كل عجميه ومطيريه تدخل ضروووري بسالها عن شيء مهم بالقهوووووه

[يمّه مني]

الله يذكرها بالخير رفيجتي يدتها بدويه كانت اتسوي قهوه عربيه بس غريبه اذكر اتقول فيها حليب وبهار قهوه جنه ايبونه من فحيحيل او الجهرا اكو مكان يسويها وماتنباع الا حق ناس معينه
ماني من ربع القهوه العربيه بس قهوتهم كانت حلوه

 

[رووح زوجها]

:tek:هلاااااااااااااا والله000فيهاااا شمر0000جت مسرعة<<<<<<<

انا عن نفسي00احمس القهوة بالبيت000بس عندي طريقة الكل يسال عنها بالمدرسة00حتى الوكيلات يتقهون منهاااا000

واهي (قهوة ام ابراهيم من الحفر00الكل يعرفها بالكويت00لونها عجيب يهبل000بس ماكوطعم000)

افوح الماي00واحط مسمار00وشويةهيل00وزعفران00بعدين احط ملعقة من قهوتي00وملعقة من قهوة ام ابراهيم00واخليها على نار هادئة00

بعدين احط هيل وزعفران بالدلة00واصب القهوة00جربوها عن ثقة وادعولي00

ونادر احد يشرب القهوة السودة00حتى الرياييل00

 

[DKNY]

اااااااااه يازين القهوه تعدددددل الراس

 

[الشاهينه]

:33_1185028183:افا عليج ما طلبتي شي يابعد حيي قهوه الشمر انا اقولج اياها طبعا قهوه حريم ( اخذي قهوه محوجه رقم 2 وحطي فوقها خلطه الزعفران تلقينها عند الحريم بالفحيحيل وشويه كوفي ميت وزعفران وشويه هيل وخليها على نار هاديه وعودين مسمار لا تكثرين مو كل الناس يحبون المسمار ) سويها وراح تدعين لي مجربه :fun22:

 

[ابوس ترابج ياكويت]

مرحبااااااااا


انا مطيريه ^_^


في قهوه بالشويخ اسمها القهوه الماسيه اتبيع قهوه حلوه .. احنا نشتري منها


اما الطريقه سهله ..

خلي الماي يفوح وبعدين حطي فنجان ونص قهوه

داخل المطاره حطي ملعقه وسط هيل و اشوي كوفي ميت وزعفران واخذي بطرف الملعقه الصغيره مسمار مطحونه اشويه مو واجد


وبس .. تسلم راسج


وأي استفسار انا حاظره

 

[الجووووري 3]

اختي القهوه تعتمد على الحمسه

وتضيفين معها شيبه ومستكه

وتحمسنها حتى تصير شقراء مو سوداء محروقه

واذا القهوه حمستها غامقه تحطين فنجال منها

واذا حمستها فاتحه تحطين فنجال ونص.


وفيه خلطه تباع عندنا بالسعوديه وهي من القصيم

لكن موجوده بالرياض والشرقيه واغلب السعوديه

لكنها روووعه انا استخدمها وكل جاراتي انهبلن عليها

ودايم قرايبنا الكويتيين كل مايجونا بالشرقيه يشترون منها

واذا مايجون نرسل لهم منها وعجبتهم مره


وهذي صورتها يالغاليه

 

[)( مسألة وقت )(]

آآآه يا زين القهوة مع ذاك الحلو المسكت ..

شوفي حبيبتي القهوة تعتمد على حمستها ..

أمي تحمسها بالبيت .. بس إذا ما تعرفين ..

وتبين القهوة الزينة صدق .. روحي مطحنة الصباح اللي بالفحيحيل ..

خيالية .. ويعرف يضبط حمس القهوة للمزاج .. ويحط فيها اللي تبين ..

أنا عجمية وأبوي ما تعجبه أي قهوة .. ولا أي حمسة .. بس هالمطحنة عجبته ..

أخذي منهم وإدعيلي ..

شوفي خلي الماي يغلي بعدين حطي واحد ونص فنجان قهوة وخليها تطبخ ..

