كل مكالمة معاها تبجيني:(

[SeNyOrA Q8eYa]

مرحباا بنوتات شلونكم؟؟

بنات بليييييز سمعوا وقولولي شرايكم بتصرفي؟؟

في بنت معاي بالمدرسة ظروفها حييل صعبة امها شهيدة من زماااان واخوانها

حيل متشددين معاها ومادرون عنها حية والا ميتة.؟!!

واذا شافوها زفوها وقطوا عليها كلام يضايقها..

ليدرجة ان البنت قامت تقعد على طول بغرفتها وماتطلع الا اذا بغت تروح الحمام

أعزكم الله او بتروح المدرسة..

فأنا كنت مادري عن هذا كله بس كانت دايم تسولف عن أبله عندنا وهالابلة

رفيجتي حيل حيل لا مو رفيجتي وأختي وأكثر وحده فصله معاي..

المهم كنت وايد اشوف هالبنت معاها بعد الساعه فسألتها شفيها هذي؟؟

جان تقولي تشتكيلي من اخوانها ظروف بيتهم وايد صعبة.. حى خواتها بعد

ماتزوجو ماقاموا يسألون عنها.. أمبيه والله قطعت قلبي..

المهم هالبنت معاي بالبدنية وانا أعرفها وهي تعرفني بس موذاك الزود معرفه؟؟

يعني بينا بس سلام..ناديتها وقتلها عطيني اي دفتر عندج..

عطتني الدفتـــــــــــــــــر وإلا:-

أكتب لها رقم بيتنا وقتلها متى ماتبين دقي واذا عندج شي وبتقولينه وماعندج

من يسمعج ترى كلي آذان صاغية.. فخذت الدفتر وهي مستانسة.. واشوفها

رايحه راده يمي..جان أقولها شفيج احس علامة استفا شكبرها على ويهج..؟؟؟


جان تقولي لا لأن اول مرة احد يقولي جذي ويطلب صداقتي من نفسه..

اكسرت خاطري..

المهم جان اقولها ان عيونج فيها حزن ولا أطلعه وأبدله بافراح..

جان تقولي افففففففففف عندي لي الراس..

بعدها دقت كلمتني وشرحتلي كل اللي قتلكم عنه في بداية الموضوع..

وااااي اخوانها قمة في الحقارة يبطون الجبد يدورون اللي يونسها ويحرمونها منه

المهم وكل ماتكلمت بالتليفون اييها اخوها ويقولي بسمع منو تكلمين؟؟((أي شي))

فهي شرتلها تلفون بالسر وكاسرة خاطري..والبنت دينة وملتزمة..

وكل هذي التصرفات من اخوانها ليش؟؟

عشان يولها 3 يخطبونها وارفضت وقالت بكمل دراستي..

وكل واحد قام يقول اي أكييد عندها أحد في بالها وعاشقته وماتبي غيره..

والله يابناااااااات كل ماأكلمها تكسر خاطري وتخنقني العبرة في المكالمه..

ما ادري ودي اساعدها بس شلووووون ساعدوني؟؟؟​

 

[Filakawyia]

الله يعطيج العافية على اللي سويتيه و انشاء الله تقدرين تساعدينها يا رب

الموضوع مو سهل يبيله تفكير عدل عدل قبل اي تصرف

عشان جذي ماقدر اعطيج رايي الحين الا لما افكر و انشالله البنات بيفيدونج بعد

 

[SeNyOrA Q8eYa]

ماقصرتي حبيبتي فيلجاوية..

بس والله حتى اذا دقيت على واشتكتلي تقول كلمة تعور قلبي:-

(انتي أكثر من أخت وأكثر وحده ارتاحلها)

تعور قلبي بهالكلمة.. انا ترى بدت علاقتي معاها يوم السبت؟؟​

 

[dima]

way 3awartaaay galbiii

madri staghfarallah allah yahdi khwaanhaa

shofay golelha teg3ad ma3a khwanha o teshra7lhom kel shay wetbayenlohom wejhat natharha 3adel eb sebab rafth'ha lezawaj o ham teg3ad ma3ahom o tashkelhom 3an lehmom wetbayen lohom enhom emgasreen ma3aha lazim et7achehom 3ashan e7soon bs etha ma ta7achat ohma mara7 yehtamoon sadgeneee khat7awel tetgarab menhom wetkalemhom mara maretain lama e7soon feha mahma kan hathol khwanha men la7amha o damha

o alah esahel 3alaiha o yafreej hmomha enshalah

 

[SeNyOrA Q8eYa]

آآآآمين..

بس ديما حبيبتي هي حاولت مع اخوانها بكل الطرق ودايم يدقرون فيها..

وكلمت خواتها ويقولون لها احنا مالنا شغل اهم اخوانج وانتي اختهم..

