كل المتن اللي فيج يروح بسهولة ( تجربة شخصية )

[دعاء الكروان]

مشكورة على المعلومة

 

[sha66ora]

بنات اللي جربو يقولون لنا نتايجهم

 

[amoni]

حبيبتي يعور ولا مايعور المهم فيه نتيجة أنتم كأنكم تسألون وحدة عن طريقة الولادة هاه تعور وشنو يسوولك النتيجة فيه بيبي حلو وااااااااااااااايد وبس اتكلي على ربك وهو المدبر واللي يصيرلك مكتوب الله كريم

 

[athora]

مبروك حبيبتي والفال لنا بس الحبوب حبوب شنو انا قمت اخاف من الحبوب الصينيه من يوم سمعت فيها دود ياكل اكلج

ويخليج تضعفين

 

[ii DareeN ii]

ممم المعهد الصيني ييم يم ماتسويلة دعاية وانا ادري انها زبونة عندهم واهي على فكرة ماتعرفني بس مرة اسولف ويا لولو الي ماسكة المعهد وسولفت وياها وقالت لي ان في وحدة تيي عندهم ومشاء الله ضعفت الا وهي الاخت يم يم وانا من قبل مشتركة ومن قبل سنين مادحينة لي ناس وصج ضعفو وماردو وانا نزلت خفيت عليهم بس صايرة ماتحمل الم المساجات الحين ولا جان رديت لهم


بس الي يسون دعاية مايعيشون عندنا بالقسم كلش والكل عارف احنا حريصين على وضع تجارب صجية مو دعاية لاني احس معاناة الي فيهم زيادة وزن

 

[رمانة حمرا]

بس حبيت اسال سؤال انا والده صارلي شهرين وعملية قيصرية اشلون ياثر ولا لأ

 

[عجينه]

لله يتمم عليج انشالله

 

[مهموومه]

ااول شي الف الف الف مبرووك
استمري
ثانيا صح بنات موشرط شي ينفع مع وحده راح ينفع مع الكل
انا سويت ميزيثيرب وابر وعمات عين ونادي وحبوب سيبوتيرم وسليماكس وزينيكال وشيتوكال وزين الاتات وجوجوبا وحبوب هندية وصينية وحبوب الشاي الاخضر وحبوب من لندن حمرا ومافاد معاي بس يمكن فاد مع غيري انا امووت عالاكل
واحب الطباخ والمطاعم ولاتشوفون ايدي اول ماقزيت الابر كل الي يطالعهم يتخرك من كثر مااهي زرقة مشوهه ومن كثر العوار ماقدر انام علا جنب وماستحمل احد يمسكهم حتر لمن احد يسلم علي ويحط ايده عليهم كنت اصرخ صرخه والي جدامي مسكينه تستغرب وانا كنت من الفشلة اقولها كهربتيني يعني خاشة عن الناس انا وشكلي
وقبل يومين رحت حق نادي المساج الي تكلمتي عنه صراحه شكله روعه عطتني شاي اخضر اجربها فضيعه احس تكرمون التخريج تنضم عندي وفشلتني قالتلي انتي زنودج مقاس كنج فملي((عايله كبيرة)) اول ماقالت جذي تحطمت واول ماشافت جسمي تخرعت قالتلي انتي جم بيبي في اول ماقتلها مومتزوجه كانت بتبجي من الصدمة0bee2e8d89:
بس قالتلي انتي اول كورس يبيلج شد يعني تضعفين 6كيلو تقوول بسماتدري انه انجاز وقالت الكورس الثاني شد وضعف والامانه حسيت انهم مايغشون لانه رفيجاتي كانو معاي قالت حق وحده اضعف مني انتي يبيلج 3كورسات بالاول كلنا استغربنا لانها ضعيفة بالنسبة لنا قالت هذي جسمها حيل ترهل يعني مونفسكم شحم بشحم
وماخليت ولااحد هناك من الزباين بنات كويتيات الي ويمدحونه حيل ويقولولي راح يفرق حيل جسمج عليج وحده هناك جسمها منحووت استقبلو الصدمة اول ماورتنا صورتها تخرعنا فيله والحين ملكان تحلف تقول بدون رجيم بس بهالمعهد والله يبنات استخفيت علا جسمهاا انا عرفت هالمعهد من خلال تجربتج وتشجعت ورحت وانشاءالله بس يكون عندي سيوله احجز كورسين عندها الجلسة ب10 مع شاي وحبة
ادري قرقتت عليكم بس تشجعت وكملي مدامج مرتاحه بهالمعهد
وبنات توكلو علا الله بصراحه المعهد حلو

 

[صمت الروح]

انا ودي اسوي بس اخاف تعور مالي خلق هههه

 

[سالفة قلب]

يم يم يعطيج العافيه حبيبتى وصج مشكوره وايد انج نقلتى تجربتج وفدتينا لاني بصراحه قاعده ادور معهد حق التخسيس والله يعطيج انشالله على قد نيتج حبيبتى وماعليج من حجي الناس

 

[سالفة قلب]

يم يم بغيت اسالج انا امسويه قيصريه عادي مساج البطن حقى ولا لأ

 

[F.A]

مشكورة

 

["ليان"]

مرحبا يابنات ......................انشاء الله كل الكويتيات يصيرون رشيقات وجميلات يارب...........
انا كنت متينه حييييييييييييييييييل وضعفت وبعدين عقب اربع سنوات رديت متنت بس مومثل اول............وفيني شحم في ظهري كتل .....ويفشلون ...........سؤالي حق اللي سوو مساج ....اللي كان فيها كتل بظهرها وسوته راحو بالمساج ولالا...يعني راح استفيد ولا مامنه فايده .............امانه ردو علي ......ترى تعقدت من ظهري يفشل

 

[ii DareeN ii]

والله المساج حلو حق الضهر يفيد

 

[dan]

الله مبروك على النيو لوك و بالتوفيق

 

[slk]

انا جربت مره وحده وما كررتها لانهم يقولون كله يرد وزياده وهذا شفته على رفيجتى فهونت غير الرحم الى ممكن يتاثر من كثره الضغط والله اعلم

 

[قهوة ايطالية]

والله حلوو

ع فكره التمسيج او تمسيح الي هو طب شعبي عندنا فالخليج في منهم يعالجون التكيس المبايض

يعني مشت عليج مساج هالصينين ونفع

ماشاء الله تبارك الله

مشكووور اختي

 

[احب الخير]

مشكورة اختي على نقل تجربتج لنا وان شاءالله الكل يستفيد<<<<<<<<< جزاج الله خير

وحبيت اسألج ممكن ادفع ابكل مرة اروح فيها قيمة الجلسة بدون ماادفع اشتراك كورس كامل لاني مالي حظ مع النوادي كل مااشترك لازم يطلعلي ظرف ومااستمر ويروح علي الاشتراك <<<<<<< فحبيت استفسر ممكن ادفع اول ابأول ؟؟؟؟


وشاكرتلج مجهودج الطيب

 

[Featured Lady]

خوش مساج

 

[نسألكم الدعاء]

ماشاء الله تبارك الرحمن

ربي يهنيج بجسمج و ان شاء الله للافضل

عندي استفسار

المساج مخصص للتخسيس ؟ يعني اسمه مساج صيني للتخسيس

ولا اهو المساج الصيني يضعف؟؟

لان انا بالبحرين

و شفت كذا محل عندهم مساج صيني بس مادري اذا نخصص للتخسيس ولا لاء

اتمنى تفيدوني