كل شهر ببنطر حمل وحده فيناااا يالله هجوووووووووم

[نجوم الثريا]

ربي لا تذرني فردا وانت خير الوارثين ..

ربي لا تذرني فردا وانت خير الوارثين ..

 

[حلمي الأمومة]

بنات الي حملوا قبل شنو اعراض الحمل لما يكون ببدايته قبل موعد الدورة ؟

 

[مناوووي]

صباااااح الخير


شلوووووووووووونكم


لكم وحشه


بشرووني عنكم

فيه وحده حملت؟؟؟؟؟؟

 

[نجوم الثريا]

اهليييييييييييييييين منااااوي وربي لج وحشه فاقدتج

شخبارج يالغلااا ...

انا حملت

ان شاءالله مايخلص هالشهر الفضيل الا ربي كاتب لنا الحمال يارب ويرزقناا من رزقه الذي وسع كل شي ..

 

[نكهةالبرتقال]

بعد عمري حلمي الأمومة ،،، ا ن شاالله حامل

يارب

سمعي من كثر المواضيع اللي أقراها كل شهر

يقولك إن أعراض الحمل

طبعا هذا كلام نظري بس قاريته ....


البول تتغير ريحته+ دورة راس + ألم أسفل البطن و بالظهر\\ هلا مناوي حبيبتي


أبيه أحس قاعدة أكتب و أنا حلمانة ،،، أدري الوقت متأخر بس مو يايني النوم

المهم بنوتات ،،، صارت فيني أعراض غريبة هالشهر ،،،، انا أراجع عشان التلقيح و سويت تحاليل يوم 2 من الدورة و تحليل ثاني يوم 21 من الدورة طبعا بأمر من الطبيب مع إن سويت هالتحاليل مليون مرة قبل و كله تطلع زينة و ما في ارتفاع خاصة بهرمون الحليب

و شكلة ريض لي الحين ما تقرر موعد التلقيح


المهم طلعت نتيجة التحليل: إن في ارتفاع بهرمون الحليب ،،، و الدكتور قالي أعيد التحليل الشهر الياي يوم 2 من الدورة
عشان يعرف هل فعلا في خلل دائم بالهرمون و لا طفرة صارت بس بالشهر هذا
و قال إذا لقى الهرمون مرتفع بتحليل الدورة الياية راح يعطيني علاج

بس استغربت من كلامه ،،، قالي إذا دورتك منتظمة ماله علاقة هرمون البرولاكتين ،،، ما يأخر الحمل

يأخر الحمل بس....... في حالات لخطبة الدورة

و انا و لله الحمد دورتي منتظمة

بس أنطر دورتي الياية ،،، يوم 2من الدورة أعيد التحليل و الله كريم

 

[هيبة ملك]

نكهة البرتقال

بلا الهرمون يأخر الحمل

لكن ليش ماعطاج الحبوب اللي تنشف الحليب وتباشيرين بعلاجج؟

المفروض ماخذتهم ويوم عشرين من دورتج تأخذين الأبر تحت الجلد

والدورة مالت تسعه تاخذين المنشط وتسوين السحب

أمممممممممممممم

أنا قال الدكتور هالكلام عشان موضوع الأنابيب لكن الدورة مانزلت من كثر ماحسب لها وانطرها


الله يرزقنا ياكريم

 

[حلمي الأمومة]

نكوهه ان شاء الله الله كرييييييم


المفرووض يعطيج علاج والله ما ادري عن هالدكاترة كل واحد له رأي

 

[chanel N22]

نكوهه انا دكتور باامريكا مرتين راجعت عنده والله العظيم
قال اهم تحليل 21 يوم من الدوره
لاتحاتين وان شاء الله بس طفره

 

[بطة رشيقة]

شخباااااااركم بناااات الله يفرح قلبنا ولا يخسر تعبنااااا ولا يحرمنا .. وان شالله باجر موعدى مع الدكتوووووره وان شالله خير ربى يوفقنى ولا يحرمنى وهيبه ملك حبيبتى ان شالله اكيد الثقه بالله كبيره وان شالله ربى ما يخيب ضنى وانا ضنى بربى كبير الله يفرح قلوووووبنا ..

