انا ماشيه على برنامج من قبل عرسي ب6 شهور الى اليوم وربي وربي وربي وربي يا بنات ان كل من شافني قال اني عروس ماصار لها اسبوع
للشعر :
مرتين بالاسبوع استخدم زيت جوز الهند اللي بالعلبه البنفسجيه المعدنيه انطر ساعتين بعدين احط حنه على شعري احط فيها قهوه ومايونيز اخليه على شعري ع الاقل 6 ساعات ولي غسلته ارطبه بسيروم ماتريكس بس هذي عنايتي بشعري خفيفه لأن شعري ع العموم مايحتاج الحمدلله اوكيك
للوجه :
اسويله سنفره ( زيت اللوز + زيت الجلسرين + حليب بودره + سكر + شوية ماي ورد + كبسولتين فيتامين اي )
بعدين اغسله انا استخدم 3 صابونات ومستمره عليهم حيل حلوين ( البابايا والكركم - فير اند وايت - الجلوتاثيون )
كل يوم استخدم وحده بس
التونيك اللي استخدمه : ( اسكينول البابايا + ماي ورد + قرصين فيتامين سي الفوار + قفشة نشا )
^
^
^
الاشياء هذي ثابته سنفره بعدين صابون بعدين التونيك
ورا التونيك على طول فيتامين اي حددددددددده عجيب ويعطي البشره نضاره مو طبيعيه
او سيروم ريكسول فيتامين سي او سيروم الكولاجين
او ماسك روب وعسل وهرده
كريمات الترطيب اللي استخدمها وفعلا فادوووووني حيييييييييييييل :
فير ان وايت
ومرات اخلط زيت اللوز مع ميبو حييييييييييل حلو لآثار حب الشباب
وكريم الكولاجين من ستيفز
لرموشي استخدم خلطة الملاك للرموش عجيييييييييبه ماتوقعتها جذي حيل حلوه وصاجه اختي اللي تقول المسمار المطحون مع الخروع انا استخدمته قبل العرس بشهر وحيل كثفلي حواجبي من زمان قاطعته ولي الحين حواجبي تينن
انا بصراحه اهمممممم شي عندي رجولي وايديني احبها بيضاااا على ورديه وفيها لمعه واظافري احبهم يبرقون وهذي خلطتي :
فازاين فيتامين اي + فكس + كريم واقي العقب + فير اند لفلي + جليسوليد + 4/1 كريم الدوكين فورت + كريم نيتروجينا مال الرجول + شويه من دم الغزال نتقه بس +بولي هم شويه ربع العلبه بس + زبدة الكاكاو فازلين + اولاي التوت البري
وبعدين البس التسوس الشفافه مالت الحنا عارفينها بنات ؟ وفوقها التسوس العاديه
ورجولي الفهم بالجيس الشفاف الرول بعدين البس دلاغات متينه
ولي قعد افرك رجولي بالصخره السودا وايديني بليفة ذي بودي شوب
وارطب ايديني بفازلين لليدين والاظافر ورجولي بكريم عجييييييييييييييب اسمه :cracked heel cream
للبكيني : قبل العرس كنت استخدم الدوكين فورت + زيت اللوز + سودو كريم واغسل بالبابايا وامسح بالاسكينول اما هاليومين طايحه بخلطه خيااااااااااااااااااااااااااااااااااااال مو طبيعيه انا من اول مو سووودا بس الحين صرت ورديه خخخخخخ بكتبها برد بروووحها
خلطتي لجسمي بسييييييييييييطه لأن الحمدلله جسمي مو حيل غامج
(جليسوليد + فكس + زيت اللوز + زيت الجلسرين + فيتامين سي + زبدة الكاكاو + فازلين البنفسجي + ليمون)
لي دخلت الحمام تكرمون ابلل جسمي بماي دافي بعدين افرك بملح الحليب من فوق لي تحت ووراه اخلط سنفرة العروسه مع كاب وهم اسنفر جسمي من فوق لتحت بس بنات بشويــــــــش وبالراحه لحد يجرح نفسه بعدين خلطة مزيونه وشقرا الصابونيه ولوشن فيتامين سي
وبعد الحمام ارش على جسمي ماي ورد وارطب جسمي بأي مرطب وانصحكم بفازلين البنفسجي
شفايفي : كل ماطقت ببالي سويت لهم تقشير بالسكر وزيت الزيتون يصيرون واااااااي شفايف بيبي ومداومه على مرطب لابيلو مرطب اولاي زاهم شي فازلين مع دم الغزال بالليل
ركبي واكواعي مااستخدم لهم اي شي غير الترطيب يوميا ثلاث مرات بجليسوليد وفازلين وفكس ما استخدم لهم اي شي يبيض لأن قبل العرس بخمس شهور سافرت امريكا وهناك طق ببالي اسوي لهم تقشير وسويت تقشير بأحماض الفواكه بيضهم حيييييييييييييييييل مع انهم قبل ما كانو غامجين بس انصحكم سوو هالتقشير بأي عياده مضمووونه
