كل من تعاني من خمول الغده الدرقيه

[الغلا2003]

السلام عليكيم ..شخباركم بنات.. الموضوع باين من العنوان..
انا تو سويت تحاليل بخصوص زياده في وزني..وطلعت جميع التحاليل سليمه ..الا ان هناك خمول في الغده ونسبه الخمول 8.6 وصرفلي الدكتور علاج وهي حبوب الغده 50 بس خفت اكلها..:0bee2e8d89:وافكر اني ما اكلها.لانها قالتلي الدكتوره اهي توها صايره فيج الخمول.
وقالت لي الدكتوره السبب خمول الغده انج تحاتيناوتضايقين..
وفعالا انا كنت احاتي علاج الحمل وكانت نفسيتي تعبانه ..لان المشكله من زوجي..
بس الحين منو تنصحني هل اكلها .او انطر لين الشهر الجايواحلل مره ثانيه ..

يارب لا تحرمنا من الذريه الصالحه..

 

[*-زينه-*]

يا حبيبت قلبي و الله الله يشافيج ياااارب و يرزقج و يرزق كل محروم ياااارب :eh_s(6):
بس أنتي أذا خايفه روحي دكتور ثاني و ستشيره

سا محيني أدري ردي ما يبرد القلب بس ما حبيت أطلع بدون رد :0bee2e8d89:

 

[الغلا2003]

الله يسلمج اختي.. انا رحت حق الدكتوره لطيفه الدويسان متخصصه حق الغده وقالت اكليها.. ومشكوره اختي زينه على الرد
وفي دكتور ثاني قال لا تاكلينها .. بس انا خايفه من اعراض

 

[غزل البنات]

هلا والله حبيبتي الغلا انا اقول اشربي لازيد التسبة انا اخت زوجي كانت عندها الغدة وعطتها الدكتورة علاج وهي تشرب العلاج حملت حتى انها ستغربت وخافت ياثر على الجنين بس الحمدلله جابت ولد مثل القمر الله يخليه

 

[الغلا2003]

هلا والله اختي غزل شنو هذا لازيد عباره شنو...يعطيج العافيه اختي غزل على المرور

 

[Orchidah]

اختي اولا الله يشافيج ويرزقج الذرية الصاحة ..

ثانيا .. ما في شي اسمه فيج خمول بالغدة وتفكرين تاخذين العلاج ولا لاء ... لالالالالالالالالالالازم تاخذين العلاج لأن الخمول له مضاعفات على الحركة والقدرة على عمل أي جهد وعملية الهضم والتنفس .. وبالمرحلة الثانية والمهمممممممممممة على الإباضة!! وفي حالات متقدمة إذا زاد الخمول يؤثر على عمل القلب وضيق النفس ...الهرمون عندج 8 والطبيعي لازم يكون تحت 3 !!! ترى المسألة موسهل التهاون فيها وبنفس الوقت موصعبة ...

كل اللي مفروض اتسوينه انج تروحين حق طبيب واحد ويتابع حالتج وذلك عن طريق عمل تحليل tft مرة كل شهر في ثاني يوم الدورة والدكتور راح يبدأ معاج بجرعة 50 وراح يطلب نفس التحليل الشهر القادم ويشوف لحد ما تمشين على جرعة واحدة .. هذه الحبة هي بديل الهرمون المفقود من الجسم بسبب الخمول وهي ليست علاج علشان جذي هذه الحبة تؤخذ مدى الحياة لأجل المحافظة على الصحة ..

انصحج بالدكتور كاشف في مستشفى المواساة واااااااااايد قوي

نسألكم الدعاء ونسال الله لي ولكم العافية الذرية عاجلا بحق محمد وآل محمد

 

[نيبال الايمان]

ياعمرى اول شى يا عسى الله يشافيج ويعافيج ويرزقج بالذرية الصالحه البارة عاجلا غير اجلا اللهم امين يارب
ياعمرى انا مع اختى Orchidah لا تهملين علاجها وتابعى مع دكتور مختص يتابع حالتج وبين فترة والثانية يعيد لج التحاليل 00

يعدين ياعمرى اللى معروف اللحين ان مرض الغده هو مرض العصر يعنى صار شى عادى وتقريبا الكل فيه الغده يا خنول يا نشاط الله يشفنا ويعافينا اللهم امين يارب

بعدين ياعمرى لا تحاتين ولا شى هم مجرد حبوب تساعد على تعويض جسمج من الشغلات اللى فيها خمول بس لازم لازم تاخذينها 00 وهى على فكرة ما تاثر على الحمل بالعكس تساعد على الحمل يعنى لا تخافين من شى 00

