كل شي عن حبيبتي البحرين

[الماسة السوداء]

هلا بالطش والرش وكل من شرف ..

حبيت اكتب موضوع متكامل عن البحرين وذلك لان في وايد عضوااات يسألون عن بعض المحلات ..او مطاعم او اي شي غير وساعات مايحصلووون الرد السريع الي يتمنونه

اتمنى اني اشمل جميع المواضيع واي وحده عندها فكره زياده تحب تضيفها اتمنى انها ماتبخل علينا

وسامحوني اذا في قصووور

نبدأ
بسم الله الرحمن الرحيم

اللغه والديانه:
اللغه العربيه هي اللغه الرسميه للمملكه الا ان اللغه الانجليزيه تستخدم في نقاط واسع في اغلب الاعمال التجاريه
والاسلام هو دين المملكه كما يوجد عندنا اماكن عباده لمعتنقي الديانات الاخرى
يعني عندنا حريه دينيه

المناخ:
حار في الصيف ومعتدل في الشتاء
من نوفمبر الى ابريل تكون الحراره بين 15 - 24 درجه مئويه
ومن يونيو الي سبتمبر 36 ومافوق احيانا توصل ال50 بس الارصاد ماتعلمنا علشان مايعطونا اجازه خخخ

العمله:
الدينار البحريني ويتالف من وحدات مقدارها 1000 فلس
يعني ال100 فلس تساوي ريال سعودي
والدولار الامريكي = 378 فلس

ساعات العمل:
الحكومه : من السبت الى الاربعاء 7ونص الى 2 ونص >>يابختهم
المؤسسات التجاريه : تختلف اوقات العمل بس اغلبهم من 8 صباحا الى 3 ونص او1 الظهر
ومن بعد الظهر الى 5 ونص
البنوك: من الاحد الي الخميس من 7ونص الى 12 ومن 3 ونص الى 5 ونص
اما في رمضان تختلف الموزييين وتقل ساعات العمل >>ياريت كل شهور السنه رمضاان

فتح خط البحرين: 00973

السفارات والقنصليات:
عموما تفتح من 8 الى 1 ظهرا من السبت الى الاربعاء وبعضهم يفتحون الخميس

الصيدليات على مدار 24 ساعه
*صيدليه جعفر (17291039)
*صيدليه ناصر (17740900)
*صيدليه اوال (17772023)

المستشفيات والعيادات:الاسعاف والحالات الطارئة(999)
مستشفى الارساليه الامريكيه (17253447)
سار الطبيه وعيادة الاسنان (17790025)
مستشفى البحرين التخصصي (17812000)
مستشفى اوال (17753333)
مستشفى ابن النفيس (17828282)
مستشفى السلمانيه (17288888)
مستشفى نور التخصصي (17260026)

مكاتب تاجير السيارات:يستلزم وجود رخصه دوليه للقياده في البحرين ماعدا المواطنين الزائرين من دول الخليج او امريكا ، كندا، الاتحاد الاوروبي ، استراليا ، نيوزيلاند ومافي موانع من قياده النساء
وتقدرون بسهوله تحصلون على مكاتب تاجير السيارات في المطار ومنها
*ايفيس (17531144)
*بدجيت (17534100)

شركات الشحن والتسليم السريع:منها
*ميمو اكسبرس (17232173)
*تي ان تي (17349199)


سيارات الاجرة :راديو ميتر تاكسي(17682999)
بحرين ليمو(17266266)

نبدأ بالجمال والترفيه

صالونات تجميل وسبا:بيوتي اند نايل صالون
تقنيه في فن الاظافر يعني يسوون لج شي مو عدل تقولي اظافر صناعيه (17717323)

بلسيما -نايل وبيوتي صالون
في مركز الشيراتون كل خدمات الصالون مع خدمات اطفال من سن 3 سنوات (17533005)

بودي لاين
خدمات متنوعه للتجميل منها حمام مغربي وصاله رياضيه مجهزه بكل الاجهزه وعندهم حمام سباحه
داخلي وملعب سكواش وعندهم دروس لتعليم الرقص الشرقي والباليه (17793932)

إلي اند جان
فندق موفنبيك عندهم مواهب حق صناعه الجمال
يعني شربي قهوتج وشوفي التغيير (17339122)

