بنات في افكار وايد حلوه ممكن تبدعون فيها
مثل البالون العود تعرفونه هذا يأجرونه تقدرين تتفقين مع ابله وياج بالقسم تتقاططون و تأجرونه يومين و تكتبون عباره مشجعه عليه
مثل هسنه غييييير نبي نكون من الاوائل
و هكذا ترا حلوه فكرته
او انج تسوين بالونات وااااايد و تحطين داخلهم عبارات تشجيعيه و تطلبين من بنات يوزعونهم عطالبات اول مايدشون المدرسه حلوه و بنفس الوقت غريبه و اكيد ببطون البالونه عشان يشوفون الورقه الي فيها
و الله يعافي بالونات بو 100 فلس مجموعه كامله ب 100 فلس
مثل هلفكره حلوه للكبار و للصغار
وبنسبه للابتدائي ممكن تيبين بالونات مجسمه مثل هذي
شخصيه مفضله عند الاطفال
و تكتبين يمها عباره تشجيعيه
و ممكن تسوون بالونات هلوين تكتبين عليها عبارات مثل
المميزه
الاولى
الافضل
الطموحه
كيفج تبين تكتبينهم على استيكرز و لا بقلم بس انا افضل تطبعينهم على استيكرز و تلزقينهم على البالونات
على فكره بالونات الهلوين 100 ب 10 و ارقامهم وايد بنت
طلبيلج 200 و وزعوهم على الطالبات بطابور و خلوهم يطيرونهم وي بعض اخر الطابور منظرهم حلو و مشجع
و ممكن جمله حلوه في الاذاعه مثل نوعد بعض ان هسنه تكون صفتنه مميزه مثل الي مكتوبه على بالوناتكم وعد واهمه بقولون وعد او اي و طيروهم و ناسه
و ممكن تسوين مجموعت بوسترات توزعينهم في المدرسه او في ممرات الفصول او في الساحه
و انتي و شطارتج في الصور و الاسلوب
و العبارات التشجيعيه
و ممكن تييبين ورد مقطع صناعي
في منه عند بو 100 و في منه بايكيا بوكسات
الوان و اشكال
كتبي عبارتج في بوستر كبير
و لزقي عليها الورد بحيث تكون كأنها مكتوبه بالورد شكلها و فكرتها حلوه و تقدرين ترشين علورد اي عطر عندج ريحته ورد و تصير يحتها و شكلها حلو في مدخل المدرسه
بنات قصدي مثل هلورد
سوري مالقيت صوره اوضح من جذي بنت
بس انتو فاهمين قصدي
اكيد
و اذا مالقيتي هذا مو مشكله استبدليه بالورد المجفف المعطر تحصلينه عند بو 100 الوان و اشكال
الي يكون مثل هذا
و انتي و شطارتج
و انشالله
تكون الافكار حلوه و تنفع حق المرحله الثانويه
اما للابتدائي و التوسط اتوقع في افكار وايد مثل شخصيات الكارتون وغيره و انشالله اي فكره بتخطر في بالي و اي صوره بهلخصوص بنزلها لكم
