رد: كل ما دقينا بالارض نبني وتد***من ردآآآ’ الحظ وآفتنا حصآآآة>>روايه جديده وواقعيه ر
بإسم الكريم نبدأ
\
\
\
\
\
\
\
**** آآآالبآآآرت آالاوووول****
كل دقينا بالارض وتد **من رداااة الحــظ وافتنـآآ حصاه ..
دانه :سحبت الشباصه من راسي و حذفتهآآ من الدريشه ...
انا (( فرح )): يا سخيفه والله لأوريج يا حيوانه تعآآآلي .... <<وتركض دانه تنحاش وانا وراها
نور وديمه وراهم يتفرجون <<< ديمه تصور بالفون
صعدت دانه السطح وادخلت من باب مفتوح من فوق
راحت انا اركض وراها ،،، وورانا ديمه ونور
فرح: يا حيوانه يا سخيفه افتحي الباب لا اتوطى ابطنج يا تااافهه جدري يجدر عظامج يا سخيـــــــــفه بطلي ...
دانه : ماني فاتحه ...هههههههههآآي
ديمه ونور صارو ضدي
دانه : تطل من فوق الباب ومعاها طاسه وتسأل البنات عن موقعي بالضبط عشان تقطه عليها..؟؟
قطت دانه الطاسه ..بس ما صابتني وقطت ثانيه وماصابتني بعد ..!!
انا ((فرح)): مسكت شجره ..<<"شكبرها شطولها شعرضها مادري شلون شلتها ودخلتها من الفتحه"
... وفجأه طلع شبل من فوق الباب << اشلون طرى عليهآآ مدري
دانه : هع هع هع اتحداج اتقربين.......
وطلعت دانه الشبل من الباب وتوجهه بكل مكان ولما لقتني قامت تلحقهآآ فيهـ تبي اطقهآآ << ألعن ابو الأنوثه الي عليهآآ
أنا انحشت ما جني القويه الي كنت واقفه عند الباب ابي انتفهاا..؟؟
وصار ازعاج مو طبيعي وصياح وانا نزلت تحت و اركض بكل مكان منحاشه من دانه،،،
ودانه ميته من الضحك على شكلي <<و طبعاً ديمه و نور لازالو يركضون ورانا ويصورون...
وليد كان نايم بالصاله وقام يصاااارخ : يا حيوانات يا ازعاااااج بنام......!!!!!!!
نور : والله هذا مو مكان نوم عندك غرفه ..<< قويه اشلون قالتها مدري لو انا مكانها جان جتني جلطه لمجرد التفكر اني بقولها ...
و طبعاً نور انحاشت عشان ما يصير لها شي لأنه معصب ..<< دايم اتقط بلاوي وتنحاش لين ينسى الي صار وترد كأن شي لم يكن لا وأحيانا تقعد تصيح واتجذبه وتحلف انها ما سوت شي ..!!
احنا عائله بدويه مكونه من اب وام وثمان بنات و ثلاث اولاد <<فديتنا
الشخصيات
الاب فيصل: رجال حنون على بناته بس أغلب الاحيان يأثر فيه وولده ويكون ضد بناته..!!
الام حصه: مره متسلطه عوبه..، ما تمشي عدل الا اذا قاطعوها بناتها طيبه مع الكل الا بناتها ..!! <<لانها تبينا فل اوبشن اخاف سياره وانا مدري ,,,يعني ببساطه <<< حكوووووومه
مرام: عمرها 38 سنه ... البنت الكبيره نكته ودمها خفيف وبالحرشات مافيه نفسها تحرش اللحين حرشات تقطنا ورى الشمس..
وو بعد دقيقتين ما كأنها سوت شي..!!
متزوجه وعندها خمس بنات شمس وشوق و جوري و مي ونوره ...........،،، ،،
وميته تبي ولد وبصراحه ما الومها لأن بناتها دمهم مرض!!
الاخت الثانيه مها : عمرها 34 سنه .. مره ملتزمه وطيبه
بس لو الله يفكها من الحرشات << بس الحمد الله تحرش على اساس الدين والاخلاق
وماتسوي الشي الي تنهي عنه ..!! احسن من غيرهآآ وبتعرفوون منو بالروايه ،،
عندها ثلاث عيال و بنت ،، سعد وسعود وفيصل وفي حبوبين ومؤدبين بس لو يفكونا
من تنقل الاخبار كل سالفه عند ابوهم فضحونه عند هالناس..
بدور: عمرها 32 سنه .. عوبه بس دااااايم مع الحق واكثر وحده متفتحه
من العقد الاربع ، عندها بنتين وولدين .. تعجبني تدخلتها وماتهاب احد ، والكل يخاف منها ويحترمها لانه
يعرف انها ما تدخل الا معا الحق وما تسكت على الغلط ...<<تعجبني هالاخت دايم ناصرتنا على اهلنا العقد ..
الاخت الرابعه نوريه:عمرها 28 سنه .. هذي مره مرض ومره عسل ومره غثيثه ومره حبوبه ...!!!احسن
شي فيها انها بسرعه اتحسف على الي تسويه واذا زعلتنا اتراضينى << بدفآآشه طبعا ولكن عادي
احنا نفهم انها حاسه بغلطها ونمشيها ...لانه عقب هالسالفه ادلعنا واتعدل اسبوووع "
اللهم لاحسد اسمالله علينا وديعات ياكثر مانطوف،، ما علييييش سو خير وقطه بحر ...!! "..
عندها ولد وبنت متزوجه من خالد ولد خالي ،،، حليو وهو الوحيد الي حاس بقيمتنا .. دايم يسأل عن اخبارنا
واحيانا يخليها اطق اسبيكر لا كلمتنا ...!! << يموت على خبالنا والوحيد الي يحس ان مصايبنا فله وطول عمره
يقول ياليييت عندي خوات نفسكم <<ما ابالغ ان قلت اختي ما حبتنا الا عقب ماتزوجت لانه زوجها 24 يسأل عنا وعن اخر اخبارنا ...!!
ما قص عليكم اذا قلت انه احيانا يقرى مسجاتنا الي نسولف فيها معها ويقعد يرد علينا ...!! رهيبه رداته بس دايم انغلبه .. ؛)
وليد : اخوي الكبيــــــر عمره 26 سنه .. اخخخخ وما ادراك ما وليد مرض وغثيث وطبايعه
شينه وشكاك بدرجه مو طبيعيه ،، منكد علينا عيشتنا وعليه غيره علينا مو طبيعيه
،متزوج وعنده ولد وبنت ،، فيصل وألماس..و مرته كافيه خيرهاا شرهاا ..,,
سلطان :اخوي الي اصغر منه ،، بس تقريبا عكسه عمره 24 سنه .. عزآآآآآآآآآآآبي حليو ..
