كل مايخص فحص الزواج ... مبرووكين

[BnT_oMaHa]

عسى الله يهنيكم ويسعدكم ويبعد عنكم كل ذي شر شره ويحرسكم من العين

لا تنسون ذكر الله والاستغفار .. ولا تنسوني بالدعاء بالتوفيق والله يعوضني

وارد اهنيكم مره ثانية .. الف مبروك

 

[bent_7awa]

مررررررررحبااااا بنوتات >> اقصد صرتوا الحين مدامااات


انا سويت التحليل يوم الاربعاء وطلعت النتيجه الاربعاء اللي وراه والحمدلله النتيجه زينه وسليمه وملجت قبل اسبوعين

والفااال حق كل بنات المنتدى العازبااااااات

 

[عذبة السجآيآ]

قوه بنات شلونكم

الف الف مبروك وعسى ربي يوفقكم ان شالله


بنات عندي سؤال بخصوص الفحص

ابي مكان الفحص ووين بالضبط اي مكان ابي توصيف دقيق تكفون
ولازم نجيب ورقه من المحكمه ولا لا ؟
ومتى تطلع النتيجه خصوصا اذا الرجال مدني موعسكري ؟

تكفون ردي علي حدي موعافه شي

 

[جےـود الحےـزن]

::
الفحص الطبي بمستشفي الصباح ..
من تدخلين صوب المستشفي اتشوفين لوحات ارشاديه واسهم مكتوب الفحص قبل الزواج يعني ما يضيع ..
ولا لازم تجيبون ورقه من المحكمه .. ولا ما اتسون الفحص ^_^
وبالنسبه لنتيجه 5 ايام تحسبين من غير جمعه وسبت .. بس الواسطه فـوق القــانون
يعني اذا عندكم واسطه بيومين تستلمونها ..
مبروكـين مقدمآ ..~

 

[عذبة السجآيآ]

الله يابرك فيج ياعمري

بس بخصوص المحكمه يعطون الورقه بنفس اليوم ولا ناخذ موعد ؟
وعالساعه جم لازم نكون موجودين بالمستشفى ؟

واعذريني على كثر الاسأله بس حدي موعارفه شي حتى اخوي

 

[جےـود الحےـزن]

::

والله اتوقع ورقه المحكمه بنفس اليوم ..
وبالنسبه للفحص يبطل من 8 انا عني رحت الساعه 9 10 الا خمس خلصت ^_^
حافظه الوقت
لا اتخافين ولا اتحاتين والله سهالات انا نفسج من زود الخوف والحيا بغا يوقف قلبي ..
وورقه المحكمه المعرس يطلعها .. ماله داعي حضوركم بس يأخذ البطاقه المدنيه
ولو لا ازعاج ولا شئ انا بعد قبل اسبوعين كنت ملوعه جبد البنات بالاسئله
اذا تبين شئ لا يردج الا الكيبورد
..

 

[عذبة السجآيآ]

جود ياعسى ربي يوفقج ويرزقج الرزق الطيب ويجملج بعين زوجج يارب العالمين

وجزاج الله الف خير والله يسهل عليج مثل ماسهلتي علي

وادعيلي ان الله يسهل علي

 

[جےـود الحےـزن]

::

الــسنافيه الله يجزيج الجنه علي هالدعوه الطيبه
والله يوفقج ويسرلج امورج ويسهلها لج .. واتبشرينا انج ملجتي ^_^

..

 

[وحيده بهالدنيا]

شكرا والله يوفقك الجميع..

 

[عيا زماني]

عسى الله يهنيكم ويسعدكم ويبعد عنكم كل ذي شر شره ويحرسكم من العين

ومبروووووووووووووكين ..

 

[Malak_galbi]

مساء الخيييييير

شلونكم

الحمدلله اني حصلت هالموضوع كنت بكتب

في وايد اسئله وعرفت جوابها من هالموضوع
الله يجزاكم الف خيييير


والله يتمم علينا ويسهل امورنا يارب

حاليا ناطره المعرس يرجع من السفر وبعد العيد راح اروح واسوي الفحص

بناااات انا مشكلتي من يسحبون مني دم على طول يغمى علييييي
وبصراحه مستحيه من زوج المستقبل على قولتهم ان يشوفني بهالوضع <<الحيا ذابحها لوول

الفحص كل واحد بغرفه او اثنينا بغرفه وحده او شلوون

وهل نقعد مع بعض بنفس الاستراحه او بس اول مايشوفني دخلت يعطيهم الورقه
وانطر دوري

ومو عارفه شنو البس تنصحوني البس عبايه او بدله ماادري حايسه بهالموضوع
احس ان ماادري شلووون

