كل مادقيت في مانشستر وتد ..من رداة الحظ وافتني حصاة

[ريم الخبر]

لي عوده مع ردودكم بارك الله فيكم
::::

(الصوره من النت)

"

خالد صحى على رنة جواله ولقى حاله مرمي على الارض
باين انه كان غايب عن الوعي زحف لحد ماوصل لجواله
رد ...الا سمع صوت جدته طريفه :
خاااالد اقرأ المعوذات يابوي

خالد:
امي طريفه
بعدين انقطع الخط اللي بينه وبينها
الالم اشتد اكثر واكثر ...ضغط اول رقم في جواله
ويوم سمع اللي على الخط الثاني رد ...قال:
بليييييز هيلب مي ؟؟!!
بعدها غاب خالد ثانيه عن الوعي ......

(الصوره من النت)

صحى شوي الا يسمع اصوات حوله
ويشوف بيوت الرياض وبيوت مانشستر متشابكه
وصوت ابوه وجدته والدكتور في الجامعه
بعدها غاب عن الوعي ثانيه ....

(الصوره من النت)

(كاااااليد كالييييد)
صوت غريب يسمعه خالد لاول مره
فتح عيونه الا يشوف مغذي وبجنبه ممرضه
تأكد انه في المستشفى ...
سأل الممرضه وش اللي صاير معه
علمته انه كان معه التهاب شديد في الزايده
ولحقوا عليه في اللحظه الاخيره واجروا له العمليه
خالد بعد سمع منها الموجز عن كيف جا هنا
ومين اسعفه نام مره ثانيه لكن هالمره من غير الم؟؟؟

::::

(الصوره من النت)

صباح الخير ياحلو ...هذي اول جمله سمعها
خالد اول ماصحى من النوم فتح عيونه الا هذا
هشام وبجنبه عبدالله ...
هشام:هاااه كيفك الحين ان شاءالله بخير
خالد بصوت خافت:الحمدلله.. شفت الموت وانكتب لي حياة جديده
عبدالله :والله ماشاءالله عليك ماتلعب (دقيت على السفاره السعوديه مره وحده)

خالد:والله ماقصدتها ضربت اول رقم وبعدها غبت عن الوعي ..وماقصروا الاخوان
هناك الله يجزاهم خير ..سمعت انهم تعبوا لحد مالقوني ؟؟؟

هشام وهو يكلم عبدالله (اللي كان ياكل من سلة الشوكلاته):خلاااص
قضيت عليها كلها يادب ؟؟؟تحسبها شوكلاتتك (ام واحد يورو) ؟؟؟
هذي من السفاره يعني شوكلاته دبلوماسيه ؟؟!!

خالد :خله ياهشام عبدالله يستاهل كل خير ..يذكرني بخالي
احمد كانت جدتي طريفه تقول له......هنا توقف خالد وسرح؟!!!!
هشام:ايش بك ياخالد ؟؟؟
خالد:جدتي طريفه؟
هشام:ايش بها ؟
قبل لااكلم السفاره دقت علي (وقالت اقرأ المعوذات)
عبدالله مستغرب :سبحان الله ؟؟؟؟!!!وش دراها؟كنت مكلمها قبل؟؟
خالد:جدتي طريفه متوفيه من 4سنوات
هشام: هذي هلوسه من الالم ؟
خالد:قسم بالله انا متأكد سمعت صوتها
عبدالله:الا الا يصير...عمي سمع ابوه (جدي الله يرحمه)يناديه يوم
كان مريض وسبحان الله فعلا بعدها بيومين مات عمي الله يرحمه
هشام:مات الله يرحمه ؟؟؟؟....عبادي بلى بشكلك وانت شايف
انه قصة عمك مناسبه دحين ياثور ؟؟؟؟!!!
خالد ابتسم ...هشام :ايوه كذا انبسط وافردها ياعم
قول ايش نفسك فيه ؟؟؟
خالد:ابي مهيله؟؟؟
هشام :مهيله هذي بنت مين وانا اجيبها ليك من تحت الارض؟
عبدالله:هههههههه .. وش فيك .مهيله يعني قهوه ؟!
:::

(الصوره من النت)

مرت الايام وبدأت العطله الصيفيه
الطلبه ودعوا بعض آخر يوم دراسي
وكلن راح لديرته ... ..

