كل شهر ببنطر حمل وحده فيناااا يالله هجوووووووووم

[mrs.q8]

صباح الخير أمورات..
شلونكم اليوم..انشالله بخير يعل ما أسمع عنكم الا كل خير..

 

[Joody]

احنا بخير انتي اشلونج وشخبارج وين وصلتي بمشوار الحمل؟

 

[mrs.q8]

دووووم يا ربي مو يوم..
والله الحمدلله دورتي بدت تنتظم وهذا دليل ان هرمون الحليب نزل..وأمس رحت الطبيب عشان اسوي تحليل والنتيجة بعد اسبوعين..بنــــات ادعولي محتاجة دعائكم..
بس دكتورتي قالت لي ان يمكن ارتفاع الهرمون مأثر على المبايض يعني يسوي لها ضعف خفيف..
وانا حدي ضايق خلقي زوجي سوالي سالفة على السونار..انا بحكومي مو خاص والسونار كل يوم على دكتور وزوجي وتفكيره المتخلف يقولي ما أحب ريال يسويلج دام جذي نطري ورا السفر يعني بعد سفرة الصيف وانا ادخلج خاص...
ضايق خلقي .. أول مرة يصير تفكيره متعقد جذي وانا اللي شفقانة على البيبي وهو مو حاس

 

[Joody]

الله كريم انشالله لا يضيق خلقج انشالله قبل سفرة الصيف تكونين حامل روحي خاص احسن من الحكومه السونار ب 15 د.ك ما يكلف وبعدين شغل الخاص اضبط واحسن واريح لج من الحكومه

 

[برديـــس]

تصدقين انا قبل فيني ارتفاع بهرمون الحليب من سبب الافراز الزايد بالغده الدرقيه بس الحمدلله الحين تحاليلي عال العال

الله يعينج على ماينزل هالهرمون

 

[Joody]

الحمدلله على حال انشالله تحملون واحمل معاكم
اختي كان هرمون الحليب مرتفع عندها اللحين ماشالله عندها خمس يهال

 

[برديـــس]

انا الحمدلله راح وافتكيت منه

قمت اشرب بردقوش

اشتغلت عليه ليما راح الهرمون بكبره

انزين جودي (( تذكريني بجودي ابوت مالت باباي صاحب الظل الطويل ))

انتي من شنو تاخر حملج ياحبيبتي

 

[mrs.q8]

اي والله تأذيت شكثر بلعت حبوب ما نزل بسرعة..وتخيلو انا الحبوب تطيحني مرة وحدة يعني كل لايعة جبدي ..

انا ودي بخاص من زمان لكن الظروف حاليا ما تسمح..وشكلي نفس ما تقولين بسوي سونار بخاص ...

بس بنات انشالله اذا دشيت خاص اي دكتورة تنصحوني فيها..بصراحة انا قالولي ناس وايد عند ناهدة العلي وانا رحت لها مرة مع بنت اختي و

حبيتها وارتحت لها واااااااايد..بس مادري..انتو عند أي دكاترة تعالجون؟؟

 

[برديـــس]

mrs.q8
انا تعالجت من الغده وارتفاع الهرمون عند البروفيسور عصام اللي بمستشفى الجيش

اما الحمل فتوني مبلشه مع د. معصومه

بس نصيحتي لج اذا انت مرتاحه لناهده العلي روحي لها


انزين شسم الحبوب اللي تستخدمينها

 

[Joody]

انا الحمدلله تحاليلي وتحاليل ريلي سليمه ما فينا شي من الله التأخير ويمكن لاني ماكنت اتابع مع الدكتورة بانتظام لان ريلي ماكان محلل وكنت متوقعه المشكلة منه وهالشهر حلل وقمت اتابع مع الدكتورة وانشالله احمل هالشهر

 

[برديـــس]

انا الدكتوره قالتلي اذا هالشهر ماحملتي لازم ريلي يسوي تحليل الشهر هذا

والله يعيني على حنته

 

[mrs.q8]

اي والله مرتاحة لها حيل..ماشالله من قبل لا أشوفها بس دشيت عيادتها ارتحت..

اسم الحبوب اللي خذيتهم دستنكس..حبة صغييييييييييرة بس تسوي فيني بلاوي والدكتورة قالت لي حتى لو دورتج انتظمت ظلي بلعيهم لين تطلع نتيجة تحليل الهرمون..والله كريم..
أنتي مشكلتج بس ارتفاع الهرمون..؟ ولا شنو بالضبط؟

 

[برديـــس]

انا مشكلي كان ارتفاع بالغده الدرقيه واثر على هرمون الحليب

فارتفع

وحبوبي اسمها بارلوديل

وهم اذا اكلتهم تلوع جبدي وتسببلي دوخه

بس الحمدلله على كل حال وكل شي باجره ان شاء الله

 

[Joody]

انا قعدني سنه ونص على اعصابي انا حللت واهو لأ لين بينت له اني خلاص وصلت حدي ونفسيتي تعبت يالله حلل

 

[برديـــس]

انا اللي عندي لما الدكتوره قالتله ان ارحامي سليمه واني هالشهر عندي بويضتين من اروع مايكون وكل شي فيني سليم

طقه عقر بقر

وقالتله لازم تحلل يقولها انا شلون احلل ومادري شنو ليما اقنعته

ولما طلعنا قال ماراح احلل

بس شكله اذا هالشهر موحامل غصبن عليه يحلل



يارب اكون حامل وافتك من اللغوه

 

[Joody]

انشالله تكونين حامل انا تعبت معاه لين وافق يحلل لانه كان حاس ان المشكله منه وانا حللت قبله وطلع مافيني شي خاف اكثر وانا بيني وبينكم كنت حاسه ان المشكله منه بس الحمدلله طلع سليم

 

[mrs.q8]

الله يعوضج خير انشالله يارب ما مايمر هالشهر الا وانتي وجودي مبشرينا بخبر حملكم..عشان أشوووتكم برة حق قسم الحمل والولادة قولو آآآميـــــــــن..


والشوتة على احسابي ههههههههههههههههههههه

 

[mrs.q8]

اي انا بعد مادري شنو هالتفكير.. والله يبط جبدي..لين قتله خلاص انا بوقف علاج لين حظرتك تحلل والله ركب راسي بليس..
جان يحلل والحمدلله طلع سليم

 

[Joody]

وانتي معانا انشالله علشان نشيل قشنا ونروح قسم الحمل عاد اهناك ما نعرف احد اشلون احنا تعودنا على هالقسم والبنات

 

[برديـــس]

هههههههههههههههههههههههههههههههههههههه

ضحكتيني لما قلتي الشوته مني

يارب كلنا نفتك من هالقسم

بس تصدقون اني احس ان البنات كلهم خواتي

خصوصا لما كل وحده تدعي للثانيه

الله يرزقنا يارب ويرزق كل محرومه وخصوصا اللي بهالقسم