كل وحدة تقول لنا شلوووووووووووون تسبح اعيالها سبووووح النظافة

[om yousif]

هلا حبيبتي فطيرة انا اسبح ولدي بشامبو بيبي جونسون العادي الاصفر والشورجل بيجون وايد حلو وريحتة حلوة والمفراكه من مذركير وايد وايد ناعمة صفرة مدورة صغيرة تنباع ثنتين مع بعض ,,وهم عندج ليفة الي على فوطة وايد ناعمة هم جربيها من سيرز انا ماخذتها ,, ولوشن عندج سيبا ميد حلو ترى بعد على حسب نوع البشرة انا الدكتور نصحني في سيبا ميد ,,,, انا مو كل يوم اسبحة كل 3 ايام ....

 

[فطيرة]

مشكوووووووووووووووووووووووووووووورة ياااااحياتى والله

 

[حلاوة توت]

ووووووووووووووووووووووووووووينكم يلا ابى تجاوووووووووووووبكم

 

[نطوووعه]

هم انا ودي اعرف شلون تسبحون خاصه البيبات اللي بالاشهر

انا ماسبح ولدي كل يوم مسكين مالي خلق لان سبوحي تعقد


اترس الطشت ماي دافي واحطه بالبانيو العالي الطاوله و اول شي اغسل شعره بشامبو سيباميد تالي اسبع شعره بعدين افرك جسمه بشامبو سيباميد مال الجسم وبمفراكه جيكو اسفنج طبيعي


بعدين انشفه وادهنه بكريم طبي ضد الجفاف ممتااااز انا مو بالبيت والا جان حطيت لكم اسمه بس علبته عليها زائد


ولدي ممنوووع من البودر مسكين فيه حساسيه بسدره

 

[فطيرة]

حبيبااااااااااااااااااااااااااااااتى والله وووووووووووووينكم وين تجاااااااااااااااوبكم الحلو معاى

 

[Brounzi_girlly]

بنات آنا هاليومين أحس بنتي بدت تعرق ولما أقرب اشم لهاريحة ممكن الياهل يعرق بعمر السنتين ؟؟؟
مع التحية..........

 

[قمر ضاوي33]

اول شي افرك جسمها بليفة من مذركير ... ناعمة واحط شامبو جونسون اي نوع او صابون من المذر كير هم وايد حلو

بعدين اغسل شعرها بالشامبو والله كل مرة نوع يديد جربت جونسون ولوريال شامبو المذركير كلهم حلوين

واحط لها بلسم من جونسون الأصفر


قبل لا انشف جسمها حط لها بيبي اويل


بعد السبوح انشف جسمها عدل مدل واحط لها لوشن جونسون ولا سيباميد بزيت الزيتون ... وانظف اذونها وخشمها بالقطن ...

واحط لها بودر حونسون ... بعدين احط على شعرها كريم مرطب واعجفه لها ...

واحط على ريولها شوية فازلين والبسها دلاغ

اسبحها بالصيف كل يوم ... وبالشتا كل 3 ايام مرة

ومرتين بالأسبوع احط لها زيت اوحمام زيت على شعرها

ومرة وحدة ادلك جسمها بزيت زيتون طبيعي قبل السبوح

بس وسلامتك ... بنتي عمرها سنتين ونص

 

[نورالكويت]

بنات انا سامعه ان البودر يسود الجسم علشان جذي ما استخدمه لولدي ما استخدم غير البيبي اويل

 

[Mi$$ Parby]

أنا استخدم لعيالي اسفنجة مو ليفة علشان ناعمة على بشرتهم
والشاور جونسون البنفسجي بالافندر ريحته حلوة وبعدة جونسون اويل
وشامبو الشعر من الشامبو مالي بانتين او سن سيلك كل شوي اغير
بالصيف اسبحهم يوم ورى يوم وبالشتا مرتين بالاسبوع
بس الثياب لازم انبدلهم كل يوم لان اليهال دايما يوصخون ثيابهم مرات ابدلهم مرتين وثلاث

والبودرة مو زينه تسبب حساسية الصدر للاطفال حتى لو كانت ماركة خلكم على الاويل احسن

 

[فطيرة]

حبيبااااااااااااااااااااااااتى والله جزاكم الله الف خيرررررررررررررررر

 

[Om Khaloody]