كافي خيــره شره معظم الأحيآآن وفي احيان " لا رافج .... او حرشه وليــــــد او خمته جنووونه ،،...؟؟ "
يصير يدخل شره ويكفي خيره بس هالانقلاب يدووم اسبوعين واحياناً
أقل و في هالفتره نسوي عزل جماعي ،،، كل مادخل بغرفه نطلع منها وندش غيرها ... L
<<<نصبر واجرنا على الله ..!!!<< ضعيفات محد حاس فينا الله يعين ..!! ..
بس اهوو نادرا مايقعد في البيت بس ينام ويتسبح ويبدل .. يعني مادرى عنا .. J
دانه : عمرهآآ 22 سنه .. مفتي مصر الاغاني حرام والافلام التركيه حلااال..!!
الاغاني الخليجيه حلال والمصريه حرام..!! ،،، البس علاق حلال والبس قصير حرام ..!! ملجه من 4 سنين ،،،
...ومنشفحه عالعرس ومن شفاحتها كل ما جو يحددون العرب فطس لهم واحد اول ابوه بعدين عمته بعدين
اثنين من عيال خالاته وبعدين اخوه ومابقى غيرها وغيره ياهي ياهو وينتهي هالعرس المأساوي ؛؛ نسيت
اقولكم ان ناصر يصير ولد عمي ... L اما بالنسبه للسوالف فدااااانه تموووت فيهاا ،، واحينا تجي وتجذب علينا
عشان اتسحب الي عندنا وترسل نور اتسمع لانها بارعه بهالمجال ،، طبعا دانه مستحيل تنقل سالفه بدون بهارات
ولا ماتعتبرها سالفه أصلااً ..!!<< بس اختي هذي تعجبني دايم عندها نظريه انها دايم على صح والناس غلط
و الناس ماتحبها واتحب تظلمها <<< تحب اتعيش هالدور حيـــل ،،، بس حبوبه وطيبه وتمشي بالمساير ... J
ديمه: بنت اختي عمرها 19 سنه .. (( اختي توفت من زمان و منطقه بيتنا )).. مطنشه بالدنيا ،،
مالها شغل بشي وعندها قناعه تامه انها وجدت في هذا البيت بالغلط ..!!
وانها مصيرها بترد للقصر الي سقطت سهوا منه ..<< والله تعجبني مطربه روحها بروحها
وماعليها من احد ..؟؟
تموت بالنت وشغلها الشاغل تربية عيال الشوارع
و شعارهآآ اربي واجري على ربي ..!!وبعدين بتعرفون المقصد .. J ...<< ماشالله حتى بالغط تقنع نفسها انه صح
احيانا احس انها مو صاحيه و احينا اقول ياحظها ..!!
أنا فرح << فديتني : كانو يقولون اني مؤدبه عمري 18 سنه ..كنت مؤدبه مطيعه والكل دايم
يمدحني وكل ماقالو عني شي... << نور وديمه يلقطون وجيهم وناقدين ..!! و يحاولوون يثبتوون
عكس هالشي ووصلت فيهم انهم يقولون اني امثل على خواتي
ااني مؤدبه ومحترمه ..>> بس اللحين و ما أدرااك ما ألحيــــــن في تحسن خطييييييييييير وخربت
لدرجة اني صرت ألعن منهم .. وصاروا يخافون من تصرفاتي ..!! وحتى خوالي لاحظو التغيير ..!!
واستغربوو من تصرفااتي << بالصراحه احس اني عدلت عيشتي بهالتغير ..
طقيتهم بالطووفه مو كفو الي يحترمهم ويعطيهم ،،وجهه ويستاهلوووون الي يقلب عليهم ...!!
و يستاهلووون الي يسوونه دانه وديمه ونوور لا وشويه بحقهم بعد .. :$
نور : عمرها 16 سنه ...طالبه بالثنوي مسكينه و سكينه بالوقت نفسه ...!! يعلونها بسبة الدراسه
و مهتمين بدراستها اكثر منها .. وطبعا الاخت الي ورها دراسه مو فاضيه ،
خربتنا وطيحتنا بالجات والمسن والمنتديات...!! عمري مافكرت ادش جاات ومن عرفتها حسيت اني
غلط اني ما ادشه واقتنعتنا اننا انسوي خير ..!!<< على شنو مدري .،، وهمها تربي بالناس نفس تفكير ديمه ...
بس اهي على ألعن بحيــــــــــــــــل ....!!!! تموت بالسوالف واي سالفه لازم اتعرفها لدرجة ان ديمه الفت فيها اغنيه...
،، نسيت اقولكم ان ديمه تحب تكتب اغاني وشعر وتبدع بالاشعار والقصايد الي
فيها سب للرياجيال وبالروايه راح تقرون بعض من مؤلفاتهآآ المهم ... نور عندهآآ قدرة تمثيل خطيره اتخلي الي
قدامهآآ يجذب عيونه ويصدقهآآ .. J << هالبنت خطير كم مره احاول اجذب مثلها ما اقدر على طول تطلع جذبتي
واحيانا اقعد ابجي ليش مدري << والله اني خبله ..
غلا:عمرهاا 9 سنيــن ،، غلطة عمر يعني انولدت بعد نور بسبع سنين ،لا التفكير نفس التفكير ولا السوالف
نفس السوالف وبطه وفيها غثاثه مو طبيعه طبعا بسبب اختلاف العمر..
.لدرجة اننا مانقدر نسولف او نطالع الي نبيه عندها ..>>> ترووح لبوي وتقوول يطالعون فصاخه .. L ،، بس اهلي حيييييييل
مدلعينها و أصلآآ مانفخهآآ الا الدلع الماصخ الي مو لايق لا على عمرها ولا على شكلهآآ...!!
حمد : عمره 7 سنين ،،هذا ينحط عالجرح يبرى عسل ومطيع و وخواف وبطه يمووت بالزرط ...
ما شافت عيني أخق منه بس عسل ابرك من غلا ... بمليوووووون مره << فديته
يومه رخمه معجبنا وينقل لنا السوالف ويمشي على كيفنا ،،، على طوول عند خوالي
مقيم ببيتهم ونادرا مانشوفه ..!! ماخذ راحته الاخ واكثر من نص قشه بيت خالي ،، ما ابالغ ان قلت
ان اغراضه الي عندهم ... اكثر من الي عندنا ...!!
>>>>>>>>>>>>>>>> الجـــزء الاول <<<<<<<<<<<<<<
طبعا القصه راح تتكلم عن العزابيات وفيها ادوار قليله للمتزوجات لأن كل السوالف عننا ؛؛
خواتي المتزوجات طبايعهم شينه لازارونآآ ،،، لازم ينكدون..!! و ما يطلعون الا فارين مخ امي 180 درجه << طبعا هذا الزياره تشحن مخ
حصوص((أمي)) علينا عدل مدل ..،، >> وتقعد اتزف وتعطي محاظرات بلا هدف ليــه قبل الزياره الثانيه ،، ..
