والله ثم والله ياااااريووم ماني زعلانه منج شخصيا بس كلامج بموضوعج غثني ياربي ليش احنا بنات الديره نتذمر من كلمه استفزازيه اطلعت من ناس ماايبون لنا الخير ردة فعلج وانتي بحالة غضب فسريها مثل ردة فعلي بحالة غضب يوم قريت كلامج وانتي وتوتيه تعرفون غلاتكم عندي وانا شخصيا دقيت علي مسؤولتي والله العظيييييييم وبلغتها بكلامكم واهيا علاقتها حييييل قويه معاي بحكم السن وخلليتها تسأل شركة لآلئ عن كلامكم قسما بأيات الله ان البنت مابيني وبينها سابق معرفه قالت يانونو ترا كلام البنات مبالغ فيه واايد وممنووووع منعا باتاااا وتحذير من الوزاره للشركااااات اي شركة تجبر المجهزات علي شيل الزباله راح ينهوووون عقدها لان كرامة الكويتيه اذا ماتحفظها الديره من بيحفظها لها الله يعز الكويت اللي خيرها مغطي عين الشمس داخل وبره الديره الكل متنعم بخيرها الحمدلله
بخصوص التوزيع بالفصول ترا هالحاله مؤقته ليين تتوفر الطاولات حق مراحل 5 و4 و3 بس يبقون اولي وثانيه بالفصول تتوزع وجباتهم
اخر كلامي حق اللي مايعرفون شغل المجهزات ولا يعرفون شالطبخه اقول لكم ياحبايب قلبي
الصبح يوقفون ليما موعد فتح سياره الاكل معاهم الوكيله ومشرفات 3 والعاملات ينزلون الاكل من السياره ويرصونهم علي التروليات ويدخلونهم بالمطعم
ثاني شي كل مجهزه مسؤوله عن الطلاب ملوتها تحضر عدد وجباتها بمساعده العامله بشرط تكون العامله لابسه دسوس وطاقيه علي راسها ويكون مظهرها نظيف
ثالث شي العاملات يتساعدون علي تحميل الوجبات يوصلونهم فووووق والمجهزه ترا بس وااقفه وتعطي اوامرها حق العاملات
لي صار وقت التوزيع العاملات يدزون الترولي ويفترون علي صف صف ومع المجهزه ابله بدنيه تساعدها بتوزيع الوجبات باسرع وقت لان الفرصه نص ساعه ومايمدي الطالبات ياكلون ويلعبون بالفرصه
وعقب الاكل كل عامله مسؤوله عن فصولها بالتنظيف يعني لي خلصت المجهزه التوزيع تروح غرفتها تقعد تتريق وتريح ساعه ونص عقبها تروح فووق تشوف الصفوف نظيفه والا مونظيفه وتسجل ملاحظاتها اذا العامله مو متعاونه بهالخصوص وتبلغ الوكيله علشان تكون بالصوره
وعقب التنظيف تفتر الوكيله عالصفوف وتسجل تقاريرها عن كل مجهزه بعملها اليومي وعن رايها بالشركه من كل النواحي بتوصيل الاكل وبالكميه وبكل شي
نرجع لوجبات اليهال اللي يعانون من مشاكل صحيه مثل التكسر والسكر والحساسيه طبعا الشركه عندها عدد الحالات المرضيه ويطرشون لهم وجبات غير عن البنات وتكون مو أقل مستوي من الوجبات العاديه وحاطين علي كل علبه ستيكر ودور المجهزه تشوف الحالات المرضيه بصفوفها وتسجل اسم الطالبه وصفها وتوزعهم عليهم
يعني عالساعه 10 ونص بالكثير الشغل خالص وتوقع انصراق وتروح البيت
هذى اهيا المجهزه وهذا شغلها واللي تسوي غير الكلام اللي ذكرته تكلم وكيلتها بالموضوع واذا ماتعاونت معاهم الوكيله ترفع شكوي بقسم شؤون التغذيه بالمنطقه التعليميه وتشتكي بالشركه
واذا الشركه قايلين لها شيلي الزباله يامجهزه تشتكي عليهم بالمدرسه والمنطقه
والسلام ختام
توتيه وريووووووووووم احبكم يشهد ربي اني ابي لكم الخير
