كل مدرسه مو متزوجه تدخل .........

[Watch GirL]

التعب على الاثنين و التدريس قاتل قاتل قاتل والله يعين كل المدرسين بالعالم على المهنه الشاقه هذي​

 

[كويتيه وافتخر]

الله يعين سواء متزوجه او متزوجه الاخلاص اهوا اللي يفرق

 

[درة أهل الطولات]

احس ماله شغللللللل

 

[ضحكة بريئة]

التدريس متعب
ولا يطاق قاموا يضغطون علينا ويحملونا شي فوق طاقتنا
سوا متزوجة والا مو متزوجة

 

[همس الحراير @]

رد : كل مدرسه مو متزوجه تدخل .........

بنات رجاء
كل وحده تكتب قبلها تعليقها متزوجه او لا

 

[راية الكل]

رد : كل مدرسه مو متزوجه تدخل .........

شوفوا يالغاليات
كونج دخلتي مهنة التدريس سواء مغصوبه والا مو مغصوبة فلازم تحملين اي شغل يجيج وتنفذين
ولازم تعرفون
( ان الله يحب احدكم عملا ان يتقنه ) والتدريس أمانه
صج ان الهمة تختلف من وحدة الى وحد بس مو شرط متزوجه والامو متزوجه
والتدريس متعب وكراف ويبيله جهد يعني ما ينفع وحده بارده مو لمصلحتها يعني حرااااام انتي طالعه من بيتج ومخليه عيالج وبالاخير ماأرضيتي ربج بشغلج وما حللتي معاشج
وأنا من النوع ما أرضى اني اكون عاديه باي شي او اني اخذ امتياز عادي أقل من 94 وطبعا هذا الي ماكل قلوب الحريم مني وسبب غيرتهم بس يحترقوووون والتميز لناااااا
أبي اخذ امتياز مرتفع فوق 94 لا وبعد اخذ 97 والحمد الله كان هذا تقييمه العام وأككككككيد نزل اسمي من ضمن الاعمال الممتازه همن احسبها بمادية افيد واستفيد

 

[جيتك تعال]

ما اعتقد يفرق ... بالعكس انا اشووف المتزوجة اكثر تحمل للمسؤولية " من وجهة نظري عالاقل "

وبعد حاليا بعض الخريجاات نوعا ما ما يحبون الشغل ... او التدريس ما يرضي طموووحهن

الي يحب الشغل والتدريس بيدرس سواء متزوجة او لا

وهالسنة بالذاات الضغط كبير على المدرساات شغل وضغط ولوووية وللاسف كل الضغط ماله علاااقة بالتدريس

كلها مجهوداات ومظااهر وتكلفة مالهاا معنى بحجة الانشطة الفااشلة

 

[عيون السعودية]

رد : كل مدرسه مو متزوجه تدخل .........

انت بسؤالج رديتي جاوبتي نفسج المتزوجه تقريبا مو فاضيه للتدريس لانه وراها هم ثاني البيت العيال الريل بيتها اللي تهتم فيه ووييه اما المو متزوجه ترد تقط راسها عالمخده تقعد وقت ماتبي تشتغل وقت ماتبي تنام وقت ماتبي ماوراها شي ومع هذاااا هم ثنتينهم واااايد تعبانين ومضغوطين لكن المو متزوجه اكيد اهون من المتزوجه لانه عندها هم واحد واللي اهوا المدرسه والله يعين كل المتزوجات ويزوج اللي مو متزوجات امييين

سواء تدريس أو غيره البنت أكيد تكون أقل تعب من المتزوجة لأنه ماعندها مسؤليات

اتمنى الزمن يرجع للوراء كان غيرت مهنة التدريس وشفت لي وظيفة غير :krkrkr::krkrkr::krkrkr::krkrkr:​

 

[رضاهم جنه]

شنو الفرق بين 90 و95 بالتقدير مو كله امتياز ؟؟؟ وهل ياثر هالموضوع على ترقياتج

بالتربيه يأثر :bbbiu:

الي 90 ماتاخذ اعمال ممتازه اما 95 وفوق تاخذ

 

[رضاهم جنه]

اول شي انا متزوجه:ioljnmlk:


وبمدرستنا العكس هو الصح الي مو متزوجات اكثر غياب من المتزوجات وخصوصا التعيين الجديد مطنشين بالامه

مو شرط الزواج يأثر على التدريس الي تراعي ربها وتخاف الله تعطي كل طاقتها لطلبتها بس للاسف الي كرهنا بالتدريس حاليا الطلبات الي مالها معنى والزوج الي يحبط معنوياتج :eh_s(2): انتي خوافه ومسخرينج ومن هالسوالف هذا الفرق

 

[الشقردية .com]

رد: رد : كل مدرسه مو متزوجه تدخل .........