و هم نظام احنا سنعات ما في نفسنا احد ،،، ابووك يالجذب الوحده لو خدامتها تمسح الطوفه ،، ادق على
حصوص((أمي)) آآخ يا ايديني مقدر احركهم ،،من الصبح وانا افرك بهالطوفه لين ماصارت
تقوول منظره حتى زوجي يوم دخل .... انهبل و ماصدق انه هذي طوفتنا لدرجة انه قال عمري ما شفت طوفه بهالنظافه ...؟؟؟ <<< صاااااااارووخ،،
وكل وحده يا ارض اتهدي ما عليكي ادي .خابرينهم قبل لايتزوجون .. يعني على ميـــــن تلعبها.؟؟
****************************
اما حنا يالبنات الصغار شغلنا الشاغل نرفع ضغط حصوص(( امي )) بدووووووووووون قصد !!! ودااااااائماااً ،،
خواتي ينسبون رفعت ضغطهاا وسكرهاا لنـــــــــا ..!! دون دليل او اثبات او أي وجه حق "" يعني جذي لازم
يقطووون السبه على احد وما لقووو غيرنا واحنااا ... ساكتيــــــن نحتسب الأجر
..،، ان الله مع الصاااااااابريـــــن ""و هم بعد نحب نسوي عكس اللي يقول عليه وليد يعني نحب نغثه ونكسر كلامه،،
اهو مصاب بمرض عجيب .. الكل لازم يقول انه كلامه صح ...،، لدرجة لو يقول اللبن احمر لازم نقوول صح ..!!
و طبعا بعد كل مهمه نسويها من وراه نوزع على بعض شهادات تقدير رفعا..!! لمعنويتنا الي كان من الممكن انها
تطير روسنا بسبة فعايلنه ... J ،،بعد هو سخيــــــــــف كل ما طحنا بشي منعنه منه << بشكل مو طبيعي أمثلــه واقعيه من حياتي :: :$
ايام الطفوله :: حرمنا من سالي ..!! تخرب افكاركم ..؟؟
وأبطال الدجتل << بحجة ان النجمه الي على بلوزة امجد شعار اليهوود ...؟؟
ايام المراهقه :: مسلسل الخوالي << يحسبنا معجبات بنصاار ويخاف ننفتن :: نصار حاليا المخرز
بمسلسل باب الحاره ::<<< امانه في احد يطالع بهالخشه ...!!!!!
طب طب طب <<< طحنا بالكوره ...اطلعت ،، حرام على البنات " لانه مايقدر يقوول انه ما يطالعهآآ "
ونص الي يطالعونها اقلبو بويات ...!! من صجه << حنووون ..،،يخاف على خواته ..؟؟
"" يمنع لمجرد المنع لا للدين ولا للمصلحه ولا للعادات او لأي سبب مقنع !!"" ونظرا لأننا نعرف نوايه فما
نسمع كلامه ..!! تأديبا له ،، وردعا لامثاله ...هههاااي
شفنا مسلسل سنوات الضياع،، ويوم قربت الحلقه الاخيره ودرى اننا
انطالعه جننا ومنعنا يقول انه حرااام ... و هو من زوود الدين يحمل الحلقات من النت مايصبر عنه ..!!<< امانه هذا وجه احد يسمع كلامه
دانه : بنااات في مسلسل تركي ..،، يجنن والبطل "مهند"،، يا زينه زيناه يطيح الطير من السما ...
ديمه: زين بنتابعه بس كالعاده بالخش والدس لأن اخوكم لي شافنا طحنا بشي حرمه علينا
نور : قطييعه ذبحتونا فيه شهالعقد اللي احنا ساكنين عندهم ..؟؟<< منو يطلعون هذيــل .!! مدري
فرح: يبا ما عليكم خلونا انتابعه اللحين ونشوف منو العنز الي بيحبهآآ مهند ...
شافو البنات الحلقات السبع الاولى بالاعاده وهو مسافر طبعا وجازلهم البطل والقصه وقررو يتابعونه
وكل ما جا وليد قلبو القناة وغيرو الاعاده لأنه ليه شافهم قلبو طق
لاست وسوالهم فلم هندي ولما نشتكي لاهلي ..يطيرووووووون من الوناسه ويذبحوون حاشي ،، واحيانا
حصوص تبجي وتقوول " الحمدلله الي عشت وشفت ولدي يصير رجااال "<< ...!! لاتعليــــــــــق
في غرفة الاكل
<<<<
ام وليد : شفت بناتك ،، كلو وانحاشو وحتى مواعينهم ما نزلوها تقول
ضيوف مغير منعزلات بغرفهن ،،ياكلون ويمشون ايدهم بالطوفه
ابو وليد مايحب يرد بكلام امي : خلاص يام وليــد انا بزفهم لج ..
<< صعد فوووق وبطريقه مر علينا ،، وزفنا على الخفيف " لانه اصلا مايعرف يزف ..
وحتى على هالزف الخفيف الي ما أثر فينا ،، تحسف ورد يراضينا !!"
%%%%% في الصـــآآآآلــه عقب مانزلنــــــــــــاا %%%%%%
ديمه: يمه ، متى يحددون عرس دانه ..؟؟
دانه بعصبيه مصطنعه ووناسه مخفيه: قاعده عله على قلبج انا..!!
ديمه بهمس : اكلي تبن ولا بصكر الموضووع ،، ودوري احد يجيب هالطاري غيري ..
فرح :أي صح يمه متى طفشنا .. ما صاارت
نور : ياي دانه ،، مو متقبلتج اتزوجين يالمرجوجه
<< طلعت دانه بره الغرفه مو حيا طبعا بس جذي طفشت
ام وليد : ما عليها بنيتي
ام وليد : اشفييييكم على دانه ،، كل ما قابلتوها قعدتو تسولفون عن العرس انتو ما تستحون
يا ويل قلبي ويلاه حنا قبل لا جا طاري العرس ما تشوفون الا غبرتنا وانتو الوحده لا جا طاري العرس فتحت
شردوقها ( فمها ) وقامت تسولف
نور : يمه اشفيج الله يهديج اللي اختشو ماتو
ام وليد : تكش بيدها مالت عليج
البنات :هههههههههههههههههه
يوم الخميس ،،،... الصبح عالساعه تسع ....
