كل خدامه ولها حل .........حياكم........

[أغلى حبيبه]

بسم الله الرحمن الرحيم

اليوم عندي موضوع الخدم ومشاكلهم

كل وحده تقول مشكله خدامتها وان شاءالله نلاقي حل

واللي عندها مشكله ولقت الحل تكتبه عشان الكل يستفيد ان شاءالله

 

[lolly]

ماعمدي كل هالخدم بس بقترح مشاكل وحلول على حسب الجو العام
خدامة تطلع حجي البيت وفتينية ......... احكرها في البيت وما اطلعها الا طلعات معاي.
خدامه حرامية وتبوق ... ما اقط شي او اخلي شي برا غرفتي ويكون غالي ..واهددها بالشرطه واسوي تفتيش دوري باغراضها تدري والا ما تدري ..
خدامة تطق اليهال ... اوديها المكتب بسرعه او اخليها تأدب يومين بالمخفر بعدين مكتب او تسفير
خدامة عيونها زايغة وتطالع ريلي ... على طول برا البيت (مكتب او تسفير) او اني ازوجها السايق هههههه
خدامه وسخه وريحتها خايسة ...اشتري لها ما لذ وطاب من الصابون والشامبو وامنع عنها الدهون.. واخليها تسبح كل يوم واسوي تفتيش عالنظافه ..
خدامة ما تحترم معزبتها ... احقرها جم يوم وما اعطيعا معاشها ليما تسأل واذكرها اني معزبتها
خدامة غبية .. الله يعينج .. بتنعلين وقلبج يعورج وتشتغلين بدالها ..الحل .. شوفي شنو تحب .. فلوس او اكل او اي شي ثاني .. وسوي حركة الحصان اللي يحطون جدامه جزرة معلقه بخيط عشان يمشي بسرعه ..((طبعا هذي تشبيه مادري كنايه عن الطريقه))
خدامة تلبس خفيف ومفصخ .. خرعيها اذا تخاف من هاللبس .. اذا عوبة .. حطمي ثقتها وذكري لها عيوب جسمها الواضحه بسبب هالخفيف ..او اشتري لها ملابس وغصبيها تلبسهم بما انها تشتغل عندج.
خدامه ما تبي طباخ ... اشتري من المطعم او طبخي بنفسج وخليها تقطع البصل والطماط ومن هالسوالف ..
خدامة مستخفة .. اقري عليها اذا مسلمه ووديها شيخ
خدامه تسوي سحر .. يكافينا ويكافيكم شرها .. خليها بنفسها تسيل السحر وتفتحه .. او اتصلوا على شيخ واستفسروا شنو تسوون .. وعلى طول تسفير مع منع دخول الكويت .. بليز بنات لازم الختم
خدامة مريضة .. وديها الطبيب اذا مرضها مو معدي وعالجيها حتى لو بفلوس ..
خدامه كل شوي لها طلبات .. زيدي معاشها بدل 45 خليه 50 على شرط تفكك من الطلبات والحنه وكل شي عليها.


والله يعين كل من عندها خدامه ,, صراحه علل
وسلامتكم ..شكرا عالموضوع

 

[عشقي ضنيني]

والله ما تخلص مشاكل هالخدم
الله يعنيا على عوار الراس
حنا اللي ندور الغثا

 

[أغلى حبيبه]

ماشاءالله لولي ماخلت شي


اقولكم مشكله خدامتي

توها ماصارلها شي من وصولها
مشكلتها التكسيييير ماخلتلي شي بالبيت


انا قلت بخصم منها هالشهر يمكن تتادب

ولا عندكم حل ثاني

 

[MoSChinO]

أغلى حبيبة :

نفس خدامتنا قبل تبط الجبد عشرين صحن مككسرة وهمن في اشياء بالمكتب مكسرتهم ..

خصمي منها علشان تتأدب ،، وقولليها شوي شوي ..

