رد: رد : كل مايخص مجهزات التغذيه بالتربيه والحاضره تعلم الغايبه
صباح الخير شوارفسكيه
انتي ضحكتيني وبجيتيني وحيرتيني كلهم بكلامج هذااااااا
شنو الاخبار الي ما اطمن
وشنو انسوي اذا قالوا شيلوا الزباله يالله قولي
قوليلهم يابعد قلبي احنا مجهزات تغذيه شغلنا يعني نلبس البالطو ونحط الماسك ونلبس الدسوس ونوزع الوجبات ونراقب اليهال اللي ياكل واللي ماياكل نكتب فيه ملاحظه نعطيها الاداره هذا اللي قالوه لنا بالمدرسه وقالولنا اي وحده تلاحظون عليها سلوك موطبيعي بالاكل تبلغونا شوفي ياقلبي الوجبه انتي بدوورج تقدرين تعلمين اليهال دعاء قبل وبعد الاكل وتعلمينهم ياكلون باليمين لي شفتي اليهال يتهاوشون والا فيهم بلاسه تركدينهم وتعلمينهم اشلون يحترمون النعمه كل هالاشياء تقومين فيها بطيب منج مو غصبن عليج يعني لا تخلين شغلج روتيني لازم تحطين لشغلج افكار وبرنامج تشجيعي حق هاليهال وبهالحاله تشدين انتباه الاداره لج تقاريرج بيدهم يمه وكل شي ايجابي تسوينه مردوده ايجابي عليج
قولي حق الناظره يا ابله يزاج الله خير الشركه قالولنا بيوفرون عاملات يساعدونا واكسروا فينا وانتي اذا مشت عملية التوزيع علي حسب الاصول بتعاونج معانا هذا من صالحج ومانبي منج الا العاملات بنعطيهم المقسوم ونبيهم يشتغلون معانا وهذا ابسط شي نطلبه منج وانتي كريمه واحنا نستاهل بنات ديرتج وطمعانين بوقفتج معانا وعطيها جم كلمه حلوه وصدقيني ماراح تردج
انا بعطيج فكرتي اللي عرضتها عالناظره واستانست عليها وبنطبقها من باجر بإذن الله
رحت رامز وشريت كاس كبير بدينار ونص وشهادات تقديريه كنوع من التشجيع علي نص دينار
وبالطابور باجر بتكلم
وبقول لهم في جوائز اسبوعيه كل خميس راح تتوزع بالطابور عباره عن كاس النظافه وشهاده تقديريه حق الابله اللي صفها يحصل علي اكبر نسبه من الكؤوس
بهالحاله انا ضربت عصفورين بحجر اولا حثيت البنات علي نظافة الصف عقب الوجبه يقطون قواطيهم بالزباله وشجعت الابلات علي مراقبة بناتهم حزت التوزيع
وتسليم الكاس بيكون باشراف الناظره وبالطابور كل خميس نعطي الصف المتميز وبتشوفون اشلووون كل شي يمشي علي حسب الاصول
لي صارت الفرصه طلعوا تمشوا بالساحه اختلطوا بالبنات خل يتعرفون عليكم ويحبونكم ويسمعون كلامكم والله السالفه سهله حيييييييل لا تصعبونها وكل شي بالعقل ينحل
ابشركم الطاولات اوصلت المدارس امس كلمني الحارس وقال لي جابوووو الطاولات ياست الكل اعمل بيهم ايه ودقيت علي الوكيله وكلمتها وراحت المدرسه تشوف كل شي لانها اهيا المسؤوله عن استلام الطاولات والحمدلله كل شي ماشي علي حسب الاصول
حطوا في بالكم شغله كل شي يديد لازم تصير فيه شوي حوسه ولوويه يعني الاسبوع الاول بتصير هوالات بس كل شي بيتسنع وبترتاحون
ولا تنسون كل يوم الصبح عقب الصلاة وقبل ماتطلعون من بيوتكم تدعون اللي ماتنام عينه انه يسخر لكم عباده الصالحين ويرزقكم حب الناس ويجعل لكم القبول بالارض وكل اللي بقلبكم قولوه