جهز خالد شنطته و نزل للتاكسي اللي كان ينتظره
ومعه عبدالله ...اللي كانت وجهته هو وياه وحده

وبعد انتظار طويل في المطار ...نادوا
على رحلتهم المتجهه الى ....

يتبع

 

[مـ سهله ـو]

ابداااااااع وعبدالله يضحكني حييييييييل ناطريييييينج

 

[dlo3t^baba]

waiting you soooooo nice story love it ^_^

 

[ريم الخبر]

مــــشـــــــكوره خيتو ( ريم الخبر )
الى الامام وأحنا معك
قمه في الروعة من جد شيء روعه
للامانه تو قريتها واعجبتني وابي التكمله بسرعه الله يعافيك
مراح اقول لك بنسى الاحداث لانه الشي الحلو ماينسى:s142:

تسلمين ياقلبي والاروع والاجمل هي طلتك حبيبتي
انا سعيده انها نالت رضاكم

 

[مـ سهله ـو]

يالللللله كملي حياتي :*

 

[ريم الخبر]

يالللللله كملي حياتي :*

ابشري ياقلبي بعد شوي انزل بارت جديد

 

[مـ سهله ـو]

اوكي يعطيج العافيه ناطرينج

 

[الزين نجد]

يعطيك العافيه
الله يخليك كمليها لو علي بصبر وكل يوم بفتح بس عندي بنات ينطروني انسخه لهم لانهم مايقدرون يدخلون
دومات واختبارات وانا الوسيط بينهم وبينك بفتك من حنتهم
كلنا معجبين

 

[ريم الخبر]

لي عوده مع ردودكم بارك الله فيكم
::::::::::

الجزء ماقبل الاخير
:::::::::

(الصوره من النت)

نادوا على رحلتهم المتجهه الى ....
وين ظنكم بتتجه ؟؟؟اكيد للرياض لكن المشكله مو هنا ؟!

"
خالد وعبدالله يوم سمعوا النداء الاول لرحلتهم
اتجهوا للبوابه ...هم من زود الثقه انهم خالصين
وجاهزين جلسوا وماقاموا الا آخر الناس ؟

وبعد ماانتهت الزحمه قام عبدالله وخالد
ووقفوا عند الكاونتر عطاهم خالد البوردنق باص
جلس الموظف يطقطق حوالي العشر دقايق

وعبدالله مل وقام يتأفف ؟؟؟
خالد ...كل شوي يسأل الموظف :اذا فيه مشكله ؟؟؟
الموظف مطنشه وكأنه كمالة الكاونتر ؟؟؟؟
بعدها بشوي اخذ الموظف التلفون وكلم كم ثانيه ؟؟؟وقفل الخط؟؟!!
:::::

20 ثانيه الا جاهم واحد (يحلفون انه اطول من سور الصين العظيم)
خذ من خالد جوازه وقال له اتبعني !!!
خالد هنا طاح قلبه وصارت الافكار تشرق به وتغرب
التفت ورا الا هذا عبدالله يتبعهم ...قاله:
(وين ادخل الحق على الرحله لاتفوتك)
عبدالله:اقول امش وانت ساكت ؟!
خالد صراحه وده ان عبدالله مايدخل الطياره ويقعد معه !.. تبعوا الضابط ....
وقعد خالد يتحلطم بينه وبين نفسه وفي سره؟!
الا التفت عليه الموظف: واااات ؟؟؟
خالد وهو مرتاع:يالعنبوهم هالانجليز يسمعون حتى حديث القلوب ؟؟؟!!

