كل من تعالجت وحملت بعد مشيئة الله خلونا نفيد ونستفيد

[أم عليوي]

هلا فيج قدساوية انا كنت ابي العرف بس قالولي نحطلج موعد عنده بعد ٦شهور لان عنده زحمه فا رحت للدكتور عبد الحي خوش دكتور بس لما حملت رحت لمنتهى وانشالله اكون افدتج

 

[غيرلان]

اللة يرزق كل محروم بالذرية الصالحة

 

[قدســـاوية]

ام عليوي مبروك الحمل حبيبتي

غيرلان امين يارب

واااااو من زمان عن المنتدى والحين وقت ال up

 

[رحيل]

انا سويت عمليه طفل اناببب ثلاث مرات عند نفس الدكتور مصطفى تومسو بدار الشفا اول مره ماصار حمل وثاني مره حمل بكيس من غير جنين واجهضت والحمدالله ان ثالث مره صارت واحد وعشرين من هالشهر ادش الثالث وللعلم ان العيب موفيني كل شي طبيعي بس عند زوجي الحركه عنده صفر وقذف عكسي

 

[خيشة شكر@]

الله ياربي يرزقنا بهالشهر الفضيل

 

[عسل حدي]

اب اب اب

 

[جوجوحبي]

الله يرزقج بالذريه الصالحه ويرزق كل محرومه




انا اول ماتزوجت حملت ببنتي ويبتها الحمدلله
وبنتي الجين عمرها 4سنين سبحان الله ماحملت
كنت اراجع عالخفيف عن الاطباء

وقررت اني اروح اراجع والتزم عند دكتوره بس كنت انطر الدوره عساس ابدا مراجعتي
وكان وقتها برمضان كنت بكل سجده اسجدها لربِّ اقول رب لا تذرني فردا وانت خير الوارثين

واستغفر وايد بنية الحمل

وتأخرت الدوره 5ايام وكان زوجي موراضي اييبلي تيست قالي يوم تتأخر شهر كل شهر اييبلج تيست وماكو شي
اصبري
وماصبرت رحت مع اخوي وشريت وسبحان الله خطين
قعدت ابجيييييي بجي
ورحت حللت دم
ربّ لك الحمد

بنات كثروا استغفار وادعوا ترى الرزاق الله سبحانه
ادعو ان الله يثبت اللي ببطني ويكون كامل الخُلق والخلق

 

[عسل حدي]

اب اب اب

 

[الغشمريـــه]

الله يرزق كل اللي بخاطرهم الحمـال

 

[سارة ة]

الله يرزق كل محرووووم ياارب

 

[حبيبة عز]

أنا بقولكم عن تجربتي

أنا قعدت 3 سنوات وماحملت بدون سبب واضح

أنا مافيني شي وريلي مافيه شي

وكانت الدكتورة تقول هذا شي بالطب اسمه عقم غير مفسر

وخلال هذي ال3 سنوات تعبنا نفسيا وايد من ضغط اهلنا والناس والمجتمع والكل يسأل

غير رفيجاتي واهلنا اللي تزوجوا بعدنا ويخشون حملهم عني خايفين من عيني

واللي تطالعني وتطالع بطنها يعني تحرني

المهم شبعت هم وضيقه

ونصحتني الدكتورة بالكلوميد والابرة التفجيريه وماحملت

وبعدها كلوميد وتلقيح صناعي وماحملت

وبعدها اشعة الصبغه وهم ماحملت

وبعدها ابر لمدة اسبوع كل يوم ابره وبعدها تلقيح صناعي وهم ماحملت

وتركت كل شي شهرين

وضاق صدري وصار محد يصدقنا اذا قلنا لهم مافيني شي

ولما سافرنا انا وريلي نغير جو قالوا يقصون علينا رايحين يعالجون واحنا كنا بلبنان نلعب بالثلج

وبعدين قررت انسى الموضوع وامي حنت علي الا اروح عند الممرخة ام فيصل اللي بجابر العلي

رحت وعطتني عسل ولهوم ودوا قهوة ودوا عصيدة وقالتلي لازم تستمرين عليه 3 شهور لان بويضاتج كسوله

سبحان الله شهرين بس ورزقة من الله وحملت

والله اني كنت ادعي كل وقت واستغفر واتصدق .. للدرجة اذا شفت ياهل ادعي ربي بدموعي اللي تنزل