بعدين أخذي الركوة مالت القهوة التركية وحطي 3 ملاعق مالت الحلو هيل .. وشوي كوفي ميت وشوي زعفران ..

وإذا تحبنها حارة شوي حطي شووووي مسمار أو زنجبيل .. بعدين صبي عليها من القهوة الفايحة وحطيها عالغاز لما تفوح فوحة وحددده بس ..

علشان ما يروح طعم الهيل .. بعدين صبيه في المطارة .. وزيدي عليه من القهوة السادة .. وبالعافية ..

 

[العجمية المرية]

السلام عليكم شفت الدعوى عجمان وخوالي مطير ماقدرت أقاوم والكلام عن حبيبتي خخخخخخ القهوه وجيت ركض
المهم أول شي أساس القهوه ثلاث أشياء قهوه وزعفران وهيل بسسسسسسسسسسسسسسسسسسسس والقهوه لها انواع :
1- البرية
2- خولانية
3- هررية>>>>>>>>>>> حقتنا واسمهها على الكيس"باشنفر"
أول شي القهوه ماتنغسل تحطينها بصحن وتنظفينها من الحصى او الخيوط وغالباالهرري باشنفر تجي نظيفه حطي قدر جديد عى النار اوطى حرار ه وحطي كوبين قهوه حب يعني خضرا وحركي باستمرار بدون توقف ان وقفتي احترقت واخربت لين يغمق لونها بعدين تخلينها تبرد ماتطحنينها وهي حاره وتطحنين القهوه بس بدون اشنه او شيبه تنشال قبل الطحن.
بعدين ما حار بابريق وحطي عليه زعفران ايراني حلو او اسباني يقلب قلبتين حطي فنجانين قهوه فنجان ونص حسب مقاس الترمس وخليها على نار عاليه بس مو مره بس ماتكون واطيه اهم شي لانها تخرب واحسبي ربع ساعه بالضبط
يجي دور الهيل ياانك تحطينه مع القهوه بس يقلب قلبتين وتصبينه او تحطينه بالترمس وتصبين القهوه عليه وهذا اللي انا اسويه تكون اطعم
والقهوه مو على طول نشيلها نصبها لا خليها نص دقيقه بدون نار عشان تطلع صافيه وسلامتكم

 

[[]نهاوند[]]

شندوخة

قهوة الشمامرة لايكون السوده .. اللي يسمونها شماليه :cxxxp:
ابيـــــــــه هذي علقم علقم .. يتراوالي بس حق الرجاجيل
ما تنفع لنا
​

لا يا قلبي قهوتنا مو سوده يعني تكون شقرا

ومثل ما قالو البنات القهوه على الحمسه انا ما اشرب قهوه ولا اواطن ريحتها بس امي تحمس القهوه بنفسها وتخلي لونها بني وسط يعني مو داكن ولا فاتح

بس انتم دايما قهوتكم خفيفه وتحطون فيها حليب وكوفي ميت ومادري شنو فتشوفون قهوتنا سوده ​

 

[@شمس الضحى@]

حطي ع النار مقدار 3قلاصات ماي و3ملاعق اكل قهوه موغامجه ولا محروقه
وخليها تغلي 10دقايق وحطي بالترمس 2ملعقه هيل وشوية زعفران وشويييييه حليب كرنيشن
وملعقهصغيره زنجبيل بودره وصبي عليها القهوه وادعي لي هذي قهوتي وكلن يسالني عنها

 

[!! الواصليّـــــة !!]