 

[القرآن ربيع قلبي]

لا تخصمون عليهم ترى يحقدون ويسوون بلا وي زفيها وراقبيها واذا مو صاحية اقلعيها ولا تعورين قلبج ولا تنسون حديث الرسول صلى الله عليه وسلم بما معناه لما جاه واحد يشكي خادمه ويسال يطقه والا لا فقال سيد الاخلاق نبينا سامحه باليوم 70 مرة تخيلو منو يغلط 70 مرةشوفو سماحة الاسلام وتراهم فقارى واحتسبي الاجر لله ولكن اللعينة تبين من اول الاشهر وديها المكتب قبل لا تنتهي كفالتها

 

[دمعة فراقكـ]

مشكلة خدامتنا انها باااااااااااااااااااااارده ومسكينه طاااايره عيينها كانت مشتغله بالسعوديه بس منظقة بر يعني حييييييييل بدائيين وهالشي يرفع الضغط ساعات بس الحلو اللي فيها انها نظيفه وهذا الي مصبرني عليها اتهقون شنو الحل مع هالبرود ؟؟؟؟؟؟

 

[بتبوتااا]

ماعندي مشكله معينه بس ساعات يغثون بتصرفاتهم يعني تلاقينها يوم حليوه ويوم منفسه ويوم شزينها ويوم بووز

وعندي مشكله انها بالشهر تكلم اهلها مادري ليش بعد تدز لهم رسايل؟ ودي اقرى شنو بالرساله

 

[(ذلتهم عيوني)]

المشكلة انها تجذب وايد وانا متهاوشة معاها من رمضان ما اكلمها
لانها غاثتني صح لانها من قبل كانت مشتغله في بيت
امسوية روحها تعرف كل شي ما تبي احد يقول لها سوي جذي
عبالها خبرة وامي من اول ما دخلت بيتنا قايله لها هالبيت غير
البيت اللي كنتي فيه وعناد مو طبيعي ودفاشة تهز البيت بالمشي
والله بدون مبالغة خاصتا واهيه تصعد الدري واذا تبي تتكلم تصارخ
بصوت عالي والهوشة اللي صارت برمضان انا معاها بالمطبخ كنت انا
اللي ادخل اسوي الفطور يوميا امي كانت تعبانه شوي المهم لقافة
وتقول لا تسوين جذي وسوي جذي تتحكم وتتأمر مثلا انا واقفة اشوفها
لازقة فيني تبي تفتح الدرج اللي وراي ما تقول وخري شوي ولا شي
تقثني حدها صج سيلانية وكل ما اقول لها شي تقول ماما ما يقول ذبحتني
كنت ما ارد عليها ولا اكلمها اقول اتعوذ من ابليس مابي افطر عليها
وامي قالت لي قولي لها تغلي السمج لان مو باقي شي يأذن
حق الفطور قلت لها يلا غلي السمج جان تقول ماما ما يقول مابي اسوي
اهني خلاص عاد طفح الكيل حان اعصب عليها واقول لها شنو شنو
الحين انا قلت لج سويه الحين وانا كل ما اقول لج شي تقولين ماما ما يقول
مو ياهل انا عندج خلاص ما راح اكلمج مره ثانية كل ما اقول لج شي تقولين
ماما ما يقول وقبلها بعد الحلوة كنا نبي نروح الجمعية انا واختي نبي نشتري
اغراض ناقصتنا المهم قلت حق اختي قولي لها تسوي ملابس اوتي معاج
احنا عندنا اوتي بخار على ما تشغله ويصير حار جان تقول حق اختي ليش
تعطوني الملابس الحين ليش مو من زمان وتتحلطم جان اناديها واقول لها
مو على كيفج انتي اعطيج الحين اعطيج بعدين تسوين وانتي ساكته
ولازم عافسه الوي وكله الاخت نايمة تنام الساعة 8 وغير انها الصبح اول
ما نروح الدوام تنام والعصر تنام وتنام مبجر بعد ... وايد سوالفها تغث
هذي مشكلة الخدامة


الحين مشكلة امي وابوي الله يخليهم يارب

امدلعينها عالاخر وهالشي حده مضايقني
لي درجة ان اذا خلصنا الغدا يقولون لنا انتوا
شيلوا السفره على قوله امي ارحم ترحم
او مثلا رايحه شاريه اغراض من الجمعية ادق
البيت اقول حق امي قولي لها تنزل تشيل
الاغراض تقول انتي شيليهم يعني تنزل وتشيل لج
الاغراض ارحم ترحم واشكثر اتناجر مع امي
وسبه ارحم ترحم ومرات ابوي اللاقيه ينظف الصالة
او يشيل شي يوديه المطبخ اتنرفز او اذا نبي منها
شي ندق لها الجرس يقولون خلوها ترتاح يمكن نايمة
انا واختي نموت قهر خدامة مدلعة حدها لا شغل ولا
مشغله شسوي ابي حل بليييييز هذا انا ما اكلمها ولا شي
وامي تقول لي متى ما تكلمينها كلميها حرام عليج
احس اذا كلمتها راح اتهاوش معاها تسوي سوالف تبط
الجبد والله ادري طولتها عليكم :tomato2:​

