روحي رامز عندهم كؤووس يهبلووووووون واسعارهم علي دينار ونص وفي دينار و300 بلاش"
الله يوفقكم ويسهل اموركم ياااااااااااااااااااااااارب ويسخر لكم عباده دنيا وآخره
انا عندي مشكله ومحتاره مادري اشلون اتصرف ابي رايكم شسوي؟؟؟؟؟؟؟
السالفه ياااااااامحفوظات السلامه
كنت انا وبناتي اللي معاي نشتغل بكل امانه وشغلنا يهبل والكل يشكرنا وطلعنا المركز الاول بين المدارس وانا من غير ما امدح نفسي والله اشتغل جني قاعده في بيتي ودقيقه بكل شي وبما اني اكبر وحده فيهم حطوني اشراف مثل ماقلت لكم من قبل والكل يشهد لي ومعتمدين علي بكل كبيره وصغيره لاني قد المسؤوليه لدرجه ان المديره مرات تطلب مني اوقف معاها بالطابور اعطي البنات نصايح واسوي لهم مسابقات
بس مشكلتي في موظفه يديده يابوها لنا لانها مسويه مشاكل في مدرستها القديمه اول مايت البنت كلمتها وقلت لها اعتبريني امج الثانيه واللي يضايقج بس قوليلي عليه وان غثج شي بالشغل عطيني خبر ومالج الا اللي يسرج بس كل اللي اطلبه منج انج تكونين متعاونه مع البنات وتنسين شغلج القديم وكل اللي صار لج فيه واهني بيتج الثاني وعطيتها من هالحجي الحلو
البنت ملسونه
وماتتقبل اي كلمه من اي احد حتي المدرسات تنقد عليهم جدامنا وهالشي مايرضيني قلت لها عندج الشجاعه انج تتكلمين علي المدرسه جدامها قالت لا بس هذا رايي وبقوله قلت لها هذى تعتبر غيبه يمه واتركي هالعاده الشينه
والبنت كسوله لابعد الحدود ماتحب تشاركنا الشغل ولا تمد ايدها معانا وانا ساكته عنها اعاملها مثل اليهال الصغار ياحبيبتي ياعمري ياقلبي بس مونافع وياها تقوليلها يمين تروح شمال اللي لاحظته عليها خلال هالاسبوعين اللي طافوا ان البنت تبي تشتغل براحتها ومايعجبها نظامنا
آمنا بالله قلت خليها تسوي اللي يريحها بس الكل متذمر من اسلوبها الابلات يشتكون منها العاملات يشتكون منها وفوق هذا كله تتكلم عن المسؤولين بالشركه كلام ماينقال ويوم حاولت افهمها ان هالكلام عيب ومايجوز ينقال قالت لي بالحرف الواحد انا حره اقول اللي ابيه سكت عنها
ماتلبس الدسوس وتقط البالطو قبل نهاية الدوام وماتشتغل بضمير وكلمتها جم مره قالت فيني حساسيه ماقدر البس الدسوس قلت لها بس ان شافتج الوكيله بتكتب فينا افاده وتضرينا معاج قالت انا مالبس انتوا كيفكم
المهمممممم حاولت اصلح فيها وتعبت نفسيا منها لانها موراضيه تتقبل اي نصيحه وتبي كلمتها اللي تمشي وياليت كلامها بشي صح لا بالغلط طبعا تبي الكل تحت امرها
انا قلت لها حبوبه انا بتنازل عن الاشراف لج اذا هالشي يريحج بس واللي يسلمج مانبي مشاكل بالمدرسه
قالت مابي الاشراف وماعندي استعداد اسوي اللي انتي تسوينه
قلت طيب براحتج
ليما اليوم لاحظت الوكيله عليها الاهمال بالشغل والمصيبه انها اثرت علي البنات اللي معاي كانوا شعله من النشاط والحين عقب ماشافوها رباديه صاروا مثلها ماكو شغل بس قعده وسوالف يوزعون الاكل وعقبها يحوسون شوي ويطلعون واتم ابروحي اكرف واقول لعيون ديرتي الكويت والثقه اللي عطونياها الناظره والوكيله والله مااخيب ظن احد فيني وانا نونو"
