كل شي فينا صناعي .. تعالو اقولكم وين الطبيعي :)

[SARA88]

عدل كلامج بس الوحده اتحب اتشوف نفسها احلى وتصلح اي عيب فيها خاصة الي علو ويه زواج او متزوجه

سوري ما اتفق معاج على رايج القوي ...

خلق الله ما اعتبره عيب .!!

انا خلقناكم في احسن صورة ....

جان تعترضين على خلق الله و تسمينه عيب ...


مو ضروري ارضي الناس و اغضب ربي و اقول عن صنعته فيها عيب

 

[ناتشوو]

جزاج الله خير
لأني اشوف العمليات صارت لعبة وقضاء وقت فراغ !
مو ضرورية الله يرجمنا ويغفر لنا

 

[أي معزه!!]

كلامج لا غبار عليه عزيزتي

بس يعني الحريم اشبيسون بعد ما ترضع كوكش يهال صدرها يصير دلاغ طايح ماكو أنوثه

والكرش طايح ومترهل حتى لو حافظت على رشاقتها هالشين شر لابد منه

فا تعديل ما افسده الدهر مو غلط

احسن ما يشبب روحه بو العيال ويتزوج ..تضبط روحها حقه ولا ؟؟

أنا اللي ما يعجبني اللي تحتاج شفط وشد للكرش وتالي متحسره على ليترات الدهون اللي بتروح فاتروح تحطهم بالمؤخره !! تعدل وتهلق مناطق

والله يهدينا يا بنيتي

 

[SARA88]

اي معزه انا معاج صح



لاكن صارت مصاخه هالايام عيوني خشمي شفايفي اذوني والمؤخره


هذا اللي ما يدري شيسووي بروحه

والفراغ و ما يسوي ....

 

[كتوته توب]

بالعكس كلامك واسلوبك حلو

بس العمليات التجميله وضعت لضرورتها يعني للتشوهات مثل معالجه الحروق او ترهل اوتشوه بالجلد وما الى ذلك ماوضعت عشان حنا نخلق نفسنا بكيفنا ونغير ونشيل ونحط بشكلنا

 

[فـلـفـلـهـ]

بالعكس كلامك واسلوبك حلو

بس العمليات التجميله وضعت لضرورتها يعني للتشوهات مثل معالجه الحروق او ترهل اوتشوه بالجلد وما الى ذلك ماوضعت عشان حنا نخلق نفسنا بكيفنا ونغير ونشيل ونحط بشكلنا

آسفه ع المداخله

ولييييييييييييييش أعرض روحي للعمليات وللخطر عشاان زوجي ؟؟؟!!!!

عسي الله يخليني لعيالي وأربيهم .. مالهم أحد من بعدي ....

وىنا عندي قناعه يابنات يمكن انتوا تشوفونها غلللللط " الريال اللي يطلب من زوجته تسوي عمليه مايحبهاا "

وبس :eh_s(6):

 

[LuLiTa]

كلامج عدل,,
و انا اكثر شي استغرب من المرة اللي اتسوي عمليات تجميل و اتقووول ريلي يحب جذي و ريلي يبي جذي!!!!!
يعني لهالدرجة ما عندج ثقة بنفسج و تقعدين تلعبين بروحج عشاان ريلج !!!

تتفخ ويها و خدودها و ويبهتها و صووب عيونها و اتكبر اردافها و صدرها و اتقولج ريلي عاجبه و هذا المهم عندي !! و اسوي جذي عشاان ما يطالع احد غيري !! يا سلام !!!!

و العواار و التخدير و النزيف و التعب منو ياكله غيرج انتي ؟؟؟؟ يعني اذا صار فيج مضاعفات و انتي بالعملية بالله ريلج بشنو راح يفيدج ؟؟؟

 

[SARA88]

صح كلامكم ....

واذاعلى ريلي ..

دام انا مو عاجبته ليش خداني؟

اهو خذاني جذي ..

يستحملني على شكلي ...


ما اعرض نفسي واغضب ربي علشان ارضي غيري ... و الحب الحقيقي اهو اللي يدوم ... اذا كان يحبني لشخصي..

