كل زوجين حالتهم لوية برمضان ؟

[كويتيه مذهله 87]

انا عكسج لوووول
اول شي دوام نرد نصلي ونام نقعد حزه الصلاه المغرب نصلي ونتفطر ونقعد نجابل التلفزيون والمسلسلات لمن يصير الساعه 11 يروح النادي لمن يخلص يدق علي انزل نتسحر برا ونسهر لييين اتييني نومه بس انا انام بال 2 وهو يقعد يجابل ايفوونه يقعدني حق الصلاه وبس هذي حالتنا

 

[يا حبنـي له..}]

رد : كل زوجين حالتهم لوية برمضان ؟

نفس الحاله

 

[عيش و مرق]

انا ماشوفه لا قبل رمضان ولا بعد الحمدلله شويييييييخ ماكلتنه اكاااااااال

 

[( مي )]

مشكورين بنات
الظاهر رياييلنا يصومون حتى عن قعدة البيت لووووول

 

[حبـ admant ـك]

الحال من بعضه

 

[@الليدي لين@]

حتى انا مثل الحاله بس حزت الفطور

والسحور مو كل يوم بعد بعض المرات يتسحر بالدوانيه



قبل الفطور ,, يرد من الدوام وينام بعدين يقعد شوي وانا اكون لاهيه بالمطبخ


بعد الفطور ,,, نقعد شوي وبعدين صلاة لي التسع يمكن ,, وعقب يروح الدوانيه ,,

 

[ريماا]

رد : كل زوجين حالتهم لوية برمضان ؟

احب الجو الرمضاانى بس كلة عيالنا على راسنا اول اسهر معاة الحين عيالنا سهرانين معانا يبيلنا سفرة يومين نعوض رومسيتنا ههههه
وسوا رمضان او دوام نفس الشى كلة منشغلين اشوى عن بعض احسن عشان مانمل من بعض

 

[chanel N22]

صاجه والله لويه

 

[شواخي]

امبيه وانا قايله برد له الاسبوع الياي ان شاء الله بعد الاربعين ،،

امي تقول نطري للعيد بس كاشر خاطري بالبيت بروحه ،، هو يقول لي انا بزي ،، بس انا مو عارفه الحين

 

[كويتيه وافتخر]

رد : كل زوجين حالتهم لوية برمضان ؟

نفس الشيء

بس حلات رمضان جذيه طلعات

انا اطلع وهوا يطلع بس لازم فيه ساعه نلتقي قبل الفطور عند السحور جذيه

وكلها شهر نستحمل

 

[بشوشه]

قوة بنا







شلونكم
:eh_s(9):
سؤالي لكم لأي درجة تتغير قعداتكم وطلعاتكم وسهراتكم مع أزواجكم برمضان مقارنة بالايام العادية ؟
ولا الوضع مثل ما اهو بالنسبة لكم ؟؟

انا بالنسبة لي وايد يتغير الوضع ،، ايام الفطر نطلع مع بعض نروح نيي نسهر نقعد نسولف

بس كل رمضان يكون جدوله كالتالي

الصبح دوام
عقب الدوام نوم ومجابل تلفزيون وصلاة اهو لاهي وانا لاهية
عقب الفطور وصلاة العشا والتراويح ،، يالله اشوفه عالفير ايي من القهوةولا الدوانية يتسحر ويأذن الفير :flower:
وانا يابشقتي او بيت اهلي
باختصار يكون رمضان بالنسبة له المسيد ( الحمدالله ) القهوة والدوانية وكوت بوستة

وميو
بس تحط له الفطور والسحور :082502bye_prv:
لا قعدة لا سوالف لا سهر مع بعض

وكل مااسولف لوحده من خواتي او رفيجاتي يقولون نفس الشي برمضان رياييلهم كله بره والقعدة بينهم تخف
اي ليش @@

:eh_s(8):​

بالضبط بالضبط بالضبط
و اهم شي القهوه و الكوووووووووووووووووووووووووووووت
و يوصل البيت ساعه و ياذن

 

[( مي )]

وييييييييييييييه سكتووووا
عشتوا الريل مجابلني اليوم
اول مرة برمضان يكون هالحزة بالبيت لوووول
بس شنو ؟؟؟
الثلاثي الكوكباني سهرانين معانا الله يحفظهم من كل شر ويحفظ عيالكم
هههههه

 

[opera]

رد : كل زوجين حالتهم لوية برمضان ؟

بالعكس رمضان فرصه خصوصا انه الحياه تبدي بعد الفطور

يعني الصبح دوام الظهر انا بالمطبخ واهو يحوس يخلص مشاويره

عقب الفطورنتفرغ حق بعض

نطلع كافيهات (اموت عالكافيهات برمضان خصوصا عقب الفطور) او نتمشي مني مناك

والحلو بعد انه بالعشر الاواخر وليايل القدر نروح يمييع المسيد ونرد يمييع


جربو تصلون مع بعض ولا تقرون قران او اي شي فيه عباده ترا الروحانيااات حييييييييييييل تقرب .. مجربتها

 

[ديانا سبنسر]

كلنا نفس الحالة لانه برمضان ماكو وقت

 

[ام ناصر 2009]

رد : رد: كل زوجين حالتهم لوية برمضان ؟

حمدي ربج ماتشوفينه الا بالفطور والسحور انا ساعات يحوووس نتناجر ويمشي ..
والله جنه رمضان الشيياطين تتسلط عليه بس نجره وطناقر .. استغفر الله كرهنا بالصياام .. :/

:jumpon: نفسي والله الضبط تسلط علينا شياطين بس نتهاوش:eh_s(13):
يمكن عشان ما يدخن ومن يدخن يهدأ :cxxxp:

 

[Killer^Girl]

ماكو وقت
حتى لو قاعدين بالبيت مانشوف بعض لول

 

[& شرطان الذهب &]

نفس الحاله ياقلبي اخوان وحياتج؟؟؟؟؟؟؟؟