كل ما اكتشف خيانته يطين عيشتي

[tannooona]

الله يعينج ويصبر قلبج ....
بصراحه الخيانات منتشره بهالوقت وبشكل كبير .
بس ردة فعله موطبيعيه لاتسكتين عليه هذا بدال لايتحسف ويتعذر ويندم يقعد يطقج بس ماقول الا حسبي الله ونعم الوكيل على كل رجال يخون زوجته ويطقها يعني فوق شينك قوات عينك....
بس الظاهر هو ماشي عالمبدا التخويف عشان تسكتين عباله اذا طقج تسكتين وترضين بالخيانه بس نصيحه وقفيه عند حده . واذا يهمج عيالج قوليله انتي ماعاد تهمني بس خلني اعيش حياتي بدون طق واهم شي عيالج لايعرفون عنه شي عشان مايتعقدون وخليج عادي جدامهم قوليله لايطقج ولايمد ايده عليج ولا راح يكون لج معاه تصرف ثاني مثلا علمي اخوج او احد من اهلج تثقين فيه .

 

[ليتني مـآ كبرت]

رد : كل ما اكتشف خيانته يطين عيشتي

الله يعينج هذا اللي أقدر أقوله لج

و مالومج يوم إنج متمسكة فـ بيتج و عيالج ..

بعض الاهل الله يهداهم بنسون بنتهم من تتزوج

 

[DooLy88]

غلطانة انج ساكتة
اشتكي عليه
ينسجن ويبقى البيت لج
ولاتقولين مابي اتطلق الطلاق مو حرام ترا
والا كيفج ارضي بالطق والخيانات وتمي ساكتة ومسحي كرامتج جدام عيالج

 

[DooLy88]

اللي صج قاهرني
انه يغلط ويطق !!
واللي يبط الجبد زووووووووووود اللي تصيد زوجها ويبهدلها و(تسكت عنه) وااااااااي بشق ثيابي منهم والله

 

[&& دعاء &&]

رد : كل ما اكتشف خيانته يطين عيشتي

اذا بتعيشين مع ريلج
لازم تسوين روحج غشيمه
لان نوعية ريلج جذي ,,,

 

[الكواله]

رد : كل ما اكتشف خيانته يطين عيشتي

لو انه بمكانج وصارت فينى طبعااا,, اول شي اسويه انى افضح البنت سواء عند زوجها والا عند اهلهااا لانها مو المره الاولى ومايحتاى تتساهلين لان السالفه مولعب,,, مثل ما بتخرب حياتج لازم انتى تردينها بالمثل,,,وبعدها اقوله يختار بينى وبينهااا اذا يبيها بقوله مع السلامه واذا يبينى حياه الله بس لاتقولين انى اخاف اضره بهالحركه انه عن نفسي سويتهاااا لان فى ناس تخرب بيوتواهى مرتاحه والصراحه انه عندى لو وحده ثانيه غيرها بطوف بس نفس الانسانه ما راح اسكت لهااا تخرب بيتى وانه اصفق لها

 

[al-musk]

لاحول ولاقوة إلا بالله..الجئي لربج وهو حسبج وتصدقي بنية تفريج أمورج

 

[ملح و سكر]

شوفى حبيبتى اهم شى صحتج باجر لين طحتى محد يدرى عن هوا دارج ....واذا اهو يمد ايه ليش تسمحيله يطقج ....وبعد جدام عيالج ......حتى باجر عيالج يمدون ايدهم عليج لانهم يشوفونج ضعيفه مسلوبة الاراده .....


لاتحقرين نفسج اكثر من جذى ...انا مااقولج طلبى الطلاق ...بس اذا مد ايده قوليله انت فى غرفه وانا فى غرفه ....وعيشى حياتج وربى عيالج ..وخليه يولى عنج ..وشوفى عقبها ينصلح حاله ولا لأ ....والله المستعان ...

 

[fofa_80]

الله يهديه ويسخره لها و يبعد عنه بنات الحراااام ...... بالشيطان ياخذهم اهوه وياااها .... الزم ما عليييج كرامتج ... اذا ظرووفج ما تسمحلج تتطلقييين لا تسميحله يمد ايه علييج ... يا عل ايده الكسر .... و حقريه و شوفي نفسج و اهتمي ببنتج و زوري اهلج و طلعي ونسي نفسج و بنتج .... و اهوه حقريه هذا مستواااه اهوه اصلا موو من مستوااج النظبببف اهوه وااااااايد علية اللي من اسره مفككه اللي ما وراهاااا الا الدمااار .... و الله يمسح على قلبج و يصبرج على ما بلاج