شوفي حبيبتي انا توظفت قبل أتزوج وبقيت خمس سنين وبعدها تزوجت وصارلي ألحين 3سنوات متزوجة وبكمل الرابعة ادعولي العمر كله
التدريس كله تعب وشقا للي تعطي بضمير خصوصا اذا مادة أساسية مثل اللغة العربية وأنا كنت أعطي من قلب للطالبات والادارة بس للأسف اداراتي ماشفت منهم شي لاحمدا ولاشكورا
فبعد ماتزوجت عاهدت نفسي اني ارضي ربي بطالباتي والادارة اسوي اللي علي وانتهى موضوعها
لان أول ماتعينت يمكن ثاني سنة لي سويت مهرجان على مستوى المنطقة التعليمية وحضروا الصحافة وتلفزيون الكويت وافتتحت المهرجان الشيخة شيخة جابر الأحمد الصباح وانصدم بالأخير الناظرة معطتني 90 وانا طول السنة موغايبة وماسكة 18حصة واذاعة امانة موقهر ولا نهاية العام مختارة معلمة مثالية اجازة وضع

اي ام وذ يوووووووو فعلا المهنة شاقة ماله شغل فيج بس المعروف الي المتزوجة راح تكون مقصر اما في بيتها او في التدريس

 

[ام حنااين]

ما اقدر احكم على الانسات لانى متزوجة من تعينت معلمة

لكن ملاحظتى للمعلمات بالمدرسة كلهم يسوون اللي قادرين عليه مومقصرين

وتنبط جبدى من رئيسة القسم اذا زادت الطلبات على غير المتزوجة بعذر انها ما وراها شي

امااانة هذا كلام ؟؟؟؟ كلنا معلمات وناخذ نفس الراتب والشغل لازم يتوزع بالتساوى


اسفة على الاطالة

 

[(كويتيه عسل)]

ماله شغل متزوجه ومومتزوجه

في ابله معاي في القسم ماشالله عليها متزوجه وعيالها بالابتدائي وحامل وماشالله نشيطه

وشاطره ماشالله عليها بيتهم بعيد صوب القرين وتيي المدرسة مبجر مدرستي في العاصمه

وتسوي وسايل فناتك وتسوي دروس نموذجيه ورياديه وتسوي بروشورات

وفناتك وتدرس عيالها وعيالها متفوقين وتطلعهم وتروح تزور وتيي

وتحضر في البيت وناصبها اكثر مني احسن مني انا اللي مو متزوجه :ch12: احضر في المدرسه

وماآخذ معاي شي في البيت وكاشته في التوجيه والمدرسة مااسوي دروس ولا شي لانهم موكفو

 

[αησмα]

السلام عليكم

شلونج أختي همس الحرآيــر

حبوبه المتزوجه للأسف بالموت تفضى لنفسها <<

أمـأ اللي مو متزوجه شنو عندها دوآم / ترجع من الدوام تنام جم ساعه
تقعد مع الاهل عقب تشوف شنو شغلها وتسولف مع رفايجها وعادي << أريح لها هههههه


الله يوفقج كل مدرسه ما تزوجت الله يرزقها بالزوج الصالح ويعينها ع الحياه يارب
واللي متزوجه ومو متهنيه بحياتها الله يششرح صدرها ويسخر لها زوجها يارب

حبيت أتواجد بهالصفحه يالغلا

رآقت لي

 

[james546613]

شنو الفرق بين 90 و95 بالتقدير مو كله امتياز ؟؟؟ وهل ياثر هالموضوع على ترقياتج

اكيدفي الكادروالاعمال الممتازةوالترقية

 

[درر النور]

رد: رد : كل مدرسه مو متزوجه تدخل .........

اشكرك كل من الرد
ولو سمحتوا كل وحده تكتبت حالتها اذا متزوجه او مطلقه او غير متزوجه
وتذكر شنو رايها بالتدريس
؟؟؟؟؟