مركز لافونتين
في الحوره
السبا مالهم او المنتجع رووووووووعه ..عندهم حمام سباحه وخدمات متنوعه من مساج الى انقاص الوزن (17230123)

باينبل سبا
في العدليه خدماتهم راقيه وعندهم صاله رياضيه شامله جاكوزي وسونا
غير عن خدمات الصالون من تصفيف شعر وغيرها (17712000)

سبا رتز كارلتون
فندق ومنتجع رتزكارلتون
خدمااات على مستوي راقي والسبا مالهم روعه وشغلهم اروع واروع
من مساج الي الفيشل يعني حق استرخاء بعد يوم شاق متعب وتبين الراحه
اكيد الرتز يوفر لج هالشي ويختلف اسعار الفيشل من 30 دينار الي 62 دينار
المساج من 25 دينار الى 42 دينار (17586859)


للاطفال (وين تودونهم)

عالم فتون (مجمع البحرين) تذاكر الالعاب من 400 فلس الى 600 فلس
شاكازولو (مجمع الدانه) يتكون من طابقين لتسليه الاطفال
ارض المرح (الكورنيش بجانب النادي البحري) في تزحلق على الجليد وبولينغ
دولفين بارك (الكورنيش بجانب النادي البحري) عروض الدولفين مع كلب البحر والحوت الابيض
الحديقه المائيه (السلمانيه عند ديري كوين) فيها العاب وطيور وحيوانات في الاقفاص
ماجيك ايلاند ( مجمع السيف) العاب مختلفه ومتنوعه للعبار والصغار

(لاقامه وتنسيق الحفلات )
بلي دايز
لاقامه حفلات الاطفال الخاصه تشمل القاعه المتحركه ورسم الوجه وغيرها (39873948)

ممون الحفلات وتنسيقها
ينظم وينسق الحفلات مع دي جيه وتلون الوجه مع حناء وعروض سحريه وبالونات
وشخصيات وبهلوان وغيرها (39616462)
المطاعم والمقاهي

 

[الماسة السوداء]

مشاركة: كل شي عن حبيبتي البحرين

المطاعم العربيه

الفنار سوبركلاب
في فندق الدبلومات وعندهم عرض راقص عالمي مع اجواء عربيه اصيله (17531666)

الواحه
فندق الخليج افطار وغداء وعشاء بوفيه يمي يمي لذيذ اكلهم وااايد وكل يوم بوفيه شكل
مثلا يوم سي فود يوم بوفيه عالمي يوم صيني .. مع وجود قائمه طعام للعشاء (17726123)

زحله
فندق الخليج اكلات لبنانيه وفي الليل في اغاني ورقص شرقي (17726193)

الابراج
اكلاته لبنانيه الى عالميه فيه عده فروع منها
السهله (17590123)
مجمع العالي (17580707)

قهوة البنديره
في مجمع العالي (17582558)

المطاعم اللبنانيه
البردوني (فندق الريجنسي) موسيقى حيه (17227777)
طربوس اكسبرس (فندق ستي سنتر) (17229979)
العريشة (العدليه) (17725414)
الصواني بجانب النادي البحري(17297333)
فخر الدين في الجفير (17695949)

المطاعم الاسيويه

منسون ( العدليه)
احلى واشهى اطعمه الشرق في جو عجيب ممتع على الحديقه المائيه(17749222)

سيزر ( العدليه)
17716955)

المطاعم الصينيه

فولي (ام الحصم) وايد ناس تمدحه وتمدح اكله (17722199)
هونج كونج (ام الحصم) (17728700)
سويي (فندق الشيراتون) اطباق صينيه واسيويه في جو شرقي حلو (17533533)

المطاعم اليابانيه

ساتو (فندق الخليج)
ويقدم السوشي والشاشيمي وتاتامي وغيرها (17726162)

شوسي كو ( العدليه)
مطبخ ياباني رائع وباسعار معقوله (17716619)


المطاعم الفرنسيه

لافونتين
مطبخ متميز يقدم وجباته في اشكار رائعه (17230123)