توكلى على الواحد الاحد واخذى الحبوب وتابعى مع دكتور نختص بالغدد والهرمونات اذا مو خاص روحى لمستشفى الصباح مركز شيخان الفارسى اللى يم مستشفى الرازى هناك بالدور الثانى مختصين بالغدد والهرمونات وكلهم شاطرين وانا بصراحه اعالج عند الدكتور نظمى نوار بشيخان الفارسى والف الحمد لله حالتى زينى ومستقرة الحمد لله 000

وياعسى الله يشفيج ويرزقج ويرزقنى بالذرية الصالحه البارة ويرزق كل محروم ومحرومه منهم اللهم امين يارب

 

[miss_lymoona]

بنات حبيت افيدكم يقولون علاج الغده اهو القسط الهندي صج طعمه مو حلو بس تقدرين تخلطيينه مع تمر وتاكلينه كل يوم

 

[الزمردهA]

انااقول اكلي حبوب القده لان انا اكلهم من ست شهور واحس الحمدالله في تقدم
والله يرزقنااااا يارب بالذريه الصالحه اميييييييييييييييييييييييين

 

[تفااحة]

البنات كفوا ووفوا واخذيهم .......لاتصير لج مضاعفات ...... كاني انا اخذهم والحمداللة اذا تبين الحمل لازم تاكلينهم ............

 

[الغلا2003]

يعطيكم العافيه على الردود..

 

[الغلا2003]

والنصائح .. ان شاءالله باجر بروح حق مستشفى واراجع عندهم

 

[بيوتي]

حبيبتي لااااااازم تاخذينهم ...

انـا فيني الغده وقاعده آكـل أبو 100 .... والحمدالله على كـل حاال ,,,, وعلى فكره انا نفسج المشكله من زووجـي ,,,, ومع التفكيررر والهممممم .....

 

[Orchidah]

خواتي .. بالنسبة للقسط الهندي .. صحيح اهو ينزل الهرمون لحد أقصى حد بس مع العلاج وما يصيييييييييييييييييييييييييييييييييييير ولا بأي شكل اتوقفين الهرمون .. ترى صارت معاي ووايد تعبت بس الحمد لله عدت على خير ..

القسط الهندي موجود عند العطار وهو طعمه شديد المرورة ولازم تاخذين تقريبا 5 ملاحق شاي باليوم ومع ماء وليس مع أي شي آخر بسلازم تراقبين الهرمون لأن الهرمون راح يبدأ بالنزول وبتكون جركتج كبيرة فلازم تشوفين الطبيب عشان ينزلها لج .. بس مو يوقفه

ما تشوفون شر ونسألكم الدعاء والله يحفظ الجميع ويرفع السوء عن المسلمين

 

[زيـنـه]

خمول الغده الدرقيه ..من اسباب تاخر الحمل او الاجهاض المبكر في اول 3 شهور
والحبه اللي عطوج اياها جرعتها بسيطه و تؤخذ الصبح على الريق و بعدها بساعه تتريقين عادي .
واهي علاج دائم ومستمر لحد ما يضبط مستوى الهرمون بالغده .
استمري على الحبوب لانها من مصلحتج .
و لا تحاتين ..وايد بنات فيهم خمول بالغده الدرقيه و الحمدلله ماهو مرض خطير .

 

[الدم البنفسجي]

شوفي حبيبتي ....

مااخوفج ترا الغدة اذا ماعلجتيها ...تسبب تسقيط الجنين فاحسن لج عالجيها الحين

والله يكتب لج الرزق والذريه يارب

 

[?Me]

حبيبتي لازم تاخذين العلاج

واذا شاكه في العلاج راجعي دكتور ثاني
انا اراجع عند دكتور عبد الناصر العثمان وااايد ارتحت له
والله يكتب اللي فيه الخير


ويرزقج ويرزقنا الذريه الصالحه يارب

 

[شانييل]

أنا فيني غدة وأخذ 50 كل يوم بس صراحة وايد أقطع ساعات بالايام ومرة أكثر من سنه < أمبيه حدي بايعتها
لازم تاخذينها كل يوم على مدى الحياة< تخيلي نفسج مرة سريعة التوالد ههه وتاخذين حبوب لمنع الحمل
ولا تفكرين إنج تزيدين الجرعة من كيفج لأن للأسف أعراض الزيادة سيئة جدا جدا وإسألي مجرب ولا تسأل طبيب
على فكرة لازم ينضبط الهرمون علشان الحمل, لا وتشكل مانع للحمل
وترفع هرمون الحليب
بالاضافة كما هو معروف زيادة الوزن والكسل والاكتئاب وضيقة الخلق بدون سبب
والبروووووووووووووووووووووووووووود الجنسي

 

[الغلا2003]

رحت حقق الدكتوره لطيفه الدويسان ..وعطتني حبوب الغده 25..

 

[الغلا2003]

وتوني اكل الحبوب..صارلي يومين ..والدكتوره اسلوبها حلو..
لاني من شهر 6 ما كليتها ..وقالت انها تأثر على الحمل..
ولازم اضعف التوم بأكلها وواعدتي نصف9