ام حب الشكل ينتهي بسرعه .. مو معقوله بضم على شكلي لي نهايه العمر .... مو معقوله كل شوي بشد و امد علشانه

 

[الجفول&]

ماقصرتي صراحه والدين النصيحه
الله يجزاج خير

 

[Mona Lisa]

جزاج الله خير وبميزان حسناتج

 

[SARA88]

ويييييييياكم انشالله

 

[مس دايموند]

يعطيج العافيه

 

[SARA88]

 

[سمو الشموخ]

السلام عليكم ورحمة الله وبركاته والله يا أختي كلامج فيه شيء من الصح وشيء من الخظأ، الصح أن ما نصير مثل الغراب اللي حاول يقلد الحمامة بمشيتها وماعرف يقلدها ولا نسى مشيته ولا عرف يرجع لها،يعني خفافة العقل وتقليد هالممثلات والفنانات والمذيعات والمطربات على شنو نقلدهم والعياذ بالله لاحشمة ولا أخلاق وقلة حياء وتبرج خرب العقول وأفسد الذوق العام والعقيدة وفتح علينا أبواب الشياطين على مصراعيها يعني صاروا العالم ياخون قروض علشان يقلدون المطربه الفلانيه والراقصه العلانيه ووكلها قروض ربويه يعني من حرام رايحه لحرام أكبر ولو شافوا المستشفيات والناس اللي تغسل كلى كل يوم وكل جم ساعه وموقادره على تكايف عمليه وتلاقين وراه وبرقبته عايلة أرواح بشرية ولا أم فقيرة تعابل طفلها والا طفلتها ومن مستشفى لي مستشفى ومولاقيه حتى مية فلس تشتري بطل ماي ولودها او لبنتها والله اللي قاعدين يقلدون المجرمات بصراحه واللي اسمهم فنانات والله مامدلوها حتى بظل هالماي وفلوسهم بس رايحه على ابواب الشياطين وتقليدهم وتناسوا ابواب الرحمه ورضى الرحمن عنهم وشوفوا من بعد الغزو العراقي وتذكروا التاريخ عدل صارت عندنا كوارث وأمراض وبلاوي وحوادث وموت مفاجيء وأرواح شباب بعز شبابهم قاعدة تنتهي تحت حديد اليارات بالحوادث والا سرطان الاطفال والا مرض الداون وغيره وغير وغير من متى كنا نعرف هالسوالف والجلطات والسكر والغرغرينا والضغط مو كبار أطفال وشباب وين أول الناس على الفطره والبركه ومن وين وين نسمع عن حالة وفاة لجوز أو شايب طاف الثمانين والتسعين وليش الحين صفحات الوفيات كلها مليانه اعمار صغيره ومتقاربه لأن مابقى فيه عندنا رضى ولا قناعه وكل ما عطانا ربنا بدال ما نشكره ونحمده على الخير والنعم صرنا نستهتر ونطلب هل من مزيد ويمدهم في طغيانهم يعمهون لاوحول ولاقوه الا بالله العلي العظيم. ورغم كل هذا لاتلومين الحريم قبل ماتلومين الرجاجيل اللي لهم القوامه على الحريم صج لاطاعة لمخلوق بمعصية خالق، بس شلون اذا الوحده مارضخت لطلبات زوجها حتى لو كانت جنونيه بهالايام صار ماعندهم لانخوه ولاغيره ولاخوف من الله بحريمهم ولا باعراضهم اسهل شي يطلق او يروح يخون ويلعب برا والمجال صار بحري على الاخر وبالديره بعد يعني الشغله مو محتاجه تعني وسفر وإذا الزوجه سوت عمليات عرضت روحها للخطر وإذا طنشت ياتطلقت وضاعن هي وعيالها بين المحاكم وكلام الناس والا ضاعت مع اللي نشوفهم كل يوم بخاله ضياع ولا حد يقول ماشفنا وما سمعنا ضاعوا بنات الحمابل والحريم من ورا أزواجهن وإذا اكلت هوا وصبرت ما تدري بأي لحظه زوجها ينقلها عدوه ومرض بداية من الاتهابات الى سيلان واخرته ايدز صح ولا انا غلطانه يعني بصراحه شتسوي الوحده بعمرها ولاتقولين أهل وما أهل محد بقدر يتحمل أحد الحين كلن يقول يالله نفسي والزمن صارت العيشه فيه سهله بالحرام وصعبه بالحلال يعني شوفي حبيبتي انتي عصبتي من موضوع عملية تجمبل فقط لمجرد اسمها تجميل فقط بدون تشوهات وما شابهه وبصراحة تحاملتي حيل على الحريم والبنات ونسيتي لاتوجهين الكلام للي هم قوامون على النساء صاروا مجرمين ومتوحشين بس ينهشون وللاسف اول نهشهم بلحمهم ويعرضون الامانات اللي باعناقهم للموت الا يدفونهم لخيارين ياموت ياضياع مع فلذات اكبادهم لشوارع والتشرد والزم ماعبهم غرايزهم الحيوانية وبس وين تروح الحرمه صارت مثل المستجير من الرمضاء الى النار ياتسوين عمليات وتصيرين مثب فلانه وعلانه ياطلاق والا زواج ثاني وحقرا وتنركن على الرف مع عيالها ولا كانهم عياله والا نشوف خياناته وبلع قهر وتسكت لما تموت من حرتها بمرض شين من القهر يعني بكل الاحوال هي الخسرانه لاتلومنيهن لومي اللي ربج عطاهم القوه والقوامه وما خافوا ربهم ولا حفظوا اماناتهم ولا صانوا نعم الله عليهم واخر الكلام لحد يقول ان كلامي غلط وترى بجد وكلنا عندنا عقول وعيون نشوف فيها وعارفين اللي قاعد يحصل هالايام ونشوف بعيونا وين مارحنا وجينا وعلشان ما اكون ظالمه اقولكم الشواذ بالقاعده بهالايام صاروا الاغلبية واللي على السراط هم شواذ القاعده الحين بهالزمن وهالايام يعني ربكم راحمنا للحين لان فيه جم واحد وصاروا ينعدون علة الاصابع بس اللي يقدرون الجمال الروحي والاخلاقي لزوجاتهم وصاينيين اعراضهم بس ما اقول غير الله يهدي الجميع يارب ويغفر لهم ويصلح شانهم وحالهم ولا يؤاخذنا بما عمل السفهاء منا.*