فيرسيلس (الريجنسي)
اجمل واروع الاطباق مذاقا وشكلا واهو يعتبر اغلى مطعم في البحرين (17227777)


المطاعم العالميه

سيلكز (فندق موفنبيك)(17460000)
السفير (الشيراتون)(17533533)
ترادرفكس(الرتز كارلتون)(17589589)
اب ستيرز دون ستيرز (العدليه)(17713093)

المطاعم الايطاليه

موندو (الدبلومات) مستوى عالي من الضيافه والاطباق اللذيذه(17525210)
لا برجولا ( فندق الخليج) اطباق يمي يمي لذيذه مع انغام الموسيقى الايطاليه(17726186)
بريمفرا (الرتز كارلتون) (17580000)

مطاعم هنديه

لنترنس ( البديع) مكان جيد للعائلات ووايد ناس تمدحه(17591592)
كلي اوفن (العدليه)اربع طوابق لمتعه العائلات وغرف خاصه(17717101)
نبرفانا ( الرتز كارلتون) اشهى الاطباق من شمال الهند (17580000)

المطاعم التايلنديه

بلو اليفنت( السيف)
المكان روعه والمناظر خلابه بس الاكل مايمدحونه وايد (17583555)
هاش هوس (العدليه) يقدم الاطباق التايلنديه الاصيله (17715094)


المطاعم البحريه او السي فود

رويال تاي سي فود (فندق الخليج)(17717008)
سيفود ماركت (شذى تاور) (17533336)
لابرل (منتجع نوفوتيل)(17298008)
فيش ماركت(منتجع البندر)(17701201)

المطاعم الايرانيه

كولستان(الشيراتون) (17533533)
كل افشان(المنامه عند الكورنيش)(17537575)
اصفهاني(شارع المعارض)(17290027)
تخت جمشيد(فندق الخليج) (17713000)

المقاهي او الكوفي شوب
راح اكتب اشهرها واحسنها لانها تارسه الديره
اروما كافيه(السيف)
كافيه لافونتانا(العدليه)
كافيه ليلو(العدليه)
دار البارح كافيه(العدليه)
لاميزون كافيه(الزنج،مجمع الدانه،مجمع السيف)


الفنادق والمنتجعات

الفنادق 5 نجومالرتز كارلتون منطقه السيف وهو الوحيد الي له شاطى على مستويى البحرين مع وجود العاي مائيه ومنتجع للسيدات فقط(17580000)

شيراوتن البحرين وسط المنامه غرف واجنحه تطل على البحر والمدينه (17533533)

فندق الخليج بجانب العدليه يوجد طابقان لرجال الاعمال مع صالون خاص وصالات رياضيه وملاعب تنس وحمام سباحه كبير وركن للحلويات(17713000)

الدبلومات في المنطقه الدبلوماسيه (17531666)

الريجنسي وسط المنامه (17227777)

فنادق الاربع نجوم
اليت في الجفير (17827600)
منتجع حوار في جزر حوار كل الغرف تطل على البحر ويوجد ست سكي والغوص تحت الماء والصيد
(17849111)
نوفوتيل على الجسر الموصل بين المحرق والمنامه(17298008)
مركيور جراند في منطقه السيف (17584400)

شقق فاخره
اليت سويت في منطقه السيف (17558888)
اليت لاكجري ابارتمنت (17740760)
سهى بروبرتيز شقق فخمه مؤثثه بالكامل (17815999)
اجنحه السيف (17583388)

من الاماكن السياحيه عندنا بالبحرين

بيت القران واهو يعتبر مثل متحف للقران الكريم حيث موجود اصغر قران واشياء عجيبه غريبه
وتستحق المشاهده وهو موجود عند شارع المعارض

جزيره حوار وهذي الجزيره الي صار لنا سنين وبنين متنازعين عليها مع حبيبتنا قطر بس محكمه العدل الدوليه نسبتها لنا مع ان ساحت ويوه اخوانا في قطر بس هم ماقصرو عطوهم شي ثاني يسكتونهم فيه >>امون عليهم >>الحين باتكفخ

متحف البحرين الوطني وفيه ريحت اجدادنا ومواعينهم وحتى قبورهم
مع ادواتهم وغيرها الكثير ويفتح من السبت الى الجمعه من 8 الصبح الى 8 بالليل (17292977)