قمنا و احنا نسمع ازعاج عيال صغار تحت
ديمه : شهالازعاج
انا: ........... << نايمه وطاقه الدنيا بالطوووفه
""نور قامت شكت بعمرها اليوم شنو ..؟؟ وراحت تركض لغرفة ديمه""
نور : اليوم خميس شجايبهم هذول..؟؟؟
ديمه: اوووف يالغثا ،، الله يصبرنا لا يكونون ناوين خميس وجمعه وسبت.. L
نور : الله يعينا عالغثا ،،امشي بعد لا يقولون دحيم وانور صح النوم كالعاده سوالف سخيفه .....!!
نزلو البنات ما لقو الا نوريه ،، سلمو وعليها
ديمه: اليوم خميس شجايبكم
نوريه زياره وابشركم خميس وجمعه وسبت
كشرو البنات << اااااخ الله يعين ويصبر ..
الباب يطق..؟؟
فتحت الخدامه الباب الا مصدر ازعاج ثاني
الا مرام وعيالها جايين << لاتلومونا عياااالهاا هيـــــلق جنهم جاين من الكورياات
البنات : يا ررربي ،، اليوم خميس شعندكم جاين ؟؟
مرام : ياختي ما نستغني عنكم نحبكم.. و ابتسامه مررررررض
البنات : كشرو و كل وحده نفسها اتقط نفسها من السطح ، لانه ارحم بكثير من مقابل ووجيهم ..!!
#### ع الساعه 11 ،،####
لعايله متجمعه...<< على خير انشالله
بدور بابتسامه : نبي قهوه ..
احنا << لاتعليق
وترد بدور بخز : نبي قهوه....!!
احنا << كل وحده اطالع بالثانيه
وهم ترد بدوور بشبه صرااخ : نبي قهوه ..!!
انا << احرث بالفرشه .. " بقلبييي ,, يارب ينسووني "
دانه << تحك علباها .."بقلبها ،،يارب اطيح برااس ديمه "
نوور<<انخشة ورى مها .." بقلبها ،، يارب مايشوفوني "
ديمه <<حطت رووحها نايمه ..!!"بقلبها ،، ياااااارب .. مو انا "
...........!!!!!!!!!!،، ياسبحان الله كلنا طلعنا مشغووولات "يعني منو تبي يقووم ويشتغلهاا ..!! "
مرام : وين القهوه ..،، يااااااااااو حنا زايرينكم مالت عليكم وعلى الي يفكر يزوركم
نور بصوت وااطي بالنسبه لهاا ومسمووع بالنسبه للكل : من قالكم زورنا سو خير وفكوونا من زوارتكم ..
<< خواتي ابتسموو وقلبووها ضحك ...
فرح: البيت بيتكم لا تقولون زياره وانتو مطيحين عندنا اكثر من عند رياجيلكم ..
دانه :نور قومي جيبي القهوه
نور : ما اعرف اسوي قهوه..!!
دانه : يا سلام اختراع انا اعلمج ..
نور : ما ابيلج علم،، عمري ما ضبطتها شالفايده
اسويها وتنكب..<<اتخسي هذا عذرها لا مابغت اتسوي شي ..
بدور: تهاوشو تهاوشو بتقومون والا اقوم
دانه وهي قايمه : هالبنات ما يستحون آآآآآآآآآآه ما غير انا اللي اشتغل وهم متسدحات ،،
حيوانات رفلات كش وجيه قليلات ادب وتصيح تصيح لين اوصلت المطبخ واختفى الصياح...
مها : ياختي استحو على وجيكم ما غير دانه اللي تشتغل
ديمه: ما سوت شي توها قايمه
فرح: دانه لو تحرك فنجال من الارض لازم انحرك فنجال ثاني والا ما ترتاح
جابت دانه القهوه واهبدتها على الارض << كالعاده ..بدور: قوم يا فنجال ، تعالي ابي اشرب قهوه
ديمه: لالالالالالالا... مو جذي ..!!! قولي يالمطاره صبي القهوه بالفنجال ويا فنجال تعال تبينه يجيج فاضي ..!!!
البنات : هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه هههههه
نوريه : ديمه كم معدلج..؟؟
ديمه بقلبها : اللعن ابو الغثا،،
ديمه بجذب: 2 .42
عاليه : اوف ليش .؟؟
ديمه: زين معدلي مرتفع !! <<بنظره تقولها انطمي
عاليه: وانتي فرح..؟؟
انا: وانتي ليش تحبين الاسئله ..؟؟
عاليه : خلصيني عاد
وقلت لها المعدل.......
لفت على نور
عاليه : لا تفشليني .،،وما تدشين الجامعه
نوريه : خليها هي تبي تجاري
نور بقلبها يا هالغثا اللي مدري متى يخلص،،
^^^^^^^^^^^^ انتهت الزياره الميموه على خيــــــــر بالنسبه لناا ،،
وعلى رفعت ضغط بالنسبه لحصوص..!! لانها اكتشفت انهاا ماربتنا عدل ويبيلنا اعادة تربيه ^^^^^^^^^^^^^^^^^
:::::::::::بالليل الساااااااااعه 11:::::::::
نور : متى تجي العطله نبي انسافر دبي ..؟؟
أنـــا: أي والله واحسن ما في السفره انه اخوج الغثيث مو معانه ..،،
ديمه: اخوكم مو هنيه ..عاد بنفلها فله ،، وناااسه j
دانه : بنروح اول شي سيتي سنتر لما رحناله العام طلعنا وليد على طول وما كحلنا عيونا بالمزين الي هنااك ...
الساعه 4 العصر
انا و ديمه ودانه ونور وحصه قاعدين عالتلفزيون انتابع سنوات الضياع
حصه : يا بنات ،، لا يجي وليد ويشوفكم يفضحكم فكونا من المشاكل
نور : يمه مسكرين الباب ونراقب كل دعايه خلاص عاد بنتابع نفس الناس ،
عالاقل لي طاح علينا الا احنا شفنا شي مو ما شفنا شي وننزف..!!
أنـــا : يــــــمه ..!! بس خلاص الله يخليج ترى وترتينا ، انطالع عالطل ما عرفنا شصاار وراح نصه وما شفنا شي ..!!
دانه : يمه ولدج عقيدي ومعقد قطيعه..<<جايبه شي من عندج ..؟؟
ديمه : والله يا ويلنا ان طاح علينا << .. ورايحه راده ، من الخوف ما شافت شي ..
دانه : ديمه انطمي بنفهم شيصير..
<<< دخــل وليــــــــــــد ..... و طبعاً انحشناا
وليد بعصبيه : يمه انا شقايل ..؟؟؟؟
حصه : والله انت مالك حكم علي ..<< قويه بنت ابوهآآ..