 

[ملاك-77]

واالله سوالف الخدم ماتخلص

سالفه الشعر بالاكل وع كرهت طباخها والسبب شعرها

ماكو حل قلت لها غطي شعرج وقت الطباخ عشان لايطيح بالاكل

اول يوم يومين اوكي عقب لاني موظفه وماادري عنها وقت الطبخ

ماتلبس ونلقى الشعر او كبريت مرة..ز ادري لوعت جبدكم


وصايره تلبس ضيق وماتلبس اللي اشتريلها اياه وتروح تشتري

من البياع اللي يفتر بين البيوت قمصان وبنطلونات والمشكله ضيق

وازفها وتبدل بحزتها بس بعد يوم يومين اتفاجأ انها لابسه ضيق

ماكو فايده تعبت منها والمشكله انها عجوووووووز وتشبب عمرها

ههههههههههه واخر شي وعقب كل هذا تقول خلاص ماابي اشتغل

بسافر لاتجددون اقامتي ...ومن خبالي اترجاها تقعد وازيدها لاوهي ترفض

الله كريم مضطره اطلب قبل لاتسافر بشهرين عشان اللي تجي تعلمها على شغلي وطريقتي

مع ان اهلي يقولون غلط جذيه ممكن تقلبها عليج وتنحشها منج او تتنيحس وماتعلمها شي

مادري شالحل ...لو بتكلم عن الخدم ماراح اخلص

 

[بتبوتااا]

عدل كلام اهلج المفروض تذلفينها المكتب ليش تسرفينها خليها تروح حق ناس ثانين يعلمونها العين الحمرا

انا ادلع الخدام واعطيهم ويه وبعدين اتحسف وقمت الي ما ارتاح لها سيده اوديها المكتب وسويت جذي بوحده من الخدم وبعدين انحاشت من البيت الي كانت تشتغل فيه وتدق علي تبي ترجعلي بس ما ابيهاا عوووع

 

[كويتيات]

ذلتهم عيونــي شوفي مالج إلا حل واحد

احنا خدامتنا كانت جذي ما تاخذ الكلمه إلا من ماما واذا قلت لها شي ما تسويه كله تقول ماما ما يقول صج اتنرفز واحس اني ياهل و مالي كلمه بهالبيت حتى على خدامه

رحت كلمت امي وصارحتها ان هالشي حيل مضايقني وان الخدامه تشوف مالي كلمه وجني ياهل وكل ما قلتلها شي قالت ماما جان اقول حق امي واصر عليها انها تزفها جدامي وتفهمها ان انا نفس ماما واللي اقوله تسويه و من بعدها صرت امر وانهي وياويلها ياسواد ليلها ان ما نفذت

باختصار خلي امج تزفها زفه سنعه و تقول لها (ذلتهم عيوني)) سيم سيم ماما اهيا يقول سوي انتي سوي يقول جيبي انتي جيبي فاهمه ذلتهم عيوني سيم سيم مدام فااااااااااااهمه و بعد مره وحده تصكها طراق على ويها و تشل شلالها وتودونها المكتب لووووووول لا اتغشمر بس سوي الخطوه الاولى

والله بعدين تخاف منج وتحسب لج حساب

 

[كويتيات]

اووه سوري نسيت اشكرج يا اغلى حبيبه على الموضوع الحلو ..