العرين وهو محميه للحيوانات البريه عندنا او مثل حديقه الحيوان بس الحيوانات ماتكون في اقفاص
ومن الحيوانات المها والجمال ونعام وغيرها

قلعه عراد قلعه تراثيه موجوده من الاف السنين موجوده في عراد


الحين انيي حق التسوق

المجمعات التجاريه

مجمع الشيراتون وهو مجمع تابع لفندق الشيراتون وفيه اخر صيحات الموضه من الملابس والاحذيه وكلها ماركات عالميه معروفه طبعا غير عن محلات الذهب والعطورات وفيه كوفي شوب بوسط المجمع

السيف وهو في منطقه السيف واشهر مجمع بالبحرين ومواجد فيه كل شي تقريبا
من ملابس واحذيه والكترونيات ومطاعم والعاب للاطفال وسينما وترفيه واكسسوارات وغيرها الكثير

مجمع العالي قريب من السيف ومعظم المحلات ماركات بس المكان كبير وهادئ بالنسبه للسيف مع وجود محل تسليه للاطفال مع مطاعم ومقاهي محلات ملابس واكسسوارات واحذيه وشنط
وموجود في المجمع محل اسمه بتيل وهو محل للتمر والرطب واهو من احسن المحلات الموجوده في البحرين الي تبيع التمر

مجمع البحرين وهو في القسم المقابل للسيف وفيه سوبر ماركت جيان مع محلات كثير ومطاعم ومحل تسليه للاطفال

مجمع الدانه قريب من مجمع البحرين وفيه سينما انا شخصيا اشوفها ارقى من سينما السيف واوسع واريح مع وجود كوفي شوبات ومحل لالعاب الاطفال غير قسم المطاعم

مارينا مول موجود في المنامه قريب من دوار اللولو
وفيه محلات مختلفه من محلات ملابس واحذيه واكسسوارات وملابس اطفال وهوم سنتر لاثاث البيت واكسسوارات البيت مع وجود مطاعم والعاب للاطفال

مجمع اللولو وهو قريب من المارينا مول وفيه ملابس واحذيه وشيلات وعبايات واكسسوارات واسعاره
معقوله وارخص من المجمعات الي ذكرتها

مجمع يتيم في سوق المنامه وفيه كل شي مما ذكر


الاسواق الشعبيه

سوق المحرق وفيه محلات متنوعه من الملابس والجلابيات الى الحلوى البحرينيه والرهش والمتاي
وصاير شارع طويل والمحلات على اليمين واليسار يعني تخلين السياره وتروحين تمشين
وفيه العبايات والشيلات وكل مايخطر على بالج

سوق المنامه نفس سوق المنامه كل شي تحصلين فيه ولو ان البضايع تختلف

سوق جد علي متوفر فيه كل شي من محلات ومطاعم وصالونات وغيرها

سوق الرفاع مثل سوق المحرق

شارع بو كواره هالشارع اهو سر الخلطه خخخخ كل زحمه هالشارع صبيانا الله يحفضهم كل واحد يسوي استعراض حق سيارته غير المقازز
بس في الشارع او نسيت اقول انه في الرفاع الشرقي المهم نرجع لمحور الحديث ..تلقين محلات جلابيات كلها شغل عدل واشياء كشخه غير محلات الحلويات والمطاعم ومحلات التلفونات وتغليف الهدايا ومحلات ملابس واحذيه يعني الي بيي البحرين لازم يمر هالشارع


بالنسبح حق المكياج
1. عايشه البلوشي
2. فاطمه شويطر
3. نوره الكعبي
4. عايشة الريس توها طالعه بس ناس يمدحون مكياجها
5. فردوس

هذي الي يحضروني الحين

بالنسبه للشعر انا انصح بوحيده في صالون رونف في الفسيله بلازا الي بستره
صبغاتها ولا قصات روعه والاحلى من كل هذا تسريحااااااااااتهاااااا تجنن شي عجيب وحلووووو

طبعا الصبغات عندكم فندق الريجنسي عند نهاد وايد ناس يروحون لها وشغلها مضبوووط



اتمنى اني اكون كفيت ووفيت وكله لعيونكم ياالحلوات

 

