كل ما اي من عرس اتيني هالحاله

[*الهنوف*]

نو نو نو لا توسوسين
العدسات والتسريحه واذيه الدي جي
لاتقولين قاعده بعيد ولو الصوت يكون اعلي من اللي دايم تسمعه اذنج
وانتي نوعيتج يمكن راسج مايتحمل فيصدع بسرعه

لا تروحين لا لمطوع ولاشي ولا توسوسين

المره الجايه اقري المعوذات 3 مرات والكرسي وادكار المساء وتوكلي علي الله
انا كل عرس ارجع مصدعه
العين شي ثاني تسوين لج ضيقه بالصدر رتكرهين الصلاة والقران وكله تبجين صارت فيني قبل وهذا اللي تحتاجين له سبوح وسدر مقري وقرايه مطوع
اما صداع بس فهذا عادي جدا
انا وحده من الناس لو اروح للسوق ارد مصدعه عرفتي *

 

[limoon2]

دي جي اكيد بصير راسج طبل

 

[رهف الالمعي]

والله اني مثلك يجني صداع قوي يستمر تقريبا نص ساعه ونبض بجسمي يطول والله احيانا من شدة النبض شوي ابكي والحمدلله بعد الزيت والسدر ارتحت

 

[كراميلا مرة]

انا نفسك موبس راسي ورجولي بعد لازم الم مو طبيعي بعد اي عرس

 

[المها التميمي]

انا بعد نفس الحالة من الطقطقة والاصوات العالية تأثر على طبلة الاذن وبالتالي تسبب صداع
واحيانا يكون الصداع حاد مع زوغان في العين ودوخة وغثيان
عادي يبا تصير لنا كلنا وما فينا الا العافية ان شاءالله ..

اقري على نفسج اذا شاكة بالعين بس لا تحطين الموضوع في بالج لأنه نفسي بالدرجة الاولى
ولااااااا تروحين لشيخ .. لان بعضهم يطلعون دجالين وسحرة ويسببون لج بلاوي وخرابيط
وممكن تصيرلج اشياء غريبة مثل قصة الاخت (( المرتاحة)) الله يعافينا ويعافيج يارب

فلا تكبرين الموضوع

 

[للصبر اخر]

حبيبتي من الاصوات العاليه والازعاج
انا مرات اروح بعبايتي واصدع
واذا خايفه من العين ارقي بنفسج

 

[ساره أمها كويتيه]

عادي مثل حااااااااالتي ,,,,,,من صوت الدي جيه يكوووووون عااااااااالي.......

 

[Tom ♥ Jerry]

,
عآدي انا جي مآ آنآم الا بندوووول و لآزم هدووووء و ظلمه لمده ساعه يرن راااسي لمآ آنآم ,،
من الدي جييييه ! لا تحآتين مآكو الا كل خير .،

و اغلب البنات جي !

 

[صلاتي-حياتي]

ماتشوفين شر ان شاءالله
بس تدرين سماعات الدي جي تفجر الراس عشان جذي حطي باذانيج قطن ههههه
واكلي حبة بنادول قبل لاتروحين العرس ومالج الا العافيه

 

[شاي ونعناع]

عااادي انا اختي العن منج كل عرس يحوشها ترجيع وصداااااع اصدمج بعرسي حاشها جي ولا كانت بترجع علي نفنوفي وكنت بدش الصاااااله !!!!! ودينها شيخ قري عليها شربت ماي زمزم راحت عمره دهنا جسمها بماي وزيت مقري ماكو فايده كل شي سويناه بس اهي كرهت الطقطقه والعروس جي حاله ازعاااج ماتحب بس مافيها شي لاتوسوسين علي روحج عادي بس جسمج ماقام يحب طقطقه وازعاج والله انا كرهت شي اسمه عرس ماقمت احب العروس مافيها خيررررر

 

[جوانا2010]

الله يشفيك

 

[~.ąvȍƈaȚ.~]

شدعووه كلنا جذي

وايد أسباب لهالصداع

الصوت العالي - الاضاءة - المكياج اذا ما كنتي متعوده عليه و بالذات الثقيل - العدسات - الكعب العالي لأن في رابط بين عوار الريل بالكعب و الراس ( نفس اذا عيونج ما قمتي تشوفين فيها و الا اسنانج عورتج تصدعين ) يمكن تكونين مو ماكله يومها و ضغطج نازل


لا توسوسين وايد

 

[freakiya]

يمكن من الازعاج طقطقه و جذي و انتي مو متعوده عادي انا جذي

 

[ملوكة الامورة]

عادي من الجة والصجة
والطق وصوتها العالي
انا يصير فيني نفسك

 

[Lourdez]

حبيبتي العين لها اعرااض
سمعي الرقية الشرعيه و و استمري عليها وايد زينة
و اقري اذكار الصباح والمساء

 

[Amera 7elwa]

فديتكم طمنتوووني

اشكر كل الي ردو علي

جزاكم الله خير وابعد عنكم كل شر

 

[سويت فانيلا]

من الصوت العالي

 

[جلاديلياس]

طبيعي من الازعاج حبوبه