعين وانام عندج ..... اصلا ما اعندهم غرفه حق اليهال...

 

[Alaly]

ولمن صار بليل قالتلي تقدرين تسبحين بس انا ما سبحت قلت باجر مره وحده الصبح اقعد واسبح ابصراحه مافيني حيييييل .... طبعا البيبي واااااي مالي خلق وتعبانه حدي وكل اشوي يقوم ومعطيني ورقه فيها جدول اكتب فيها متى رضعته وشكثر المده .. وجم مره غيرت له وشنو كان امسوي ونتوا بكرامه ((يوورنوالا ستوول)) والساعه جم؟؟؟ بصراحه وااااايد دقيقين ونظامييين ونظااااافه وعناية شي شي شي شي مو طبيعي ...
صار الصبح قمت سبحت ورضعت البيبي وتريقت وعقب زارتني الدكتوره وشافت حالتي ان اوكي وقالتلي تقدرين تطلعين اليوم اذا تبين او باجر طبعا انا قعدت .... اييي ونسيت شغله كانوا يسونها كل بين وقت والثاني كانت اتيي السستر وتضغط على بطني اطلع الدم سبحان الله وكنت احس كل ماتضغط يطلع دم وكانت اتشوف تدفق واايد والا شويه وطبعا كل ما كان تدفق الدم قاعد يقل افضل..