وليد <<تفشللل: يا حياتي ادري مالي حكم عليج ، بس حرام يا ناس حرااااااام ما تفهمون..؟؟
<< احنا انتسمع من الدرج الي يم الغرفه عشان اذا طلع ننحاش على طووول..
نور بهمس : اللي يشوفه يقول لحيته لسره عاد..!!
دانه : اووووف ، سخيف الله ياخذه ما جا الا يوم جت الفقرات العدله
وليد : يصارخ بناااااااااااااااااااااااات..... دانه ديمه نور وفرح اللحين كلكم تنزلون
نزلو البنات..
فيصل ابو وليد<<بعد التحرييش : بنات حنا شقلنا على هالافلام مو حرام
دانه : يبا حنا بنكمل المسلسل وماراح انتابع مسلسل تركي مره ثانيه بس فضول بنعرف شيصير ..
وليد بصراخ : انا اقولج شيصير يتزوج لميس يحيى وتجيب ثلاث عيال وسحر اتهاجر وتيم يموت
نور : ماشاء الله وانت شدراك ؟؟؟؟
وليد يرقع : واحد من ربعي شايف الفلم بالنت وقايلي قصته
نور : وانت ليش مهتم ، تسأل عن الفلم << بابتسامة خبث
أنـــاً بهمس :نور الله ياخذج ، جبي بتجيبين العيد على روسنا الله يستر..
وليد عصب : ما سألته هو يسولف ..؟؟
نور : اهاااا...<<صاج ماجنه هو الي يشوفه ولا يطوفه ، لا ويحمل حلقاته من النت بــــــعد !! ..
انا اساسر نور : الله رياجيــل وهالله هالله وهذي سوالفهم ..!!
دانه :: بعدي والله مصخرتيه شوفي اشلون قلب وجهه...خخخخخخ
ديمه : جددددددددي نبي نشوف المسلسل
ابو وليد : لا يعني لا، حرام يا بنات خافو ربكم...
انــا : المسلسل مافيه شي ..!!
وليد : ما في شي قوليلي قصة لميس..؟؟
انا << كليت تبن وقلب ووجهي مدري ، شتقوول بس الله انقذهآآ ..
نور : انا اقولك ..
وليد : يالله ،
نور : يحيى يحب لميس ، وكان بيتزوجها وهو عنده شركه منافسه لشركة ابو لميس
و رست نفس المناقصه على شركة يحيى وجت ابو لميس جلطه و قبل لا يموت قالها ما تتزوج يحيى و...
قاطعها وليد : خلي كل هذا لميس شلون حملت !!!
نور : والله كفار ما عليهم شرهه...!!
ابو وليد : وانتو شتبون الكفار اطالعونهم..؟؟
دانه بخيبت امل : طيب نور ما في شي ليش ما نتابعه..<< وبقلبها شالمعقدين هذيل اووف
.. متى الله ياخذهم ويفكني منهم ، وارووح لناصر واتابع على كيفي
وليد : قوليلي قصته ..
دانه : مهند زوجه جده وحده جيكره قرويه ما يحبها..<< وبقلبهاا ليتني مكانهاا
وليد : خلي كل هذا ، مهند ولد الشقره ذيك من شلون جا...؟؟
دانه : والله يا حبيبي كان مملج عليها..
وليد : لا مو مملج..
دانه بجذب : لا حبيبي ما تعلمني بالمسلسل انا متابعته ..
(( وليد خلص الكلام وطلعناا وتوحد مع ابوي وامي يحرشهم كالعاده
والبنات يتسمعون ))
""""""الفجر على الساعه 3 """""""""""""""""" قعدنا على
اعادة مهند ولميس ولا كأن صار شي اليوم وكل شوي وحده تشوف سيارته جا والا لا.......
ديمه : جا جا انحاشو .... وماتشوفون الا غبرتهآآ
دانه ونور الوحيدات اللي اقعدو و غيرو القناة ..
وليد : شعندكم قاعدين ..؟؟<< مايسلم عليناا على طوول يحقق ولا خلص طلع ..
دانه : عطله ،
وليد : يالله اجل وطلع
دانه : فكه ، قومي شوفيه راح والا لا
نور : سمعت صوته راح بس ما سمعت تسكيرة شقته.. اكيد بيقعد يتسمع ..!!
دانه : معناته بينزل يتسحب ، اوووووه كيفه بتابع...
نزلناا انا وديمه ، ها شقال..؟؟؟؟
نور : ما قال شي بس ناوي يطيح علينا،،
ديمه : والله كيفكم بالطقاق انا بروح انام ما تسوى علي ..، وتقولون ليش سحيم ماخطبني
دامي عايشه عندكم اشلووون يجي ؟؟
"" سحيم هذا امير قطري شااعر وملتزم ، كان متزوج وطلق طووووول عمرها اتحلم تاخذه والاخت
عايشه الدور ومصدقه انه ينطرها اتخرج << جيكر بس ذوقها اهي تحب العقد الي جذي ""
أنـــا : وانا بتمشى ،، شوي بالصاله " الصاله صايره قدام الدرج يعني النازل والطالع اشووفه" انا شايفه الحلقه اليوم
دانه : ايوه تمشي وعلمينا اذا جا اخوج العقيدي .. اوك << يعني مو اخوج انتي بعد ..!!
أنـــــا : اوكي..اذا رحبت فيه معناته جا وانت اقلبو وغيرو الآآست ..!! عشان لايجيك من وراكم
..<< من حب العين للبصله ارحب فيه
نور ودانه تابعو الحلقات ،، لين خلصت وصعدو ينامون
&&&&&&&&&&&&&&&&
^^قمناا من النوم الساعه 4 صلينا دورنا وليد بالبيت ،، ما لقيناه
انا ودانه ونور نزلنــا السرداب انتابع سنوات الضياع ...
حسيناا بأحد يطل من دريشة السرداب نطيناا و سكرنا التلفزيون وانخشينا شفت بالمنظره وليـــد ...
و نقزت من الخرعه وليد وليد خربنا وايرات التلفزيون وانحاشنا فووووق
اول ما طلع رجعت انا بكمل المسلسل <<<على اساس يلحقوني دانه ونور سمعت
صوت احد نااازل ..<< اكيــد يا نور او دانه بس تفاجــ.....ـــأت باللي نازل و عيووونه حممممممممممر اتخرررررررررررع ..،،
انا بخوف حتى العمى يشووفه وصفقة وجه مو طبيعيه احمر ،اخضر ،ازرق :آآآآآ ... وليد..؟؟؟؟؟؟؟؟
وليد : ما شاء الله ،، كسر الريموت وعطاني نظره معفنه خيستني.. << بعد ما لف عيونه
على الصاله و سألني منو معاج؟؟ عارف اني مستحيل انزل لحالي و الحمدلله اول مره استفيد من درووس نوور انكرة وباصرار انه في احد معاي ،،<<بس نوور لو كانت مكاني جان فتنت عشان ما يطيح عليها العقاب برورحهآآ ...
