شووفي مزمز انتي ماسكه اي مرحله توزعين عليهم بالظبط؟؟؟؟؟؟؟؟؟؟؟؟؟؟؟؟؟
واشلون علاقتج مع الناظره والوكيله؟؟؟؟؟؟؟؟
بعطيج فكره تسوينها بالصفوف علشان تكسبين حب البنات لج وبتشوفين نتايجها بعيونج يامالهم العافيه يمه
تروحين رامز تدلينه؟؟؟؟؟؟؟
تشترين اوراق اللي تلصق بالطوفه مقاسها كبر اوراق اي فور عرفتيها؟؟؟؟؟؟؟
مثلا انتي ماسكه التوزيع بخامس عندج خمس صفوف صح؟؟؟
اشتري الاوراق اتييج تقريبا 24 ورقه ب600 فلس باكيت كامل
تاخذين الورقه وتسطرينها الاسبوع الاول الاسبوع الثاني الاسبوع الثالث والرابع هذى تحطينها بالطوفه حق شهر 12 كبداية
وتشترين ستيكرات نجوم ملونه باميه فلس
ولي وزعتي الاكل تقوليلهم مابي اشوف شي من الاكل بالزباله حراام والله مايرضا وتعلمينهم اشلون يحافظون علي النعمه والنظافه وتخلين سلة الاكل بالصف وتوصينهم اللي ماتبي تكمل وجبتها وماتبيها تاخذها البيت واللي ماتبي تاخذها البيت الاكل الزايد النظيف بسسسسس يقطونه بالساله
انتي عقب الفرصه يمعي السلال وشوفي شغلج تفرزين الاكل النظيف وتصرفينه بطريقتج والصف النظيف تحطين له نجمه وقوليلهم اي صف يحصل اكثر نجوم خلال الشهر راح نكرمهم بالطابور
ونسقي مع الناظره وشوفي الصف اللي يفوز وياج عطيهم اي شي رمزي مثلا كاس والا مزهريه والا مفرش حق طاولة الابله وعطر رشوش حق الصف يعني هالشغلات ماتكلفج 5 دنانير اذا بتحسبينها بس مردودها ايجاابي لج
وبعدين لا تنسين دور التقنيات بالمدرسه في وحده تصور كل شي يصير بالمدرسه خلي علاقتج فيها طيبه وكل شي تسوينه وثقيه بالتصوير علشان تراوينه مسؤولتج لي مرت تشوف هالتقارير عنج تنفعج هالشغلات بالبونص والمكافآت يمه
انا عن نفسي والله خذيت كل شي من البيت تحف مابيهم ومناظر رشوش وبخور وممسحات حق الارضيات لانه ملوت المدرسه صايرين سود يلوعون الجبد ومهتمه بنظافة المدرسه مع انه موشغلي بس طبعي ماحب اشوف شي وصخ وراهم وراااااهم وهالشي مكبرني بعين الاداره والكل يشهد لي بالشغل الحمدلله من فضل ربي حتي البنات اللي معاي علمتهم شوي شوي اشلون يتابعون شغلهم والله العظييييم ان الناظره اصدمتني تقول بالاجتماع سألوني عنكم وقلت لهم بنااااتي يهبلوووووون واكثر وحده يابت اسمي جدام اللجنه يعني شغلنا موبس توزيع ونطلع ترا قاعدين يتابعونا من بعيد لي بعييييد واحنا ياغافلين لكم الله
وبعلمج شي ثاني بس سوي هالطريقه اللي قلت لج عنها وبشريني اش صار معاج يمه وتالي الخير بقباااااااااال لا تحاتين ولا تشيلين هم
اذا غاثينج البنات اللي معاج صديهم عنج وخلي نيتج صادقه مع الله وانج تبين تحللين معاشج وتبين الله يبارك لج فيه يمه سويه لانج تحبينه واذا اشتغلتي وانتي حابه الشغل بتشوفين نفسج مبدعه بكل شي تسوينه لا تنطرين كلمه شكر من احد وحطي الله بين عيونج واذا اشكروج والا امدحوج تأكدي هذا كله من فضل ربي سبحانه
العاملات سجلي اساميهم عندج وقوليلهم انا بسوي مسابقه حق احسن وحده تشتغل وتنظف وبنكرمها بالطابور بتشوفينهم يتسااابقون علي رضاج
اتفقي مع البنات تقطون قطيه لوكل وحده دينار واشترولهم شي يونسهم اذا قدرتي تظبطين جم فراشه لج ابروحج هذا خير ونعمه واذا الادراه موراضين
قوليلها بالحرف الواااااااااااااااااااااااااااااااااااااااحد ابله احنا شغلنا نوزع ونخلص توزيع ونمشي واذا اشتغلنا شي زياده هذا من حبنا لكم ريحونا بتشوفون كل شي مردوده ايجابي للمدرسه واذا بتحسرون فينا بفراشاتكم احنا نشتغل معاكم علي حسب ماقالت لنا الشركه نسويه وبس
لو موطريجج بعيد جان طلبتج عندي والله تعيشين معانا ملكه زمانج
بس ماعليه انتي قدها وتقدرين تديرين الامور عقلج كبير ومبين عليج شاطره وقويه
