يسعدلي مسااااااااااااااااااااااااااكم
ميخالف تحملوني هالجم يوم والله مشغوله لي شوشتي بس يالله كل شي لعيونكم يهوون حتي وانا تعبانه شوي من الحوسه والفراره بالسوق قلت ادش اتطمن عليكم قريت ردودكم وضيقتوا خلقي ليش هالرباده شهالنوم ماشبعتوا نووووم سنين وانتو تشخرون بفرشكم الحين خلاص لا وقت للكسسسسسسسسسسسسسسسسسسسسسسسسسل شدوا الهمه يابعد قلبي وصيروا هبات ريح خلصوا اشغالكم
بعطيكم الحين الموجز اللي يخصكم
بخصوص البنات اللي ليما الحين ماوقعوا العقد لا تحاتووووون فديتكم ترا هاليومين بيدقون عليكم وتوقعون العقد
واللي ماخلصت فحوصاتها هم لا تحاتي عادي تباشرون العمل يوم الاحد الياي وتراكضون علي مشاوريكم مسموح لكم تطلعون تخلصون شغلكم وهالكلام معتمدته مليون بالاميه يعني اللي تباشر عملها بتاريخ 24 وبعدها ماخلصت شغلها عادي يعطونها الاذن تخلصه بس هااااااااااااه موتقصون علي الناظره وتزرقون مني مناك ياويلكم
الحين تعالو اسولف لكم شوي عن الشغلات اللي زهبتها حق غرفتنا اللي بالمدرسه
شريت ياطويلات العمر كلنكس ديتول ومعقم وكلنكس عادي وفحم مال البخور وشريت قرشة بخور المعاريس ومبخر صغيرونو وشريت مطاطير حق القهوه والجاي
وشريت استكاين مع صحونهم وقفاش وسكريه وماعون حق التمريه
<<< بتروح الكشته مو الدوام هههههههه
وشريت جنطه لابجه اشزينها حق العده بدعسهم فيها والشايب طبعا ميت علي من الضحك يقول والله حاس من اول اسبوع بيطردونج انتي وعدتج
الله يستر ههههههه
ومريت الخياط رحت استلم البالطو اللي خيطته والا مسويييييييييييييه لوووووووعه مخربه حسبي الله علي عينه الحوله اانا مقروده والا شموديني حقه هالمخدي المهمممممم رحت البلوكات وحست ابي خام ابيض
ولقيت خام اشزينه عند العوضي وشريت خمس امتار حق بالطوين ورحت فوووق حق الخياييط ودخلته عند واحد ان شاء الله زين وخياطه زين وقال استلمهم الخميس علشان يمدي اوديهم المصبغه
وتالي رحت مجمع النقره الجنوبي بشوف لي قمصان وبناطيل بس ماشفت شي يسوا كله خلاجين وشماطيط ورجعت البيت وقعدت وفكرت وقررت باجر بحيل اللي ماتنام عينه اروح الافنيوز واشوف شكو ماكو هناك بس فكرت بمشكله ثانيه يعني كل يوم قميص يديد وبنطرون يديد هذى ابروحها ميزانيه قالت لي حماتي ليش ماتشترين عبي وتلبسين فوقهم البالطو قلت لها اتخيل شكلي جني خيال المآته اللي يخرعون فيه الطيور كلش موخوش فكره
بتوكل علي الله وبشوف باجر اللي ربي كاتبه يصير
ابي اقتراحاتكم وين نلاقي قمصان حلوه ناعمه مافيها خبه ولا فيها حوسه حق تحت البالطو كل وحده تدش تكتب لنا جم محل علشان نختصر الوقت بالفراره اشرايكم بفكرتي
وعندي لكم اقتراحات بقولها بعدين تطبقونها وتستفيدون منها علشان تقاريركم تصير كلها امتيااااااازات بإذن الله وهالشي سألت فيه وخذيت راي ناس كباار بالشركه والله قالولي فكرتج حلوه وان طبقتيها علي سنع بتوصلنا الاخبار ونعطيج علي بونص = مكافأه
طبعا هالاقتراحات من صالحج بالاول والاخير بس بكتبها لي صار وقتها
وعلي فكره نسيت اقول لكم بخصوص شعار الشركه مالتكم لي عطوكم عقود العمل ووقعتوها راح يعطونكم النسخه الاصليه عندكم انتي شتسوين؟؟؟؟؟؟؟؟؟؟؟؟؟؟؟؟؟
تصورين شعار الشركه وتروحين مركز الطالب وتصورينه ويسوولج كارنيه فيه اسمج وشعار الشركه وتعلقينه كنوع من الدعايه حق الشركه وبنفس الوقت اللي تكلمج سواء مدرسه والا ناظره تقرا اسمج وتحفظه وتعرفه
والافكار اليايه بالطرييييييييييييج ابشروا بالخير بقبااااااااااااال