ان الله يرزقني

وبفضله جربت هالنعمه .. اللي ادعي ربي ان مايحرم احد منها

والله يرزق كل محرومه يااااارب

 

[زبــــــــدة]

بنات عندي سؤال

انا ابي اراجع لان فيني الالتهابات ...يصير اسأل الدكتورة عن الحمل .؟؟

ولا لازم تكون علي الدورة ؟؟

 

[Withered flower]

انا ما طولت وايد الحمدلله بس تعبت نفسيا من كلام هالناس هذا وانا صارلي اقل من سنة متزوجة
في خلطة اسمها ام لجين للحمل بقوقل، جزاها الله الف خير حملت بعد الله سبحانه من هالخلطة واتذكر اخر دورة كليتها مع حليب باليوم الرابع من الدورة الصبح وتخيلوا دورتي انقطعت وانا مدتها ٥ ايام ويالي عوار ببطني وظهري فظيع وتحسفت اني شربتها وبعدها باليوم السادس لما العاشر جنه كنت احط ماي مغلي وابشر زنجبيل فيه وانطر يبرد واشرب الماي مرة او مرتين باليوم وسبحان الله حملت ولله الحمد
ادعولي الله يثبت حملي

 

[زبــــــــدة]

^

الله يثبت حملج يارب وتولدين بالسلامه :**

 

[الزيـــــ^^ـــــن]

انا تأخرت سنتين وكنت اروح دكاتره قالو فيني ضعف بالمبايضض وزوجي عنده العدد والحركه قليلين
ماتركت قراءه القران والاستغفار والدعاء .. وتركت المستشفى الخاص ورحت الصباح طلب مني الدكتور اشعه الصبغه
علشان يحولون ملفي لاطفال انابيب ،،وسويتها والحمدالله طلعت سليمه .. ورحت بطلت ملف بمركز طفل الانبوب وقالو ندق عليج
اذا وافقو يعالجونج ولالا ودقو وقالو موافقين وحطولي موعد ع بدايه شهر ٦ وطبعا بنفس الشهر ماحطيت ببالي احمل ابددد
مارست حياتي طبيعيه ،، ويا موعد الدوره ٥/١٤ نطرتها تنزل مانزلت قلت لا اكيد تخربطت لان كانت منتظمه والشهر اللي قبلها تاخرت علي ١٥يوم
وطاف ٧ايام تاخير قلت يلا خل اسوي تحلليل منزلي وانا مومتحمسه كلش وسويييته ولا اشوف خطين سجدت شكر لله وعندي تحليل ثاني من كثر الصدمه سويت ثاني مره وهم طلع خطين وقعدت اصارخ وابجي واسجد لربي وادق ع امي وزوجي وابجييييييي حيييل الحمدالله رب العالمييين ،، ربي اغناني عن عمليه طفل الانبوب،،،
والحين انا بنهايه الشهر الخامس ادعولي ربي يتمم بشوفه ضناي بصحه وعافيه

سامحوني قرقت وااايد بس لانها فرررحه ماتنسى

 

[ابدا يالغالي مانساك]

من بعد زوااجي ب 6 شهور جذي بديت اراجع والحمدلله ماكو شي لا انا ولا زوجي

وتركت المرااجعاات عااد وحده معاي بالمنتدي
نصحتني اني استعمل خلطة الرويس وعشبة المدينه
وستعملناها مع بعض

عاد هي قبلي بشهرين وبشرتني بحمالهاا
عاد انا ستعملتهااا ونسيت سالفة الحمال سبحان الله
وعاد حللت والا حاامل
المهم سالتني رفيجتي الي بالمنتدي قالت تذكري شنو ستعملتي
وذكرت

اني مستعمله هالخلطه
وسقطت هالحمل الحمدلله
والحين بيصير لي سنه من اجهضت ولا صار حمل ورديت اراجع

ويارب ترزق كل بنات قسم تاخر الانجااااااااب

 

[ابدا يالغالي مانساك]

الي تقول خلطة ام لجين
ستعملتها صح تقطع الدوره
3 شهور

 

[عسل حدي]

اب اب اب

 

[حرف ورقم]

استغفر الله الذي لا اله الا هو الحي القيوم واتوب اليه