ولدي أترس الحوض ماله ماي واحط شاور باث من سيباميد

وأغسل شعره بشامبو شيباميد هالمنتج وايد حلو ويكون للطفل من اول يوم ولاده ( وريحته اتجنن حييييل )

وأقعد أفرك جسمه بالليفه مالت بودي شوب الي على قفاز بالخفيف طبعا علشان ما اتخدشه ( ولدي عمره سنه ونص الي اصغر ما تناسبهم هالليفه تاخذين الاسفنج ) واشور باث وهو متنقع بالحوض يلعب ويطشر بالماي وبنفس الوقت يلطف البشره ويطلع الوسخ اذا قعد فتره طويله هوه متنقع منها يلعب ومنها بشرته تتنظف عدل

بعدها أطلعه من الحمام وأرطب جسمه بكريم سيباميد

وأحط له بودره فيغ فيغ القديمه الي فيها صورة ياهل صيني ولنه زرقه بأبيض هذي حلوه واحب ريحتها واحط صوب الاباط وراء اذونه وأعطر ملابسه من جوفان مسك والبسه ملابسه واعطر المشط بجوفان مسك وأمشط شعر جذيه تكون ريحه شعره حلوه وراء اذونه أحط اشوي من مسك الاطفال خاص بالتوله تاخذينه ريحته خفيفه

أما بنتي الصغيره قبل لا أسبحها اسويلها مساج بزيت بيبي اوويل ينظف أمسخ رقبتها عند الصفطات اباطها اريولها بين مكان الحفاظه كل جسمها بعدين على طوول اسبحها نفس طريقه اخوها أما لفيتها اسفنج من مذركر كير او من اي صيدليه​

صراحه منتجات سباميد عندي وايد احلى وافضل للطفل من جونسون وريحتها حلوه حيل ريحة نظافه واتمنى اكون افدتج واتمنى حمام النظافه والهنا لبنتج

 

[عنايد]

انا طريقتي نفس طريقة البنات وتقريبا نفس المنتجات بس الفزلين افضله بالشتاا بعد السبووح وفي الصيف افضل البيي اويل بعد السبوح وسلامتج

 

[المستبده]

مممممممممم انا بنتي سغيره اسم الله عليها
4 اشهر استخدملها منتجات بايجون وجونسون يعني مكس
وليفه مذر كير حيل نعوومه

 

[رفرف]

1
بنات نبى كل وحدة تحط لنا طريقة تنظيف وسبوح وتفريك اعيالكم ؟

اول شي اغسل جسمهم عادي بالليفة الناعمة وشور جيل جونسون بالافندر وبعدين شعورهم ..
بنتي الكبيرة بشامبو لوريال بالفراولة .. والصغيرة شامبو جونسون باللافندر ..
وعقب ما يخلصون ابخبخ على جسمهم بيبي أويل الأصفر ريحته حلوة من جونسون .. أو البنفسجي ..
وادهن ورا أذونهم بلوشن جونسون البنفسجي باللافندر يعطي ريح تهبل ..
واحطلهم بودر عند رقبتهم والأندر آرمز ..
وطبعا هدومهم تكون معطرة من قبل

2
وشلون تحافظووون على بشرتهم ناعم ومافيها جفاف ؟

ادهنها على طول الأماكن الجافة بكريم المستوصف Uea يرطب وطبي .. والأماكن الناشفة بزووود كريم لونا للتشققات من مصر ..

3
شنو المنتجات اللى تستخدمونها ويابت مفعول اووووووووووووكى معاكم من حيث النظافة والبياض؟وذكروا اسم المنتج؟

النظافة منتجات جونسون ..
والبياض ؟!! مادري ماستعمل شي شحقه بعد


4
كل كم يوم تسبحووووووووون اعيالكم غير لمن يوسخون اقصد سبوووح النظافة؟

تقريبا مرتين بالاسبوع او حسب الحاجة ..
الحين صيف اسبح بنتي الكبيرة كل يوم او يوم وترك لأنها تلعب بالحوش وتتسبح بالحوض ..
بس الصغيرة ما يحتاج .. الا متين بالاسبوع او لما توصخ روحها ..




شنو الليفة اللى تستخدمونها للفرك بلييييييييييز ؟
ليفة ناعمة من الجمعية لا تشمخ جسمهم وتعورهم