كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها

[سراب2008]

اهلا وسهلا بكل عرايس كويتيات

كل عروس تدخل وتفيدنا بااسرار جمالها من خلطات وكريمات وغسول ولوشن صابونه اي شي لاتترددون في الكتابه

في النهايه احنا خوات وكل وحده تستفيد من خواته بانتظاركم يااحلئ عرايس والله يوفقكم جميعا ويرزقكم الذريه الصالحه:wqedqw:

 

[لؤلؤة الكويتْ]

في انتظآر تجآرب البنات وخلطآتهم وآب

 

[خشف لندن]

اي والله خوش موضوع ياليت يفيدونا والي تعرف دكتور بشره شاطر تقوللنا

 

[سراب2008]

حياكم الله

 

[**صاحبة السمو**]

يا حياتي ياسراب على نياتج وانا نفسج
البنات الحين مايقولون بس راح اقولج عن
رفيجتي شلون صارت بيضه وبما انه انا ما استعمل
لاني بسرعه امل وازهق وما استمر بشي تستخدم
جلسرين حق جسمها وتخلي ربع ساعه بعدها تجيب جرايد
بغرفتها وتحطهم على الارض وتفرك جسمها باليمون وملح
وخلطتها شوي اكتبها لكم بس اهم شي الحمايه الصبح والتسوس
لا ينزلون من ايدج الصبح ....

 

[سراب2008]

تسلمين ياقلبي الله يعطيك العافيه كلك ذوق

هذا انا اقول 70 وحده دخلت ومافي احد قال عن تجاربه توقعت منكم تفاعل اكثر
الموضوع عاجبهم بس مااحد يبي يفيد احد

 

[الأميرة جوري]

رد : كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها

ننتظر تجارب البنات ...لرفع

 

[ضحاوي الديره]

خلطة مزيونه وشقره الصابونيه
كل اسبوع حمام مغربي
للركب والاكواع : الدوكين فورت ورتن اي وفيد آوت
جليسوليد + ليمون + زيت اللوز المر + فكس
الترطيب ثم الترطيب ثم الترطيب عندج البودي بتر الكاكاو مااستغني عنهاااااا
ووووووااااااااااااايد اشياء بعد ..
موفقه

 

[<<المها>>]

والله انا ماعرف خلطات ولاني عروس بس قلت بدش يمكن تعجبني خلطة استفيد منها ..

وانصدمت من البنات ماكو ردود شدعوه .. عاد قلت برفع الموضوع وان شاء الله يتفاعلون البنات ..

اهم شي واللي انا اعرفه مره زين للبشرهـ ويرطبها ويعطيها صفاء الماي ثم الماي ثم الماي

عجييييب للبشره ... والله يوفق كل العرايس ..

 

[وروود]

انا عروس قديييييييييييييييمه
بس احب افيدج بخلطة داهية ويانا بقسم البشره طبعا ما تبيعها اهي حاطه مكوناتها
والجسم خلطة الكلونيا حييييييييل يمدحونها انا كنت استخدمها بالنفاس
وعلى فكره حاولي ما تطلعين بالشمس وخلي طلعاتج وتجهيزج بلييل عشان لو الشمس راح تخرب عليج العنايه مالتج
وماي الورد البارد للبشره حلو
كل يوم مرتين حطي خلطة خميره وحلبه مطحونه ورووب
وللترطيب وراها حطي كريم حنان من العطار بس بعديه عن خشمج
فازلين كل ليله على الرجل
ومرطب جود لايف للشفايف
طبعا مسكرة تكثيف الرموش والحواجب من مافالا مكوده بالجوثن
طبعا شرب عصير جزر على الريج وشوفي وجهج شلون يصير حااااجه تانيه منور
حمام مغربي للجسم كل اسبوع طبعا بالبيت نسويه
وهذا اللي انا مجربته تقريبا
ومبروووك لكل عروسه

 

[Leann]

رد : كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها




هذا اهو برنامج عنايتي بس بيني و بينكم اوكي :eh_s(15):


الشعر:

قبل لا اتسبح بنص ساعه احط روب على جذور الشعر عشان يقويه و يطوله و بعدين اتسبح بشاميو جونسن بالبابونج للطفال و و بعد السبوح اشطف شعري بماي البابونج .. ملاحظة ترا شعري لونه فاتح و انا اسوي هالطريقه عشان افتحه اكثر يعني اللي شعرها اسود لا تسوي هالشي


الجسم:

استخدم لوشن نيفيا بخلاصه التوت قبل النوم و البشره بسرعه تتشربه و اغسل جسمي بديتول و صابونة المر و بعدها استخدم غسول من victoria secret

الوجه:

اغسل ويهي مرتين بصابونه الرمان او صابون المرطب من هيميلايا .. على حسب المزاج اتناوب بين الاثنين .. و اسوي تقشير بالعسل و السكر الخشن
و مرتين باليوم استخدم سيروم ريكسول بالكولاجين و احط فوقه مرطب اولاي بالتوت البري
و زبدة الشيا لشفايفي
و كل شوي ارش على ويهي ماي ورد

الماسكات اللي احطها علي ويهي .. كل يوم انوع

روب مع عسل
عسل و اسبرين
طحالب بحريه
مكعبات الثلج بالشاي الاخضرو فيتامين E

و راح تلاقون طريقه عمل كل الماسكات الي ذكرتها في قسم العنايه بالجسم و البشرة

موفقات عرايس

 

[شـيـخــهـ الزيـنـاتــــ }..]