 

[HASB_83]

مشكوورة

يزاج الله خير على النصييحه

 

[الحنطاويه]

جزاااك الله خيراا

 

[ام القمرالمطيري]

السلام عليكم

حبيبتي كلامج ع راسي وكل صح

بس ياعمري انا سمعت رد للشيخ محمد العريفي يقول يجوز تجميل المرأه لزوجها حتى تحفظه وتحفظ بيتها وتكفه عن الاتيان بالسووء

ومو كل من تتفخ جيكره .. كاهي شيماء علي اشحلاتها قبل وتفخت بالعكس التفخ شوها

وهيفا طبيعيه حلوه بعد بس ماخلت شي وسوته بوجها بس شغلها ناعم ماهولت بنفسها

انا جسمي ضعيف وضعف وجهي ظالم ملامحي .. يعني عيون كبار مع وجه ضعيف .....

يعني لازم امتن واكرش واسوي زحمه بجسمي عشان تطلع لي خدود .. لا كلهم خديدات صغار مو خدود الي ببالي

فــ اضطريت اتفخ ..

فـــ لاتاخذونا طناازه وراعو شعورنا

غير جذي في بنات جد محتاجات تجميل .. الي خشمها طويل وعانت نفسيا منه شتسوي ..؟ تخش نفسها عن الناس ..؟ احنا بمجتمع نحكم ع الانسان من شكله ونطيح فيه حش بكل مكان وزمان

حتى لو انه طايح مريض نقعد ندقق عالكبيره والصغيره

غير جذي .. الفضائيات قطيعه اثرت ع عقوول الرياجيل

كل الي بالفضائيات طبيعات ..؟ كلهم تجميل

لكن الرجال اناني شيفهمه .. لي شاف وحده براطمها كبار ولا مؤخرتها كبيره استخف قال هذا الجمال

وماحمد ربه ع الطبيعيه الي عنده ..

