كل مكالمة معاها تبجيني:(

[الكويتـ80ـية]

الله يكون بعونها ان شاء الله
قصتها تقطع القلب بس الانسان المؤمن الله يبليه عشان يمتحن قوة ايمانه . و رب العالمين ارحم لها من اي زوج تختاره عشاان تنحااااش من مشاكلها .. بالعكس تشد حيلها و تخلص ثانويه و تدش جامعه أو معهد و تشتغل و الله يوفقها و ذاك الساع تختااار عن جداره.

 

[أميرة الورد]

الله يفرج علييها ان شاء الله وربج يسبب الأسباب وعليها احنا انه نكتشفها ويمكن انتي له تكونين سبب ويمكن وضعها يكون سبب عشان الله يحبها قوليي لها الله ييبتلي قومه اللي يحبهم فلازم تكون قريبه من الله وربنا سبحانه وتعالي يشتاق لدعائنا ومناجاته قولي لها كثري من الدعاء وقيام الليل وحاولي اتيبين لها كتب دينيه عن الصبر والابتلاء وانه الله معاها ان شاء الله وحاولي اتبينين لها موقف اخوانها منها انه حرص عليها مو أكثر وربي يحنن قلب اهلها عليها يارب والله عورتي قلبي الصراحه

 

[saro0ona]

الله يعطيج على قد نيتج ..
انا اقول اذا اهيا لايعة جبدها من بيتهم لهدرجة ...
يعني اتوقع جذي ...
الله يعينها الصراحة
و انا اقترح ان تكلمينها تقوليلها تشيل الموبايل الي بالسر لأن لو طاحو عليها بــ يكوفنونها .. عادي خل تكلمج من البيت و اذا واحد فيهم يبي يتأكد يكلمج .. عادي بس ان الو انا بنية .. و بس ...
و الله يزاج الف خير ان شاء الله على الي قاعدة تسوينه

 

[aBoOoRa]

انا اقول لو تتزوج احسن وتنسق امورها مع ريلها وايد اعرفهم كانو متضايقين عند اهلهم ولما طلعو وتزوجو ارتاحو وااااااااايد مع ريلهم

اعرف وحده اهلها من الطبقه الوسطى يعني حدعم على معاش الابو فكاسرين فيها وايد على اساس ماعندنا فلوس ومادري شنو ووايد يعذبووون البنت اول ماياها نصيب تزوجت عشان تفتك من اهلها وطلع ولد حلال وخووووووووووووش ناس وبعد فتره اشتغل بالتجاره وعطاها كل شي كانت تتمنى ان تاخذها واهلها كانو مانعينها ... نصيب ​

 

[SeNyOrA Q8eYa]

مشكورين ياقلبي على ردوكم اللي تبرد القلب...



بنات آخر التطورات:-






كلمتها على أساس ان بس تملج على الدكتور اللي يبيها..

جان تقول اخاف املج ويطلعوني من الدراسه انا اعرف أهلي..

وموضوع الملجه انا مافكر فيه الحين الا برابعه ثانوي..

واللي خاطبها خوووووووووووش واحد بس هي موراضية..

chaaaaaaaaaaaaaw​

 

[زلابيا]

خلاص لي ملجت انشاءالله بتصير بذمة زوجها ..

ومثل ما تقولين اهو دكتور واكيد يبي زوجة المستقبل شهادتها عاليه ..

وخل اهو يتفاهم مع اهلها انه اهو اللي يبيها تكمل وتساعدها بحياتهم المستقبليه ...

 

[عافك الخاطر]

السلام عليكم ورحمة الله وبركاته
اول شي هونيلها المسائل تاني شي قوليلها تكون شخصيتها اقوى من كذا
ثالث شي تفهم شي واحد انه محد يقدر يغصبها عالزواج وخليها تكون واضحه مع اهلها مو تقعد بدارها وتخلي الابتسامه ماتفترقها

 

[SeNyOrA Q8eYa]

كل اللي قلتوه قتلها اياه وموراضية تقعد معاهم..

الا اللهم واحد من اخوانها اللي بدا يحس فيها روح ويرد يطل عليها..

والدكتور اللي قتلكم عنه اهي ماتبي تملج الحين عشان ماتخربط دراستها

لان هو للحين يدرس بلندن تخاف تملج وياخذها معاه لندن..

chaaaaaaaaaaaaaw​

 

[نملة^فاصلة]

والله في ناس ظروفهم صعبه بس الواحد ما يقدر يساعدهم لانه مثل هالبنت عندها الحمدلله اخوان وعقليتهم جذي بس صدقيني يمكن من كثر ما يخافون عليها يعاملونها جذي على حسب البيئه اللي ربوا فيها وانا اعتقد انها تتزوج وتكمل دراستها وهي متزوجه احسن يمكن الزوج يكون احن ويتفهمها ما تدرون الوحده لما يصير لها بيت وزوج تتغير حياتها وبعدين الحمدلله يعني اخوانها موجودين وفي خطاب اييونها يعني احسن حالها من اللي ابوها منفصل من امها ولا اللي اخوانها غليهم قضايا وكلش سمعتهم اللي يطيح حظها وما في طريقه حق تعدل حياتها يعني الحياة ما تبتسم للانسان دايما فلازم الانسان يتقبل ظروفه ويسعى في تعديلها والله يفرج عليها انشالله وترتاح. وسلامتكم :eh_s(8):

 

[SeNyOrA Q8eYa]

بناااااااات هالمسج منها خلاني بجد أحبها وابي أساعدها واكسرت خاطري:-

شوفي الاسئلة مني والاجوبة منها:-

رايك بصراحة:-
1_رايك بالمرسل:-فيك كل الطيبة
2-شعورك عند (فقدانه):- افقد الحب والطيبة
3-صفة لاتعجبك فيه:-لايوجد
4-اغنيةتحب تهديها له:-خذاني الشوق
5-شنو لقبه بجهازك:-........
6-صفة تحبها فيه:-الطيبة
7-كلمة تحب تسمعها منه:-يكفي سؤالج عني بالدنيا اذا ضاقت تخففين عني..


