كل وحدة اتدش و اتشارك بالسلطة المفضله عندها 1..2..3

[tabaskom]

السلام عليكم
انا راح ابدي بالسلطة مالتي (و اهي عبارة عن طبقات)

المقادير:
1 كوب معكرونه صغيرة (مفيوحه)
1 كوب ملفوف مقطع الى شرايح طويله
1كوب باذنجان مقلي مكعبات
1 كوب بطاطس مقليه مكعبات
1 كوب ذرة معلبه
1 كوب زهرة مقلية صغيرة
2/1 كوب جزر مقلي مبشور
2/1 كوب فاصوليا حمراء
1 كوب فليفله مقطعه الى شرائح رقيقهو مقليه(حمراء و صفراءوخضراء)

الصلصه:
2 م.ط مايونيز
1 علبه روب
1 م.ط صويا صوص
1 م.ط خردل
2/1 1 ليمونه معصورة
1 م.ط هردة
1 فص ثوم كبير
4 شرائح جبن ابيض مالح (أو جبن البقرات الثلاث الصغيرة كلها)
1 م.ط بطاطس مقليه
1 م.ط باذنجان مقلي
1 م.ط جزر مبشور مقلي
1 م.ط جزر مبشور عادي (غير مطبوخ)
4/1 فليفله صفراء (أو حمراء أو خضراء)

الطريقه
توضع مقادير الصلصه بالخلاط كلها حتى تصبح متجانسه
نضع المعكرونه ثم الذرة و باقي الصفات و آخر شي نضع الصلصه و نقوم بالتزيين و بالهنا و الشفا .

 

[جارة القمر]

مشكووووووووووووووووووووره حبيبتي

 

[june_m00n]

تباسكوم السلطة شكلها حدها لذيذه والصلصة غريبة

تسلم ايدج

 

[ضحكة الدنيا]

تسلم الايادى
ومشكوووووووره

 

[أوكسجين]

تسلم ايدج

 

[دانتيل]

ماشاء الله هذي وجبه مو سلطه ..لووول بس ما فهمت طريقه الصلصه يعني احط مكونات الصلصه بالخلاط؟؟؟؟؟

 

[الاسطورية]

انا احب السلطه الطبيعيه وفقها قطع جبن ابيض يعني يونانيه
مايبيلها وصف بعد خخخخخخخ

 

[جورية كويتية]

تسلـــم ايـــدج حبيبتـــي
انا احب السيزر

:eh_s(18): :eh_s(7): :eh_s(18):
​

 

[tabaskom]

ايه حبيبتي كل مكونات الصلصه توضع في الخلاط
و بالهنا و الشفا

 

[omajiad]

هذي السلطة كنت كل ما أنعزم بمكان يطلبونها مني واايد حلوة وسهلة بس الغريب طريقة تقديمها
في طبق الكيك المدور
الطبقــة الأولـــى: ملفوف أبيض مقطع بالطول مع 2م.ك مايونيز يخلط ويوضع بالقاعدة
الطبقــة الثانيــــة: جزر مبشور
الطبقــة الثــالثــة: بطاط مقلي صغير
الطبقــة الـرابعــة: باذنجان مقلي صغير
الطبقة الخامسـة: بقدونس ناعم
الطبقة السادسة: ملفوف أبيض
الطبقة السابعــة: خبز صغار مقلي (نفس خبز الفتوش)

الصلصة: 2م.ك مايونيز + 2 م.ك روب + إشوية ثوم + رشة ملح + إشوية هردة ينخلطون مع بعض وتصبينهم على السلطة بعد ماتقلبينها وبالعافية

 

[J.e.N.a.A.a.N]

انا احب سلطة الجرجير والي يميز هالسلطة انج تقدرين تبتكرين فيها
واحب سلطة السيزر بالدجاج وبدون دجاج
والفتوش عاد هذا غرامي
والتبولة والسلطة الخضرا بس على طريقتي حتى السلطة الخضرا بامكانج تبتكرين فيها واليونانية وووووووو
ما راح اخلص لان في سلطات وايد احبها وانا حاليا اسوي رجيم والي تبي تضعف تاكل سلطة بس مو اي سلطة
فاهميني وشكرا على الموضوع

 

[سبائك]

بصراحه انا تدوخني سلطات البيديان أدوووووووووخ ومع الصلصه البيضا ياسلااااام

عاد انا منزله سلطه ضربت وياي حيل وعجبت الجميع:eh_s(15):

سلطه سباجيه اصليه عجيبه

وطريقة هالفته واااااااايد حلوه ويديده شوفوها

فته تاخذ العقل

 

[رفرف]

انا احب سلطة الألوان كلما اشتهيت سلطة سويتها سهلة ..

المقادير :
خيار
ذرة
جزر مبشور
خس
جبن شيدر مبشور
توست محمص


الصلصة:
صلصة ثاوزند ايلاند .. او كول سلو جاهزة طبعا

 

[فورلا]

السلطة الحلوة عندي
خس وكرونب بنفسجي وابيض نقصصهم صغار ونحطهم بقاع الصحن ونصف فوقهم ناشوز كتكو أو اي نوع
نخلط طماط مكعبات صغيرة مع حبة افوكادو مقطعة مكعبات صغار وعود بصلة أخضر مقطع وكزبر اخضر قليل مقطع وعلبة كريمة حامضة وشوية ملح وملعقتين صلصة جبنة الناشوز وقليل شطة تباسكو ونضع هالخلطة على الناشوز ونزينها بحلقات الهلابينو المخلل ورشة بابريكا
وبالعافية

 

[tabaskom]

هذي السلطة كنت كل ما أنعزم بمكان يطلبونها مني واايد حلوة وسهلة بس الغريب طريقة تقديمها
في طبق الكيك المدور
الطبقــة الأولـــى: ملفوف أبيض مقطع بالطول مع 2م.ك مايونيز يخلط ويوضع بالقاعدة
الطبقــة الثانيــــة: جزر مبشور
الطبقــة الثــالثــة: بطاط مقلي صغير
الطبقــة الـرابعــة: باذنجان مقلي صغير
الطبقة الخامسـة: بقدونس ناعم
الطبقة السادسة: ملفوف أبيض
الطبقة السابعــة: خبز صغار مقلي (نفس خبز الفتوش)

الصلصة: 2م.ك مايونيز + 2 م.ك روب + إشوية ثوم + رشة ملح + إشوية هردة ينخلطون مع بعض وتصبينهم على السلطة بعد ماتقلبينها وبالعافية

أممممممممممممممممممممممممممممممم
تسلم ايدينج و انشاء الله راح اجربها و اعطيج راييي
مشكـــــــــــــــــــــــــــــــــــــــــــــــــورة

 

[أم حسون]

قوه حبايبي بالنسبه اموت عالسلطات وهذي اسويها بالليل لما ايوع اقص خيار وطماط وخيار مخلل وزيتون وجبن شيدر اقصه مربعات صغيره واحط ليمون وخل وزيت زيتون وملح وثوم بودر وادعولي يم يم حدها ونسيت ملح بعد*_* اما السلطه الثانيه تقلين زهر وبيديان يكونون صغار طبعا وتقصين ملفوف اي نوع تبين كيفج وتحطين فلفل بارد ملون والصلصه تكون صلصه فرنسيه وثوم بودر ومايونيز شوي وليمون وخل وزيت زيتون شوووي وجيس كنور بالخل والثوم بالخلاط وتحطينها فوق السلطه مع خبز مقلي مقصص صغار والله جربوها وادعولي بالذريه الصالحه*_* ​