حلمى الامووووومه حبيبتى والله ان شالله يارب يارب يارب تجربين احساس الحمل وان شالله قريب يارب .. على اعراض الحمل والله اختى تصدقين ان انا يوم تزوجت كان عرسى 15-9 وبس عااادى كل شى كان عادى وسافرت ورديت وداومت بالجااامعه بعدين البنات كانوا يسوولفون ان يعنى اعراض الحمل وما ادرى شنو وحزتها انا ماكنت احس بولالالالالالالالالالالالالالالالالالالالالالالالالالالاشى سبحان الله جان يصير فينى مثل فضوول واصلا كنت ما اعرف اذا الدوووره متاخره والا لا .. ومتى راح تينى يعنى ماكنت اعرف احسبها .. المهم رديت من الجامعه وكان هالوقت يوم

21/10/2006

وقبل رمضان بيوم من ذاك الوقت المهم رديت البيت وكنت شاريه تحليل الحمل سويته والا طلع لى خطين اذكر يووومها انى انصعقت وقعدت ابجى وقعدت ريلى من النوم اوريه التحليل تدوودهت ورحنا ححللنا دم بطيبه كلنيك وطلع حمل سبحان الله والله فرحتى ما كانت توصف بذاك اليوم لان صار شى بدون ما افكر فيه ولا احاتيه واصلا مشالله ماكان لى مجال انى افكر فى الحمل الحمدلله فرحتى كانت وايد كبيره وعموما النسااااه ما بدت الا يمكن عقب شهر ونص او شهرين فمو شرط انج تحسين بالبدايه باى اعراااض ..

الله يرزقنى ولا يحرمنى انا وياكم ان شالله كلنا ربى يطعمنا ويرزقنا باليوووم الفضيل هذا ربى يوفقنى ولا يحرمنى رربى لا تذرنى فردا وانت خير الواااارثين ..

امس دقت امى على وتقولى اليوم قبل الفطور دعيت لج من كل قلبى ان الله يرزقج جان اقعد ابجى ومسكينه ضااااق خلقها تقول ليش تبجين الحمدلله انتى عندج ولد والله يخليه لج وان شالله ربى بيرزقج بدون طبيب ولا عمليات قلت لها انا خايفه ومسكينه قامت تهدينى وكسرت خاااطرى والله يرزقنا ولا يحرمنا ربى يفرحنا ان شالله .. ​

 

[chanel N22]

ياحياتي يابطه عسى الله يرزقج من غير طبيب يارب العالمين ويرزق كل محرومه

 

[بطة رشيقة]

امين امين امين اتعبنى غروروى وانت وياى ان شالله والبنات كلهم

 

[نكهةالبرتقال]

حلمي الأمومة ،،،، الله كريم يا قلبي قااادر على كل شي ،،، حتى أنا استغربت ،،، جسمي يبيله مدة يتأقلم مع العلاج ،،،و قلتله شلون أسوي

التلقيح و الهرمون مرتفع ! قالي لا تحاتين ،،، ما يأثر إلا بفاصلة صفرصفرصفر واحد بالمية ، اهم شي الدورة منتظمة عندك


هيبة ملك ،،، صح هذي الطريقة الصح أنا كنت متوقعة جذي ،،، على فكرة ! وين تراجعين ؟ أنا أراجع بالصباح

بنطر الشهر الياي و أشوفه مرتفع و لا طبيعي ،،، بس صج هالشهر من قبل لا تنزل الدورة لي لحين و أنا أحس بعواار بصدري و منتفخ

خلينا معاهم لي النهاية و الله كريم،، و أنا بسوي التلقيح الصناعي مو الأنابيب ،،،

أتعبني ،،،، غريبة ، كلام الدكتور بأمريكا ! تدرين يمكن له وجه من الصحة ! لأن الجسم عبارة عن نظام ( سستم ) و كل هرمون متعلق

بالثاني و تحليل يوم 21 اهو تحليل هرمون التبويض ،، اذا كان هرمون التبويض زين يعني إن ما في مشاكل حتى لو ارتفعت الهرمونات الثانية

مادري و الله عن الدكاترة ،،، كل دكتور له راي


بطوطة ،،، حبيبتي ،،، و الله قصة حملك حلوة ، تدرين حبيبتي حاسة انك بتحملين قريب ان شاالله ،،، ترا وايد ناس يطولون عقب الحبوب

بعدين يحملون ،،، بعضعم ياخذون سنة او أكثر أو أقل و إذا حملتي ان شاالله ديري بالك تمنعين الحمل عقب ولادتك سواء بحبوب او لولب أو

أي شي لأن كل وسيلة منع حمل لها مخاطرها ،،، و آمن وسيلة يمكن إن يكون المنع من الزوج

و أما بالنسبة لأمك ،، الله يخليها لك و يفرحها بحمالك ،،، أنا كنت قبل أشتكي لأمي بس الحين صكيت هالباب نهائيا