وصعد وليــــــــــــــد ......نور ودانه حمدو ربهم انهم ما نزلو ،، وطاحت البلوه على راسي!!
وليد : شفتي بنتج اللي واثقه فيهآآ،، منخشه بالسرداب واتابع لميس..!!
دانه بقلبها : الحمد لله والشكر ..,,, اللي واثقه فيهم اتقول صايدنا مع رجال وانا مدري ..؟؟
ام وليد : منو..؟؟؟؟؟
وليد : التبن فرح،،
عصبت ام وليد من بنتها ،، حتى لو هي تدري انهم يتابعون بس هالمره ما قالولها انهم بيتابعون
والا جان جت اتابع وياهم بالسرداب عشان جذي عصبت..!!
صارت سالفه من لاشيء ..!!
انا: يمه ولدج ماله شغل فيني.. اهو شكوو
ام وليد : هذا اخوج ،، وقالج لا يعني لا..
فرح : اووه وليد لاهو امي ولا ابوي ؟؟ ..انتم لكم شغل فيني هو لا
<< بحدة صووت وهدووء غريــــــب ..خلاص انا اعلمج انا لا امج ولا ابوج
لفيت ولقت وليد عند الباب و معصب
طنشته ومشت << وكان ما صار شي انا بمووووووت من الخوف والله يستر ..،، ورحت انــــــــام..
&&&& وووووووووووو ،،،طب طب طب ......طب طب طب ...... طب طب طب &&&
<< دانه تركض على الدرجه ومسببه هزات ارضيه ،، والدرابزين يتحرك يمن ويسآآر
دانه اطق الباب بقووووه :: بناااااااااااااااااااااااااااااااااات بطلو بطلوو،، بسررررعه
ديمه :خيــر اشعندج ؟؟
داانه وهي ميته من الوناسه :بطلي بسرعه عندي خبر يووونس ،، بسررررررررررررعه
ديمه : فرح فرح،، قومي بطلي لها الباب خن نشوفهاا شتبي ..؟؟
اناا :.. جدري مالي خلق "" بصوت واطي عشان لا اتوطى ببطني دانه .. خليها تولي ماعندها ماعند جدتي ""
دانه :: يلاااا بنات بسرعه ترى والله ما اعلمكم ..!! بسررعه .. خلصووني
ديمه :فرح قومي ،، والله لأزفها اذا ماعندها شي ،قومي يلااا..خل نشووف اشعندهاا
انــا والموال المعتاد : يوووووووووه ....كله انا انا والله اول واخر مره ،، اشعندها
اكيـــد خبر سخيف ولا بتقووول ظاق خلقي لحالي ..<< دانه دايم اطق الباب على الفاضي والمليان ،،
وتوقف قلبونا وماعندها ماعند جدتي ،، يازهقانه ياطفشانه !!!!،، ... تبط الجبد
أنـــا : خير اشعندج ..؟؟
دانه وهي بتموت من الوناسه :: بنسااااافر دبي ،، واخوج السخيف ماراح يرووح لان ماعنده اجازه. ونااااااسه ..
ديمه :.. كلاااااام عالفاضي هذا وجهي اذا سافرتو << هالبنت دايم اتحبط ..!!
أنـــا: احلفي .. منو قالج ؟؟<< بس انا دايم عندي أمل .. J
دانه ابوي بس يقووول شوفو لنا حجز ..!!
أنـــــا : هيااااااااا.,, بعلم نور واهي بتظبطنا .. J
قومو نور وقالوها ، وطبعا هالبنت تحب اتكلم الي يشتغلون بالشركات ..<< بس طبعا تحذف بلاعيمها
قبل لا تقوول أأألو .،، يمكن الله يرزقها بمزيون اتكلمه ويعجب بصوتها الفتااان ..." صااايعه "
<<<<< على الغدا
وليد: يبا انا هالشهر ماقدر اخذ اجازه ,،، اجلها للشهر الجاي وانا اسافر معاكم ..شرايك ..!!
سلطان : ايه يبا عشان وليــد يفر مع البنات .. ويريحك انت وعجوزك <<مسكين على نيته مايعرف نوايه وليدوه..!!
وليــد : طيب انت ليش ماترووح..؟؟
سلطاان : لو اقدر اخذ اجازه ماقصرت ، جان رحت مع خواتي وفرفرنا واستانسنا هنااك << فديتـــــــــــــه ،
مع انه مايسوي جذي ويعلنا بسبة تحريشاات وليـد
نطت نور تقطع حوارهم<< خايفه وليد يقنعه : آآ بس احنا حجزنا ..؟؟
وليــد بنبرة تهديد : ماراح يصير شي اذا اجلتو ؟؟
نور بلسانها الطويل الي تعودنا عليه :: بس مافي حجز انا سألت مافي طيارات فاظيه عالشهر الجاي ،،
الا اذا كل وحده بطياره هذا شي ثاني ،، وبعدين مالقينا شقه فاظيه ..؟؟
وليـــــد : واشلون لقيتو هذي ؟؟
نور :آآآ .. ناس كنسلو ومن حسن حظنا طحنا عليها،، اطالعه بابتسامه نصر " على شنو عالطل ،،
هذا وليد والاجر على الله" <<< ابوووك يالجذب 7 انفار كنسلوو على عددنا بالضبط شالحظ ...؟؟؟؟؟
وليــد: يصير خير..؟؟
"" اوووووووووووووووف ... من هالوليد دايم كلامه يمشي الله يستر ""
سافرنا دبي ...؟؟؟لالالالالالالالالالا،،، ماني مصدقه انا بالمطار ووليــد مو معانا << انا بحلم ولا بعلم ،،
وطبعا الروحه ماخلت من تعليمات وليد الي على الفاضي والمليآآن ...
لا وكلش يوم قال :: ترى واحد من ربعي مسافر معاكم بنفس الطياره واحد ثاني هو مرته حاجزين بنفس الفندق ..!! << هذا من صجه ..؟؟
دانه تساسر ديمه :: طيب مافي واحد بيروح معانا بنفس التكسي ..خخخخخخ <<< والله مصخررررررررره ..!!
قعدنا انفر بالمطار فر مو مصدقين ورحنا كاريبو نبي نتريق ..
دانه << ترطن عنقليزي متعوده تطلب من هالكشخه اعانتها كلها على بطنهآآ
ديمه<< قاعد اتحفظ شتبي تقوول ،، تخاف يوقف يمها مزيوون و ينقد عليهآآ
نور << قاعده اتحسب فلوسها و اتحسب جم يبقى لها ؟؟
انا << ناقد على نفسي واخاف اتفشل فما طلبت شيء ..؟؟ و اكتفيت بالمطالع بس
غلا بذرابه متصنعه << مدام ..عندكم عصير جوافه بمية فلس مال كي دي دي<< طارت عيوني هذي شتقووول !!!