ولا جنها اختهم(حسبي الله عليهم)..​

 

[SeNyOrA Q8eYa]

عاد تدرون والله اليوم صج عورت قلبي..

الأبله اللي قتلكم عنها اللي هي كانت تسولف معاها خلاص بتنتقل..

ويوم قالتلهم بالساعه البنت اقلبتها عزى

تقولها وانا كل ما أغلي أحد واحبه لازم افارقه..

يعني اليوم انتي وباجر حبيبة الكل؟؟


واااااااااي بعد عمري صج تكسر الخاطر..

مع انها أكبر مني بسنه ترى. بس متأخرة بالدراسه؟!!

Chaaaaaaaaaaw​

 

[SeNyOrA Q8eYa]

وينكم؟؟

محد معبر الموضوع؟؟

بلييييييز ساعدوني ما اقدر بروووووووحي​

 

[dima]

hmmmmmmmmmm

staghfarallah hathol ahal!
sij fe nas eglobhom gasya

wain khalat'ha?? aw 3amamha?? wain oboha!!

 

[SeNyOrA Q8eYa]

ابوها مايقدر على اخوانها..؟؟!!!!

شسالفه؟؟

ليش في ابهات جذي؟؟

الكل ضدها..

بنات والله اكتب الموضوع وانا خانقتني العبرة..


chaaaaaaaaaaw​

 

[الغاليه نونو]

شوفي ياقلبي ياحبيبة الكل انا قلبي تقطع علي رفيجتج هذى وفي مثلها وايدين وانتي الله دزج حق هذى البنت علشان تنصحينها وتاخذين مابخاطرها وعالاقل علشان ماتفكر بشى موزين ويقص عليها ابليس لاسمح الله
سمعيني انتي خليج معاها بالمدرسه ونصحيها وحاولي تقولين لها انه مو بس اهيا جذى وايد بنات عندهم نفس المشكله مع اهلهم لاتحسسينها انها ابروحها اللي تعاني حسبي الله علي اهلها مايخافون باجر بنتهم تسوي شى بعمرها تنتحر والا تتعرف علي بنات ابليس ويخربونها ويشوهون سمعتها
انتي علاقتج فيها خليها بحدود المدرسه ولاتحاولين تدخلين حياتها وتتعمقين بتلفونات خوفج لا اهلها يسووون لج سالفه دام بنتهم موواثقين فيها فما بالج الغريبه؟
تقدرين تهدينها كتاب لاتحزن خليها تقراه نصحيها بدراستها واخذيها بالكلام شوفيها ليش ترفض الزواج اقنعيها تتزوج الريال المناسب بشرط تكمل تعليمها يمكن هاللي يبي يتزوجها يرحمها من هالعذاب الخيره فيما اختارها الله سبحانه
والله العظيم يابنات قبل اسبوع امي طاحت علينا فيها القلب وبلاوي الله يبعدها عنكم ويشفيها يارب رحنا وديناها طواري مستشفي مبارك شوي والا اييبون بنت صوووووره مثل القمر تهبل عمرها اقريبا 19 سنه بالعه حبوب وتبي تنتحر يوم سألت أمها اشفيها؟<<<ملقوفه تحب بلاغة الشف ههههه
جان تقول تهاوشت معاي ودشت غرفتها وماطلعت ويوم كسرنا الباب لقيناها مسدوحه بالارض والحبوب يمها ومغمي عليها قلت حق امها ليش تهاوشتي معاها شالسبب قالت تبي تروح عيد ميلاد رفيجتها وانامنعتها واخوها هاوشها واناهاوشتها قلت لها ليش ماوديتيها انتي ونطرتيها؟ جان ماشفتي بنتج جذى جدام عينج بين الحيا والموت ... نسأل الله العافيه لي ولكم ولكل من تحبون وتغلووووون وعساكم ماتشوفون شر موليه بتاتاااااا البته

 

[SeNyOrA Q8eYa]

ياحلاتج يا غلاتي وياحلات كلامج..

نصحتها بدراستها وقتلها تشد حيلها عشان لويابت الامتيازات يمكن تسكر عينهم عن هالموضوع ويتغافلونه مدام انها شدت حيله..

لأن هم يعايرونها انها عادت السنة مرة ودرجاتها الحين كلها عالحفه..

فعطتيها نماذج امتحانات واوراق مراجعه عشان تدرس منهم وتشد حيلها..

مع انها مونفس مجالي انا علمي وهي أدبي..

بس حبيت اساعدها.. بعد عمري..

بنات ابي مسج حلو يخفف عنها ضيقتها عشان ابلتهم انتقلت..