المهم انا ذكرت كذا سبب .. وفي اسباب واجد

وكل وحده تختلف حاجتها للتجميل

وموفقه حبيبتي

 

[ام القمرالمطيري]

لأ حبيبتي الرجال ياخذ المره راضي فيها وعاجبته

ومافي رجال يتزوج الا يتزوج المره الي ع هواه .. بالشكل اكثر شي

لاننا قبل الزواج بالله شنعرف عن بعض غير الشكل .. ولا الطبع مايبان الا بعد العشره .. حتى لو الزواج جا عن حب ومعرفه .. الحقيقه كلها تبان بلعشره الزوجيه

لكن الرجال بطبعه يمل وعيونه زايغه .. والفضائيات تاثر ع عقولهم .. والفضائيات موجهه بشكل خاص للرجل الخليجي الي يقط فلوسه ع مصاخة الفضائيات

والمره الشاطره تحافظ ع بيتها باي طريقه وترضي زوجها

مو مسالة انعدام ثقه بنفس .. لكن حب وحرص

لاتقولون طيب هو ليش طيب ليش مايرضا بزوجته دام يحبها

الرجال اناني وخوان .. يحبها ايه .. بس بنفس الوقت عادي يخونها

يعني طبعهم عجيب غريب

ومشكوورين

 

[فـلـفـلـهـ]

لأ حبيبتي الرجال ياخذ المره راضي فيها وعاجبته

ومافي رجال يتزوج الا يتزوج المره الي ع هواه .. بالشكل اكثر شي

لاننا قبل الزواج بالله شنعرف عن بعض غير الشكل .. ولا الطبع مايبان الا بعد العشره .. حتى لو الزواج جا عن حب ومعرفه .. الحقيقه كلها تبان بلعشره الزوجيه

لكن الرجال بطبعه يمل وعيونه زايغه .. والفضائيات تاثر ع عقولهم .. والفضائيات موجهه بشكل خاص للرجل الخليجي الي يقط فلوسه ع مصاخة الفضائيات

والمره الشاطره تحافظ ع بيتها باي طريقه وترضي زوجها

مو مسالة انعدام ثقه بنفس .. لكن حب وحرص

لاتقولون طيب هو ليش طيب ليش مايرضا بزوجته دام يحبها

الرجال اناني وخوان .. يحبها ايه .. بس بنفس الوقت عادي يخونها

يعني طبعهم عجيب غريب

ومشكوورين

أختي ساره سامحيني ع المداخله حبيبة قلبوو

بس ودي أسأل سؤال لأختي أم القمر ...

هل اذا تفخت ونفخت زوجي ماراح يطالع غيري ؟؟؟؟؟

هل راح أصير حلووه بنظره ؟؟؟؟

وهل جمال الشكل يغلب جمال الروووح ؟؟؟؟

وهل الريال اللي يحب زوجته يرضي انها تدخل عمليات وبنج ؟؟؟؟

وهل الريال اللي يحب زوجته بيرضي انه زوجته تنكشف للدكتور فلان وعلان ؟؟؟



اذا كل وحده جاوبت علي الأسئله راح تكتشف بالنهايه انه الريال اللي يحب زوجته يشوفها ملكة جمال لو هي جيكره

والريال مايحب الحرمه المهزوزه .. يحبها قويه وواثقه من روحهااااااااااااا .. ودايما فهميه انه القناعه كنز وكل اللي

سووا عمليات ماعندهم قناعه ...

 

[لتين...]

بصراحه انا معك حبيبتي ..

العمليات لاتجوز الا اذا كانت اصلاح لعيب (تشوه ) اما اذا كانت لزيادة الحسن لا تجوز..

مثلآ انا سويت تحوير وسويت بعدها شد جسم .. وكان هالشي ضروري .. وسألت عنه مشايخ ثقات..

لكن تكبير مؤخره نفخ خدود تجميل انف (لزيادة الجمال وليس لعيب فيه ) تكبير صدر كلها مااااتجوز..​