كل وحدة تسافر أو مسافرة لدولة عربية أو أروبية تقولى شنو المحل اللى ما تستغنى عنه .

[ذات الهمة العالية]

السلالالالالالالالالالالالالالالالالالام عليكم بنات

أبى يكون هذا الموضوع مرجع حق كل وحدة تبى تسافر


كل وحدة إذا ما عليها أمر سافرة أو دائما تسافر إلى دولة معينة شنو المحل اللى دائما تروحين له

أو غير متوفر فى الكويت

والله يوفقكم لما فيه الخير :eh_s(17): :eh_s(17):

 

[ذات الهمة العالية]

للرفع

للرفع
نبى رايكم

 

[mooomooo]

ماعندي محل معين

يسلمو حبيبتي عالموضوع

 

[ذات الهمة العالية]

يا حبيبتى مشكورة على المشاركة بس
علشانى ضغطى على ذاكرتك وقولى لى مثلا فى الدولة الفلانية أحب أشوف محل كذا وممكن تحطين لنا موقعه ونطلب منه

يا بنات تفاعلوا

ويعطيكم العافية

 

[banoota_93]

المانيا المحل الي ما استغني عنه اهو Kartstad & gallarya kaf hof

 

[mooomooo]

هخخخخخخخ

لقيتي عاد

بس هذي عشانج :eh_s(22):

تبين الصراحه رحت ماليزيا وشفت محل بونيا
كل ماشفت وحده لابسه هالجنطه اتكر ماليزيا

ولا شريتلي شي منها واتمنى اني ارجع واشتري من هالماركه

 

[ام رغودة]

بريطانيا دكنى وجاب وفى مجمع نسيت اسمة ملابسة رخيصة وحلوة اشوف اذا زوجى يذكر الاسم وسويسرا مانور مجمع كبير وفية سوبرماركت

 

[ذات الهمة العالية]

زاك الله خير أم رغودة
مااااا قصرتى

 

[الجورية الحمراء]

يعطيج الع8افية على هالموضووع

ان حصلى اروح تايلند اول شى اروح السوق الصينى ,, مجربتة واغراااضة اتهبل وأكسواراتى عندى ليلحين لمعتهم ماراحت
ان حصلى دول اروبية ,, ما يطوفنى محلات جاب لأن هالماركة مو عندنا
واذا دبى ,, اكيييد سوق مرشد ومحلات الكلف عندهم رهييييبة ورخيصة
وبعد الرياض ,,محلات الاقمشة بالأندلسية
وأحاول ابتعد عن المحلات الموجودة عندنا بالكويت , اظمن عدم التكرار
وسلااامتج

 

[ذات الهمة العالية]

جزاك الله خير يا حورية الحمراء

وباااااااارك ربى فيك على الرد وفيتى وما قصرتى


بنات أبى تفاعل ويا ليت تحطون المواقع مثل قاب والأماكن اللى موموجودة بالكويت

 

[cuteya22]

اول شي طبعا Gap
واذا بتروحين امريكا american eagle
و فيكتوريا سيكرت
وطبعا اي بوتيك حق ماركة puma الرياضيه

هذا الي في بالي الحين وبس اتذكر راح ارد عليج انشالله

 

[OM-TURKY]

wayed wallaa
USA=BANANA REPUBLIC
UK.LONDON=Selfridges,gap
kuwait= soog el meeira LOOOOOOOOL

 

[ذات الهمة العالية]

مشكورين على الردود بس ابى مواقع اللى مو موجود بالكويت

 

[noty]

باريس Etam عجييب كل دور متخصص .. Lafayette كل شي فيه ...

المانيا Zero احبه وايد .. H&M لانه احلى واحد شفته وخاصه اللي بهامبرج

النمسا .. سوقها حلو وايد

الدول الثانية اللي اشوف فترينته حلوة دشييته

 

[rawona]

USA: DKNY, GAP, Banana Republic
o el Department stores: Mar**** Fields, Sakes Fifth Avenue , Nordstrom ..etc
UK: Harrods, Selfridges​

 

[ظلال القرآن]

ماليزيا سوقو

مصر لا يطوفكم محل الدكان لدراريع في رمسيس هلتون

لندن سيلفرجز

المانيا كاف هوف

النمسا شوارفسكي الرئيسي في انسبورك

وانصح اي وحده بتسافر لا تكود من بره الا الشي
الي ما تحصلينه بالكويت ونصيحه للي يروحون اوربا تمتعو بالطبيعه وتركو السوق الكويت ديره الخير كل شي فيها

 

[ضحـاوي]

انا كل سنه اروح مصر

بس ما اشتري منها شي معين

بس اروح حق الوناسه

والكويت سوقها كل شي تبينه فيه

حتى ماركات الدول الاوربيه موجوده عندنا وباسعار مقاربه

يعني ماتسوى العنوه ,,,,,,,,,,,,,,,,,,,

 

[bahrainia]

من الدول العربيه ..
فالسعوديه محلات العبايات ..
فالخبر , شمس في شارع سويكت أو محل ملكه
في مجمع الراشد محل لمسة ..
مجمع الظهران في واويد محلات ..

