كل تأخيرة فيها خيرة والحمدلله على كل حال

[banota_kuwaitya]

Second of june
مادري ليش كل ما عدلت الرقم ما يتعدل

 

[لذه السكر]

1-احسن ان ماقرب منج ويعطيه الف عافيه ماتدرين اي مرض اي عله راح اييبها لج وانتي متاكده ان يخربط
*- العيال مو عذر لخرابيطه .. لو قلتي عصبي يطلع مع ربعه لاهي بالشغل اوكي بس الخربطه مالها شغل وعجبني رد وحده من البنات اذا عبالج العيال يعدلونه ماراح يتعدل
وبعدين ريلج يدري انج تدرين شدعوه مايدري بس متطمن انج ساكته وراضيه فلا تحاولين تعدلينه هديه

مع كلي دلع وام خزامي اشتري صحتج الحياة بدونه ارحم

 

[قـــمـــرهم]

ام خزامى

انا ما اتكلم عن ابوي وابوووج

اصلا في رياجيل باعمارهم ويغازلون !!


والمطاوعه اللي يغازلون عادي هذول شكل بس


واحنا مانحكم ع الشكل ..



بس انا اللي اقصده لييييش اتعمممون ؟!!!

اقصد عن هالجيل

رياجيل هالوقت .. الشباب اللي ع قولتج عندهم

طفل والا طفلين


مستحيل زوجي يخون ولا اتخيل حتا 1٪ وتصرفاته
اكبر دليل ..


ماراح اقول لانه يحبني مافي شي مضمون بس الشخص

تحكمين عليه من تصرفاته وخوفه من ربه

 

[bride2011]

دام تحبينه اصبري

 

[Pippa]

لا حبيبتي اذا انت عندج كرامة مااالج قعده معاه

الحياة مو واااااقفه عليه ... الواحد يعيش مره وحده هذا قاعد ياذيج حتى شعرج طاح بسبته شنطاره !!! يصير فيج سرطان والا تموتين اسم الله عليج
هذا عووووي ومامنه فايده والافضل تتطلقين

ثقي بربج والله يرزقج باللي ابرك منه انت تستاهلين الخير ♥♥♥♥

 

[ورد r]

قوليله يا تعدل وضعك او كلن يروح بحال سبيله
واذا تبي نتم مع بعض السفر ما تروح بروحك وجوازك ابي يكون عندي مبديا لين اشوف انك تغيرت وكل علاقاتك وخرابيطك تقطعها وتلفوناتك تلغيها وتبيع اجهزك جدامي
وروحي وخليه ولا تكلمينه واحقريه
وانا يا قلبي مو قصدي ان ابي تنفصلين عنه بس شفت ان تقولين قطيت نغزات انه فاهمه وكلمته بهدوء وصارلج فتره طويله صابره
لكن الاخو ماخذ راحته ما شاف منج حزم وريه شوي العين الحمرا خليه يخاف ان تتركينه
صدقيني في رياييل ما يون الا جذي

 

[ورد r]

ونسيت اقولج اهم شي استخيري الله قبل اي قرار تاخذينه