::::::
دخل خالد غرفه كئيبه تجيب الهم !وعبدالله قالوا له ينتظر براااا
مرت ربع ساعه نصف ساعه ومرت ربع ساعه ثانيه ؟؟؟وقبل لاتتم الساعه
دخل ضابط ثاني لايقل عن خويه الاول طولا ولا عرضا...الا انه اكثر منه
صرامه من ردى حظ خالد...

(الصوره من النت)

طبعا الطياره بدون ادنى شك طارت عن خالد وعبدالله
المهم الضابط عقب ماجلس استلم خالد بالاسئله ؟؟
اسمك وسنك وعنوانك وليش جيت وليش بتروح من صديقك من عدوك .....الخ
خالد جاوب على كل الاسئله ؟؟؟
الضابط عاد نفس الاسئله مره ثانيه ...خالد مسك اعصابه وجاوب نفس الاجابه
الضابط عاد الاسئله مره ثالثه ...هنا عرف خالد انه الدعوه فيها استفزاز
سوى نفسه عبيط وقال وهو يحرك اصبعه :
(آهاااااه ذس از أكانديد كاميرا)

الضابط ضحك ؟!
خالد دعا في نفسه: ضحكت من سرك بلاا ااا
عقب ذكر انهم احتمال يعرفون وش يقول ...بناءً على التجربه السابقه
قال لاشعوريا...سوري ؟؟؟!
الضابط سأله اذا يعرف ايش سبب تحقيقهم معه ؟؟؟
خالد:لااااا
الضابط بلغه انه قبل ساعه ونصف جاهم بلاغ من مجهول
ان خالد سعد (بطل قصتنا)...هو ارهابي ؟!!!
"


"


"
خالد هنا ماعاد يدري وينه فيه دااارت فيه الدنيا
ولفت ورجعت ثانيه للغرفه الكئيبه وسور الصين العظيم
عفوا ضابط الامن السقيم ؟؟!!
دخل شخص اخر معه كاميرا طقطق لــ خالد كم صوره
بعدها بنص ساعه ...
الضابط بلغ خالد انهم اكتشفوا ان البلاغ كاذب واعتذروا منه؟!

"""
خالد من الفرحه بالسلامه وده يحب رووسهم ..قال لهم :ثااانكيو
وطلع بسرعه لصديقه عبدالله ...لكن
للاسف مالقاه ...
خالد قال في نفسه:الا يالهيس انحشت ياقليل الخاتمه ؟؟!!
مشى دقيقه وحده الا هاللي ينغزه مع ظهره
"
"
عبدالله !
ماسافرت ؟
عبدالله:صاحي انت اسافر ؟؟
خالد:وين كنت اجل ؟
عبدالله:همااااك يوم دخلت الغرفه ...الا يجون فريق مانشستر
وصارت عاااد الدنيا زحمه اللي يصورهم واللي يسألهم ؟؟
انا لحقتهم لييييين بوابة رحلتهم وصورت معهم وودعتهم وجيتك ؟؟!!
انت داري ان الرحله فاتتنا ؟؟؟

خالد:ادري؟

عبدالله :وش صاروا يبون فيك ؟؟

خالد بلغه بالسالفه كلها
عبدالله:طيب وانت ارهابي عاد؟
خالد:اقول كل تراب؟وامش نسوي لنا حجز ثاني لابارك الله فيهم ؟؟؟

"""

(الصوره من النت)

بعد ماضبطوا الحجز الجديد رجعوا لسكنهم ...طول الطريق وخالد يفكر
من هو هاللي يكرهه ومكذب عليه ؟؟؟

في البدايه مروا على شقة خالد
نزل خالد ويوم طلع لشقته الا لقى عند بابها ؟؟؟؟؟!!