[شجووون]

مشاركة: كل شي عن حبيبتي البحرين

الله خوش شي شوقتيني بالبحرين مع اني توني الاسبوع اللي طاف كنت بالبحرين

 

[حور]

مشاركة: كل شي عن حبيبتي البحرين

يعطيج العافيه ، ومشكوره على الموضوع

 

[الماسة السوداء]

مشاركة: كل شي عن حبيبتي البحرين

شجووون تشتاقلج العافيه حبي
بس ولا يهمج انا يايتكم هالاثنين وباييب لكم ريحتها خخخخ

حور
الله يعافيج حبي ويسلمج

 

[إمرأة مثالية]

مشاركة: كل شي عن حبيبتي البحرين

رائــــــــــــــــــــع


يا الماسه السوداء

عاد آنا أحب البحرين وأهل البحرين وكل شهرين تقريبا أزورها

 

[الماسة السوداء]

مشاركة: كل شي عن حبيبتي البحرين

امراه مثاليه
حبتج العافيه حبيبتي تنورينا وتشرفينا باي وقت

 

[كل الغلا]

مشاركة: كل شي عن حبيبتي البحرين

هلا حبيبتي

انا زرت البحرين ... وهي حلوووووووووة على اهلها

بس تدرين ما عرفت احصل الجلابيات البحرينية الحلوة ..ياليت اتخبريني واتكون اسعارها حلوة وراقية بنفس الوقت ودمتي

 

[شجووون]

مشاركة: كل شي عن حبيبتي البحرين

حياج الله يالماسه بيتج ومكانج ان ما شالتج الديره بتشيلج عيون اهلها

 

[الماسة السوداء]

مشاركة: كل شي عن حبيبتي البحرين

كل الغلا
من ذوقج حبي
والجلابيات الراقية تحصلينها في الرفاع الشرقي في شارع بوكواره
الشارع كله جلابيات حلوة وشغل عدل

شجووون من كرمكم حبي وماتقصرين واذا جفتو سيارة بحرينيه مضيعه تراها احنا خخخخ

 

[أم الجوري]

مشاركة: كل شي عن حبيبتي البحرين

مشكوووره على المعلومات

جم نروح البحرين بس ما نعرف وين الاماكن الحلوه

يعطيج العافيه

 

[ياسميين]

مشاركة: كل شي عن حبيبتي البحرين

يعطيك العافية يالماسه البحرينيه
شكلي هالسنه عندكم

 

[طير الحب]

مشاركة: كل شي عن حبيبتي البحرين

يعطيج العافيه

 

[الماسة السوداء]

مشاركة: كل شي عن حبيبتي البحرين

ام الجوري
والحين تعرفين ويت تروحين.. يلا شرفينا بطلتج

ياسمين الكويت
تشرفينا حبيبتي حياج وان بغيتي شي مايردج الا لسانج

بطة
الله يعافيج يالغلا

 

[الكرملين]

مشاركة: كل شي عن حبيبتي البحرين

اموت بالبحرين تهبل وشعبها طيب

 

[under shadow]

مشاركة: كل شي عن حبيبتي البحرين

مشكوره حبيبتي وعساج على القوه

 

[الماسة السوداء]

مشاركة: كل شي عن حبيبتي البحرين

شاطره
تسلمين يالغاليه واحنا بعد نحب الي يحبنا

لوليتا
الله يقويج حبي..حاضرين لكم

 

[LATOFA]

مشاركة: كل شي عن حبيبتي البحرين

حبيبا\تي انا بغيت اسألج انا نص شهر 9 بروح البحرين وحجزنا بمنتجع اسمه البندر بنقعد سبوع طبعا بنيي بطياره يعني ابي اسالج عن تاجير السيارات انا لما ييت قبل ابوي اجر سياره ب 10 دنانير بحريني . حبيت اسأل في ارخص يعني ب 6 او 7 دنانير بحريني ؟؟؟

 

[ام علاوي وعزوز]

مشاركة: كل شي عن حبيبتي البحرين

يا زين البحرين واهلها

 

[bambena]

مشاركة: كل شي عن حبيبتي البحرين

مشكوووووووره ويعطيج العافيه