اكسرت خاطري بعد عمري..


chaaaaaaaaaaaaw​

 

[نونو ام كشة]

يا حياتي والله كسرت خاطري
والله يكون بعونها ويصبرها انشالله
بس انتي حبيبة الكل خليج معاها وخليها توخر عن اي شي ممكن يخلي خوانها يمدون ايدينهم ولا يطولون لسانهم عليها وخليها تقط التلفون اللي بالسر لان الجذب حبله قصير ومسيرها بتنجك منهم ... انتي ديري بالج عليها وقولي لها اذا اللي قاعد يخطبونها ناس زينين ليش ما توافق؟؟ احسن ما تقعد حق هالمعقدين يطلعون حرتهم فيها
والله يصبرها انشالله

 

[SeNyOrA Q8eYa]

اهلين حبيبتي نونو..

والله قتلها وخايفة لا تملج ويطلعونها من الدراسه ويطير فيها زوجها لندن لان هو يدرس هنااااااااااااك..


chaaaaaaaaaaaaaaaw​

 

[لازوردي]

والله في ناس ظروفهم صعبه بس الواحد ما يقدر يساعدهم لانه مثل هالبنت عندها الحمدلله اخوان وعقليتهم جذي بس صدقيني يمكن من كثر ما يخافون عليها يعاملونها جذي على حسب البيئه اللي ربوا فيها وانا اعتقد انها تتزوج وتكمل دراستها وهي متزوجه احسن يمكن الزوج يكون احن ويتفهمها ما تدرون الوحده لما يصير لها بيت وزوج تتغير حياتها وبعدين الحمدلله يعني اخوانها موجودين وفي خطاب اييونها يعني احسن حالها من اللي ابوها منفصل من امها ولا اللي اخوانها غليهم قضايا وكلش سمعتهم اللي يطيح حظها وما في طريقه حق تعدل حياتها يعني الحياة ما تبتسم للانسان دايما فلازم الانسان يتقبل ظروفه ويسعى في تعديلها والله يفرج عليها انشالله وترتاح. وسلامتكم :eh_s(8):

و الله انا اييد كلام نمله خل تتزوج احسن لها وتكمل دراستها مع زوجها وصج يمكن يطلع الزوج احن على البنت من اهلها والله يكتب اللي فيه الخير انشالله

 

[SeNyOrA Q8eYa]

هلا حبيبتي لازوردي..

واخيراً حنيت على راسها وقالتلي اوكي ماشي بس بالعطله الكبيرة..

واااااااي والله استانست لها..

وانتوا شراااااايكم؟


chaaaaaaaaaaw​

 

[$$ صعبة الوصوف $$]

حياتي حبوبه كل اللي سويته عين الصواب

انتي ما قصرتي سويتي الشي اللي مفروض الكل يسويلها وبالذات اهلها

وهذا دورج بس ماتقدرين تتدخلين بخصوصيتها وخصوصا اهلها مشددين عليها

وابيدنا الا الدعاء لها والله يهدي اهلها اميييييييييييييييييييييين

مشكورع حياتووووووووووو على الموضوع

 

[[ . . Jee Jee . . ]]

ما بيدج شي غير تكونين معاها وتذكرينها بأجر الصابرين وكاظمين الغيض

قوليلها الله ما ينساج لو الكل هدج .. قوليلها حتى لو صار شي وما قمت اتكلم معاج الله بيكون يمج ..

صبريها خل تخلص دراسه خليها تعتمد على نفسها ..

بس تخلص تتزوج وتفتك من هذول .. بس وصيها باجر لي تزوجت ما تقول حق ريلها عن اخوانها شي خل تحسسه انهم عزوتها لا يعايرها فيهم < ادري تو الناس بس رفيجتي غلطت هالغلطة فـ اول ماقريت الموضوع قلت بقولج على هالنقطة ..



الله يعينها ويوفقها ويبعد عنها شر اخوانها .. الله يحنن قلبهم عليها ويهديهم ..



قوليلها لما تصلي خل تدعي الله يهديهم .. ترى كثرة الدعاء تغير الاقدار
لا تبطل هالدعوة خل تدعيها كل يوم بصلاة الفجر واهي ساجده

لا تقنط من رحمة الله​

 

[[ . . Jee Jee . . ]]

ماشاءالله عليج حبيبتي .. حدج طيبة

آنا بسرعه كتبت الرد ورديت اقرا ردودج .. الله يوفقها معه الدكتور

يارب يكون احن قلب عليها بالدنيا ..

بس لا تنسين تنصحينها باللي قلت لج


طمنيني عليها ..

 

[حصة]

والله يزاج الله ألف خير انج فرجتي عن هالمسكينة بس انتي مو بايدج الا تواسينها وتسمعينها عشان ما تمل البنت وقوليلها خل تصبر الصبر مفتاحة الفرج انشالله

 

[وهــج]

الحين انتي مدرسه ولا طالبه ؟؟؟

 

[سليلة المجد]

جذي بتعمقين نظرة اخوانها وظنونها لها عدل ليش شارية تلفون لها..؟؟