Chaaaaaaaaaw​

 

[dima]

shno ya3ni obo ma yegdar 3ala 3yala !!! allah la yeblana

law metzawja yemken chan ar7amlaha men hal 3esha

maskina alah e3enhaaaa

 

[Filakawyia]

عدل كلام البنات . . .

*** اول شي زين سويتي و كملي بعد نصحيها عشان دراستها و قوليلها علشان يصدون عنج اخوانج .

*** ثاني شغله اذا اهيا ماتبي تتزوج خل تفهم اخوانها السبب . . وانا اقول احسن لها تتزوج و تشرط انها اتكمل دراستها و اذا الزوج طلع نحيس اكيد ما راح تخسر شي و الاحتمال الاكبر ان يكون زيييييييين و تفتتتتتك من هالعيشه

*** ثالث شي و اهوه اهم شي خل تلجأ حق ربها اكثر و اكثر و تقوي ايمانها . . . و عطيها اشياء ايمانيه . . .يعني كتب او اشرطه ترا ماكوووووووو سعادة من غير ايمان

و لا تنسين تبشرينا باخر التطورات . . و قوليلها في وايد بنات يحبونج و يبون يساعدونج

 

[سوق الجمعة]

شوفي اختي .. يوم كنا بالثانوية اغلب البنات كانوا اخوانهم حكرين وشديدين وكانوا يشتكون حتى انا كان عندي اخوي شوي حكر .. والبنت بهذا السن تكون حسااااااااااسة ودايما مكتئبة والاخوان يشدون عليهم لانهم يخافون عليهم من هالسن المراهقة بس والله العظيم بكرة تكبر يطيعونها في كل شيء ويراعونها وحتى يتزوجون وينشغلون في حياتهم وهي بعد تنشغل بزواجها.. صدقيني اللي تمر فيه اغلب البنات مروا فيه فترة معينة وتعدي..

 

[^^ جـنـونـيـه ^^]

بصراحة حبيبه الكل انا لو اني منها اتزوج واللي فيها فيها عالاقل القى احد اسولف معاه واحس اني عايشة بدال الحكرة احد يفهمني و افهمه مو اخوان معقدين حتى التيلفون بالحسرة المسكينه حلها ياانها تصبر و تقاوم اخوانها ليما تخرج او انها تتزوج و تكمل دراستها عااادي عالاقل بس تملج عشان يخفون عليها شوي و بعد الدراسة عاد تزوج

 

[نيوفه]

اولا الموضوع يقهر لان المفروض ابوها يعوضها بالشي إلي فاقدته و يكون معاها مادام هذي عمايل اخوانها فيها يعني مو يشوف بنته جنها قاعده تتعذب جدام عيونه و يسكت و الله ظلم ياناس الموضوع وايد صعب يبيله تفكير و قرارات من ناس تعرف حالتها عدل و معاملة اخوانها لها بالضبط لان مو اي قرار يمكن يكون لصالحها او تستفيد منه
بس الله يهديهم و يعينها ويعطيها على قد نيتها و ينزل الفرج من عنده يارب

 

[زلابيا]

عورتي قلبي عليها .. الله يعينها ويفرجها عليها ..

بس مثل ما قالت نونو انتي خلي علاقتج معاها بحدود المدرسه اخاف اخوانها يطيحون عليها بشي مثل التلفون وتصير السالفه براسج!!

المهم نصحيها خل تتقرب اكثر من الله وتكثر من الدعاء والله انشاءالله يسخر لها اهلها اخوانها وخواتها ..

الغاليه نونو ..

البنت ماعندها سالفه الله لا يبلينا !!! ليش اهلها منعوها من انها تروح عيد الميلاد وهاوشوها قامت وبلعت بهالحبوب!!! وانشاءالله كل مره بتقعد تسوي جذيه كل ما منعوها من شي بتروح بتنتحر!!! لازم شوي الاهل يصير لهم كلمه وراي مو كل شي يبونه هاليهال لازم يصير الحمدالله والشكر ..

الحمدالله الذي عافانا مما ابتلاهم به

 

[مها77]

حبيبتي اول شي جزاج الله كل خير على اللي سويتيه معاها
واعتقد ان ربي هداج لها علشان تعينينها لان مجرد انها تلاقي احد يسمعها اعتقد شي كبير بالنسبه لظروفها
ثاني شي انتي لازم تخلينها تصبر وربج يفرجها عليها
لان ماراح تقدر تسوي شي مع خوانها الا لما ربي يفرجها من عنده
وربي يهونها عليها

 

[QUMAR]

والله ما عندي حل ولا أدري شقول بس والله بجيت وانا أقرا الكلام
مالي غير الدعاء لها بظهر الغيب
وجزاج الله خير يا الغاليه علي تعاملج الحلو معاها ربي يكثر من أمثالج

 

[دوللي]

الله يعينها ياربي وعليها بالصبر