اممممممممممممم

شميت ريحة قهوة

انا مطيرية واموت بالقهوة ونفس ماقالوا البنات ع حمستها احنا نطلبها من واحد ويجيبها لنا اعتقد اهو بالأندلس .
الأضافات ( زعفران+مسمار+كوفي ميت) ومرات زنجبيل

بس بعرف شن والمستكه بنات عفيه والشيبه ؟ بليزززززز انا مدمنة قهوة مقدر الا اعرف كل شي عنها حبيبة قلبي

 

[العفاسيه]

صارت القهوه مقادير مابقى الا بيكنج بودر وندخلها الفرن :dddds:

اهم شي الحمسه احمسيها بالبيت لا تحرقينها خليها وسط شقرا

مو تجيبينها من الجمعيه مطحونه وجاهزه هذى مالها طعم

حنا نجيبها من الحفر هي وهيلها

لمى يغلى الماي حطي فنجانين قهوه واذا تبينها ثقيله حطي 3 خليها عشر دقايق تفوح عالنار لين تطلع ريحتها

وحطي بالترمس نص فنجان او اكثر هيل

وطبعا زعفران طيب مو ابو طقه ماله ريحه اشتري اصلي الي ريحته تفوح من برا العلبه ماعرف اسمه

وحطي قفشه صغيرونه مسمار

هذى قهوة المطران التقليديه الي تعدل الكيف :tek:

 

[6moo7]

[]نهاوند[]

حياتي لا يكون زعلتي
ترى أغلب رفيجاتي شمريات

شوفي آنا مرة جربت القهوة اللي يسمونها ..
الشمالية (السودة) .. مالت الرجاجيل
فنجان واحد وزين خلصته ..
مرّة بشكل مو طبيعي :cxxxp:
عفية عليهم شلون يشربونها :cxxxp:
بس يمكن هذي للرجاجيل بس
آنا مجربة قهوة الحريم .. عادية .. شقرا
مثل ما قلتِ :eh_s(8):​

 

[زري منثور]

والله انا مالي بأنواع القهوه او شكلها لان امي اللي تشتريها وتحمسها
وانا اسويها ماعندي مشكله واحس نفس طريقة البنات

وفي سر بيني وبينك انا اجيب زنجبيل واقطعه واحطه معها تعطي حراره حلووه

وهذي اخذتها من صديقتي العجميه وصرنا يالمطران نسوي مثل قهوة العجمان

 

[sara bent elkuwait]

[]نهاوند[]

حياتي لا يكون زعلتي
ترى أغلب رفيجاتي شمريات

شوفي آنا مرة جربت القهوة اللي يسمونها ..
الشمالية (السودة) .. مالت الرجاجيل
فنجان واحد وزين خلصته ..
مرّة بشكل مو طبيعي :cxxxp:
عفية عليهم شلون يشربونها :cxxxp:
بس يمكن هذي للرجاجيل بس
آنا مجربة قهوة الحريم .. عادية .. شقرا
مثل ما قلتِ :eh_s(8):​

حبيبتى ماكو على القهوة الشمالية مووو سودة الحين جيرانا عنووز وشمامرة واللة العظيم ما كو احلى من قهوتهم الحين تغيروا مفتحينها وشقرا وهالهيل والزعفراااااااااااااااااااااان 000والحلو العجيييب اصلا اصلا اساسا القهاوووووى شمالية

 

[لباآاقلبي]

أنا الي أعرفه الريااجيل ماميحبون زعفران واجد ولا حليب كلللللللللش



...


وموفقه ..

 

[كلي دلع!]

أشــــــــــــــــــــــــــــــــــــــــــرايج أعلمج بقهوة الدواســــــــــــــــــــــــــــــــــــــــــــــر

 

[&اخت خالد&]

ماطلبتي شي يالغاليه
شوفي انا حدي عليميه بالقهوه مره اضبطها ومره لا
بس شريت فهوه من ام راكان عجيبه يعني بسهوله اسويها واضبطها بعد
وكلش ماتفشلج عند ضيوفج حريم او رجال
وحتى خدامتي تسويها وحدها لذيذه

 

[6moo7]

بنات شفيكم علي
ترى ماقلت شي
آنا قلت لكم عن القهـوة السودة اللي
ذقتها كانت حدها مرّة وبس

المزيونة

صاجة .. أبوي لي شافنا نحط حليب بالقهـوة زفنا :dddds:​

 

[6moo7]

كلي دلع

يلاااا علمينا بقهوة الدواسر
والنعم بكل القبايل :ggdw:
والحمايل بعد << عشان لايزعلون :dddds:​