 

[محبوبه25]

رد : كل ما اكتشف خيانته يطين عيشتي

هذا يبيله تشتكين عليه

اعرف وحده كانت بتشتكي على ريلها
بس اهلها هدو الوضع بينهم بس طبعا زفوه
وماخلو شي ما قالو له

اذا ماتقدرين تشتكين عالاقل كلمي اهلج
ما يصير تنهانين جدام اعيالج
بااجر اهم بعد يقلدون ابوهم ويطقونج

 

[الأميرة جوري]

رد : كل ما اكتشف خيانته يطين عيشتي

خلاص اختى مادامج ماتبين الطلاق,,,,,,,,,,,, اصبري واذا شفتيها او كشفتيه لا تواجهينه ولازم تسوين شيء تجذبينه ليش اهى شنو زود عنج لبسي كشخى تدلعى لبي طلباته متعيه بالفراش ترا مو اول وحده او اخر وحده طقها ريالها كل الحريم ينطقون ويصبرون علشان عيالهم وعلشان نظره المجتمع للمطلقه وعليج بسهام الليل اللي ماترد <<الدعاء ان ربي يهديه ,,,,ويبعد عنه بنات الحرام

 

[afesa]

صج ما يستحي ...فوق انج طحتي عليه يمد ايده ويطقج ....ليش يوبا ..ليش تعتبرين روحج ميته وليش تتحملين غلطه مالج ذنب فيها؟؟بصراحه انا احتقر الريال اللي يمد ايده على زوجته لا وعلى شنو؟؟عشان طحتي على بلاويه وسوالفه ..
انتي ما تبين تتطلقين ..كلمي اهلك خليوقفونه عند حده وحاليا تجاهليه وحقريه ..ورجاء لا تسمحيله يمد ايده عليج ..عزي نفسج وبصراحه اللي مثل هالريال ما عليه حسافه ..
مادري ليش تذوقين المر وتتحملين ..يوبا حرام اللي تسوينه بعمرج ..سوي اي شي بس لا تسكتين وتدوسين على نفسج مقابل انه يتمتع ويستانس بالحرام ..الله يعينك ويشفيك انشالله ..

 

[يارب نور حياتي]

رد : كل ما اكتشف خيانته يطين عيشتي

لا حول ولا قوه الا بالله
ديري بالج لاتخلين هالاشكال اتخرب بيتج وتشتت شملج
اولا تصرفي صح
وفيه الشيخ علاء سعيد دشي عليه باليوتيوب
كيف تكسبين قلب زوجج
وادعي واكثري قراءه صوره الفاتحه بنت خالي تبدل حالها بعد ماستمرت عليها

 

[كنوشة 2009]

شوفي اختي عليج بالدعاء والاستغفار وخلي يشوفج وانت تصلين وتقيمين الليل وتدعين على من ظلمج وتحسبي عليهم ليل نهار والله على الظالم يعل ايده الكسر ان شاء الله
وقبل جم يوم قريت قصة عن وحدة في المنتدى تقول ان وحدة كانت لها علاقة بزوجها وسببت بينهم مشاكل وكان مثلج يطقها علشانها الحين البنت اللي كان له علاقة فيها بالمستشفى فيها الشين الله يكافينا الشر وتطلب من الزوجة تسامحها على اللي سوته فيها

 

[متجولة *]

خليج رسميه معاه لا تعطينه وجهه واهتمي لعيالج هو خلي الدنيا تكفخ فيه معها اخر شيء هو الخسران حبيبتي
تجنبي المناقشات وقولي له احنا اخوان اعتبريه اخوج وركزي بعيالج