الموظفه : سوري وت ديو ونت ..؟؟
غلا : قلب وجهها و اطالع دانه ..!!<< اول مره ادري انها تتفشل ،، اخبرها وجهها مغسول بمرق ..!!
دانه : انحاشت جنها ماتعرفها .. متفشله من غلا هي من الصبح اتفلسف على راس المره واخرتها هذي اختهآآآ ..!!
غلا لفت على ديمه ..؟؟
ديمه :... انقلعي لا اشوتج << اتلفت لايكون في احد سمعهآآ
غلا تلف على نور :..
نور : بلحيه مسرحه ...كا\\\\\\\\\\\\\\\\\\\\\\\\\\\\\\\\\\\\\\\\\ك " شوي وتموت من الضحك عليها ...
غلا تفشلت وانقص وجهها وردة هي والفلوس الي معاهآآ،، ..ميتين فلس امانه شنو راح تشترين من كاريبوو ..!! حتى مايهم بربع..؟؟
رحنا لان طيارتنا بتمشي .. اقصد بتطير...
انا : بنات شنو هذا ؟؟
ديمه : انا ماعرفكم ومالي شغل فيكم كيفكم امكم وانت حرين ..!!
دانه :العن ابو قصة الوجه ..؟؟
نور اتلفت يمين ويسار اتجيك اذا فيه مزين حولها ولا لأ
انا : بنات امشو يلا بلا فضايح ..!! الله يهديها بس ..
وفجأه حصوص((أمي)) : بنااااات تعالوو ،، بسرعه حليت لكم مكان تعالو تعالو ..؟؟؟ مدرسه هي من يحجز أول ؟؟
<< طبعاً بنت الحلا موقف الطرق والناس مو قاعده ادش بسبتها ،،
والاجانب لايعه جبودهم من حركاتها <<مدري تخاف يروح علينا المكان ولا شنو ... ؟؟
الخلاص تفشلنا وتقصصت وجهنا واطرينا نرووح لاننا ان ما رحنا كل المطار بيسمع اصياحها وزفها لنا ..
على الفاضي او المليان ..!!فالاحسن نروووح وامرنا لله..
"" امي من النوع الخواف حيــــــــــل تتأثر بكلام الناس ،، وبالذات بجمعت جاراتنا الي لاقعدوون جريده الحوادث اللهم ياكافي ،
وكل وحده تجيب صاروخ لا ,,, ويتبارووون هذي تقوول سالفه والثانيه تقول نفسهاا بس على العن واقوىى والثالثه نفس الثاني
بس اقوووى بعد و هكذاا..... وامي تصدق على طيب نيه وتقعد تخاف وتحاااتي على اسخف شي و اكبر دليل تخاف ادش
الطياره واحنا مو معاها وتخاف تدخل قبلنا ...!! فتبينى يمهااا ،، خواتي يتضايقوون من تصرفاتها وانا بعد اتضايق بس على نيتهااا ،،
احيانا استااااااانس حيل انها امي لاننا بنعمه مو حاسين فيهااا...""
<< بالطياره
اول مادخلنا سألنا المظيفه عن مكانا ..!!
ورحنا اول ماقعدنا سوينا روحنا نايمين >> تحاشيا لأي حدث يفشل ممكن انه يصير ..؟؟ تفكير منطقي ،،
اذا حصوص((أمي)) شافتنا نايمين ماراح تقولنا شي ولا راح اتزفنا ....!!
اووووه نسيت اقولكم ان لقينا حمد بالطياره وسلمنا عليه ،، غريبه ماتوقعته يجي <<اكيــــد انه خايف ان غلا
تذووق اكل ماذاقه وتقعد تحره وهو ممكن يموت من رفعة الظغط "" كلللش ولا الاكل عنده""
بمطاااار دبي ...>> وااااااااااو وناااااااااااااااااااااااااااااااااااسه بشكل مو طبيعي .. J
دانه << تلفت بكل صوب ماتبي شي يطوفهآآ..!!
ديمه<< تجيك على شكلها و عبايتهآآ،، يمكن سحيم يشوفهآآ ..؟؟
أنــا <<طقتني حوله يمين يسار فوق تحت اشكال اتجنن ..!!
نور<< لا تعليق .. من نزلنا اهي تضحك..،، وتذيرب من يمين ويسار بصراحه ...
كانت اتفشل !!! وقمنا انتحش منهآآ ،، و أولنا ديمه تخاف احد يشوفها معاها وتتفشل ..
غلا << ... تصيح تبي تأكل ..،، هالبنت اتفشللل
** المهم ركبنا التكسي ورحنا للفندق بالطريق غلا كل ما شافت بقاله او مطعم قامت تصيح تبي تشتري فظحتنا ،،
الله ياخذها حتى الهندي قام يضحك عليهآآ **
دخلنا الفندق وأنا لازلت مو مصدقه قلنا ننام ساعتين بعدين نطلع ..شوي ولا امي تنادي دانه ،، راحت لها تشوف شتبي ..؟؟
جت دانه وهي تصفق بروحها : بنات شوفها .. بنجن احنا مسافرين نستانس ولا نشتغل ..؟؟
ديمه :: امج وتفاهمي معاها انا مالي خص ..!!<< خيــر انشالله
نور : يوه انا بعد كله انا كله انا ،، مالي دخل ماراح ارووح ..
وكالعاده طاحت علي انا الي ابي اروح"" دايم اطيح علي لان خواتي يعرفوني بسرعه
ارضى وماحب اتمشكل ما امي كثير ،، ورحت اشوفها شتبي ..؟؟""
انا : هلا يمه شبغيتي ..؟؟
حصوص((أمي)) : يمه الله يخليج لي .. ومالت على دانوه العنز ،، مره وجنها ورع لا قلنا لها شي انهبلت
وقامت تصيح وانحاشت ..قومي يابنيتي غسلي لي هالدراعه عشان باجر لا طلعنا الا يمديني البسها ..؟؟
انا بصدمه : خيــر يمه .. وهذي متى توصخت !!
حصوص((أمي)) : هذي الي أنا لبستهآآ بالطياره ؟؟
أنا : طيب ما جبتي غيرهآآ .. انا حاطه بجنتطج عشره غيرهآآ ..؟؟
حصوص((أمي)): يافضحي تبيني ارد الكويت وجنطتي ،، فيهآآ ملابس وصخه ..!!
نور و هي تصيح من الغرفه الثانيه : يمه عادي انتي مسافره الناس ماراح تنقد عليج ..!!