اب
،

 

[غرور المطيري]

حلو الموضوع :

لي رجعة ..

 

[bride collection]

اب اب

 

[You FOR Me Only]

الموضوع خطييييييييييييير

طبعا عنايتي ع قدي وما استمر عليها من العييييز وخصوصا بهالبرد خخخخخخخ

استخدم الخلطه الصابونيه لمزيونه وشقره

واسوي حمام مغربي كنت مرتين بالاسبوع بس احين ببتدي اسوي مره بالاسبوع وبجد فادني ووواااايد حتى روح

بقع الحبوب بجسمي ..

جلسويد + ليمون معروووف طبعا امي تستخدمه ليدها وجد افتحت وااااايد

واستخدم ملح الحليب روووووووووووووووعه للجسم يخليه نااااااعم

والسكر + الليمون افركي فيه جسمج يسبب نعومه ومع الوقت يفتح

وووووووبس

انتظر البنات واذا عجبني شي بستخدمه وجد الموضوع وااايد مفيد وحلو ومحتاجينه

جعله بميزان حسناتج يارب =)

 

[star girl]

انا عروس وبقولج شنو اللي فادني
طبعا خلطه ماي ورد روعه شوي عليها باسبوع تبين النتيجه ومو صعبه كلش
واخلط كلونيا مع عصير ليمون وجلسرين سائل احطها قبل النوم تخلي جسمج جنه جسم بيبي
واستخدم صابون مغربي وبعده سنفره العروسه روووووعه ما استغنى عنها وبعدها انا خالطه بعلبه
لوشن نيفيا للشد مع كريم ستيفلز بالكولاجين بسرعه تشربه البشره تخلي بشرتج لينه وطريه طول اليوم
ولرموشي خلطه حيادر بس انا مسويتها بالبيت حلوه
ولويهي هذي الطريقه خذيتها من بنت بالمنتدى والله نسيت اسمها بس دايما ادعيلها تحسنت بشرتي وصار فيها حياه ونضااااره
طريقتها ماي ورد مع فيتامين سي الفوار كل صبح امسح بقطنه روووعه
ولاسناني طبعا لزقات كرست اموت عليها بياض مو طبيعي
ولكثافه حواجبي مسمار(قرنفل) مطحون مع زيت خروع قبل النوم

والله يوفقنا ويسهل علينا انشالله

 

[فـديـت ^-^ روحـي]

رد : رد: كل عروس استعملت خلطات وكريمات وصارت بزوجها قمر 14 تدخل وتقول لنا اسرار جماله

آآآآآآآب

ومنكم نستفيد

 

[bnt nas]

رد : كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها

في خلطه رفيجتي قالت عنها تقول كل من استخدمها صارت نجفه وتصلح للازمات
يعني باقي على عرس اخوج اسبوعين او عرسج وما اهتميتي وتبين نتيجة تحطينها انا بستخدمها بس يدفا الجو شوي
اذا تبونها بحطها لكم

 

[عروسة طلال]

رد : كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها

جزاكم الله خير
انا استخدم شقرا ومزيونه وماشاءالله فتحت عليها وحمام مغربي كل اسبوع هالاسبوع اول حمام
وزيت اللوز المر على الجسم قبل انام وللليد والرجول جلسويد مع ليمون وماي ورد وللرموش مسكرة أوميغا من شركة لارسيا وبس
ويارب تمم علينا ولا تخيب تعبنا

 

[ام _عبووود]

رد : كل عروس استعملت خلطات وكريمات وصارت بزوجها قمر 14 تدخل وتقول لنا اسرار جمالها

انا انصح بكريم ترايتوسبوت للمنطقة الحساسه
معروف اييبونه من مصر
و طبعا لازم حق احلى طلة و احلى ابتسامه لصقات كرست لتبييض
الاسنان اقتصاديه و تدووم معاج فتره طويله
منتجات شركة وادي النحل (خلطة زيت جنين القمح + زيت اللوز+ جلسرين)
حق الجسم كله ينعم الجسم و يزيل الالوان و الصبغات الي فيه
زيت الصندل بس ضروري يكون نقي نقي نقي لونه مثل الماي صافي حيل
مثل المرطب العام للجسم والويه و الايد و ريحته وايد حلوه
ويستخدم مع الليمون للاماكن المسوده
زيت الحشيش هم نقي نقي نقي ويكون لونه اخضر وريحته حلوه مو مثل
ريحة الحشيش العادي هذا الي بنباع في معظم العطاره لا يكون لونه اخضر
مايل للاخضر الغامق مو للاصفر
هذي تجاربي اهديها لكل عروس​