كل ام عندها طفلين فأكثر تدخل(موضوع يفيد الجميع)

[om al ghaleen]

حببيتي التساهيل من الله ولاتقولين صعب علي تربيه اثنين لآنها بتصعب اكثر
وانتي حالتج ضروري اجازه آمومه لانه الخدم متسببين مايبون يهآل وما يتحملون

وبالنسبه لنومه اليهال شي طبيعي كل واحد بينام ع مزاجه لوول انا آتذكر وقت اللي عندي بيبات
انسى انام ويصير معاي ارهاق مو طبيعي والحين الحمدالله آنام وقت ماابي يعني هالفتره يبيلها شوي صبر
وان شاء الله تشوفينهمٌ عروٌسات وتشيل عيآلهم "

\\

 

[Coffee-Girl]

حياتي كلاااااااااااامج عسسسسسسسسسسل

حيييييييييييل اريح

ما قصرتي حبيبتي

 

[Coffee-Girl]

والله ياغمري انه كلامج كله عددددددل بس وين اللي يفهم ولدي متعلق فيني حييييييييييييييييييييل ومايحب ينام بعيد عني وريلي متعود علي اني اكون موجوده يمه ومايلهيني شي اهوه بروحه يقولي بس كافي هذا ... وانتي حامل تمصخرت باخذ راحتي معاج كله تعبانه ... ولمن ولدتي كله بجي ولويه ماجابلتيني ...حتى اذا كنت بسلم على اهله تحت واااااااااااااااااي مايخليني ينطرني عند الاصنصير وينادي يلا ويلا حتى فشلني والله يقولولي روحي روحي عطيه رضعته ... وحماتي تزفه تقوله خلها تتنفس بيبي انت لازم وياك شسوي... ومابي اكسر فيه لان تدرون بالريايل اذا نفر شاللي يرده....:eh_s(22): وهقه والله ...مادري شسوي... ابيه اهوه يقولي انا ابيج تحملين ودي ببيبي مو انا

ماكو الا انج تفتحين معاه الموضوع عن الحمل وصدقيني مع الايام بيحن ويقولج حملي

والله يرزقج حياتي

وموفقه

 

[جاذبية]

والله ياقلبي هاليومين قاعدين نتكلم فيه بس يتهرب ماوده.... ويقول مابيج تهمليني ... انا مستانس جذي كافي كليت تبن هالاول ... وكل ما اقنعه انه يخاوي ولده حرام بروحه يقول تو الناس ويغير الموضوع .. وانا مابي اييب واهوه مايبي.. وانتي تدرين ليش... لكن لمن اهوه اللي يبي غير راح يعطي من قلبه...

مادري والله احترت

 

[روان_الكويت]

صارت فيني توني والده والياهل قام يبجي يقعد اخوه الاكبر منه واقعد انومهم اثنينهم صارت يمكن خمس مرات قعدت اعدل نومهم واشوه سيطرت عالوضع
فعادي تعبي اول شي وحاولي تعدلين نومتهم وانشالله كل شي بيصير اوكي
هاذي الام مو الحنه تحت اقدامها

 

[جاذبية]

والابو شنو نسوي فيه .. وله لمن نهمله نقول بعدين مايحبنا ومايجابلنا ومادري شنو . واحنا الغلطه منا من الاساس لمن تركناه!!!!

ابي اوفق .. مابي اييب واقصر!!!!!

 

[الصعيريه]

رد : كل ام عندها طفلين فأكثر تدخل(موضوع يفيد الجميع)

الله يعينج خاصا إنج موظفه

انا عيالي 2 ورى بعض والحين حامل بالثالث بس اللي مريحني اني ربة منزل
يعني انا اقعد مع العيال والخدامه تنظف

وحلج الوحيد لما تداومين خلي الخدامه تقعد مع البنات ومآتنظف شي وعالعصر تنظف وإنتي قعدي معاهم
او
تنظف شغلهاا من بالليل والصبح مآيكون عندها شي

ونصيحه
دامج موظفه حطي كاميراا بشقتتج عالاقل إتابعين عيالج وتعرفين شيصير بغيابج

 

[cute-pink]

نفس حالتي بالضبط ونفس طريقه تفكيري

اول شي توكلي على الله وصدقيني لو هالسالفه صعبه كان ماحملنا مرة ومرتين وثلاثه صدقيني لمى تطلعين من ال40 يبقى على دوامج تقريبا 20 يوم بالهالعشرين يوم راح تضبطين وتنسقين وقت بناتج

