رد : كل مايخص مجهزات التغذيه بالتربيه والحاضره تعلم الغايبه
بنات محافظة حولي تعالوا اسدح لكم آخر الاخبار
في بنات من محافظة حولي ليما الحين ماراجعوا علشان يكملوون باجي اورااقهم يابناااااااات اللي بمحافظة حولي تزهب اوراقها اللي اهيا
اخر شهاده دراسيه .
8صور شخصيه
شهادة الميلاد
شهادة لمن يهمه الامر من التأمينات
صورة الجنسيه+ صورة الجواز
صورة البطاقه المدنيه
مقابلاتكم من الساعه 2 الي الساعه 3 الظهر عند واحد ينقال له سليمان محمد سليمان مدير شؤون الموظفين يعطيكم الابليكيشن تعبونه وتنطرون يدقون عليكم
انا رحت اليوم بستفسر قال لي بالحرف الواحد كل اللي اساميهم بالكشف مقبولين وانا اسمي من ضمنهم الفال لكم يااابعد قلبي وقلت له ليش التاخير بالاجراءات عندكم؟؟؟؟؟؟؟؟
وقال انه الاسبوع الياي راح يطبعون شهادات باسامينا كل وحده لها شهاده باسمها صادره من الشركه علشان تروح حق ادارة المباحث الجنايه وتطلع شهادة لاحكم عليه ومن الصحه وقال ناطرين المدير استاذ فهد يوقع الاوراق ويدقون تالي علينا وحده وحده علشان تروح تاخذ شهادتها من الشركه وقال الدوام يبتدي اخر شهر 10 يعني قبل نهاية شهر 10 باسبوع او 10 ايام تقريبا
وقال انه التنوزيع بالمدارس راح يكون علي حسب عنوان السكن يعني مثلا انتي ساكنه بمنطقتج قطعه8 يشوفون المدرسه اللي بقطعه8 ويحطونج فيها والهدف من هذا علشان تكونين قريبه من مكان شغلج ودوامج بالوقت وبالدقيقه ماتتاخرين ولا يكون لج عذر
اقول لكم يابنات محافظة حولي بسررررررررررررررعه خلصوا اوراقكم ترا ماكو وقت خوفج بعدين يقولون بس اكتفينا وتروح عليج هالفرصه
وقال الاسامي المرفووضه اهيا اللي عندهم معاشات من التأمينات واللي عندهم صحايف سوابق واحكام واللي ياخذون من دعم العماله يعني مشتغلين بشركات خاصه ويبون شغل ثاني
واللي مافيها هالمواصفات مقبووله
وسالته عن الاعداد المطلوبه
قال نظام الهيكله فرض علينا عدد محدد بكل محافظه واحنا مجبورين نوظفهم ونلتزم بالعقد اللي بينا وبين التربيه يعني ماكو ولا وحده سجلت بالهيكله ويت المقابله واسمها بالكشف ضمن المقبولات نرفضها مستحيييييييل الا اذا كانت مو مستوفيه الشروط
قلت له طيب استاذ سليمان المدارس راح تبتدي بعد 5 ايام اشلوون علي دواماتنا
قال بداية توزيع وجبات التغذيه بالمدارس راح تكون فعليه بتاريخ 30 /10 والحين احنا وباجي الشركات شغالين علي قدم وسااق نجهز احتياجات المدارس من طاولات وكراسي وعماله آسيويه رياييل وحريم وهذا كله يبي له وقت اسبوعين تقريبا كل شي يكون زاهب وبنفس الوقت تكونون انتوا خلصتوا اوراقكم كلها عقبها ندق عليكم ويقابلكم المدير التنفيذي ويجتمع فيكم ويعلمكم بالظبط اللي لكم واللي عليكم ويعطيكم مباشرة عمل بمدارسكم كل وحده تعرف وين مدرستها وتستعدووووووون للانطلاق
واي استفسار تبونه من عيوني الثنتين بنات حولي وكل بناااااااات المحافظات الثانيه اللي عندها اي معلومه تطرحها لنا علشان نفيد ونستفيد