 

[OmRashed]

مشاكل وبلاوي الخدم مانخلص منها
الله يفكنا من شرهم ان شالله .. وخوش موضوع
تشكرين عليه

 

[(ذلتهم عيوني)]

ذلتهم عيونــي شوفي مالج إلا حل واحد

احنا خدامتنا كانت جذي ما تاخذ الكلمه إلا من ماما واذا قلت لها شي ما تسويه كله تقول ماما ما يقول صج اتنرفز واحس اني ياهل و مالي كلمه بهالبيت حتى على خدامه

رحت كلمت امي وصارحتها ان هالشي حيل مضايقني وان الخدامه تشوف مالي كلمه وجني ياهل وكل ما قلتلها شي قالت ماما جان اقول حق امي واصر عليها انها تزفها جدامي وتفهمها ان انا نفس ماما واللي اقوله تسويه و من بعدها صرت امر وانهي وياويلها ياسواد ليلها ان ما نفذت

باختصار خلي امج تزفها زفه سنعه و تقول لها (ذلتهم عيوني)) سيم سيم ماما اهيا يقول سوي انتي سوي يقول جيبي انتي جيبي فاهمه ذلتهم عيوني سيم سيم مدام فااااااااااااهمه و بعد مره وحده تصكها طراق على ويها و تشل شلالها وتودونها المكتب لووووووول لا اتغشمر بس سوي الخطوه الاولى

والله بعدين تخاف منج وتحسب لج حساب

لوووووووووول الخطوة الثانية خطييييرة :dddds:
اوكي خوش فكرة شكلي بجربها مع ان اي شي تسويه غلط
اقول حق امي امي ترد عليي تقول لي انتي كلميها
لي متى يعني وانقهر واسكت ​

 

[برونزية رشيقة]

رفع

رفع


رفع

 

[حور الحلوة]

زين واذا ياتج خدامه طول بنتج الي عمرها 8 سنين شنو تسوين
ادري بتقولون ليش ما شفتي طولها شفته وعبالي طولي يوم يت والا اقصر زايدين طولها بالاوراق

والمصيبه ما تبين بين اعيالي والله ضايق خلقي وودي ابجي صار لها 3 ايام عندي شرايكم اوديها المكتب
لان انا دقيت على المكتب وقالوا لي بعد اسبوع توصل طلبات يديده
والله مو متحمله اشوفها يدامي اسبوع مادري ليش كارهتهااااااااااا
اول مره يصير وياي جذي مع خدامه عفيه عطوني الحل لان انا عندي يهال واحس ماتنفع
والاغراض مالت التنظيف على رف عالي واهي ما الطوله لاتقولون حطيلها كرسي لا مابي اعيالي يصعدون عليه بعدين

انطر اسبوع الطلبات واغيرها يعني واصبر 10 ايام على ما توصل الخدامه اليديده

ناطرتكم لا تنقعوني بلييييييييييييييييييييييز

 

[عيالي غناتي]

مشكلة خدااامتي سوالفها ماتخلص ..

تجيب لي اخبااار الناااس وتودي اخباري

ازفهاااا ماكو فايده

اقولها اذا احد اسأألج انا وين روح او ااي شي خاااص فيني قولي ((( ما ادري )))

بس مااااكو فااايده


والحمدالله سافرت


بس قعدت من غير خدااامه



واللي عندها خادمه لتنازل بليز تدز لي خاااااااااص

 

[الصابرة المحتسبة]

خوش موضوع ولي عودة بإذن الله

 

[مديرة بيتي]

خواتي العزيزات
عندي شغاله سيلانيه عمرها 33 سنه ومشتغله في الكويت 6سنوات والامارات وشغلها زين وعلمتها كيف النظافه في لبسها
وفرحت بملابسها كانها اول مره تشوف نفسها والله ماابغى اقطع رزقها لكن اخاف تروح واخسر فلوس الاستقدام

والله ماشفت منها شيء ولكن تقول انها بتسوي عمليه حق ولدها بعد 3 شهور من جيتها انا اللي حسبتها الايام وعرفت انها بعد 3 شهور
وتقول انها فقيره ومسكينه وعندها 5 عيال واللي لاحظته انها مامعها ملابس غير الساري حقها ومنشفه قديمه ولاهي جايبه

صور لعيالها ولا شيء انا اخاف انها بعد الثلاث الشهور تقول بسافر والمكتب يقول لا تعطونها الراتب الا بعد 5 شهور

من جيتها كلمتها قلت لها لو بتروحين قولي لي قبل 3الشهور ماعندي مشكله ماهو بعد 3 شهور قالت انا بسوي عمليه حق ولدي وبعدين تقول اسافر اجلس شهر وارجع على حسابي

راسي متعبني من التفكير
كيف اسوي فيها تكفون
هلب مي
اخليها ترسل رساله وكتابتهم كانها خرابيط هههه