اول شي نبدي بنومه الليل

- الكبيرة تنام بنفس مكانها ونفس وقتها
- الصغيرة تبدلين لها وتعطينها حليبها وتحطينها بالكرسي المتحرك بحيث لي بجت او قعدت هزيها وان شاء الله تنفع هالطريقه معاها

(الصبح)

تكونين مجهزة غرفه فيها حباسه وفيها ديفدي او رسيفر والعاب وتشيلين منها كل الااشياء الخطرة

-تطلعين الصغيرة قبل ماتقعد الكبيرة وتبدلين لها انتي او الخدامه وتجهزين مكانها تشترين حباسه بحيث تنام فيها والكبيرة ماتقدر تقرب لها
-لمى تقعد الكبيرة تبدلها الخدامه وتريقها وتدخلها الغرفه اللي فيها كل شي تحبه وانتي تروحين الدوام وتقولين للخدامه ماتشتغل ولاتسوي شي بس تجابل البنات

واذا جيتي عودي بناتج على نومه الظهر نامو وارتاحو والخدامه تنظف وسلامتج هذي طريقتي بحبيباتي

واستودعيهم ربهم صدقيني لو هي صعبه جان ماشفتي الحريم حملو وجابو الطفل الثالث والرابع

وبالنسبه لزوجج صدقيني راح تلقين وقت تقعدين معاه وتستانسون ولا بعد تطلعون وتسهرون مع بعض لي نامو البنات كل شي سهالات بس انتي تفائلي بالخير ولاتوسوسن والله يحفظهم لج ويرزقج باخوان لهم

 

[Coffee-Girl]

يعطيكم العافيه ما قصرتوا جميعا

 

[كبسة جلكسي]

حبيبتي متى حطيتيهم بغرفه بروحهم جم كان عمر الصغير

اخاف احطهم ولما تبجي الصغيره اتقعد الكبيره

واخاف همن من الكبيره انها تقعد اطق اختها

حبووبه حطيتهم بغرفه بروحهم وكاام عمر الصغير 3 شهوور بس والكبير سنه و5شهور تقريبا
بس او ماايقووم الصغير اقووم بسررعه وارضعه وانومه عشاان مايقووم اخووه
والكبير شار يه له السرير اللي من سنتر بوينت اللي في حواجز مايقدر ينزل منه
واخووه بعد نفس الشي


اللهي خليهم لش وتشوفينهم عرايس

 

[ام سلومd]

حبيبتي الله يسلمج قولوا ماشاء الله انا عيالي يبتهم ورا بعض لو الفجه بسيطه

بس بين الاولي و الثاني سنه الا يوم وبين بنتي و اخوها الثاني سنتين الا 5 اشهر وبين بنتي و الابنتي الحين الي يبتها سنتين و 3 اشهر


و عادي اول شي تاذين في اول واحد كان ولدي و لدي الثغير عندي بالدار فما بالج اثنينهم عندي بالدار بعدين سويت الدار حقهم و نومت اليهال

الصبيان ليمن يبت بنتي الثالثه هم نفس الشي يوم كملت 1 و شهر بدار يبت بنتي هذي عادي اهي تقعد بالليل حق الحليب و بعدين نووووووووومه لين ثاني يوم عادي بس الله يعينج على اول 4 اشهر ما تتعدل النومه الا بعد 4 اشهر يالله تكون نومته او نومتها عدله

 

[ام سلومd]

و على الخدامه انا اشتغل بنتي الصغيرة عند الخدامه تجابلها و على الباجي شي الروضة وشي بالحضانه علشان اليها عن اختها و لا تصير مذبحه عندي خخخخخخ

المهم بس من ارجع من الدوام اكون موصيتها اذا نامت الصغيرة تطبخ حق اليهال و لا اكون طابخه بس تصخين و توكلهم على ما ارجع و خلاص انا اجابلهم و اهي تكمل شغلها من تنظيف و شغل البيت


و الله يعينج انتي و يعينها بعد

 

[Coffee-Girl]

جلكسي

ام سلوى

ماقصرتواااااا حبايبي يعطيكم العافيه

 

[حوووووووووبي]

انا نفس مشكلتك الله يكون بعوني

 

[n-h-m]

up up up