مسكينة إذا ياتني الدورة يضيق خلقها أكثر مني و مابي أشيلها همومي ،،، تصدقين الدورة اللي توها ياتني في بيت أهلي و و أنا كنت بتفطر

عندهم نزلت قبل الأذان بشوي ،،، و بعد عمري أمي قعدت تواسيني و تصبرني و أنا أتظاهر بالقوة و عدم الاهتمام و الله يعلم باللي بقلبي

 

[مناوووي]

شلووووووووووووووووووووووووونكم

 

[حلمي الأمومة]

بطوطة حبيبتي الله يرزقج باقرب وقت ويفرح قلبج وقلب امج سبحان الله حلو الشي يجي غير متوقع احسة له طعم ثاني بس انتي هالفترة هدي اعصابج ولا تفكرييين وايد ويااااااااااااارب يارحيم يارحيم يارحيم انه يرزقج عاجلا غير اجلا ويفرح قلبج وكل البنات ويفرح قلبي انا بعد

 

[حلمي الأمومة]

استغفر الله العظيم الذي لا اله الا هو واتوب اليه >> كلام الشيخ خالد الجبير يقول استمروا على هالصيغة من الاستغفار وسترووون عجبااا


مشكلتي ماستمر وانسى الله يثبتني

 

[ضي]

السلااااااااام


شلونكم بنات ؟

عسى ربي يرزقنا ويفرررررح قلوبنا اللهم امييييييييييييين



بطـــــــــــه انا بغربه ونفس الشي امي تدق علي تقولي والله كل يوم ادعييييييلج لمن تقولي جذي غصبن علي بروحها دموعي تصير شلااااااال
وهم تقولي الحمدلله انه عندج ولد

بنات صارلي سنه ونص تقريبا ما يطووووووووووووووووووف شهر الا وانا شاريه تحليل حمل
وكله سلبي
صار حلم اشوف الخطين

واذكر بولدي هم جذي نفس بطه ما اعرف حق الدوره ولا ايام تبويض ولاااااااااا شي

بس اذكر كنت اسولف مع رفيجتي بالتلفون جان تقوللي شكثر باقي على دورتج؟ قلت لها 3 ايام قالت روحي اشتري تحليل ترى يبين
قلتلها معقوله !! قالت اي
رحت وشريته بدون محد يدري وحللت وطلع لي خط غامج والثاني فاااااااااااااتح ماااااا هز فيني شي (حسبالي مو حامل) وقطيت التحليل ولاااااهمني,,,

كلمتني رفيجتي وسالتني جان اقولها لاااا مو حامل طلع لي خط غامج والثاني فااااااااااتح ( حسبالي لازم الخطين غامجييييين) جان تقولي مبرووووووووك حامل قلت لها لااااااااااا طلع لي فاااااتح
المهم تدرون شسويت عشان استوعب دقيت على 3 صيدليات وسالت الدكاتره اذا خط غامج وفاتح شنو يعني وكان ردهم (حاااااامل)
والله حزتها حديييييييييي استانست

بس الحين اعرف للدوره واعرف شنو يعني تبويض واعرف للتحليل واتمنى لو اشوف خيااااااااال خط

الله كرييييييييييييم وبيرزقنا قريب ان شااااااااءالله

 

[ضي]

نكوهه انا دكتور باامريكا مرتين راجعت عنده والله العظيم
قال اهم تحليل 21 يوم من الدوره
لاتحاتين وان شاء الله بس طفره

وااااااااااااي لوعوا جبدي دكاترة اهني موعدهم عن سنه
مو نفس الكويت كل شي على كيفج

تخيلي 3 شهور عندهم اراجع ويسوون لي تحليل 21 بس ياربي ما فكروا يسوون لي سونار

مادري شلون واااااااااااااايد باردين

 

[chanel N22]

ضي انا نفس حالتج لا وقصه وتحقيق قبل كل شي لو نشله فيج يقعدون سنه يسألوج امبيه اهنيه اجراءات الاطباء بطيئه حيل حيل حيل
والله لو مرضنا مانروح الطبيب الا نادر منهم

لا وغالين حيل اذا بتابعين للحمل الله يعز الكويت يارب

 

[ضي]

من صجج اذا فيني كحه واللا نشله انسسسسسي اروح لهم الله يعافي الوول مارت

بس عشان الحمل غصبن علي وعلى حسابنا مو على التأمين وواييييييد غالي

 

[نجوم الثريا]

اتعبني وضي صج صج الله يعينكم الغربه صعبه ..

شخباركم بنات ..؟