صار اليوم عقب ماكلمتها الناظره اسألتني الوكيله الساعه جم دوامت فلانه جدامها واهيا واقفه قلت يت اليوم الساعه 7وثلث
هبت بويهي وصرخت صرخه قسما بالله وقف شعر راااااااسي من الخرعه ماعرفت اشلون ارد عليها انا بهالمواقف الله لايراويكم يطقني عقر بقر ماعرف اتعامل مع هالاشكال
قلت لها يمه قصري صوتج احشمي الناظره والوكيله عيب علامج تصرخين قالت بسسسسسسسسسسسسسسس مالج شغل انتي
انا قلبي يعورني والله العظيم من داومت اول مره اصادف شي هالنمونه كانت تحمق قبل وتصارخ عالعاملات وكنت امسكها واهديها واعلمها السنع بس اصرخت اليوم بويهييييييييييي قلت ياربي سترك
دقيت علي مسؤولتي بالشركه ويتني فديت قلبها قلت لها يافلانه شوفيلي صرفه واللي يسلم عمرج انا ماتحمل هالاسلوب وماعرف اتصرف طبعا سالفتها اكبرت وادخلت فيها الناظره والوكيله والشركه
والكل وقف بويهها وباجر احتمال كبير ينقلونها لانهم قالولها بنردج مكانج القديم
انا خايفه لاكون السبب مع اني والله والله والله مالي علاقه باللي صار اللهم قلت حق الشركه عن سوالفها وتحريضها للبنات انهم يهملون شغلهم وقلت لهم انها تتكلم عن المسؤولين بالشينه جدام الكل والجميع والناظره قالت بالحرف الواحد حق المدير هالبنت مانبيها بمدرستنا ومستغنين عن خدماتها
والوكيله يت قالت ان وايد شكاوي عليها واحنا ساكتين ونغض النظر عن سوالفها ونقول يمكن باجر تتعدل بس مامنها فايده
وانا خايفه لايقطعون رزقها وكلمت المدير اليوم قلت له اذا بتنقلوها هذا شي راجع لكم بس احلفكم بالله لا تقطعون رزقها
قالولي بنردها مكانها اللي يت منه واللي تامرين فيه يانونو يصير
هذى اخر اخباري وعندي لكم شي يونسكم سووووه وادعوولي"
____________________________________________
اللي ودها تشارك بالحمله حق الانشطه اللي بنسويها تحط افكارها وتقول اللي ودها فيه وتكون المواضيع اليايه كلها افكار حلوه تفيد الكل والجميع
الحين عندي فكره بعرضها علي الاداره ان وافقوا عليها خير ونعمه ون ماوافقوا عليها بحاول اطبقها عملي
الفكره اهيا ان كل يوم ثلاثا في نشاط صح والا غلط؟؟؟؟؟؟؟؟؟؟؟؟؟؟
بهالنشاط بطلب يخصصون لي ربع ساعه حق صفوف 3 ورابعه وخامس
ايمعهم بالصاله واكون مجهزه لهم برنامج ترفيهي ومسابقات عن النظافه وعن النظام واحط مثلا 5 جوائز
البرنامج عباره عن سي دي بسويه بحط فيه صور سلبيه وايجابيه ويكون تعليمي حق البنت اشلون تهتم بنظافتها الشخصيه ونظافتها بالمكان اللي تكون فيه بشكل عام
وعقبها اسوي مسابقه واوزع الجوائز
هذى فكرتي وانشاء الله يوافقون عليها عندي احساس انها يمكن تصير ويمكن لاء"
ان صارت زين علي زين ون ماصارت اخليها اسبوعيه بالطابور اشرايكم ؟؟؟؟؟؟؟؟؟؟؟؟؟؟؟؟؟
وبنفس الوقت انزل مع البنات بالساحه وقت الفرصه واشجعهم علي تنظيف المدرسه واكون قريبه منهم ونسوي مسابقه تنافسيه بين البنات
____________________________________________
وفكرتي الثانيه اقولها لكم عقب ماشوف الاولي تصير والا ماتصير
وعطوني ابداعاتكم اشوف "