"


"



"


باربرا عفوا بسمه ..تنتظره
اول ماشافته بكت خمس دقايق ...خالد سألها وش فيك؟؟
هنا صارت الطامه الكبرى؟!
"

"
باربرا قالت له انه اللي مسوي بلاغ عنه
هي امها تنتقم منه لانها اسلمت بسببه
وبعد ماخلصت من الخبريه
قالت لخالد :Are you angry
خالد قال لها :نووووو ام فري فري هبي ؟؟
طبعا هي عرفت انه يتهزى فيها ...تأسفت منه ومشت
خالد دخل الشقه وهويلعن الساعه اللي عرفها
فيه هي وامها ...لكن يوم دخل تروع ...لقى شقته
محيوس ابو ابوها وقالبين عاليها سافلها
ومن دون ادنى شك اكيد انهم (المخابرات والبوليس البريطاني)
لاشعوريا مسك فازه وفتح الشباك الا هذي باربرا تمشي ومعطيته ظهرها
رفع الفازه بيضربها فيها .. لكن تعوذ من ابليس ؟؟ وقال هي وش ذنبها ؟؟؟



الجزء القادم هو الاخير



​

 

[روح كويتيه]

مسكين خالد يننته ام هالباربرا
عبدالله ابداااااااااااااع حده يموت ضحك




وبالنهايه حبيت اقولج اسلوبج بالكتابه حده اينن وعجبني وبنفس الوقت ستايلج بالقصه يديد ومختلف

فعلا تميزتي

 

[ma3boocha]

يالله حبيبتي....

ناطره البارت الاخير...

الروايه حلوه و تضحك... خصوصا عبدالله تحفه

 

[مـ سهله ـو]

واااااااااااااااو وااااااااااااااااااو


عبدالله حبيته

وخالد شوي جامد

 

[{ سُـgد إلعَيـُـgن ..!]

{ .. ~ ..................................





آلسلآم عليكم ورحمة آلله وبركآته



تفضلوآ لـ الاهميه

http://www.q8yat.net/showthread.php?t=27933






.................................. ~ .. }

 

[ريم الخبر]

{ .. ~ ..................................





آلسلآم عليكم ورحمة آلله وبركآته



تفضلوآ لـ الاهميه

http://www.q8yat.net/showthread.php?t=27933






.................................. ~ .. }

وعليكم السلام ورحمة الله وبركاته

اختي سود العيون ...ماادري هل القصه مخالفه والا ايش السالفه
اذا فيها اي مخالفات اتمنى حذفها كامله رغم انه مابقى الا جزء واحد
لكن ياحييل الله ماودنا نكون مخالفين ...
... والعذر والسموحه لكل من تابعوني ....

 

[{ سُـgد إلعَيـُـgن ..!]

{ .. ~ ..................................





لآ آختي آلقصه مو مخآلفه ..

لكن هذا تنبيـه منزلته على كل آلموآضيع ..

كملي ..





.................................. ~ .. }

 

[مـ سهله ـو]

ناطرينج حياتي :>

 

[ma3boocha]

لا تكفين كملي ما بقى الا جزء أخير و بتخلص...

 

[ريم الخبر]

{ .. ~ ..................................





لآ آختي آلقصه مو مخآلفه ..

لكن هذا تنبيـه منزلته على كل آلموآضيع ..

كملي ..





.................................. ~ .. }

ابشري بارك الله فيك ..والله يعينكم ادري وش كثر تتعبون يالمشرفات

...

 

[ريم الخبر]

لي عوده مع ردودكم بارك الله فيكم

الجزء الاخير

:::::

(الصوره من النت)

خالد رفع له كرسي من هالكراسي
المرميه على الارض جلس عليها
وتعوذ من الشيطان
دق على ابوه وعلمه السالفه كلها ...
ابوخالد تروع وضاق خلقه ..
.قال الحين باكلم السفاره
يتابعون الموضوع!
خالد هدأ ابوه وقال له خلاص
الموضوع كله بلاغ كاذب
من العله مرسيدس ...
ماقفل السماعه الا يوم طمن
ابوه انه حجز على اقرب رحله
::
رتب شوي من حوسة الشقه عقبها طلب تاكسي وراح
لسكن عبدالله ينام عنده..
عبدالله: احلف ام باربرا هي المبلغه عنك؟؟؟يااااوك ياشين انتقامهم
هالحمصان ...هذا جزاك اللي خليت بنتهم تسلم ؟
خالد: لو سمحت انا مالي دخل في اسلامها ..لاتورطني الله يرضى عليك
المره هذي عدت على خير ..ومو كل مره تسلم الجره ..
عبدالله:زين زين لاتعصب علي !شكلك تافل العافيه سم بالله وحط راسك وانا اخوك وارقد
:::
في يوم الرحله ...خالد وعبدالله كانوا اول الواصليين وقبل لاينادون على الرحله
بنص ساعه وقفوا بجنب الكاونتر الاخير ...طالع فيهم الموظف عرفهم وابتسم
عبدالله: ماش ماارتحت لضحكته ؟
خالد: اذا رأيت انياب الليث بارزة فلا تظن ان الليث يبتسم!
عبدالله وهو يتراعد :
اللهم إجعل من بين أيديهم سدا ومن خلفهم سدا وعن أيمانهم سدا وعن شمائلهم
سدا ومن فوقهم سدا ومن تحتهم سدا واجعل على أعينهم غشاوة فلا يبصرون
...
اقول ياخالد امش بس نجلس وش موقفنا عنده الله يكفينا شره
الموظف ذكي حس ان عبدالله خايف منه ...ابتسم وغمز لخالد من غير مايحس
عبدالله ...وخالد فهم عليه ...
الموظف نادى على عبد الله وطلب جوازه ...عبدالله ارتاع وطقته النفاضه
وقعد يسأله كم سؤال ؟؟؟
وعقب ماخلص اجوبته على اسئلة الموظف
عبدالله قال بالانجليزي طبعا :والله العظيم اني مااعرف مرسيدس ولا بنتها
استغفر الله استغفر الله عشان مااكون كذاب شريت منها مره ساندوتش
مجامله والا الساندوتش الله ينعم بها ...خالد قلهم يارجال وش فيك ساكت؟!
خالد:الله يقلعك وهو وش دراه عن مرسيدس يالثور ؟
خالد قرر انه يعلمه بانه مقلب لايجيب العيد ...قاله بالعربي :تراه يلعب عليك
ويمزح شافك تنافض يالنعامه قال خل اوسع صدري معه ...ماشاءالله اليوم فالها
ابو مارك ...اهجد وخلك ريلاكس ؟؟!!
عبدالله المسيكين حتى وهو عارف انه مقلب
قام عرقه يتصبصب .....ويوم نادوا على الرحله اول من نقز عبدالله
واول من ركب الطياره عبدالله واول من قرأ دعاء السفر عبدالله
واول من ربط الحزام عبدالله واول من حط راسه ونام مهوب عبدالله

خالد له يومين مانام زين... ماصدق يركب الطياره الا ويطقها نومه
الييين وصولوا ..
خالد قام وطالع عبدالله المسيكين اللي ماغمضت عينه
قال له وهو يضحك : هاااااه خلاص آمان
عبدالله:مافيه آمان لين اشوف لحية ابوي
:::
وصلوا مطار الرياض ...وكان في استقبالهم اهلهم
اول ماركب السياره ..طالع فيه ابوه وقال :
عسى ماآذوك ؟؟؟
خالد:لايبه هذاني قدامك مافيني الا العافيه
ابوخالد:خلاص مالك رجعه عندهم !!!!!!!!
::
خالد بلم وسكت ماقدر يرد على ابوه لحظتها
قرر انه يناقشه بعدين ..الحين مو وقته ..ابوه مو مصدق انه شافه
"

(الصوره من النت)

لف على يمينه وقعد يطالع الرياض وشوارعها ونخلها وسماها
وغبارها ...يازين الرياض وعجها ..
::
مرت ايام الصيف وياعجلها على الطلاب قضاها خالد
بين الرياض والديره ومزرعة اهله ..
وقبل السفر باسبوع ...ابوخالد فتح موضوع الدراسه
مره ثانيه ؟؟
مع العلم ان خالد كان يتحاشى انه يناقشه على اساس انه الايام
كفيله بتغيير رايه ؟؟؟؟!!

لكن للاسف ابو خالد كان مصر على نفس الرأي :
مافيه رجعه لمانشستر ؟؟؟؟!!!
خالد حاول يقنعه ...كلم عمه الكبير وطلب منه انه يقنع ابوه
لكم مافيه فايده ؟؟؟!!
قبل السفر بيوم ...ابو خالد قفل البيت على خالد
وماسمح لاحد يطلع هذاك اليوم الا بعلمه ...
لحد مايتأكد ان الطياره طارت ...خالد هنا شوي وينهار
مسك خالته نوال ...يرضيك ياخالتي ...باقي لي هالسنه واخلص
الله يخليك تكفين عطيني المفتاح ..
نوال :خالد مااقدر اسمح لي موقفي حساس مره ...تدري وش بيقول
ابوك ...اقلها بيرمي علي الكلمه اللي دائما تضيق صدري ..بيقول :
(ايه انتِ وش عليكِ مرة ابو)
اسفه جدا ياخالد مااقدر اساعدك !!!
::
مرت الدقايق والساعات وياسرعها الساعه 3 الفجر خالد خاف تفوته الطياره
مسك وليد اخوه وترجاه تكفى حاول تفتح لي الباب والا ترا بــ أطب
من فوق وان جاني شئ انت السبب؟؟؟؟
وليد خاف على اخوه يعرفه زين اذا صمل على شئ مايتراجع ...؟؟؟
خالد دخل غرفة اهله بشويش سحب المفاتيح من على كوميدينة ابوه
وطلع بسرعه قبل لايحسون فيه ...
عطى اخوه المفاتيح ...خالد اخذ بس اغراضه المهمه في شنطة اليد
الصغيره مايبي اي شئ يثقل عليه في نحشته ...
ودع وليد وطلع صحى السايق وسيدااااا على مطار الملك خالد
وعلى اخر لحظه لحق على الطياره قبل لاتطير ؟؟؟!!
ركب خالد الطياره وهو يتلفت يدور عبدالله ...مالقاه عقبها جلس بروحه
وهو يطالع من شباكه... شمس الرياض وهي تشرق ..وناااااام
:::::
بعد ماوصلت الطائره للمطار ...لاول مره يحس انه خفيف
اثر الشناط تثقل ؟؟!!
خلص اجراءات المطار ...وركب التاكسي ..فتح
جواله ...الا لقى رسالتين الاولى من ابوه والثانيه
من خالته نوال ...
فتح اول وحده اللي لابوه وقراها وكانت مجرد سطر واحد:
لاانت ولدي ولا اعرفك

خالد انقبض قلبه وضاق صدره !!
فتح رسالة خالته :
خالد ادري انك زعلان من رسالة ابوك
لكن ولايهمك انت كمل وادرس ولاتحاتي شئ
كل شهر راح انزلك فلوس واذا نقصك شئ كلمني
بس الله يخليك اوعدني ماتدخل باي نشاطات سياسيه
او دينيه ...وموفق ان شاءالله ...
::

اول اسبوع من الدراسه كان اثقل اسبوع مرعلى خالد
الساعه 9 الليل دق جواله ...الا هذا هشام:
كل عام وانت بخير ...اعلنوا قبل شوي عن دخول رمضان
خالد قفل الخط وقفل التلفزيون واللاب توب ...من فتره ماحس بالغربه
بس يوم درى انه رمضان جاه احساس غريب بالوحده...
اشتاق للرياض اشتاق لحي الخزامى ومسجدهم
ولحوش بيتهم وصالتهم ...وقبل هذا كله اشتاق لابوه !
لكن جمعته مع بقية الطلاب وافطارهم مع بعض في مسجد
المدينه بدد وخفف من هالشعور الاليم...
::::::

(الصوره من النت)

ومرت الايام.....

:::
اليوم :27ديسمبر 2008
في هذا اليوم الجيش الاسرائيلي
شن هجوما عسكري وحشي على قطاع غزة
خبر مؤلم احزن واثار غضب كل المسلمين في انحاء العالم
ومو بس المسلمين ...حتى غير المسلمين ومن ضمنهم
الجامعات البريطانيه ...طلاب هذي الجامعات عملوا
احتجاجات وبالذات جامعة خالد اللي هي جامعة مانشستر
قام الطلاب باعتصام مطالبين بوقف الاستثمار في شركات الأسلحة اللي ترتبط بعلاقات
تجارية مع إسرائيل، وطالبوا بتقديم منح دراسية للطلبة الفلسطينيين، وتقديم المعونة الإنسانية للشعب الفلسطيني.
:::

(الصوره من النت)

خالد :مايصير كذا ودي اشارك معكم
عبدالله: شارك من رادك
خالد:انا وعدت خالتي اني مااشارك باي نشاط سياسي
عبدالله :يارجال وش دراها عنك ؟؟
"
خالد اخذ على هالحال كم يوم ؟؟؟مره يقول خلاص باشارك
وعقبها يهون ..في الاخير حس انه جبان ...الحين عيال
الغرب هم اللي يحتجون وهو يالمسلم العربي
يمر من عندهم ماكن الامر يهمه ...
ذيك الليله مانام قرر اذا جاء الصباح يروح ويشارك في الاعتصام ؟؟؟1
ماصدق انه يصبح ويجي وقت الجامعه راح ركض لمكان الطلاب اللي صار فيه
الاعتصام.....لكن مالقى احد؟؟؟؟
(الاعتصام انتهى)

::::


اليوم الجمعه 17 يوليو 2009
تبون تعرفون وشو هاليوم
"
"


"



"

"

(الصوره من النت)

اليوم يوم تخرج خالد وعبدالله وهشام من جامعة مانشستر
ومو بس كذا ثلاثتهم نجحوا بتفوق وثلاثتهم صاروا
مهندسين ومعهم شهاده تشرف وترفع الراس...

(الصوره من النت)

لكن كانت
فرحة خالد من بدهم ناقصه
:::

بعد التخرج حان وقت العوده للوطن الحبيب
خالد وعبدالله وهشام في مركز أرنديل سنتر
يتسوقون لاهلهم هدايا
...

خالد:ودي بهديه معتبرها لخالتي نوال

عبدالله :اشتر لها طقم فناجيل قهوه مزركشه

هشام :خخخخ طقم فناجيل ياعبادي..وماتنسى تاخذ معاهم دلة السيف ..
وين قاعدين ...في سوق البطحاء؟؟؟!!
عبدالله:يووووه ناسي والله ..

هشام: بحدود كم هديتك ؟؟؟

خالد:انا مخلي مبلغ محترم عشان الهديه ؟؟تستاهل خالتي

عبدالله:ياحليلها والله ماقصرت معك ...ويقولون بعد حريم الابوان قشران!!!!!!!

خالد:ايه عرفت بــ آخذ لها شنطه ماركه ...
خالد اشترى الشنطه ...وعبدالله متروع من سعرها الخيالي؟؟!!
(منتب صاحي قسم بالله لو تعطينيها بلاش مابغيتها)
"
وفي يوم العوده وخالد وعبدالله في الطياره
خالد :ياحظك ياعبدالله بتلقى احد يستقبلك
عبدالله :قل ماشاءالله ...لاتنظلني هم عاد مايستقبلني
الا صبي ابوي اللي يلقح نخلنا ...