حبيبتي .. انا غير متزوجة يعني الفئة أعزب الوظيفة مدرسة ..اقول انا التدريس ودخلت سلكه اللي ما ينقطع اسوأ قرار اتخذته بحياتي العمل في هذه المهنة وندمت عليها التدريس بالنسبة للغير متزوجه هم وغم تدرين ليش المتزوجه يراعونها أكثر .. يعني اذا كانت حامل تغيب تأخذ مجلس طبي .. بعدين تولد .. بعدها تأخذ اجازة وضع وبعدها امومه ... يعني تقزيره اعرف وحدة قررت بعد القرار اللي أقره مجلس الأمة وضايق الوزيرة موضي الحمود انها تحمل كل سنة تقول حتى اقرب على التقاعد ... يعني فري ...رأي انا ولا يؤاخذني البنات المتزوجة حالتها افضل وأعذارها تقبل أعرف وحدة من صديقاتي الناظرة حاطه عليها وطبعا هي غير متزوجة وتقول ويش عندها بنية وفاضية لا وهذه الفاضية يعطونها شغل المدرسة كله واذا تكلمتي قالوا انت مو متزوجه ما وراج شئ يعني اكرفي .. واذا احد جاء وخطبها .. طبعا جاء علشان الوظيفة وراتبها اقول نعرف وحدة من زميلاتنا المدرسات جاء واحد يخطبها أهلها قالوا انها راح تحول ادارية يعني بوزارة التربية وراح تشتغل في مدرسة بس الراتب أقل ، تدرون ويش قالت ام الخطيب لا واحنا ليش جاين نخطبها أجل ؟ يعني الحبيب جاي يخطب المعاش يعني راتبها .. الناظرات يكرفون الغير متزوجات ويهلكونهم هلاك .. يعني المتزوجه تتعذر بزوجها وعيالها .. والغير متتزوجه غير مسموح اعذارها ودايما يقولون ويش وارها .. يعني من فيكم يا بنا ت تشتغل خطابه وتزوج كل المدرسات في وزارت التربية وكل وحدا عازب يأخذ ثلاث مدرسات والناظرة دعاية .. ويفتح شركة من رواتبهن هههه .الله يجزاها خير ........:eh_s(15):

 

[unapproachable]

جربت الوضعين .. المتزوجه المفروض تقعد بالبيت وتربي عيالها ابرك من تربي عيال خلق الله ... وانا حاليا مو متزوجه واحس الدوام وناسه واحسن من قبل ليما كنت متزوجه

 

[همس الحراير @]

رد: رد : كل مدرسه مو متزوجه تدخل .........

حبيبتي .. انا غير متزوجة يعني الفئة أعزب الوظيفة مدرسة ..اقول انا التدريس ودخلت سلكه اللي ما ينقطع اسوأ قرار اتخذته بحياتي العمل في هذه المهنة وندمت عليها التدريس بالنسبة للغير متزوجه هم وغم تدرين ليش المتزوجه يراعونها أكثر .. يعني اذا كانت حامل تغيب تأخذ مجلس طبي .. بعدين تولد .. بعدها تأخذ اجازة وضع وبعدها امومه ... يعني تقزيره اعرف وحدة قررت بعد القرار اللي أقره مجلس الأمة وضايق الوزيرة موضي الحمود انها تحمل كل سنة تقول حتى اقرب على التقاعد ... يعني فري ...رأي انا ولا يؤاخذني البنات المتزوجة حالتها افضل وأعذارها تقبل أعرف وحدة من صديقاتي الناظرة حاطه عليها وطبعا هي غير متزوجة وتقول ويش عندها بنية وفاضية لا وهذه الفاضية يعطونها شغل المدرسة كله واذا تكلمتي قالوا انت مو متزوجه ما وراج شئ يعني اكرفي .. واذا احد جاء وخطبها .. طبعا جاء علشان الوظيفة وراتبها اقول نعرف وحدة من زميلاتنا المدرسات جاء واحد يخطبها أهلها قالوا انها راح تحول ادارية يعني بوزارة التربية وراح تشتغل في مدرسة بس الراتب أقل ، تدرون ويش قالت ام الخطيب لا واحنا ليش جاين نخطبها أجل ؟ يعني الحبيب جاي يخطب المعاش يعني راتبها .. الناظرات يكرفون الغير متزوجات ويهلكونهم هلاك .. يعني المتزوجه تتعذر بزوجها وعيالها .. والغير متتزوجه غير مسموح اعذارها ودايما يقولون ويش وارها .. يعني من فيكم يا بنا ت تشتغل خطابه وتزوج كل المدرسات في وزارت التربية وكل وحدا عازب يأخذ ثلاث مدرسات والناظرة دعاية .. ويفتح شركة من رواتبهن هههه .الله يجزاها خير ........:eh_s(15):

كلامج سليم والله ومقنع بنفس الوقت
ممكن سوال كم لج بالتدريس ؟؟؟

 

[همس الحراير @]

جربت الوضعين .. المتزوجه المفروض تقعد بالبيت وتربي عيالها ابرك من تربي عيال خلق الله ... وانا حاليا مو متزوجه واحس الدوام وناسه واحسن من قبل ليما كنت متزوجه

اما انتي شكلج توج موظفه ؟؟؟؟؟عشان جذي مستانسه
كم لج ؟؟

 

[N F N F]

حبوبه المسؤوليه من بس زواج وعيال !! فيه مسؤوليات وايد على غير

فيه متزوجات مايدرون عن بيوتهم وفيه بنات شايلين بيوتهم وأهلهم والعكس صحيح

وبالمقابل فيه ناس اتداوم واتدرس بذمه وفيه ناس اي كلام سواء متزوجه والاا لا

انا ماشوق الزواج ومسؤولياته مقياس ابدا ​