كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[بطاطا]

مشكورة ذكريات على الصور
بس المشكلة ماحب استخدم صور فيها كلام انجليزي

 

[fri2010]

بطاطا عيل انتي ويانا بتجمع ابلات الاجتماعيات @@

 

[بطاطا]

اهلين

دشيت التجمع اشوف محد يتكلم بالايام و مادري ما قمت ادشه

ممكن الرابط

 

[fri2010]

ايه عرفته هذاك تجمع قديم

انا بسوي واحد يديد بعد دورة المعلمين اليدد

 

[بطاطا]

خلاص تمام عيل

 

[fri2010]

انتي اخذتي الدوره بطاطا؟

 

[بطاطا]

اي خذيتها شهر 5 اسبوع بس

 

[fri2010]

اها ومفيده؟

شنو يسون اهناك يعني؟

 

[بطاطا]

انا استفدت وااااايد منها

مدتها 5 أيام طبعا

كل يوم يمسكون شي و يشرحونه لج بالتفصيل + تدريب على اللي تعلمتيييه بالكلاس

يعني يوم التحضير يوم التقويم يوم الاهداف السلوكية و جذي

بالنسبة لي كانت حيل مفيدة و بينت لي اشياء وايد ماكانت فبالي اهم شي تكونين مركزة

و ترى الاغلب يقولون ما تفيد <<< توقعي انهم من المجموعة اللي تتاخر و اللي يسولفون و لا دروا عن المحاضرين


و اهم شي و استفدت منه ، كان في يوم علمونا على مهارات التعامل مع الطلبة ( نفسيا ) كانت محاضرة اكثر من روعة

و بعد عطونا يوم نتعلم شلون نشرح و اي طرق نستخدم



و مذكراتها اللي خذيتها كلها عندي و سويتها نوووووووت لانها بتظل معاي على طول فيها كل شي بالتفصيل الممل

كل كلاس له نوت و تدريبات :>

 

[بطاطا]

و في استراحة و حاطين لج الطاولة و الريوق من بسكوت و نسكافيه و كيك و جاي و حليب << شغل عدل
و الاحلى كان دوامي بس بالدورة ماكو روحة للمدرسة يعني من 8-11 بس :>

 

[fri2010]

حلوووو والله يعني بنستفيد منها

ولازم يعطوني المذكره صح؟

بس اشلون يحطون الحضور والغياب؟

 

[بنات حواء2]

وااااااااااااااو
سوالفكم تهبل ومفيده بصراحه
انا برد على كلشي اعرفه و برد على استفساراتكم كلها اليوم بعد النادي
و اختارو موضوع انزل عنه افكار وصور
و حبيت اخذ رايكم بشغله وبسوي عنها موضوع لانه وصلني كذا طلب علخاص و العام حابين يشوفون شغلي في اعادة التدوير و بنزل موضوع خاص و مصور بهلخصوص بس ابي افضى اليوم اصور و اسألكم
لانه انا مثل ماتعرفون مدرسه اقتصاد منزلي او علوم اسره
و مثل ماعرفتوا نا وسايلي دايمن استخدم فيها طريقة اعادة التدوير
فدايمن ايمع شي ما ابيه في بوكس و اسوي عليهم وسايل حلوه و غرييبه
الحين عندي مجموعة ملافع و شالات ماركه بس كلهم تقليد و بصراحه ما البسهم لاني ما احب البس تقليد بس ييوني هدايا و لا صوغه و ما احب البسهم هلمره يمعتهم لاني راح استتفيد منهم في فصل الازياء
ودي اسوي فكره فيهم انتوا شرايكم
فكرت اسوي وسيله عوده واحط فيها قطع مقصوصه بطريقه ذربه لكل ماركه و عليه معلومه عن هلماركه
انتوا شرايكم رفيجتي نصحتني اسوي فيهم كتيبات
انتوا شتقولون ؟؟؟؟
و بعد ما اخذ رايكم راح اشتغل عليهم و را اصور لكم كلشي
و انزله بموضوع الكل راح يستفيد منه و لا تقصرون وياي بلافكار
و مشكورني حبايبي

 

[fri2010]

ما شاء الله عليج بنت حواء دايما ذوق وكلاس وافكارج وايد تعجبني وماشاء الله تخصصج يساعد انج تبدعين

بس احنا اللي تخصصتنا اجتماعيات ما ندري اشلون التطبيق!

وهذا ما يمنع ان نستفيد من موضوعج الياي لان صج خوش فكره

 

[ذكريات عشاق]

ابلات الاجتماعيات مجموعه صور لمادة الوطن العربي

 

[صدقني@صعبه]

الله يعطيييييييكم العااااااااافيه
تدرووووووون حدي زهقت من القعده بالبيت ابي ادواااام وصج تعب التدريس بس والله رااح تحسين بحلاوته
والله انا كل ما ضاق خلقني افج دفتري التحضير الميداني واشووف تحضير واتذكر شنو صاار بهاليووووم << فاااضيه مووو

ويالله يااارب توووفقنااااااااا

 

[بطاطا]

حلوووو والله يعني بنستفيد منها

ولازم يعطوني المذكره صح؟

بس اشلون يحطون الحضور والغياب؟

اي ان شاء الله بتستفيدين

و لازم يعطونج المذكرة ...

الحضور و الغياب في منهم ياخذه بالاسم ينادي و تقولين نعم
و في منهم لا يطلب تسجلون و عقب يجيك
و ياخذونه بالفترتين مو بس فترة وحدة


وووو بس

 

[fri2010]

ويييه اشلون ينادي بالاسامي والعدد كبير واكيد يصير في تشابه بالاسماء اشلون نعرف!

 

[fri2010]

 

[fri2010]

بنات هالنوعيه من الاوراق اللي تنقص من وين احصلها ؟

 

[fri2010]