خالد:ماشاءالله
:::
وصلوا الرياض... عبدالله كان في استقباله
ابوه واخوانه وعمانه والقبيله كلها وماجاورها؟؟؟!!
سلم خالد عليهم ...وعرضوا عليه والحوا انهم يوصلونه
رفض وكذب عليهم وقال كلمت خالي الحين بيجي ياخذني ..
::
وبعدماتأكد ان عبدالله واهله مشوا ...اخذ له تاكسي
وكان طول الطريق يفكر وشلون ابوه بيسلم عليه ؟؟؟
اول ماوصل بيتهم ...شاف سيارات وش كثر عند باب بيتهم
خالد ...خاف على اهله وقام يوسوس به ابليس ...
دخل وهو يقدم رجل ويأخرالثانيه ...
:::
هلااااااااااا بالباش مهندس ابشروا به جا جا
هناك العقلان يابو خالد ...هناك العقلان
خالد ماقام يميز احد الاصوات كثرت وتشابهت
مايدري هذا عم والاخال ...الوحيد اللي ميزه
ابوه ...خالد وقف 5 ثواني يوم شافه عقبها
راح ومد له يده وحب راسه ...
ابوه قال بس جمله وحده خلت خالد يطير من الفرحه
وكملت فرحته اللي كانت ناقصه يوم التخرج ..

(بيض الله وجهك يابوي)
عرف خالد ان هالسيارات والجمعه
هذي كلها بمناسبة عودته وتخرجه

:::

(الصوره من النت)

بعد الغداء وعقب ماراحوا المعازيم ...
خالد جاب شنطة الهدايا وقعد يوزعها كنه بابا نويل
الكل استانس ...يوم شاف خالته نوال ابتسم وعطاها
هديتها ..فتحتها نوال ...من هول الصدمه والفرحه
ماقدرت تتكلم ...الاكلمه وحده:
(اصليه)
خال:اكيد اصليه والله ماانسى فضلك ياخالتي
ولا وقفتك اللي وقفتيها معي طول هالسنه
حتى الام ماتسويها !عسى الله يخليكِ لنا
ولايحرمنا منك يالغاليه
"
نوال :انا؟؟؟؟!!
خالد:ايه انتِ؟
نوال ليه وش انا مسويه؟؟
خالد:نسيتي صرفك علي السنه هذي كلها
انا متأكد انك حرمتي نفسك اشياء كثيره لاجلي ..
وهذا اقل شئ ارد فيه جميلك
"
نوال :انا؟؟
خالد استغرب من ردودها ؟؟؟
طالع في ابوه اللي كان واقف يسمع
كلامه مع خالته ..هو طالع في عيون ابوه
وعرف السالفه كلها ...
ابوه يوم ارسل له الرساله الاولى
اتبعها برساله ثانيه لكن مو من جواله
من جوال نوال ؟؟
وطبعا عارفين وش كان نصها .
خالد قام من محله وحضن ابوه
بقوه ...هذي مو اول مره يحضنه فيها
لكن هالمره حضن ابوه كان دافي ؟؟!!

(الصوره من النت)

يابوي لايلحقــــــــــك شك ولاريـــــــــب
....................انفض هجوسك وارفع الراس عالـــــــــي
أناشبابك لاغزى راسك الشـــــــــــــــيب
.....................وانا عضيدك لوتجور الليالــــــــــــــــــــي
أي والله ابشر ياراعي الطيب بطيــــــــــب
......................والله لسدك لو يضيق المجـــــــــــــــــــــالي
ان عاش راسي..... ياعزيز المجــــــــــاذيب
......................لــ شيل حملك لويفوق احتـــــــــــــــــــمالي
وطفي ضماك زان حثربن المشـــــاريب
......................واسقيقك من زندي قراح زلالــــــــــــــــــــــــي
ولايهمك ياكريم المواجــــــــــــــــــــيب
......................يفداك حالي يايبة والحـــــــــــــــــــــــــــــلالي
وذيبك يارفيع الشـــــــــــــــــــرف ذيب
......................يابوي دام تشوفني لاتبالـــــــــــــــــــــــي*

*للشاعر مساعد الرشيدي




انتهت
وكل عام وانتم بخير

 

[مـ سهله ـو]

مووووووووووووووووووووووووو صج ابداااااااااااااااااااااااااااع خياااااااااااااااااااال

يعطييييييييييييج الف الف الف الف الف عافيه


والله يوفقج يارب وننتظر رواااااااايه يديده مشكورة ما قصرتي