دانه <<.. تخنق نفسهآآ ،، ودهآآ تنتحر ..!!
ديمه : شخبآآآآآآآري ناس اتغسل لاسافرت ..!! ،، اصلا الناس بينقدون عليج اذا قعدتي اتغسلين ..هههههاااي
انا : خلاص يمه جمعي ملابسج .. واذا جينا نرد اغسلهم لج .. تونا واصلين خلينا انريح اشوي ..
حصوص((أمي)) : مالت عليكم الا مالت عليكم ..ويحسدوني عليكم ياجعل الي يحسدني عليكم
يبليه الله بمثلكم ..يالرفلات يالخايساات ....
وقامت تبي اتغسل وياليتها ما قامت ...
حصوص :دانه تعالي مابيلج غسيل بس عبي الغساله ماي بغسل ..،،
دانه : انشالله << قامت وعبتهآآ
حصوص : ديمه ومرض طلعي الصابون من الجنطه ..،،
ديمه وعلى راسها ميت استفهام : أي صابوون .. لايكون جايبه من الكويت تايد اتغسلين فيه ..!!
حصوص :: ليــه عبالج رفله نفسج ،، المره تعمل حسابهآآ لكل شي ..!!
قامت نور تشوف الجنطه مو لان حصوص امرت بس فضوول تبي اتعرف شجابت
نور << قمت الصدمه !!" هيل ، زعفران ، ديتول ، تايد، جبن، عسل ، كروسان ،قهوه، جاي ،
سكر ،وووووو...الخ" اشدعوه مافي مطاعم والاخت سفرتنا خمس ايام جايه مقيمه ولا شنو
نور : يمه هذا الصابون وكتت اشوي بالغساله وفرتها واطلعت
<<بعد نص ساعه
حصوص : فرح يمال الرفاله مابيلج شغل بس قومي سبعي دراعتي وشريهآآ
دانه : الحين منو الرفه احنا و لا اهي ...خخخخخخخخ ماسويت شوي وبس تصيح
تنويــــــه "" طبعا حصوص ماخلت احد ماعلمته بسوالفنا بالذات
خواتنا العزيزات الي قعدو،، يحرشوووووون كالعاده الي تقول عاقبيهم لااطلعينهم والي تقول لا تخلينهم يشتروون
شي و الي تقوول لو اني مكانج على اول طياره رديتهم ""<< أمانه تلومنا فيهم ......!!!
طبعا هاليوم كله راح لحصوص ورجلها يسترحون مصدقين اعمارهم طياره ما صارلنا الا ساعه وثلث ،،و الاخوان
يتعفون يوم كااامل << عادي زين ماطال عن جذي .. تطبيقا لنصايح جارتنا ام ....
في صباح اليوم التالي قمنا ورتبنا الشقه ودانه انزلت جابت لنا ريووق عشان
لاتمسك علينا شي حصوص وما تخلينا نطلع ..<< حمد ماقام لين تأكد انه مابقى ..
شي بالصحن " يقوول انه يعرف قيمة النعمه وانه حراام تنقط ، وانه في غيرنا يموتون يبونهآآ..!!" << وجهة نظر
دقينا عل التاكسي وصل ..
حصوص : وانشالله وين ناويات تروحون..؟؟
دانه : الستي سنتر ..
انا : لالالا.. نبي ابن بطوطه السنه الي طافت ما قعدنا فيه..!!
نور : لا نبي السيتي سنتر<<فرووح هذا كان ترس خليجين ووليد ظربت فيوزاته وخلنا نرووح خلينا انعوض هالسنه بانحكل عيونا
انا :آآآ.. ايه صح اليوم نبي الستي ..حصوص : لا والله وانتو كل وحده مجهزه لها مكان ..؟؟
دانه : ايه اشفيها مخططين لسفرتنا،، عشان لايروح وقتنا عالفاضي ..!! وبعدين احنا جاين نستانس ترى ..؟؟
حصوص : وانا تحسبوني بمشي على كيفكم ان شاء الله ..؟؟
ديمه : نعم ..!! وانتو مو جاين عشان اتونسونا ...؟؟اكيد بتروحين للأماكن الي احنا نبيها .؟؟
حصوص: انا ابي السوق الي وداني له وليــد لعام ،، ابي اشتري هدايا لجاراتي ..
أنــا : خير ..!! """"هذي شتقول اتسافر عشان تشتري هدايآآ ""...آآآ ،، خلاص يمه اجليها قبل لانرد كلنا بنروح نشتري هدايا ..معــاج...
ديمه : خير ان شالله ،، الناس تفر اتمشى تستانس بعدين اتفكر بالهدايا
!!<< قويه حصوص ممكن اتهور تقضي سفرتنا تشتري هديا..!! لمجرد انها اتعاند ديمه .. الله يستر
نور اترقع : آآآ .. صاجه فرح الحين نفرفر ،، ولاحقين عالهدايا يلا يمه التاكسي بيمشي ..
دانه: عاااايله اتفشل ،، متى بس يجي ناصر بس ،، وافر معاه كل مكان بدون لا اتفشل منه،،
مالت عليكم زيــــــن .. يتترب اتفكني من السفر مع هالعايله ياربي ..؟؟؟؟؟؟<< تكسر خااطري لابطلت هالموال ..
حصوص ماعجبها الكلام ،، بس تدري انها غلطانه عشان جذي مشت السالفه على كم زفه
وقعدت اتقصع سنه ليـــــــــــــــــــــــــــن اركبت التكسي اتضيع علينا وقت << خابرينهآآآ يعني تنتقم هالعوبه ..!!
وصلنا الستي دقت حصوص على وليد تقوله ان احنا بالستي " الحمدلله والشكر حتى بالسفر ادق اتعلمه ..
والله مو مخربه غيرهاا مسويته شي عالطل ، اهو منو عشان نستأذن منه اوووف "
طبعا حصوص ماتحب الفرفره بس وليدوو موصيها ماتخلينا لحالنا راحت بنت الحلال وقعدت على كرسي وتاشر لنا ،،
روحو لمحلات الي قدامي ولا خلصتوو تعالو انغير المكان وارووح معاكم <<انشالله هذا وجهنآآ ان شفتينآآ قبل لا يسكر المووول ،،
ماضيعنا وقت دشينا محل وطلعنا من الصوب الثاني
دق تليفون دانه <<دانه : ألووو
وليــد: دانوه ..!!يــآسخيييفااات شتسووون بالستي ..؟؟ << اخوي عليه اسئله عبقريه
آتمنــى آن آلبــآرت عجبكـــم
بــآنــظــآآر ردوودكــــــــــــــم .!
وتشجيعكم فديتكم
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
_03BA:
