كل متزوجه تدخل تعطي رأيهاا.

[لوكي وكلي دلع]

مرحباااا



بنات أنا متزوجه صار لي 4 إشهر

ريلي حبؤوب ما في شئ بس. صار له شهر متغير
دوامه بمزاجه.مضبط عمره كل يوم يقعد. على 2. الظهر. ويتغدا
ويقعد شوي ويمشي. وما يرد للساعه 9 وننزل تحت
ونقعد مع أهله للساعه 11 ونروح لشقتنا بعدها ويقعد معاي. ساعتين
ولا ثلاثه يعني بالكثير السأعه 2 نايم ه. وكل يوم علي هالحال زهقت

لما أناقشه يعصب ويقول. أنا عندي ربعي وعندي أهلي ودواوين
ولما إزعل يحقرني. ويعطيني طاف. ويكمل جدوله اليومي. وكل يوم نفس النظام
أسلوبه حلوو معاي بس إذا ناقشته. يتنرفز. ويتغير. أسلوبه
وإذا. ما سكرت الموضوع تصك هوشه وإزعل. ويطلع. مأدري كل الرياييل ما يقعدون بالبيت
بالنهار. ولا أنا غلطانه. ؤاهوو الصح. مأدري. محتاره أهوو حبوب ومرات يفضي نفسه لي بس. مودايم
أبي رأي الكل لأحد يطلع من غير. تعليق

 

[s7ab]

اب اب

 

[شافوك بحساسي]

هذي هي حياه الزوجيه موكل الوقت رومنسيااات ولاكل الوقت مقاابلج



بدايت الزواج كنت اتضااايق بعدين حطيت في بالي في شغلات غيره اهتم له

 

[Beyoncee]

عادي حبيبتي مو اجباري القعده بالبيت
الاغلب لازم ربع ودواوين الزواج مو تملك خلى فيه مساحه للشخص حق نفسه
اذا ع الروتين انتى كل فتره سوي تغيير يعني مو دوم مجابل ولا دوم طلعات
نظامكم حلو خلى الويك اند خاص لج معاه

 

[ام المزيووون]

نفس معاناتي وكان نفسي أحط نفس موضوعج بشوف وضعي طبيعي ياليت الكل يحط رايه اذا كل الرياييل



جذي عالاقل نريح نفسنا لأني قاعده أحاول أغيره بس لا حياة لمن تنادي ....

 

[فوفو22]

وابتدى المشوار

على قوله الفنان الراحل عبدالحليم حافظ

هذا هو الزواج

يوم ليك ويوم عليك

يوم وناسه ويوم ضيقه خلق

يوم فرح ويوم زعل

تخف هالسوالف كثير مع العيال والانشغال فيهم

استمتعي بوقتج

فوفو

 

[ماتغير شي]

عاااادي حبيبتــي انا ريلي يطلع من الساعه ٤ يرد ٢ هذي طبيعة الريال

اغلب الوقت براا البيت


وبعدين اهو زيــن معاااج وحبوووب


وانتي حاولي تكسرين الروتين


واشغلي نفسسج بالوقت الفراااغ


والله يوفقج حبوبهـ

 

[Le chat]

حده عادي وزين ريلج يرد مبجر في حريم رياييلهم يردون البيت الفير وكل حياته دوانيه هذا الي فيه بلا المهم اذا تبينه عندج قوليله طلعني بس لاتحكرينه بالبيت يزهق

 

[قلب طفـــله]

عادي اغلب الرياييل جذي بعدين انتي تقريبا ثلاثة ارباع اليوم معاج شتبين

اكثرقولي الحمدالله غيرج تنام وتقعد وريلها لين الحين ماجا وان جا ينام ولمن

يقعد يطلع لاتضغطين عليه وتحنين على راسه ترى الريال مايحب الحنه

والمشاكل خليه يستانس شوي موشرط يقعد مجابلج 24 ساعه وترى احسن انه

يغيب

شوي عن البيت عشان تاخذين راحتج تحطين زيت ولاتهتمين ببشرتج تحطين

كريمات وماسكات وتتسبحين وتتعدلين ,توج ببداية حيتج معاه لاتخربين على

روحج عشان سبب تافه اذا حابه ياقلبي تستمرين معاه اصبري ولاتخلينه يشوف

منج الا الكلام الحلو والابتسامه موفقه

 

[Gifts&Occaions]

انا عندي موعادي انا زوجي يقعد معاي بالبيت وموكل يوم دوانيه

 

[دلع انثه]

الريال مايحب الحكره انا كنت نفسج اول اضايق



بس بعدين اهو قال ليش ماادقين تقوليلي تعال ولا شي قلت له عادي ابي اخليك علي راحتك وتستانس مع ربعك
قام بعدين يقعد معاي ويطلعني بدون لا اقوله وخصص جم يوم حق ربعه وجذي وهم لازم يطلع مع ربعه
وانتي لهي نفسج باي شي طالعي فلم ولا شبكي او قومي سويلج اي شي يلهيج ولا تحنيين عنده بنفس الموضوع ترا يمل من الحنه بس خل ينظم وقته مو كل يوم مع ربعه ومخليج يعني طلبي منه انه يطلعج ترا انتي تقدرين تخلينه كله معاج باسلوبج الحلو

 

[ام الحلوااات]

وابتدى المشوار

على قوله الفنان الراحل عبدالحليم حافظ

هذا هو الزواج

يوم ليك ويوم عليك

يوم وناسه ويوم ضيقه خلق

يوم فرح ويوم زعل

تخف هالسوالف كثير مع العيال والانشغال فيهم

استمتعي بوقتج

فوفو

مـــــــعـــــــــــاهــــــــــــــا :eh_s(15): :eh_s(15):

 

[amami al-kuwai]

عن نفسي زوجي اول مايقعد يطلع مايرد الا بعد مايدوخ وبينام

وزوجي نفس زوجج طيوب وحبوب

 

[! بــدويه وآآيــد !]

،


حبيبتي الزوج اول ٣ او ٤ شهور بالكثير مجابل زوجته بعدين الزوج يصحى ويحس روحه غير الشباب يشوف ربعه طلعات ودوانيه ووناسه وو وو وو وهو لا !
يبدأ يرد لحياته اول يرد لربعه ودوانيته وغيره

هذا شي طبيعي ١٠٠٠٠٠٠٠٠٪

الرجال مايصير يلغي حياته كلها ويجابلج انتي وبس !! الروح تبي ارواح تجابلها وتسأل عنها وتتواصل معاها غيرج


واكبر غلط انتي قاعده تسوينه انج تعاتبينه وتحاسبينه !! ترى جذي بينفر من القعده معاج وبيطول السهر

وزوجج زين يرد مبجر ترى غيره دام في بيت اهله ساكنه يقول ماعليها خوف ويمكن ينام برا

انا ساكنه شقه بروحي وزوجي ساعات يطلع من العصر ويرد الفجر طول هالوقت بروحي متخيليه ؟؟ اهاوش ؟ احاسبه ؟ اربطه واخليه يمي ؟ لا

اول كنت اعاتبه مثلج الحين وكان يقول لاتعودين تعاتبيني وتركي عنج هالسوالف ومو كل شوي تسألين

خليته على راحته متى مارد رد ولا اسأله وينك ولا ليش تأخرت صار يطول حيل بعدين يدز لي مسج انتي شنو قاعده تسوين ؟ بيشوف شنو ملهيني عنه !
بعدين صار اهو يعاتبني ان انا ما اسأل عنه ولا اقوله وينك ولا اقوله تأخرت علي صار كل مايرد يمد البوز ليش اني ما سألت عنه وهو طالع يقولي انا لو يصير لي حادث وانام بمستشفى ماتدرين عني