بما أني بحرينيه باقولكم عن الاماكن اللي لازم ماتفوتونها لي ييتو البحرين ..
أول شي المطاعم .. مونسون مطعم متخصص بالأكل التايلندي , أكله روعه او الجو بشكل عام الديكورات والخدمه كلشي تمام او لازم ماتفوتونه ..

لمحبي الاكل البحرين , احسن اكل بحري اكلته في حياتي في محل اسمه Fish Market فالبندر والبندر منتجع في منطقة ستره .

طبعأً مجمع السيف للي من زمان مامرو البحرين وسعوه اللحين او فتحوا فيه محلات وايد او كوفي شوبز وفتحوا فيه محل Gap او محل Sephora او وايد محلات ثانيه .

في كوفي شوب اسمه ليلو فالعديله .. ورى فندق الخليج الحلو ماله روعه والقعده بعد بس ما انصح فيه بالويك اندز .

لبنان .. في محل اسمه كانال .. عنه مكرون (نوع من الحلو) وايد لذيذ , المحل بالقرب من السوليدير ..
مطعم منير في برمانه .. او فندق الجراند هيل روعه يستاهل الواحد بس يروح يتمشى فيه ..

تركيا .. منطقة أبانت روعه ليله وحده في احد فنادقها تكفي .. اكيد كلكم سمعتوا قصة القوم الفاسدين اللي الله خفسهم او قلب الارض عليهم او سوى مكانها بحيره .. يقولون انه بحيرة ابانت اهيا اللي صارت فيها هالسالفه .. بس اذكر بوفي الريوق كان خيال او في نفس المكان في اشياء وايد الواحد يسويها ..

اما لمحبي السوق بتركيا وايد فيها مصانع رخيـــــــصه او ماشاءلله تعيش ثيابهم بس للاسف هالحجي قبل اربع سنين ماذكر بالضبط .. بس المناطق اللي كنا نروحها يلوا او اسطنبول ..

سويسرا .. المحلات كلها تصير في ضفة البحيره اللي بنفس منطقة فندق الموفنبيك اهناك السوق كلشي فيه المحلات العاديه والماركات ..
احسن مطعم اهناك انتركوت .. في منه فالكويت او لبنان بس اللي بسويسرا غير ..
في مطعم لبنان في فندق ريجموند روووووووووعه .. بس لازم تحجزون له قبل .

فرنسا .. ماحبيتها وايد .. في سوق Outlet يم دزني باريس .. اذا رايحين بالundergroung اهوا بالمحطه بالضبط اللي قبل دزني .. من اهناك روحة لندن كلش سهله ورخيصه ..

لندن انذكرت اكثر الاماكن اللي رحتها فماراح اتكلم عنها ..

اما امريكا انا رحت ميامي او اورلندو ..
ميامي وايد حلوه فالصيف البحر والتمشي بس ماتسوى اكثر من اسبوع ..
في ميامي اهم شي الـأوشن درايف Ocean Drive الصبح حق ريوق او تمشي على البحر بس لاتشترون من المحلات اللي على الاوشن درايف لانهم اغلى من المجمعات ..

المجمعات اللي هناك CoCo walk أو دولفين مول أو بل هاربر مول ..
مطعم لازم ماتفوتونه Cheese cake factory في منه بأورلاندو في مجمع مول ات مالينيا ..

اورلاندو طبعا دزني الصبح .. حدايقها يبيلها سبوع عشان الواحد يقدر يخلصها .. او بليل ديزني دون تاون .. في مطاعم مثل rain forest او planet hollywood .. او في محلات فيرجن او محلات ديزني على طول الشارع طبعاً اهوا تمشي او صاير على بحيره كبيره ..
يونيفرسال ستديوز بعد A MUST الالعاب اقوى من العاب ديزني .. او في حديقتين كل وحده يبيلها يوم كامل ..أو انصحكم تشترون بطاقة اكسبرس اول ماتدخلون الحديقه عشان ماتنتضرون وايد في الصفوف او يروح عليكم الوقت ..

اورلاندو فيها مجمعين كبار وايد ..
مال ات مالينيا
أو فلوريدا مول .. رووووووووووووووووووووعه
او فيها أوت لتات وايد لمركات اتذكر منهم
بريميم أوت لت ..

سامحوني طولت عليكم اتمنى انكم تستفيدون ..​

 

[& مــشــايــخ &]

ماشاء الله بحرينيه صراحه ماقصرتي
كفيتي ووفيتي

 

[ذات الهمة العالية]

مشكورة يا بحرينية

ياريت كل وحدة مو فى الكويت نسويلنا إحصائية مثلها

وجزاها لله خير