يااحبكم للنووووم بسكم نوم قوموووووا
انا مجابله الدوه وتريقت الحمدلله والشايب طلع مع اخوانه بيروحون سوق اليمعه الله يحفظهم والعيال نايمين فديتهم
مزمز ترا اسمحيلي ماكلمتج امس يمه والله حيييييييييييييييييييييييييييييل كنت مشغوله ورديت البيت رصيدي مااايسمح <<<تقرق وايد بالموبايل ههههههههههه
__________________________
عندي مشكله مع وحده من البنات بالدوام
اهيا صغيره وتهبل بس عيبها الوحيد ان عينها 24 ساعه بالبلاك بيري تطقطق فيه حاجيتها وساحلتها وقلت لها يابنتي هالشي يضر عويناتج موزين تسوين بعمرج جذي تقول لا خالتي ونااااااسه
صدتها جم مره توزع الاكل بسرعه وتنخش بالدار مالتنا وتطقطق بالموبايل وكلمتها بس مونافع فيها الكلام تكسر خاطري عندها ظروف وانا متعاطفه معاها حيييل بس هالطبع الشين اللي فيها ماتيوز عنه معتمده علي وعلي رفيجتي لانه احنا كبار وسنعات وماسكين كل شي تقول خالتي واللي يسلمج لي شفتيني اسوي شي غلط قوليلي ون قلتلها تتضحك وتقول انتي بحسبة امي احبببببج ونصيحتج علي عيني وراسي بس ماقدر استغني عن تلفوني حتي بوقت الشغل مااتهده
الله يهداها ويعقل عليها قلت لها لومانتي عزيزه وتنبلعين بشطانتج والا جان من زمااااااان قظبتج الباب
والثانيه حامل ياعل ربي يعطيها ساعة الهون والسلامه دشت شهرها وهالبنت مالها حس كلشششش من الشغل ياها طلق وتعبت وراحت الطبيب بغوا يولدونها واطلعت علي مسؤوليتها وداومت المقروده لانه الشركه موراظين يعطونها طبيه يقولون انتي حامل واحنا وظفناج بالغلط مانبي حوامل قممت ودقيت علي المدير بالشركه قلت له حرام عليكم الطبيه من حقها وبعد مناورات ومشااورااااااااات اتفقت مع الوكيله انها تداوم الصبح بس توقع حضور وتقعد بالمسرح ماتحوس معانا مو وقته تولد علينا هههههههههههههههههه وتطلع قبلنا ليما تولد يحلها الف حلال
واالبلوتين اللي يداومون من الشركه اسيويات ثنتين
اول اسبوعين كانوا هبات ريح ويهبلووووووون اشزينهم عقب شافوا الفراشات ملوت المدرسه وصاروا املعن مثلهم جان انفشششهم هذاك اليوم قلت والله ثم والله اللي بتتدلع وماتشتغل اعلم عليها بابا اشرف ههههههههههههههه لا تشوفون اش صار فيهم ودقيت علي اشرف قلت له سنع العاملات قبل لا يكتبون الاداره فيهم تقرير ضدكم
داوموا ثاني يوووووم يقولون ماماااااااا انتي شنو يقوووول احنا نسوي ومسكتهم علي كتر عطيتهم المقسوم عقب ما هاوشوهم اكسروا خاطري وصاروا خووووش اوادم
دقت علي امس الوكيله تقول انها هالاسبوع مشغوله بدوره ماراح تداوم وعطتني الصلاحيه بكتابة تقارير عن كل فراشه ماتشتغل ولا تتعاون معانا قلت لها ابشري بصور لج تقاريرهم بالصوت والصوره ههههههههههههههههه
وشريت ساعات من المحاميد علي دينار ونص وحطيتهم بقواطي حق الفراشات بكرمهم عل وعسا يتسنعون ويصيرون خوش اوادم
______________________________________
عن الاكل اللي يزيد شتسوون فيه يمه؟؟؟؟؟؟؟؟؟؟؟؟؟
انا خل اقول لكم عن شغلي بالاكل الزايد عقب مانخلص توزيع نحط السله بالصف وعقب ما نتريق ونخلص الا طق جرس الحصه الثالثه والبنات بالصفوف نطرش الاسيويات ويجمعون السلال من الصفوف اييبونها لنا بالمسرح ونحطهم بالدار مالت الثلاجات ونفرز كل شي ابروحه مثلا التفاح بسله والكرواسون بسله وجذيييييييي وعقبها
انا شاريه تعرفون الرولات ملوت الجياس اللي علي 100 فلس بطيور الجنه؟؟؟
شريت خمس رولات وكل يوم اسوي وجبات بهالاجياس واحطهم علي كتر
اوزع علي الفراشات والحارس وعلي سايق السياره مالت الاكل والاسيويات اللي معانا واللي يزييييييييييد نعطيه حق الابلات يوصلون المسايد وحق الاسر المحتاجه وعساه بميزان حسناتنا كلنا
علي فكره عدد البنات بالمدرسه 696 طالبه واللي يزيد تقريبااااا 60 ومرات يوصل العدد 70 وجبه يعني الحمدلله اليهال مستفيدين من الوجبات عليهم بمليون الف عافيه
عندي افكار وايده بس خلونا نحل مشاكلكم مع الاداره علشان تقدرون تطبقون مشاريعكم بكل حريه ان شاء الله