الحين صار يرد مبجر وهو طالع يدق علي ويسأل عني ويقول وينه ومع منو وشنو يسوي
يحب يسمع مني كلمة طولت علي واذا قلت له طولت علي اليوم من باجر يرد مبجر من الساعه ٩ او ١٠

ما اقول لج كله مجابلني لا للامانه بالويك اند ساعات ينام بالجاخور وانا انام بروحي
بالويك اند حيل يطول ولايرد الا الصبح لكن باجي الايام معاي ومجابلني وتعامله حلو معاي ويسأل عني هذا كافي

مايصير يلغي حياته وربعه كلهم عشانج ومايصير يقعد بالبيت ٢٤ ساعه

ونصيحه نصيحه نصيحه لاتعاتبينه عالتأخير خلج عادي لاتخلينه ينفر منط ويتأفف وهو طاش البيت جنه داش على محقق
انا رفيجتي عروس زوجها كل خميس وجمعه ينام بالشاليه وهي توها صار لها شهرين بس !! يعني حالج وزوجج وحياته تبارك الرحمن وماشاءالله انا اشوفها حيل زينه ومومقصر معاج محترمج ومخصص لج وقت كبير من يومه

الله يتمم عليج حبيبتي

 

[روح مغليهاM]

انا عندي موعادي انا زوجي يقعد معاي بالبيت وموكل يوم دوانيه

:eh_s(15)::eh_s(15)::eh_s(15):

 

[انثى الكويت]

لا حبيبتي مو عادي شدعوه طول هالمده برررره من الساعه ٢ الظهر اي دوانيه واي رفيج هذا الي بيجابله شدعوه ٦ ساعات بره

اول شي اهو ما يداوم يقعد ٢ الظهر شحقه

انا ريلي يقعد بالبيت وله يوم دوانيه وتبلش اساسا من يمعتهم من ٧ حدهم ١٢ اغلبيتهم متزوجين وراهم دوامات
ومرات اذا امي يت لي ولا اختي يهدنا ويروح ينرهم شوي ويرد

بس ما يتاخر ويجابلني انا لي حق اسولف معاه واطلع معاه واتدا واتعشا معاه
ولنا بالويك اند زوارات اهله واهلي


وحتى لو ساكنه ببيت حموله لا تنزلين كل يوم مرتين بالاسبوع كافي وين استقاليتج وين راحتج غلطانه
اهو بينزل كيفه انتي لا

حاجيه بالموضوع وبيني له انه هالشي مضايقج يعصب حق نفسه

واذا مافاد حتى بالساعات الي يقعد وياج فيهم لا تقعدين معاه تحملي
واذا قالج شحقه مو قاعده معاي قولي له تعودت تكون مو موجود معاي طول الوقت وحقريه

لما يحس انه صج مقصر
واذا بيطلع طل يوم قولي له من المغرب الساعه ٦ للساعه ٩ حلو تكونين مسويه له عشا
وتشرطين ما يتعشا بره عشان يتعشا معاج بس يكون قاعد معاج العصاري وبليل حلو

هذا راي بس بره وايد بره البيت يخترب حبيبتي ماقولج بنات لا حشا اقصد ربعه يشيونه
ترا بعض الرياييل العن من الحريم

 

[black rose BH]

عااادي حبي

اغلب الريال جذي

حاولي تلهين روحج بشي عشان لا تفكرين ولا تعصبين ولاتزعلين

والله يسخره لج

 

[ضايعة بدنيتي]

البنات ما قصروا

لهي نفسج عنه وخلي الكلمة الطيبة دايما هي الاساس بينكم دام انه محترم ويستاهل

الله يسخركم لبعض

 

[ga6wa90]

عادي هذا طبع أغلب الرياييل

أهم لا تحنين وتناشبينه أهو بروحه بيمل من وضعه

 

[Patcholli]

حبيبتي لاتسجنين الريال وخليه يطلع لاتخنقينه وتحاسبينه اهو ريال مو ياهل
وبالوقت هذا شغلي روحج بشي مفيد