وشكثر ياخذوون دم


وبهالموضوع كاتبين ان الفحص عن الكبد الوبائي والثلاسيميا

بس جارتنا تقول عن 7 اشياء ياخذون الفحص هل هذا صج
تقول حتى عن البويضات يطلع لهم

ياريت احد يقول لي شلون احس اني ضايعه

 

[noo7a]

ملك قلبي
اكلي لج شي قبل لا تروحين و لمن بيسحبون منج الدم لا تشوفين لفي ويهج وانشالله ما يصير فيج شي
و كل واحد فيكم بغرفه يسحبون منه
اول ماتوصلون يفتحون الملف لكم انتوا الاثنين و تقعدون بنفس الاستراحه تعبون البيانات بعدين تسلمونها و تنطرون دوركم
لبسي شي وسط بين الكشخه و العملي يعني لاتروحين اوفر لان بيكون بالنهار وميك اب خفيف ناعم
ياخذون جنه 3 او 4 عينات من الدم
وبالنسبه حق شنو بالضبط ياخذون ماذكر والله بس الزهري و الايدز هذيل الي اتذكرهم بس البويضات و الحمل ماله شغل لا
والله يوفقج

 

[BnT_oMaHa]

بنـــــــــــــات ادعولي الله يوفقني ويرزقني بزوج يعرف قدري ويجملني بعينه ويرضيني ويحميني واكون اجمل امرأة بحياته والوحيدة بقلبه

 

[قــ الهـدوء ـمة]

مرحبـــا

انا سويت التحليل وناطرة النتيجة ( بصراحة هالتجربة احساسها غير وصج بتظل ذكرى حلوة .. غير عن احساسج بالخطبة والحمدلله ان لحقنا على هالقانون )
يعني الي ما لحقوا على قانون الفحص ما قبل الزواج .. يعني راحت عليكم

ادعولي بنات ان الله يوفقني ويسهل اموري ويفرحني

 

[أهبل أجنن]

الله يوفقكم وياحلاة هالموقف عشته صج كان خوف ورهبه وتوتر بس أحلى إحسااااااااااااااااااااااااااااااااااس خصوصا أول مره اشوفه هناك واتسرق النظره له ههههههههه

بالتوفيق لكم وعساكم تتملكون بسرعه وترتاحون

 

[Miss Golden]

بنت أمها..

الله يبارك فيج حبيبتي والله يرزقج بزوج يحبج ويخاف الله فيج ومايشوف غيرج بالدنيا ولا احد يملي عيونه غيرج..
الله يسخره لج ان شاءالله و يوفقج ويعطيج على نيتج حبيبتي



الفحص حق 3 امراض بس..

الايدز و الكبد و الثلاسيميا

ياخذون 3 عينات دم بس مو اكثر ولا اقل..

وعااادي تاكلون قبلها والمفروض احسن بعد تروحون متريقين عشان ما تدوخون..

واول ما تخلصون في كورنر عند الباب يبيع عصاير و شغلات جذي الاحسن انكم تشربون عصير عقبها عشان تعوضون الدم اللي راح

والله يوفق الجميع

​

 

[عذبة السجآيآ]

شلونكم بنات

انا اليوم سويت التحليل وكان احساس رووووووووووووعه بس بنفس الوقت كنت ميته خوف وقاعده ارجف تقولين بالبربعانيه خخخخخخخ

والله اني خايييفه حييييل تكفون ادعولي ان الله يسهل امري وتطلع النتايج سليمه

والله اني قاعده على اعصابي والله يصبرلني للاسبوع الجاي

 

[جےـود الحےـزن]

::

السنافيه لا اتحاتين ما في خــوف ..
والله كلنا خفنا وحاتين بس سهالات ..
واذا المعرس عنده واسطه تطلع بيومين ..
وان شاء الله نفرح بملجتج يارب ..
وعلي االاحساس اي والله عجيب ^_^

..

 

[عذبة السجآيآ]

جود الخوف فينا فينا ليوم العرس خخخخخخخخخخخخخخ

بس مادري اذا المعرس عنده واسطه ولا لا ؟

بس الدكتوره قالتلي الاربعاء الجاي ان شالله تخلص

واميييييييييييين الله يمع منج واملج واخلص

اما عن الاحساس اقسم بالله كان شكلي نكته كاني اول مره اشوف رجال خخخخخخخخخخخخخخ

 

[batoota]

بنات انا في شي محيرنييييييي كل الناس يقولون التحليل بس دم وانا بنت خالتي امس راحت تقول اكشفوا عليها شكوووووووووو
عفيه اللي سوو الفحص هالاسبوع يقولونلي هل اهما بعد اكشفوا عليهم ؟؟؟؟
بنت خالتي تقول قالتلها الدكتوره فحص العذريه !!!!! حسيت اي شي امبيه احس اهانه اذا فحص العذريه جنه شاكين فيني اي شي اي شي