اكثري من الاستغفار وقيام الليل
ترى اي مصيبه عباره عن تكفير الذنوب ورفع درجه وانتي ان شاء الله تصرين من حزب الصابرين
روى هِشَام بْنِ الْحَكَمِ عَنْ الإمام جعفر بن محمد الصادق ( عليه السَّلام ) أنه قَالَ :
" إِذَا كَانَ يَوْمُ الْقِيَامَةِ يَقُومُ عُنُقٌ مِنَ النَّاسِ فَيَأْتُونَ بَابَ الْجَنَّةِ فَيَضْرِبُونَهُ .
فَيُقَالُ لَهُمْ : مَنْ أَنْتُمْ ؟
فَيَقُولُونَ : نَحْنُ أَهْلُ الصَّبْرِ .
فَيُقَالُ لَهُمْ : عَلَى مَا صَبَرْتُمْ ؟
فَيَقُولُونَ : كُنَّا نَصْبِرُ عَلَى طَاعَةِ اللَّهِ ، وَ نَصْبِرُ عَنْ مَعَاصِي اللَّهِ .
فَيَقُولُ اللَّهُ عَزَّ وَ جَلَّ : صَدَقُوا ، أَدْخِلُوهُمُ الْجَنَّةَ ، وَ هُوَ قَوْلُ اللَّهِ عَزَّ وَ جَلَّ : { إِنَّما يُوَفَّى الصَّابِرُونَ أَجْرَهُمْ بِغَيْرِ حِسابٍ } [1] ، [2] .
وَقُورٌ عِنْدَ الْهَزَاهِزِ صَبُورٌ عِنْدَ الْبَلَاءِ شَكُورٌ عِنْدَ الرَّخَاءِ قَانِعٌ بِمَا رَزَقَهُ اللَّهُ لَا يَظْلِمُ الْأَعْدَاءَ وَ لَا يَتَحَامَلُ لِلْأَصْدِقَاءِ بَدَنُهُ مِنْهُ فِي تَعَبٍ وَ النَّاسُ مِنْهُ فِي رَاحَةٍ إِنَّ الْعِلْمَ خَلِيلُ الْمُؤْمِنِ وَ الْحِلْمَ وَزِيرُهُ وَ الصَّبْرَ أَمِيرُ جُنُودِهِ وَ الرِّفْقَ أَخُوهُ وَ اللِّينَ وَالِدُهُ [7] .

 

[متجولة *]

الجنة محفوفة بالمكاره و الصبر

عَنْ حَمْزَةَ بْنِ حُمْرَانَ ، عَنْ أَبِي جَعْفَرٍ [1] ( عليه السلام ) قَالَ : " الْجَنَّةُ مَحْفُوفَةٌ بِالْمَكَارِهِ وَ الصَّبْرِ ، فَمَنْ صَبَرَ عَلَى الْمَكَارِهِ فِي الدُّنْيَا دَخَلَ الْجَنَّةَ ، وَ جَهَنَّمُ مَحْفُوفَةٌ بِاللَّذَّاتِ وَ الشَّهَوَاتِ ، فَمَنْ أَعْطَى نَفْسَهُ لَذَّتَهَا وَ شَهْوَتَهَا دَخَلَ النَّار " [2] .

 

[فوفو22]

رد : كل ما اكتشف خيانته يطين عيشتي

يخوووووووووون الله يحاسبة

بس يغلط وعليج ويطقج بدون رحمة وشفقه

ويعقد ايهال عشان خاطر نزواته.........

الى عني قولي stop

بصوت عااااااااااااالي


انتي عايشة ليش؟؟؟؟

مو عشان تستمتعين بحياتج وتربين عيالج


حرمج من الاستمتاع بسبب نزواته

وسبب لج المرض اللي ممكن يعوقج بتربية العيال لاحقا

حبيبتي

الموضوع مو بسيط ولا سهل

تحتاجين قوة شخصية


وتحسسينه انه بالوقت الحالي هو غير مرغوب فيه


لو تعرًض لج بالضرب وصليها لاعلى مستوى ........بليز لا تسكتين

اخذي تقرير وقدمي بلاغ بالمخفر ويسحبونه مثل الجلب وياخذون منه تعهد او ينقط بالنظاره يتبهذل شوي

ترى ما حطوا السلاطين الا للشياطين مثله وامثاله

2-اذا فيه حكيم من اهله واهلج استعينوا فيهم لانه الموضوع خطر على تربية العيال هم اللي يتعقدون

3- طمنيني عنج

فوفو

 

[ماما_عودا]

لا حبيبتي لا تعدين نفسج ميته ولا تتعقدين.. لو انا مكانج امسكه بالهداوة حيييل وفهميه قوليله اذا بتطلع حرتك طلعها بس على الاقل مو جدام اليهال بيني وبينك عشان يهدا (طبعاً يخسي يمد ايده عليج) بس عشان تفتحين معاه موضوع وتنقدينه على نفسه .. تالي قوليله تتغير علي وتمد ايدك انا زوجتك اللي صاينه بيتك وعيالك عشان وحده بنت شوارع ماحشمت ونفسها ولا اهلها؟؟ وسمعيها جم كلمه بس بهدوء حيل

 

[*مارلين_مونرو*]

شللي حااادج حبيبتي على كل هذا !!

قعدي ابيت اهلج معززة مكرمة ولا مذلته وخيااانته !!

وعيااالج مارااح يضيعوون الا بالعكس رااح يرتاحوون من اللي يشوفونه عند ابووهم ؟

 

[ديانا سبنسر]

الله يعينج